في اي دوله متغربين انتم....!!!! [الأرشيف] - دجلة نت ::: ملتقى شباب العراق

قطر الندى

09-02-2006, 05:30 PM

سلملم ..........

شلونكم احبائي

الموضوع وبما فيه هو اعاده لموضوعي السابق

وهو كل واحد او وحده تدخل يكلونه هما وين موجودين

باى دوله

وكم سنه صار الهم

وليش اتغربتو شنو السبب

وليش اختارو هاي الدوله بالذات

!!!!!!!!!!!!!!!!!!!!!!!!!!!!!!!!!!!!!!!!!

يله انتظر ردودكم

bint Dijlh

09-02-2006, 07:32 PM

مراحب قطورة
صارلي 6 سنوات بألمانيا
وهي اختارتنا مااختاريتها بأرادتي
أشكرج يا وردة

The Promise

09-02-2006, 07:43 PM

اني متغرب بتشاد بالضبط يم الحدود الليبية اكو نخلة هي اني متغرب يمها
واغني صرت مثل اللي الة بالشام نخلة ................

الوووحش

09-02-2006, 08:39 PM

شكرا على الموضوع
تحياتي الوووحش

FluidMan

09-02-2006, 09:03 PM

اني متغرب بتشاد بالضبط يم الحدود الليبية اكو نخلة هي اني متغرب يمها
واغني صرت مثل اللي الة بالشام نخلة ................
احنة جيرانكم
بالضبط أني بيتنه بساحل العاج
والدنية عجاااااااج
والريحة عاجة
وروحي هم عاجة

بســ وطن ــمة

09-02-2006, 09:18 PM

الهند الشرقيه .......... أقصد الامارات

صارلي مددددددده طووووووووووييييييييييييييييييييييييييييييييييييييي يله بالنسبه الي بس مراح اكول كم سنه

لان اني احسب اليوم بسنه

شكرا قطوورة

البغدادي

09-02-2006, 09:56 PM

اني مغترب بعمان صارلي سنتين والسبب مو بكيفي بس لان العراقيين هواية محاس بذيج الغربة القوية

ورد جوووري

09-02-2006, 09:58 PM

بالامارات

صارلي ما اعرف شكد

شكرا قطوره

اميرة النهرين

09-03-2006, 09:36 PM

سلام

موضوع لطيف

اني بالامارات ومثل ما كال قبلي العضو العزيز اليوم عليه بسنه
لان الوطن بغلاة الروح واكثر والله سبحانه الي يعلم بمعاناتي لعراقي الغالي

تحياتي

كشكول العراقي

09-03-2006, 10:35 PM

اني متغرب بتشاد بالضبط يم الحدود الليبية اكو نخلة هي اني متغرب يمها
واغني صرت مثل اللي الة بالشام نخلة ................

الثمر للغير وانه النوح اليه

الثمر لبومس و الفصم لفلود ساحل العاج يحبون عصير الفصم .........:p

FluidMan

09-03-2006, 10:39 PM

الثمر للغير وانه النوح اليه

الثمر لبومس و الفصم لفلود ساحل العاج يحبون عصير الفصم .........:p
اكول ذيج المرة من اجيت للجامعة كل ساع تذبلي بسمار على عصير الفصم:mad:
اثاري متأثرلك بوحده من ساحل العاج :p

INVISIBLE

09-03-2006, 10:54 PM

والله اني مغتلاب جديد على الشغلة لو مكملها بعد ماروح بغداد وابقى بالامارات لو ارجع لبغداد وحسب الظروف بس حالياً بالامارات

Mus6afa

09-04-2006, 08:20 AM

اني ممتغرب بس انشاء الله ترجعوون

INVISIBLE

09-04-2006, 02:12 PM

شكراً قناص

زيـنـبـيــة

09-06-2006, 09:17 AM

انا بالامارات
صارلي 23 سنه
طبعا اهلي اختاروها مو انا
و الحمدلله على اختيارهم

حلوة كربلاء

09-06-2006, 10:44 PM

موضوع حلو وخلونة نتواصل وننسى الغربة

INVISIBLE

09-06-2006, 10:59 PM

الله كريم ان شاء الله ننساها ولو اليوم خابرت صديقي بغداد كالي لك ميثم يمكن ماكو احد بغداد يكلي افتر بالكرادة فارغة مو مثل قبل الظاهر حتى اهل بغداد متغربين صاروا يالله تكضي ان شاء الله

قطر الندى

09-07-2006, 02:55 AM

يا رب نرجع وترجعون بالف سلامه للعراااااااااااااااااااااااااااااااااااااااااااااا اااااااااااااااق

ترابه غالي يا فوفو

كنت بالقرب من؟؟

09-07-2006, 03:10 PM

hi me lv in lebanon
6 year
i love leb

ساسوكي شايل سيفه

09-08-2006, 07:19 PM

والله اني حاليا في عمان بس مشكلتي كل شهر بدوله ليش ماعرف بس طلعت روحي شوكت يرجع العراق مثل قبل شوكت

حنين_مغتربة

09-09-2006, 07:53 PM

أشوف إنو معظم المغتربين منكم..في دول عربية.. على الأقل تسمعون أحد يحجي عربي.. ومرات تسمعون صوت الأذان
بس أكيد تبقى غربة مؤلمة.. الله يساعدكم ويعين كل مغترب

أنا بعيدة حيل.. بكندا.. صارلي 9 سنوات.. وأهلي أختاروا كندا لأن بلد تقبل مهاجرين وتنطي جنسية ولأن الدراسة زينة هنا
بس شوق الوطن يبقى والحنين للوطن من كل مسامة يتغلغل
وأتمنى أشوف بغداد لو أشم ريحة تراب الوطن وأشوف أهله الطيبين

إن كنتَ تسألُ عن الجروح.. فاسأل متألمٌ مجروح
سأحيا بعيدةً يا عراقي.. لكن كما يحيى جسد البشر دون روح
حنين الوائلي

