رد فعلك بصراحة

[barby_87]

اريد كل واحد من قسمنا من يدخل هنا يكلي شنو جان رد فعلة من انقبل بقسمنا بس الله عليكم احجو الصدك لان يوم الي انقبلت بي اني انكلب عزة بالبيت::38:: واهلي جانو فرحانين بي بس اني وبصراحة جبروني اداوم بس ورة مداومت شحدة الي يحجي على القسم كلش حبيتة اذا الناس الي بي::51:: واذا هو القسم نفسة::37::

[Designer]

والله اذا ماكو احد يردلج
فاني معماري رح
ارد

اختي ماكو قسم حلو وقسم محلو
هو صحيح انو القسم يقدر حسب المعدل هل الايام
بس اني اكلج شي
كل واحد يحب القسم الي بيه
يكوم يبدع بيه

واذا محبه
فهذي مصيبه ويبدي يتاذه وياذي روحه

القناعه كنزن لا يفني
وكافي عليكم تاخذون هويه نقابه مهندسين
وهذا اكبر فخر
طولتها بس اني هيجي
ما اختصر
اخوكم بشار

[Designer]

واذ على سالفة شنون اهلي تلقو قبولي بالمعماري
هع هع هع هع
والله اني جابولي مزيقه
وردح للصبح والله
ايام بغداد مشتاقلها
مشكوره خيتو رح ابجي

[ೋ ياقوتـــة دجــلة ೋ]

اني مو بقسمكم بالمواد بس هم رح اكولج

فرحت تلش هواااااااااايه لان جان عاجبني اسمة لان مااعرف جنت شنو هو فحبيت يطلعلي حتى اعرف شنو هو السنه هاي تخرجت وهم مااعرف شنو هو

[بغـــــداد لا تتألمـــــي]

اني من المعماري بس راح اجاوب..
لان اهل الانتاج ماكو..
بس اني اكول الانتاج خوش قسم..
وكل واحد وحظة وقسمتة..
وهو حالة حال بقية الاقسام..
واني اصدقائي هواية بالانتاج ومرتاحين..
شكرا على الموضوع.. وياريت نشوف تفاعل من الانتاج بدجلة..

[بســــــــ بغداد ـمـــــة]

هلو باربي
اني بالانتاج
اني اول ما كلولي انقبلتي انتاج ومعادن انصدمت::27:: ::22:: ::30:: وضليت ساكتةلان توقعت معدلي يطلع اكثر من هيج بس يعني بعدين من داومت شفت القسم حلو وحبيتة ::55::::51:: ::13::

[RIVEROFLOVE]

احلى شي مشاركة عاشقة تخرجت وما تدري شنو هو مبين مركزة حيل

اني بالمدني ومن انقبلت بي فرحتي كانت لا توصف
واهلي ضايجين لان يريدولي مجموعة طبية بس ما بينوا ضوجتهم
بصراحة اني ما صدكت اخلص هية مال طب (اتخبل من الدرخ)
وتقبلوا مروري

[حبيب المواد]

ولو اني مو بقسمكم ...
بس اني اول منقبلت بالمواد جنت ضايج ما ادري شنو مواد
بس من دخلت بي ماكو هيج حبيبته وصار بنظري هو احلى قسم بالجامعه

[حبيب المواد]

مشكوره اختي على الموضوع الحلو ..
زورينه بالمواد ....

[barby_87]

هلو مشكورين على المرور وكل اجوبتكم جانت حلوة بس احلى شي عاشقة ههههههههههه جني اني هم راح اصير مثلج

[تكنولوجي-انتاجي]

اني انتااااااااااااااجي للنخاااااااااع
عيني باربي اني من طلع قبولي انتاج ما انصدمت ذيج الصدمه ام البجي والنوح ولا حاولت الانتحار
بس عبالي يطلع غير قسم اقصد قسم اعلى بس اللي خلاني اقبل بالقسم هوه قبول صديقي ورفيقي بالاعداديه بنفس القسم وبنفس الشعبه وهاي احلى صدفه بحياتي ومن داومت اتخبلت لان الحياة الجامعيه كلللللللللللللللش حلوة وكلها ونسه وصار عندي اصدقاء من قسمناوعلى جميع المراحل من الرابع وانت نازله والاقسام الاخرى وعلى مستوى جميع المراحل والاجناس وصار عندي 4 كروبات والدليل انه اني قنعت بقسمي انه اني تركت قبولي المسائي اللي طلعلي قسم المدني بجامعتنا
وبنفس الوقت ركزت على دراستي من اول يوم والدليل طلعت الثالث على القسم
واني كنت في المرحله الاولى شعبة الالف صباحي صار عندي اصدقاء من المسائي وشعبه الباء وهسه انتضر الدام في المرحله الثانيه بفااااااااااااااااااارغ الصبر

[barby_87]

عيني تكنلوجي الله يخليلك ونستك واظل فرحان وهيج منطلق اني من طلعلي القسم مضجت لان القسم موزين بس ضضجت لان الي اعرفة انو الانتاج كلة ولد وخفت مالكي صديقات بس من دخلت للقسم وتعرفت على صديقاتي لا كلش حبيت القسم وهسة ماقبل واحد يحجي على القسم ابد

[sweetysara]

