شنو الحل برأيك؟؟؟؟؟

[مهند الحسني]

السلام عليكم

كلنة نعرف الوضع بالعراق وعايشيه ودنشوف الظروف شلونها واكيد كل واحد منه عده في باله فد حلول يشوف اذا اتحققت راح يتحسن وضع العراق تعالوا هنا خلي كل واحد يكتب شنو رايه وشنو الي لازم على الحكومة وعلى الشعب يسوه حتى يتحسن الظرف ويرجع العراق


وراح ابدي اني اول واحد

اني من رأي اكول لازم على الحكومة ان تسوي الخطوات التالية :-
1- حل جميع المليشيات بدون استثناء والمنظمات

2- غلق جميع الحدود ونشر قوة عسكرية عليها

3- تفضيل الحرس الوطني العراقي والشرطة العراقية على القوات الامريكية وهاي مهمة
زين شلون انفضل الحرس الوطني اني اكوللكم شلون ابسط شي نسوي لازم يكون للحرس الوطني شخصيته بالشارع مو مثل ما هسه يصير الحرس الوطني من يفوتون الامريكان يوكفون على صفحة لو يخلوهم في مقدمة المعسكرات مال الامريكان مثل كبش الفداء.

4 واذا تمت هاي الخطوات السابقة راح تجي الخطوة الاخيرة وهي المطالبة بأنسحاب القوات متعددة الجنسيات واولها القوات الامريكية والربرطانية

ها صدك نسيت الي على الشعب لازم شنو يسوي اهم شي النظام لازم يحترم وشوية يثقف نفسه وبس

وبالنهاية ارجوا تثبيت الموضوع علمود نشوف اكبر عدد من الاراء حتى نستفاد منها
وانريد ارئكم وردودكم

[motorola]

برأيي أن قبل كل هذا أن :
يخرج وبالتلفاز ويذاع على كل القنواة وأمام حشد من العراقيين ويقوم السياسيين والدينيين و المراجع والأئمة القادة العراقيين وهم يقفون واحد جنب الأخر و بدون ضغينة ويضعون أيديهم بايدي الأخر و يرفعونها ثم يتصافحون ويتعاهدون وعفا الله عما سلف وبصدق فليفعلوها من قلوبهم ولو لمرة واحد وبالكلمة الطيبة فالكلمة الطيبة صدقة فسترى كسر الفتنة وأتحدى الجميع ان لم يكن اليوم التالي هو اليوم الجديد حقاً بأيام العراق.. أليس هذا أسهل من كل شيء؟؟؟؟؟؟ . .. وبعدها نقوم بالي تفضلت بيه ..
شكراً وتقبل تحياتي

[مهند الحسني]

صحيح هذا اسهل ومشكور على المرور بس انت تعتقد اذا صار هيج اقتراح راح يوافقون لو لا ؟؟؟؟؟

[motorola]

ما أعتقد هذا الأقتراح يرفضه أي عاقل لأنه أسهل وسيلة للوصول لأي بيت هو الأعلام وبدل أستخدام الأعلام للتراشق بالأتهامات والكلام والتهاترات فخلي يستفادون منه كوسيلة للتقارب وعلى الأقل بقلب صافي هذي المرة .. الأعلام أخطر وسيلة للحرب و كذلك أسهل وسيلة للسلام .. لو كنت مكانهم كا هذا اول شي سويتة .

مشكور أخ مهند عالموضوع

[برشلوني بغداد]

احترم ارائكم اخوتي الكرام بس مو احرى بينا انه نشوف ليش صار هيج بينا؟؟؟؟ اختصر الموضوع واكول والقول لله سبحانه وتعالى بسم الله الرحمن الرحيم ( ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه )
( واذا سألك عبادي عني فأني قريب أجب دعوة الداع اذا دعان )
المشكلة هي مشكلة نسيان الله تعالى وتركه فلنرجع الى الله بأعمالنا وقلوبنا ونياتنا وحتشوفون والاقتراحات كلها بناءة وعين الصواب ... اريد رد على كلامي

[مروة العاني]

اخي برشلوني بغداد كلامك صحيح و احنة لو الكل يرجع لله تعالى ويصحح اخطائة ويتوب من الذنوب و يتحلى بأخلاق الاسلام بالتأكيد الله سبحانه راح يفرجهة علينة و لان هي القلوب بيد الله و يستطيع جعل العراقيين قلب واحد ويد واحدة و هو سبحانه لديه الحلول الي يعجز اي بشر عن ايجادهة
و شكرااااا اخي مهند الحسني على طرحك للموضوع و حلولك سليمة و صائبة و اتمنى العمل بيهة من قبل المسؤلين
بس احنة ما بيدينة الا الدعاء والرجوع لله تعالى

[RAMII]

تعبنة من اعطاء الحلول والاجوبة لل " ما هو ؟ كيف ذلك؟ ماذا نفعل؟ ما الوسيلة؟ ما الطريق؟

تعبنا وملينة بصراحة
الحل عند الله سبحانه وتعالى
شكرا