The Promise

09-10-2006, 07:55 PM

وينهم جماعة امريكا ............................ اشو اختفوا http://smilies.sofrayt.com/fsc/sunglasses2.gif

جماعتنا دائما منورين ..................................... http://smilies.sofrayt.com/fsc/thumbs-up.gif

INVISIBLE

09-10-2006, 11:19 PM

إن كنتَ تسألُ عن الجروح.. فاسأل متألمٌ مجروح

حلو عاشت ايدج

Civilian

09-11-2006, 01:08 AM

هلو قطر الندى , والله اني بعمّان مصارلي هواية اقل من شهر بس بصراحة ما احس نفسي مغترب فد مرة لأن عمّان مليانه عراقيين ووين ما تروحين بعمّان تلكين وجوه العراقيين المنورة ونفسهم الطيبة

قطر الندى

09-11-2006, 10:02 PM

قطر الندى

09-11-2006, 10:03 PM

ميت هلا بكل غريب من موطني الحبيب................

The Promise

09-11-2006, 11:52 PM

والله مشغال برموس::27:: ::27:: ::27::

اني هم جان عندي مشغال ضجت منة حولتة تكسي بالعداد ............!!!::26::

النورس المغترب2006

09-12-2006, 02:17 PM

متغرب في الامارات وصارلي بالضبط ست سنوات
طالب جامعي
يسألوني ليش متغرب الجواب هوة :: راجعين الك يا عراق قريباااا

النورس المغترب2006

09-12-2006, 02:21 PM

ٍسبحان الي جمعنا هنا
متى راجعلك يا عراق واشم هواك واضمك ي عراق بصدري

قطر الندى

09-15-2006, 08:25 PM

مشاااااااااغل ههههههههههه برموس شكد دقق يبووووووووي

نورس الفرج قريب والعوده اقرب بس كول يا الله

ساسوكي شايل سيفه

09-15-2006, 08:42 PM

انشاء الله راجعين حتى لو زحف راجعين انشاء الله

The Promise

09-16-2006, 12:07 AM

مشاااااااااغل ههههههههههه برموس شكد دقق يبووووووووي

نورس الفرج قريب والعوده اقرب بس كول يا الله

ياللة هاي هم حلتها الكم بعد شتردون ::55::

اتدللوا بس كولوا اي مشكلة تنحل بسطر واحد مو اكثر ::52:: ::14::

قطر الندى

09-16-2006, 01:29 AM

ههههههههههههههههههههههههه

ادري غير نخفف شوي من المعاناة والله الغربه موت

برموس هسه احجي الصدك ما بدك تزور العراق ؟؟؟

النورس المغترب2006

09-16-2006, 02:43 AM

صارلي ست سنوات بالامارات
ومثل ما كالت اختي بنت دجله الغربة هية اختارتني
حلمي يتحسن العراق ويصر مثل الاول
وكل العراقيين هذا حلمهم واتمنى حلمي يتحقق

اخوكم النورس المغترب

miss_babylon

09-16-2006, 04:55 PM

The Promise

09-16-2006, 08:51 PM

ههههههههههههههههههههههههه

ادري غير نخفف شوي من المعاناة والله الغربه موت

برموس هسه احجي الصدك ما بدك تزور العراق ؟؟؟
لا واللة ...........................................::55::

قطر الندى

09-20-2006, 10:05 PM

هههههههههههههههههههههههههه

نعيش ونشوف اخاف انته اول واحد تصعد بالطياره برموووووووووووووووووس

مــــــــــــــــــــــــــــــــــــــو

ೋ ياقوتـــة دجــلة ೋ

09-21-2006, 10:11 AM

صباح الخير.......

احنا بدولة تركيا صار شهرين يمكن؟؟؟؟؟؟بس استقرينا هنا

هاي الدولة بيها كل اقربائنا ومعارفنا لان اصلنا بس ابوية وامي اختارو العراق لان انولدو بيه اما اجدادنا كلهم اتراك

بس اني عراقية وابقى عراقية ومااغير جنسيتي.......

ساسوكي شايل سيفه

09-21-2006, 11:15 AM

اني صارلي 17 سنه متغربه .....اخ شكد طويله اكثر منكم كلكم

بس وية متغربه ؟؟؟

اكيد بالعراق
ـــــــــــــــــــــــــــــــــــــــــ

بس اريد احجي بصراحة

انتو كلكم جذابين تكولون نريد نرجع ومن هذا الحجي و عمركم ما راح ترجعون صدكوني

و اذا صار و رجعتو فراح ترجعون لمن يتحسن وضع العراق (( طبعا بالمشمش))

و بالحاله شنو الي استفادينه منكم؟؟ (( يعني مراح تقدمون شي للعراق ))

تحياتي
عندي تعليق صغير شون ارجع اكو جماعات مسلحه متريد الخير الى العراق اني جنت اشتغل في احد دوائر الدوله وجنت اشغل منصب كلش زين مو بواسطه بس بجهودي والله جنت احسن واحد بيهم في ربط شبكات الدوليه بس هددوني وعفت دائرة وعفت العراقه كله لهم وتريدين ارجع اشو اي دوله اروح يمهم يعينوني ويحترموني وتريدين ارجع ليش اني ماكيف اخدم هذا البلد الذي علمني وتعب عليه والله جان راتبي احس من اي دوله شتغلت بيه بس شسوي الكيلي حل والله اول واحد يرجع الى العراق ليش اني مكيف كاعد بالغربه بعيد عن اهلي وناسي ليش تفتحين جروح اني احاول امسحه من حياتي ادمرت حياتي حتى اعز ناس الى قلبي عفتهم وبعد ماكدر احجي وياهه وتكولين انتو عفتو العراق

‹(`· تبجـيني جراحـي ·`)›

09-22-2006, 02:17 AM

مغترب بمصر تقريبا سنة ونص
السبب نفس سبب كل العراقين ..
تقبلي تحياتي قطورة ..

