الي جميع طلاب المامون سوال؟

[dark_lord]

اخواني اني طالب جديد بالكليه او اريد اعرف الكليه اكثر من ناحيه :


1:الحاله الامنيه للكليه
2:الدراسه شلونها
3:الشهاده الصادره بعده التخرج هل معترف بها
4:الزي هل هوه موحد ام ملون
5:الدوام شلونه



او اني اشكركم كلش يا اخواني و اخواتي

[mshmshon]

يا اهلا وسهلا بيك بالكلية الحالة الامنية شوية احسن من باقي الكليات وقريبة بس مشكلتها على الشارع يعني هم تخوف . الدراسة بالنسبة الي حاسبات خوش اساتذة يفهمون بس نسبة 90%على الطالب يعني مو مثل الاعدادية اكثرية على المدرس فلتنصدم لازم تقرا. معترف بيها بس خارج القطر لا حتى جامعة بغداد يمعود لازم تعادلها يالة مو فدمشكلة بس كليتنة معترف بيها من وزارة التعليم العالي .الزي تقريبا موحد يعني مو هواية الوان. الدوام زين يخلص 2 كحد اقصى
ارجو تكون معلوماتي فادتك.

[yasser83]

اي مثل ماكالت شمشون الكلية مالتنا زينة من قبل السقوط اني مداوم بيها الى هاي السنه بس كل الاقسام زسنة مو بس الحاسبات وشهادتها معترف بيها بس اريد اكلك شغلة وحدة احنا داخلين للكلية ونعرف ماكو تعيينات مو صحيح لأن جامعه بغداد مكاعد يتعينون انوبة احنا والوضع الامني انته تعرفه امان كلش بس كليتنا قريبة علينا والله اللي يستر باااي واهلا بيك بكليتنا

[mwm_x88]

شكرا جزيلا فتوني بهذي المشاركات لان اني طالب همينه جديد مثل اخويه dark همينه جديد ب الكليه و لح اداوم عن قريب و شكرا يا مشمشون و يا ياسر الماموني ..........