الفكر الواعي
11-07-2006, 08:07 AM
السلام عليكم ورحمة الله ....
جنة نوكف ورة حايط بيتهم بركن الشارع وجانت سدرتهم فيهة جبير ويلمنة كلنة , وجنت اسمعة يكول لبنة من يخابرة من لندن يكلة ابني ما اجي فدوة ما اجي بس اطلع منا اموت ... وجانت تاخذني لحظات صمت شنو اليطلع يموت وجنت اريد اكمز من ورة السياج واكلة ابو جعفر فدوة لتبقة هناهاي لندن ابو جعفر ... جان جبير ومريض ... ضغطو عليه يسافر ... قبل يسافر ... واني جنت اتابع اخبارة من بعيد ماطول فترة قصيرة صار جلطة وكالولي ابو جعفر بالفراش واني من اطلع لدوامي اباوع لحديقتهم واشوف كرسي الحديقة صار سكراب من هم السنين ورة اربع سنوات من صراعة مع الامراض توفى في لندن والتقيت بيه اثناء مراسيم الدفن عندما عاد الى العراق جثة ولم يرى من لندن سوى سنوات فراش الشلل الرباعي ... ثم تذكرت قصيدة احنة المساكين للمبدع (كاظم اسماعيل الكاطع ) وكل حرف من حروفها لبو جعفر .... رحمك الله يا ابا جعفر
منو بحالنة احنة المساكين
احنة المحد النة المدري منين...
منو يسأل علينة لمن نغيب
لو حتة الغياب يطول سنين ...
خلصنة عمرنة بالمحطات
سفر وبيوتنة اسطوح الفراكين ...
مرسومة بجلدنة ذيج الانياب
الجرح لو طاب هم يترك نياشين ...
وين اهلي علي مادكو الباب
ترة صحتي عليلة وكلبي مو زين...
من اهل الله بعدنة وناس طيبين
مكتوب بجناسينة غريبين ...
خسارتنة جبيرة وغشمة عسوك
بعنة عقولنة بسوك المجانين ...
من يستاهلج يادمعة العين
مسكين اليداين دمعة العين...
تمنيت الموت بغير تعذيب
وعلى المذبح يطعنة صارلة سنين...
فض الازدحام وقلة الناس
وماكدامنة بس واحد اثنين....
يوصلنة السرة ويتاجل الموت
يم ركابنة وتعمة السجاجين ....
تقبلو تحياتي ...
ألــــــــفكرألواعــــــــي
جنة نوكف ورة حايط بيتهم بركن الشارع وجانت سدرتهم فيهة جبير ويلمنة كلنة , وجنت اسمعة يكول لبنة من يخابرة من لندن يكلة ابني ما اجي فدوة ما اجي بس اطلع منا اموت ... وجانت تاخذني لحظات صمت شنو اليطلع يموت وجنت اريد اكمز من ورة السياج واكلة ابو جعفر فدوة لتبقة هناهاي لندن ابو جعفر ... جان جبير ومريض ... ضغطو عليه يسافر ... قبل يسافر ... واني جنت اتابع اخبارة من بعيد ماطول فترة قصيرة صار جلطة وكالولي ابو جعفر بالفراش واني من اطلع لدوامي اباوع لحديقتهم واشوف كرسي الحديقة صار سكراب من هم السنين ورة اربع سنوات من صراعة مع الامراض توفى في لندن والتقيت بيه اثناء مراسيم الدفن عندما عاد الى العراق جثة ولم يرى من لندن سوى سنوات فراش الشلل الرباعي ... ثم تذكرت قصيدة احنة المساكين للمبدع (كاظم اسماعيل الكاطع ) وكل حرف من حروفها لبو جعفر .... رحمك الله يا ابا جعفر
منو بحالنة احنة المساكين
احنة المحد النة المدري منين...
منو يسأل علينة لمن نغيب
لو حتة الغياب يطول سنين ...
خلصنة عمرنة بالمحطات
سفر وبيوتنة اسطوح الفراكين ...
مرسومة بجلدنة ذيج الانياب
الجرح لو طاب هم يترك نياشين ...
وين اهلي علي مادكو الباب
ترة صحتي عليلة وكلبي مو زين...
من اهل الله بعدنة وناس طيبين
مكتوب بجناسينة غريبين ...
خسارتنة جبيرة وغشمة عسوك
بعنة عقولنة بسوك المجانين ...
من يستاهلج يادمعة العين
مسكين اليداين دمعة العين...
تمنيت الموت بغير تعذيب
وعلى المذبح يطعنة صارلة سنين...
فض الازدحام وقلة الناس
وماكدامنة بس واحد اثنين....
يوصلنة السرة ويتاجل الموت
يم ركابنة وتعمة السجاجين ....
تقبلو تحياتي ...
ألــــــــفكرألواعــــــــي