KALIMERO

09-23-2006, 10:01 PM

والله اني همين مغترب بس مصارلي هوايبه اني بمصر صار اربع ايام علمود نفس السبب اللي يخلي العراقيين يتركون بلدهم ....

النورس المغترب2006

09-23-2006, 10:08 PM

شكرا اخوتي الاعزاء على التواصل

نوره رمش العين

09-25-2006, 08:29 PM

اولا رمضان كريم ومشكوره اخت قطر على الموضوع والله شاهد من قريت ردودكم بجيت
اني اختكم نوره رمش العين من كربلاء المقدسه طلعت من العراق بالضبط 26_6_2006 لله شاهد عليه كل يوم عليه بسنه
اما الى الاخت مس بابل والله انتي غلطانه احسبي شهر او شهر ونص اني مشاركتي بالمنتدى من العراق رجت اترك كولشي لا سكن ولا كليه ولاراتب ولا اقامه واللغي وارجع
وانا صحيح بنت بس عد كلامي وشوفي؟

والله شاهد وكربلاء تشهد انا راجعه اللك ياعراق
يااسمك ابي وترابك امي ودجله والفرات اخواني::55::

قطر الندى

09-26-2006, 02:27 AM

نزلت دمعتي

بســ وطن ــمة

09-26-2006, 10:42 PM

اني عايشه بغربه داخل غربتي

و لا تسالوني شلووون ::27::

قطر الندى

09-27-2006, 01:45 AM

اني هم بسووووووووووومه بجيت ::27:: ::27:: ::27:: ::27:: ::27:: ::27::

نيران

09-27-2006, 05:18 AM

رمضان كريم

اخباركم

والله الغربه صعبه علينا كلنا واكثر وحده حست بيها اني

ان شاء العراق يرجع ونرجع كلنا اله

اني متغربه صارلي 14 سنه بس قبل سنتين رجعت لبغداد

وشميت ريحتها وشفت ترابها وفرحت واتمنى اوصفلكم فرحتي بس للاسف

ماكملت من شفت الدمار ومن شفت السفهاء ماليين بغدادنا الحبيب

حسيت فرحتي تلاشت وروحي راحت ويه كل صوت طفل يبجي من الخوف

وويه كل امل ام وهي تودع اولادها وتعرف انهم ممكن ميرجعون لحظنها بالليل

اما اسباب السفر

ماكو سبب محدد للسفر اهلي حبوا يسافرون

لظروف شغلهم بوقتها

تنقلنا هواي من بلد لبلد وحاليا اني بمصر

اسمحولي على الاطاله

تحياتي

ساسوكي شايل سيفه

09-27-2006, 12:58 PM

الف هله بيج نيران ورمضان كريم عليج

نيران

09-27-2006, 06:50 PM

وبيك هم اشكرك عيني

علينا وعليكم ان شاء الله

The Promise

09-27-2006, 08:58 PM

اني هم بسووووووووووومه بجيت ::27:: ::27:: ::27:: ::27:: ::27:: ::27::
هو انتي دومج تبجين بسبب وبلا سبب::52::
تحياتي الج قطورة الغالية ::2::

قطر الندى

09-27-2006, 09:21 PM

هو انتي دومج تبجين بسبب وبلا سبب::52::
تحياتي الج قطورة الغالية ::2::

ما عندي حظ برموس ::27:: ::27:: ::27::

وتحياتي الك ::16:: ::16:: ::16::

قطر الندى

09-27-2006, 09:23 PM

سندريلا العراقية

09-28-2006, 12:46 AM

اني صارلي 3 اشهر من تركت العراق
وهسه ساكنين بعمان وعادي لنفس السبب الي كل العراقيين يشكون منه وتغربو من وراه
وتركت بيتنه وشغلي واخذت اجازة وكاعده هسه وساكته
واتمنى ارجع بس كل مااكول ارجع تسوء اكثر
والله كريم

ساسوكي شايل سيفه

09-28-2006, 11:06 AM

miss_babylon

09-28-2006, 01:49 PM

ساسوكي شايل سيفة
عندي تعليق صغير شون ارجع اكو جماعات مسلحه متريد الخير الى العراق اني جنت اشتغل في احد دوائر الدوله وجنت اشغل منصب كلش زين مو بواسطه بس بجهودي والله جنت احسن واحد بيهم في ربط شبكات الدوليه بس هددوني وعفت دائرة وعفت العراقه كله لهم وتريدين ارجع اشو اي دوله اروح يمهم يعينوني ويحترموني وتريدين ارجع ليش اني ماكيف اخدم هذا البلد الذي علمني وتعب عليه والله جان راتبي احس من اي دوله شتغلت بيه بس شسوي الكيلي حل والله اول واحد يرجع الى العراق ليش اني مكيف كاعد بالغربه بعيد عن اهلي وناسي ليش تفتحين جروح اني احاول امسحه من حياتي ادمرت حياتي حتى اعز ناس الى قلبي عفتهم وبعد ماكدر احجي وياهه وتكولين انتو عفتو العراق
__________________

اني ابد ما اقصد الي طلعو من الظروف هذة و اني اعرف المعاناة الي عشتوها

و اني هم غلطت لمن كلت انتم كلكم كذابين مجان لازم اكول هيجي و بصراحة تندمت بعيدين لان كلت راح تنفهم غلط

المهم الي قصدته الي سافرو مو بهاي الظروف ... الي سافرو قبل اني شفت هواي منهم رجعوا لمن كان الوضع احسن من هسة و ما عجبوهم و رجعو لبلدانهم

كانو يريدون يشوفون نفس العراق الي طلعو من عنده
و ما اعتقد انو همة راح يرجعون بعد ................. و لا العراق راح يرجع