هلو ... اول ما انقبلت هم كلش ضجت وامي ضاجت اكثر ليش؟ لان ياهو الي نسأله على القسم يكول مال ولد وميفيد البنات وكله شغل خشن يحتاج قوة وكله شغل معادن ومصانع ... الخ
فما احجيلج شنو شعوري وفوكاها كالوا لي الطلاب كلهم ولد ماكو بس كم بنية .. المهم داومت وطلع لي العكس وصرت رابع ومضل شي انشاء الله واتخرج ..
المهم كلمن واختصاصه بس ترة الصناعية احلى شي ...
نشوفكم بخير انشاء الله بالدوام باي

[تكنولوجي-انتاجي]

عمي ليش احنا شبينا الولد والله العظيم احنا حبابين وما نضحك بصوت عالي ولا نخربط بالحجي ولا نبيع فيكات اصلا احنا ملائكه
اكلكم هذا الحجي مالتي صحيح بحاله وحده الا اذا قلبتوا المعنا
هههههههههههههههههههههههههههههههه

[barby_87]

سارة اني هم مثلج وخصوصا وجبتنا كومة بيها بنات والله يوفقج وتتخرجين ان شاء الله
وعيني تكنولجي الولد حبابين بس مترهم انو بنية تبقى ويا الولد اضوج لازم اكو وياها صديقات

[وغف الانتاج والمعادن]

اما اني هع هع فلما عرفت انه قسمي انتاج مهتميت لانه جان عبالي عندي واسطه بس بعدين انظربت بوري وكل اهلي كاموا يكولولي انت حتصنع قواطي من تتجرج ويضحكون بس بعدين من شفت اصدقائي هناك و خاصه واحد هنا بالمنتدى ويايه فرحت كلش اضافه الى انه اني حبيت حتى الدروس والدكاتره والله حتى الدكتور اللي ببالي هم احبه والله والله والله

[وردة الصناعية]

والله ياأخت باربي موضوعج كلش حلو وآسفة على التأخير بالرد بس اليوم يلة دخلت للمنتدى وأما عن رد فعلي فأول ماعرفت اني انقبلت أنتاج ومعادن حاولت وبشتى الطرق أحول حتى لوعلوم بس بعدين صارت قسمتي بالأنتاج وبصراحة بعد اسبوع من الدوام انقلبت حياتي وصرت أعشق الأنتاج وهسة آني صناعية وعرفت انه مستقبل تخصصي كلش مهم وحلو ويفيد البنات كلش

[barby_87]

هلو وغف والله اني هم اهلي ليهسة بس ينصبون علية خصوصا اخوية يكلي شصير لحامة من تتخرجين ههههههههههههه بس والله اني كمت احب القسم وحتى دراستة تعجبني كل الدروس حبيتها الا المواد يبووووووووووووووووو اموت منة معقدني بس نجحت بي دور اول هاهاهاها
مشكور على المرور وغف

[وغف الانتاج والمعادن]

ههههههههه اللحام اي والله حلوه المعامل بس انت كوليلهم اني يكفيني فخر اسمي مهندسه و حتصير عندي هويه من النقابه واحطها بجيبي لا العفو بجنطتي نسيت

[تكنولوجي-انتاجي]

رجاءاً لحد يحجي على علم المواد ولا على استاذنا العزيز مدرس الماده

الدليل انه اني سجاج بالمواد جبت جيد جداً واني بعدني ما مصدك

بس احلى شي يوم علم المواد الصبح كمت عود احل الاسئله مال السنوات السابقه ولا سؤال حليت وجنت كللللللش متفائل بوكتها بس الله سهلها علينا
ودمتم سالمين

[وغف الانتاج والمعادن]

ادري عيني تكنولوجي تره اذا انت تحب مدرس الماده تره اني اشك باسمك يمكن تكنولوجيه مو تكنولوجي
لان ابو المواد تره ...... لا لا اني شعليه اااااخ منك لساني بس اني رايي من راي باربي بالمواد واكلك اذا انت صدك نجر روح بالحديقه مال القسم وكول كدام الولد اني احب أ.ع.م

[تكنولوجي-انتاجي]

اسويها ومسويها قبل ما تكول

[barby_87]

اي اسكت وخليها شلون بوري على المواد هههههههههه كلنا نقرا بالاسئلة ونرجع ليورة بس همزين نجحت خلصت منة

[تكنولوجي-انتاجي]

زين والميكانيك شلونها جانت الاسئله وياكم
اني يالنسبه الي اسئله الميكانيك مال نص السنه لعبة بيا طوبه

[barby_87]

ههههههه اكلك وغف اني هم هي الحجة مالتي مال هوية نقابة بس المشكلة انو همة هم مهندسين ماكدر اكشخ عليهم ههههههه

[تكنولوجي-انتاجي]

والله اني بالنسبه اهم شي بالكليه بعد الدراسه والمستقبل الحفلات مال الاقسام بالتخرج والروحات للسائحة وصاج الريف
والله العظيم احلى تجمعات تصير بالكليه يم الحديقه مال القسم

[marwa]

اني بصراحة بالبداية هم انصدمت مثلكم بس بعدين حبيتة كللللللش

[وغف الانتاج والمعادن]

لا صدكباربي !!

زين لعد شلون؟ اوكفي خلي افكر ......

صيري مثل كاظم الساهر بمسلسله المسافر (اني باجر عكب باجر اتوظف ويصير عندي راتب ) ههههههه

[marwa]

يلة هي قسمة