ابو نؤاس
09-02-2006, 05:39 PM
قصيدة رائعة للشاعر الكبير عادل محسن
الغريب و الغربه
ناديت انا من الغرب و محد سمع صوتي ............لا ابوي لا صحبتي لا امي لا اخوتي
بالغربه احس مختنك و ارد ابجي و اصرخ حيل .........و مرات احس روحي انتهت و كرب موتي
انا و جنطتي ارحلت و الدمعه بعيوني............ ......... .لا اخ المني جزع ولا اهلي ملوني
عفت الدلال ورحت للغربه نص الليل............ ... و دكيت باب الغرب و الما يعرفوني
درت الشوارع مشي و الحيرة باقدامي ............ ......... .و ظنتي بهذا المشي تحقق احلامي
شجابني للغرب و ليش تركت بيتي ............ ......... ..يا قيمتي عد هلي ويا سمعتي و صيتي
انا الجنت للظهر متهني بنومي ............ .........و احتار وكت العصر شالبس من هدومي
ناديت من الغرب و اتذكرت حالي ............ .شكد قيمه جانت الي و شكد جنت غالي
عبرت الحدود و رحت امسح بدمعاتي..........و عفت اهلي و دنيتي و ام بيتي و اطفالي
مو جني رايح سفر رحت ارجف من الخوف............و جني مشيت و بعد ما اعود للتالي
و هناك شفت الالم و الذله و الحيرة..........و حسيت بيت الاهل ما نرهم بغيرة
مدلل ابيتي جنت و يضحكن عيوني............ ..شبيه غريب اصبحت و من ديرة لديرة
راسلت مرة هلي و ردت انطي عنواني ............ .و بالغربه ابن من انا ويا بيت يرضالي
يا روحي من هم هلي و شكد رقم بيتي............ .و من اجي تعبان انا منهو التلكاني
وين انا بلمه هلي و اصحابي و اخواني......عايش عمر من عمر ما اظن يمر ثاني
الي يبتعد عن هله الناس ما تهابه............ ..و لو جاع و لا مرض من يحسب حسابه
العلى دارة ابتعد ما يلكه مقدارة........اه على ذله الغرب يا بويه يا يابه
خايف انا و ارتجف جن عايش بغابه ............ ...و اتمنى من الوطن بس شمه ترابه
صح البشر بالغرب تحجي و يفهموك............ ...تكعد تروح و تجي بس ما يقيموهن
انت مجرد شخص متغرب و رحال ............عفت اهلك و ديرتك و اتغربت للمال
لحظه بعد ما اضل بين الغرب شلي...........و اسلم على ما بقه من شبيتي احسلي
خزن بعيني الدمع يم الغرب ما ابجيت.........و ارد ابجي مثل الطفل يم باب بيت
اهلي
الغريب و الغربه
ناديت انا من الغرب و محد سمع صوتي ............لا ابوي لا صحبتي لا امي لا اخوتي
بالغربه احس مختنك و ارد ابجي و اصرخ حيل .........و مرات احس روحي انتهت و كرب موتي
انا و جنطتي ارحلت و الدمعه بعيوني............ ......... .لا اخ المني جزع ولا اهلي ملوني
عفت الدلال ورحت للغربه نص الليل............ ... و دكيت باب الغرب و الما يعرفوني
درت الشوارع مشي و الحيرة باقدامي ............ ......... .و ظنتي بهذا المشي تحقق احلامي
شجابني للغرب و ليش تركت بيتي ............ ......... ..يا قيمتي عد هلي ويا سمعتي و صيتي
انا الجنت للظهر متهني بنومي ............ .........و احتار وكت العصر شالبس من هدومي
ناديت من الغرب و اتذكرت حالي ............ .شكد قيمه جانت الي و شكد جنت غالي
عبرت الحدود و رحت امسح بدمعاتي..........و عفت اهلي و دنيتي و ام بيتي و اطفالي
مو جني رايح سفر رحت ارجف من الخوف............و جني مشيت و بعد ما اعود للتالي
و هناك شفت الالم و الذله و الحيرة..........و حسيت بيت الاهل ما نرهم بغيرة
مدلل ابيتي جنت و يضحكن عيوني............ ..شبيه غريب اصبحت و من ديرة لديرة
راسلت مرة هلي و ردت انطي عنواني ............ .و بالغربه ابن من انا ويا بيت يرضالي
يا روحي من هم هلي و شكد رقم بيتي............ .و من اجي تعبان انا منهو التلكاني
وين انا بلمه هلي و اصحابي و اخواني......عايش عمر من عمر ما اظن يمر ثاني
الي يبتعد عن هله الناس ما تهابه............ ..و لو جاع و لا مرض من يحسب حسابه
العلى دارة ابتعد ما يلكه مقدارة........اه على ذله الغرب يا بويه يا يابه
خايف انا و ارتجف جن عايش بغابه ............ ...و اتمنى من الوطن بس شمه ترابه
صح البشر بالغرب تحجي و يفهموك............ ...تكعد تروح و تجي بس ما يقيموهن
انت مجرد شخص متغرب و رحال ............عفت اهلك و ديرتك و اتغربت للمال
لحظه بعد ما اضل بين الغرب شلي...........و اسلم على ما بقه من شبيتي احسلي
خزن بعيني الدمع يم الغرب ما ابجيت.........و ارد ابجي مثل الطفل يم باب بيت
اهلي