اسفة ساسوكي جدا اسفة لان قلبت عليك المواجع

ساسوكي شايل سيفه

09-28-2006, 04:52 PM

اني ابد ما اقصد الي طلعو من الظروف هذة و اني اعرف المعاناة الي عشتوها

و اني هم غلطت لمن كلت انتم كلكم كذابين مجان لازم اكول هيجي و بصراحة تندمت بعيدين لان كلت راح تنفهم غلط

المهم الي قصدته الي سافرو مو بهاي الظروف ... الي سافرو قبل اني شفت هواي منهم رجعوا لمن كان الوضع احسن من هسة و ما عجبوهم و رجعو لبلدانهم

كانو يريدون يشوفون نفس العراق الي طلعو من عنده
و ما اعتقد انو همة راح يرجعون بعد ................. و لا العراق راح يرجع

اسفة ساسوكي جدا اسفة لان قلبت عليك المواجع
لا اختي ليش تتاسفين على واقع حال العراق هذا حال كل العراقين في الغربه

نيران

09-28-2006, 07:55 PM

مشكوره حبي قطر الندى

ع الترحيب واكيد كلنا عائله

تحياتي لكم

The Promise

09-28-2006, 08:29 PM

ما عندي حظ برموس ::27:: ::27:: ::27::

وتحياتي الك ::16:: ::16:: ::16::

ذكرتيني قطورة كان عندي صديق ليبي ايام الجامعة تعلمت منة اهازيج ليبية (هوسات )
من هاي الهوسات وحدة تقول :

اللة غالب ماعندي حظ ............................ الصوب البنديرة ينقض
بالعراقي
اللة كريم شاسوي ماكو حظ ............ ياحب اللي اسوي يخرب ::14::
بالمناسبة هاي الايقونة ::14:: ::14:: كلش احبها تذكرني بعجايزنا مال كبل يموتن عل الهلهولة والبوسة ام البببببببببببببببببببببببببببق::52::

The Surgeon

09-30-2006, 03:17 PM

bint Dijlh

10-03-2006, 09:58 AM

أخي السرجيون
أهلاً بك بيننا
وأنـــــا أيضا كنت بليبيا 3 سنوات عشتها وانهزمت منهم رغم كانوا يحبوننا
لكن عيشتهم صعبه والتعايش معهم
تحياتي ..

The Promise

10-03-2006, 11:14 AM

اني في ليبيا من!! والله ما ادري كم سنه صارلي بس الي اعرفه انو انا هنا من صف الرابع ابتدائي وهسه انا في السنه الثالثه من كليه الطب........ انا طقت روحي واريد ارجع
شرايني من الغربه بعد ما يجري بيها دم صار يجري بيها شوق الى البلد العزيز الى العراق العظيم
شوكت يا عراق ترتاح من اهمومك .....ارتاح يا عراق وريحنا وياك
اخي العزيز هذا البلد علمك بمدارسة لحد ماراح تتخرج يعني الة فضل عليك
فميصير اتقابل كرمهم بكلام يسيء الهم مو بهاي المشاركة بس اكو غيرها ... قريت الك !!
اني وياك حياتهم جافة وهمة المساكين ماخذين عليها بس لاتنسى الحياة الجافة افضل من الموت والقتل اللي ديصير بالعراق بشكل عشوائي وبطرق بشعة للغاية
تحياتي الك اخي وارجو ان تتقبل كلامي بوجهة الصحيح
انا عايش باكثر من 10 بلدان وماكرهت بيهم احد لان همة اللي ضيفوني بعد ماضاقت الوسعة علينا ببلدنا
اجمل عبارات الود ..............::51::

نوره رمش العين

10-04-2006, 12:08 PM

وجهة نضرك هيه الصحيحه يااخي
بس الانسان بشر مو حديده
واذا على الكره لا هايه من حركه قلبه حجت هيج لا اكثر
لاتنسى اخنه عراقين ننكره ومنكره ابد::55::

-T-R-O-Y-

10-04-2006, 12:25 PM

اعتقد الغربة مو غربة البلد والمكان البعيد عن الاهل لان هواية ناس بعيدين عن الاهل لكن سعداء

لكن الغربة هي غربة الروح وغربة البسمة الي فاركت هذا الوطن المجروح

انشالله ترجع البسمة وترجعون انتوا للعراق ياشباب العراق (ياأمل العراق)

وأيد بأيد نرجع نبني وطنه انشالله

كولوا امين

ساسوكي شايل سيفه

10-04-2006, 12:35 PM

امين يارب العالمين نرجع ونبني هذا البلد المجروح

حنونه

10-04-2006, 01:37 PM

اما اني فبليبيا و ما ادراك ما ليبيا
كلها ضيم و قهر و هبطات كل يوم بس ما عدنا خيار غير الصبر و التحمل
تحياتي لكم
حنين

جنـون

10-04-2006, 09:43 PM

اني بهولندا...!
مشكورين
:
:
جنونه

العـــــ اسامه ـــراق

10-04-2006, 10:52 PM

مرحبا اخوان واخوان
انا حاليا في سويسرا خرج قبل والدي بسبب الاوضاع التعبانه وكت صدام واحنه خرجنه بعد الحرب وهسه الاوضاع اسواء من قبل.......
واحنه سنتين في سويسرا ليش بسويسرا ماادري هههه ابويه هو اختار

منبع الحب

10-05-2006, 01:53 AM

أني متغربة بسوريا .......ودا أحس انو أني نهايتي بيه..... وياريت الوضع يرجع ببغداد مثل مه جان أكون أول الراجعين ألهه

sherin

10-05-2006, 07:32 AM

اني متغربة بالسعودية وكلش كلش طاكة روحي ومندري شوكت نرجع يعني والله العراقيين تهجولوا والله يلة انشاء الله نرجع لبلدنة و نرتاح امين

روح

10-05-2006, 09:08 AM

والله اني بمصر صارلي سنة ونص وقبل الحرب بسنة يلا رجعت للعراق جنت ببلغارية ملحكت اشبع واتهنة والا سباب هواية يارب نرجع كلنا للعراق لان الغربة تعبتني يسلمو قطر الندى حبي على هذا الموضوع

ساسوكي شايل سيفه

10-05-2006, 12:47 PM

الف هله بيكم وانشاء نرجع بسرع وقت

haedar

10-05-2006, 06:35 PM

انا مغترب في مصر صارلي اكثر من 3 اشهر
بس هنا هواية عراقيين الله كريم انشاء الله يرجع العراق مثل قبل واحسن وكلنا نرجع

حنونه

10-06-2006, 03:17 PM

يا جماعة و الله احنا متهجولين
كل واحد بديرة
بس الله يستر علينا ويصبرنا يا رب
تحياتي حنين

المغترب *العراقي

10-06-2006, 03:27 PM

واني عراقي مغترب يومية بمكان وما اعرف شوكت ارجع لبلدي صارلي اربع سنين برة البلد شوكت نرجعلك يا وطن::27:: ::27::

Designer

10-06-2006, 04:21 PM

شيما

10-06-2006, 04:22 PM

شكرا على الموضوع اني متغربة بالمانيا صالي سنتين ونص تقريبا اي والله الغربة كلش صعبة انشاء الله يرجع العراق وكلنة نرجع

mis iraq

10-09-2006, 11:57 PM

شكرا على الموضوع
اني مغتربه بهولندا والله ضجت من الغربه بس اهلي ميقبلون نرجع ::27::
واتمنى من الله ان يصبرنا على الغربه

تحياتي::27::

BroKeN

10-11-2006, 02:42 AM

هلو شباب مغتربين ومتبهذلين ومرتاحين

اكثر الي يكولون مغتربين هم بدول عربيه

ولحد الان ما صادفت احد عايش او مغترب بالسويد

اني صاري سنه بأوربا وافتريت دول هواي في سبيل
ابتعد عن طلب اللجوء لكن ماكو اي حل الا اطلب لجوء
وهاي اني صارلي 10 اشهر بالسويد جره وحده
وحياتي متوقفه بيها
اما بالعراق ما بقا عدنا شي نرجعله
سيارتي وباكوها ابويه حاولو يقتلوا لكن الله نجاه
البيت حركولنا ايا مصالحنا باكوها واهلي كلهم
كلهم مو بالعراق
تحياتي لصاحب الموضوع

‹(`· تبجـيني جراحـي ·`)›

10-11-2006, 04:25 AM

الي يشوف بلوة غيرة تهون علي بلوتة !!!!
ان شاء الله نرجع باقرب فرصة .. http://forums.dijlh.net/images/icons/eh_s%282%29.gif http://forums.dijlh.net/images/icons/eh_s%282%29.gif

قطر الندى

10-11-2006, 04:30 AM

http://forums.dijlh.net/images/icons/eh_s%282%29.gif http://forums.dijlh.net/images/icons/eh_s%282%29.gifنتجمع اهل واحباب حلوه الجمعه بعد غياب http://forums.dijlh.net/images/icons/eh_s%282%29.gif http://forums.dijlh.net/images/icons/eh_s%282%29.gif

Ghost84

10-11-2006, 01:38 PM

السلام عليكم شباب
اني عايش بهولندا
وصارلي 3 أشهر

huthaifa

10-11-2006, 01:42 PM

اني بالبحرين هاي السنة الخامسة إلي هنا ومختاريتها بكيفي بس ابوية اجا عقد هنا
واجينة ويا والله لو ظروف العراق زينة كان اني اول من رجع
تقبلوا تحياتي،،،

علاء لبنان

10-11-2006, 11:21 PM

صارلي 7 سنوات بلبنان كنت محكوم اعدام من صدام لان كنت ازور المقامات المقدسه

القلب ودمعته الحمراء

10-12-2006, 01:20 PM

انا بريطانيا ماجستر
8 سنين
النظام
لئن هذي الدوله كان اصدقاء لبي لذلك سهلوه في السفر الى هنالك

Sun of October

10-12-2006, 02:36 PM

12 سنة بعيدة عن بغداد ومنعرف شكد حتزيد اكثر والان بالامارات طالبة واتمنى لو اكدر ادرس بجامعة
من جامعاتنا .

Anmar m

10-12-2006, 08:52 PM

هلووووووووووو شباااب اشلوونكم
اني متغرب على كولتكم بمصر بس مصارلي هوواية يمكن اني اقل واحد متغرب
اني صارلي حوالي بالشهر بمصر

Anmar m

10-12-2006, 08:57 PM

طبعا اني كتلكم انه اني بمصر
و اني هلسنة اتخرجت من الجامعة التكنولوجية قسم هندسة الحاسبات و تكنولوجيا المعلومات
و علساس اريد اشتغل اهنه بمصر يعني
بس طلع الواحد يرجع للعراق هووووووووووووووووواية احسن مجنت متصوور هييجي الغربة صعبة
المهم حلو الموضوع و عاشت ايدكم

اموري

10-13-2006, 10:42 AM

انتم الخارج العراق مرتاحين لا مفخخة ولا عبوة واحنة كتل بالجملة

الغراف

10-13-2006, 04:57 PM

نحن مرتاحين من ناحية الامان فقط ولكن نحن غرباء هنا والغريب لايشعر حتى بنعمة الامان .

ها نسيت الكهرباء والماي عندنا 24 ساعة بس غالية!

ندى_البصرة

10-13-2006, 05:38 PM

اني لا مغتربة ولا شئ
بس حبيت اضيف جملة
لا تحزن على الي صار واتحير بعدك يالعراقي بالف خير

الحمدانية87

10-13-2006, 06:29 PM

اني عايشه بالامارات للدراسه لان الوضع بالعراق مااعتقد مناسب للدراسه واني صارلي مده قليله بس بالنسبه الي سنين لان ماتحمل الغربه يوم واحد

احمد ماليبو

10-13-2006, 07:02 PM

اني كنت مغترب بالامارات ولكن رجعت للعراق الحبيب والحمد لله
شكرا على الموضوع الحلو
تحياتي

عاشقة تراب العراق

10-14-2006, 02:37 AM

اني صارلي 3 سنيين بسوريا والسبب مو بيدنه

حلاالعمر

10-14-2006, 09:52 AM

::27:: ::27:: ::27:: ::27:: ::27:: ::38:: ::38:: هلو يمكن تستغربو من قصتي أو من مشاركتي بس آني مغتربة عن عراقي وآني مو عراقية يعني آني بنت العراق ومولودة بيها وعايشة احلى أيام حياتي بيها ومو كادرة أنساها رغم كلشي صار وديصير وحتى أني دا أحس نفسي غريبة بكل مكان أروحه حتى بلدي تصدقون آني هسة بسوريا ألي 7سنين تاركة بغداد أرجو ان ألاكي بيكم حضن العراق الدافي وتتقبلوني بينكم ونبقى على تواصل

المغترب *العراقي

10-14-2006, 12:18 PM

مرحبا شباب
اني صارلي 3سنين بعيد على بغداد وهسة اني بمصر
وشكرا على الموضوع

الغراف

10-14-2006, 01:27 PM

في زمن من الازمان لايوجد عراقي في مصر ولا تسمح السلطات المصرية باعطاء حتى ولو فيزا ترانزيت الى العراقيين.

ولكن الان تغير كل شي فاصبحوا العراقييون يدخلون بالمئات بل الوف .لااعرف اذا كان عطف من الحكومة المصرية ام للاموال التي يجلبها العراقييون معهم الى مصر؟؟؟

دولة تستباح ودول مجاورة تكبر وتتنعم! لا حول الا بالله

wissamrar

10-14-2006, 01:30 PM

اني مغترب ابغداد لان العراق صار بلد غريب كلها اعدائك وما تعرف انت ويامن.. ودا احاول هسة اقدم على هجرة لاي بلد حتى لو لدارفور هم اقبل بس اطلع منا

HaRiqa

10-14-2006, 03:07 PM

الله كريم ان شاء الله نرجع كلنا
ونقبل ترابك ياوطن ..
شكرا قطورة على الموضوع الروعة .

المغترب *العراقي

10-14-2006, 03:42 PM

الله كريم تفرج وكلنا نرجع بلدنا

لؤي العاني

10-14-2006, 10:09 PM

اني بالامارات وصارلي سنة
بس شلون سنة؟
اتكول 100 سنة
اللههههههههههههههههه
يا ربي الحصرة كتلتنه
يا رب نار نار نار الغربة طفيها
منو ايكول اني بغربتي مرتاح؟
ومنو يكول اني بغربتي سواح؟
الله يا هل البلد شوكت ترتاح؟
يا طول الليالي
ويا نار الفراك
ويا عمرنا اللي راح
راح راح راح

المهندس

لؤي العاني

10-14-2006, 10:18 PM

الله يرجعنا لعراقنا الحبيب
لبغدادنا الحلوة
لليرموك وللمنصور
والعامرية ولشارع 14 رمضان
للكرادة والخضراء ولشارع فلسطين
الله يا نار الفراك
صدك صدك صدك تحركككك ثياب العليه

wamedh alaraqi

10-15-2006, 10:08 PM

اني بالامارات صارلي اكثر من 5 سنوات بس اجي بالسنه شهر واحد وما اتحمل اذا ماجيت لان الغربه كلش صعبه شكرا يا حلوه على الموضوع اليخبل

SCREAM

10-17-2006, 01:53 PM

اني صارلي بالاردن من 2003 لحد هسه

ها ه هه ه ه ه
يح ابجي

بنت الانبار

10-18-2006, 01:31 PM

الله يرجعكم بالسلامة.

المغترب *العراقي

10-18-2006, 06:16 PM

ان شاءا لله نرجع كلنا لبلدنا

العراقية شمس

10-18-2006, 06:54 PM

http://www.moq3.com/pics/up/b_01_05_06/923b92f19a.gifانا اسكن العراق 0000 ابكي وطني الجريح 000 وبغداد التي تؤود
فهل هناك غربة اقسى من غربتي 000؟؟؟
000000000000

http://gallery.7oob.net/data/media/84/3lmnee-najdyh.gif

الدعشري

10-19-2006, 01:21 PM

الى كل الموجودين السلام عليكم ورحمة الله وبركاته انا الدعشري ارجو ان تقبلوني معكم

.:. العراقي .:.

10-20-2006, 09:06 AM

والله بصراحه

انا جنت عايش بالاردن بسبب شغل ابوي لمده 9 سنوات

وانا هسه بالصين -_-" وصارلي 2 سنه تقريبا

شفتوا شلون غربتي ><؟

ومن ذاك الوكت لهسه ما شفت العراق ولا شميت ريحته ><

يعني جان اكو امل اني ارجع للعراق عن طريق الاردن

بس هسه الصين!!!

شيرجعني !؟!؟!

قطر الندى

10-20-2006, 09:31 PM

الله يساعدكم ويساعدنه على الغربه

تعددت الاسباب والغربه واحددددددددددددده

الله يصبر قلبونا بصراحه الغربه بالنسبه الي موت

صدك تعودت عليها بس احن لهلي وناسي وارضي الطيبه

فرج عنا يا الله

نسر العراق

10-21-2006, 07:53 PM

اني سعد العزاوي متغرب بالاردن في عمان واتمنى ارجع للعراق بس هواية ضروف منعتني من هذا الشي وانشاء الله يعود العراق

رسالة عتب الى حبيبتي
بـــــــــــــــغـــــــــــــداد.... تسمحيلي؟ ما ادري اتغزل بيج ما ادري ابجيج وج ليش ياعيني مو جنتي حلوة الحلوات ضحكتج متفارك شفاج ومتحملة وصابره عالنوايب تاليها اول الدنيا تصيرين خرايب؟ ليش ياعيني وين الهيبة ... وين ناسج الطيبة وين غيرة الحبيـــــــــــــب عالحبيـــــــــــــــبة وين الغيره؟ وين طبع الناس الحلو الماشفت مثله بأي ديره وين الهـــوى العــذب يا بــــــــغـــــــــداد

نسر العراق

10-21-2006, 07:56 PM

اني سعد العزاوي متغرب في الاردن في عمان واتمنى ارجع الى بغداد بس هواية ضروف منعتني بس انشاء الله يرجع العراق الى الامن والاستقرار

رسالة عتب الى حبيبتي
بـــــــــــــــغـــــــــــــداد.... تسمحيلي؟ ما ادري اتغزل بيج ما ادري ابجيج وج ليش ياعيني مو جنتي حلوة الحلوات ضحكتج متفارك شفاج ومتحملة وصابره عالنوايب تاليها اول الدنيا تصيرين خرايب؟ ليش ياعيني وين الهيبة ... وين ناسج الطيبة وين غيرة الحبيـــــــــــــب عالحبيـــــــــــــــبة وين الغيره؟ وين طبع الناس الحلو الماشفت مثله بأي ديره وين الهـــوى العــذب يا بــــــــغـــــــــداد

نسر العراق

10-21-2006, 07:59 PM

عُلا دي ميلو

10-22-2006, 05:06 AM

هلو شباب
اني صارلي 9 سنين بالنرويج مشتاقتليج يا بغداد

hajer

10-23-2006, 01:53 AM

شكرا قطورة على هذا الموضوع اني صارلي 3سنين لمن طلعت من العراق وكل سنة بدولة رحت للبنان ولمصر وللاردن ولحلب و لدبي راح اروح وبعدين لتايلند ولكندا ان شاء الله يكون مطافي الاخير الله يخليكم ادعولي اثبت ببلد واحد وان شاء الله يجمعنا سوية ببغداد الحبيبة

قمر الليل 22

10-23-2006, 11:52 AM

كل عاااااااااام وانتو بالف خيررر يارب يعود العراق رسالم با اهلة وناسه الطيبه ونكون ايد وحدة يااااااااااااااارب كولو امين
اني صارلي 3 سنين بعمان اكيد طلعنه من وردة الضروف عفنه كل شي وطلعنه وعفت جامعتي الي احبه منصور الاهليه حمدلله عل كل شي اتمنى يارب الله يحفظ كل العراقيين الابرار من شر الحاقدين يااااارب
واكيد كلنه نتمنى نرجع
ومشكورة عل الموضوع

طائر بغداد المهاجر

10-23-2006, 10:42 PM

اني بالاردن

صارلي 16 ســــــنة

ما شفت العراق من سنة 1990 الا بسنة 2006 رحت وقعدت 3 ايام لانه ادرس اني بعمان بالجامعة

بـــــــــــــس ليش طلعنا لانه انفتح الســــــــــفر وصار يسمحلنا انسافر لانه كانت قبل محد يسافر الا بطلعان الروح

بس منو الي اختار منو والله ما ادري اقدر اقول القدر

المغترب *العراقي

10-23-2006, 11:32 PM

كل عام وانتم بخير جميعا وان شاء الله يفرج الغمة عن العراق

bashory

10-24-2006, 05:29 AM

بالسعوديه
ليش ؟؟
لاني ابويه يشتغل اهنانه
من شوكت؟؟
اني مولود هنا علما باني مواليد 91

لولو

10-24-2006, 10:56 AM

واني ببلادي بس هم اعتبر متغربة على الاقل انتو غربة وامان وكلشي متوفر احنة هم غربة وهم

ماكو امان يمعودين حمدوا ربكم وشكروا مليون مرة

تقبلو مروري

النورس المغترب2006

10-24-2006, 11:01 AM

شكرا على الردود

فجر

10-24-2006, 11:19 AM

اني بقطر بالدوحه
اني عندي جنسيه قطريه لان مولود هناك
واهل الدوحه احسن ناس والله

اني من داشوفها كبديل افضل بديل والله
بس اكيد بغداد هي الخير والبركه
بس اني معلوس http://www.dijlh.net/forums/images/icons/44.gifhttp://www.dijlh.net/forums/images/icons/44.gifhttp://www.dijlh.net/forums/images/icons/44.gif

تسلم والله وهذا من ذوقك
الله يرجع العراق مثل ما كان وافضل وان شالله يرتاح الشعب العراقي من الضيم اللي شافه

دعواتنا الصادقة من أجل العراق وشعب العراق
يسلمووو::13::

النمر الابيض

10-25-2006, 09:08 PM

اني مقيم بالمارات منذ سنة وهسة دخلت الثانية
والسبب في الهجرة هو تهديد والدي بالخطف وخطف شريك ابي واخذ فدية مالية ضخكة

سبب اخيار الامارات
عندنا اقامة منذ 1996 وعندنا هناك شركة تجارة وعشنا فيها من قبل

بس العراق احلى واجمل وارقى بلد في العالم بنظري وانتظر اليوم الي يصير الوضع امن وارجع باسرع من الريح

وشكرا لطرح الموضوع المميز

اخوكم
دريهم ابو سعود

العراقي مروان

10-26-2006, 10:37 AM

السلام عليكم
اشونك اخوتياني عضو جديد لى منتداكم
وحبيت اشارك وياك وان شاء الله اكون خفيف الظل
اني حاليا بالعراق بس الحمد لله نويت اغترب في اوكرانيا للدراسة
تبدا رحلة اغترابي في الشهر القادم ان شاء الله .

حسن قباني

10-26-2006, 02:36 PM

باى دوله
سوريا

وكم سنه صار الهم
سنة وحدة

وليش اتغربتو شنو السبب
الظروف الامنية وأسباب خاصة اخرى

وليش اختارو هاي الدوله بالذات
لم أغترب ابداً فكل سحابة فيها كبرياء سحابي

!!!!!!!!!!!!!!!!!!!!!!!!!!!!!!!!!!!!!!!!!

شكرا ياقطر الندى موضوع حلو عاشت الايادي

norlasal

10-29-2006, 04:07 PM

اني بمصر بس موبكيفي اختاريتها واريد هسه ارجع بس شسوي مو بيدي

Samer Alamiri Dk

10-29-2006, 04:22 PM

مغترب في الدنمارك وفي دجلة نت اشعر لدقائق اني في العراق

http://garmoshi.jeeran.com/erag1.jpg

azcoo

10-31-2006, 12:59 AM

بسوريا - حلب ..... صارلي 10 شهور .... لان انخطفت ابغداد وو وراها انعلست 4 شهور بالداخليه يم المغاوييرر فطفرت

axe

10-31-2006, 02:28 PM

اني عايش بعمان بالاردن
وصارلي 3 سنوات
وشكرااااا جزيلا

قطر الندى

10-31-2006, 05:52 PM

ميت هلا بيكم اخواني ودجله نت بيتكم الثاني

وان شاءالله ما تحسون بغربه هنا واكيد راح يجي يوم ونرجع لوطنه

ممنونه على الحضوررررررررر

زيد العزاوي

11-04-2006, 10:17 AM

والله ما اعرف شأكول..كل رد قريته وكأنما رشة ملح على جرح الغربة اللي بداخلي..من جان يصدك ان العراقيين يتشردون بالدول..وصلنا للصين!! اقره بالردود..وعيوني تبجي..وكلبي يجر حسرات..
الله ينتقم من كل من حرمنا نعيش بارضنا الطيبة..ونشم هواها الطاهر..
اني بالامارات حاليا وقبلها بالاردن..وصارلي 3 سنوات تقريبا مغترب..والسبب حالي حال البقية..شكرا للموضوع..

reem78

11-05-2006, 12:05 AM

انا في المانيا

مياسين

11-07-2006, 12:02 AM

هاي شنو طلعتوا كلكم بدول اجنبيه لو بالخليج؟بس اني بليبيا وصارلي 5 سنين

نوبار بغداد

11-07-2006, 12:20 AM

ولله اني بسورريا ابد محاس بالغربه بس من جنت بالعراق من سقط الحكم حسيت اكو غربه لان الي يهجرك من بلدك يسمه غريب اي عراقي يتهجر من بلده يسمى غريب لان مع الاسف الشعب مو بئيد وحده لله لينطي العافيه بسوده بوجه الي زرع الطائفيه والتفرقه

ملكة الصمت

11-07-2006, 08:35 PM

هلو الغربة اصعب شي ايمر بي الانسان حاولت اتغرب بس ما اكدرت لانة حسيت بغداد الهواء من طلعت اختنكت ومن رجعت رجعت الروح بية مهما اتكون بغداد فهي اهون من الغربة وشكرا على موضوعك *******تحياتي

حيدر13

11-08-2006, 07:42 AM

شكرا على الموضوع الروعة واني ساكن بلبنان

حسن قباني

11-08-2006, 10:35 AM

انا في سوريا / دمشق
لم اغتــــرب ابـــــــــــــــــــــدا
فكل سحابة فيها كبرياء سحابي

صارلي سنة تقريبا
طلعت خارج العراق للظروف الامنية

شكرا لصاحبة الموضوع

ملك الروح

11-09-2006, 09:15 AM

شبابا اني مغترب جنت عايش في ماليزيا 3 سنوات من سنة 1999 الى سنت 2002 رجعت الى العراق قبل الحرب لان والدتي واخيت وحدهم في العراق وابي في ماليزيا ورجعت الى ماليزيا انا واهلي سنة 2006 وابي في كندة وانشاء الله اروح يمة وانا والاهل وان اشاء الله نجمع مثل قبل بس اريد اضيف شي لو العراق ما بي شي والله الكل ترجعله بس الوضع الله كريم

الافعى السامة

11-09-2006, 10:40 PM

والله اني جديدة عالشغلة صارلي شهرين بسورية بسبب الاوضاع التعباتة بس احس بغربة جبيرة اكبر من ان اتحملهة والله يعين كل العراقيين علة هاي المحنة

العاشق الصغير

11-09-2006, 11:59 PM

السلام عليكم شباب شخباركم يا رب تكونون بالف الف الف خير وانشاء الله يوم عودتنا للوطن سالمين مرفوعي الرؤس...اني حالياً بمصر..صارلي 4 اشهر وحالياً اني بجامعه ال Msa اتمنالكم الموفقية والسلامه لكم ولوطننا الحبيب...........

fbalnaimi

11-10-2006, 10:54 AM

salamy to all iraqi
salamy to baghdad
salamy to my family
salamy to all my freinds there

dr. firas
malaysia

العـــــ اسامه ـــراق

11-10-2006, 04:58 PM

السلام عليكم
اني متغرب في سويسرا صارلي اقل من 2 ونص سنه
بس احسه اكثر من 15 سنه مشتاق حيل للعراق
انشاء الله يجي اليوم اللي يرجع بي كل العراقيين

omarlaheb

11-10-2006, 06:03 PM

اقامة 10 سنين ب بلغارية

ابو كفشة

11-10-2006, 06:11 PM

انا في ارض الله الواسعة
في ارض فيها اماناً

فـارس العـراق

11-10-2006, 10:24 PM

انا في الامارات
وصارلي 8 سنوات
والسبب كنت اعرف الظروف هيج راح اصير بالعراق........ لا صدكون

معمارية عراقية

11-11-2006, 07:41 AM

اووووووووووووووووف
خلوها سكتة
مشكورة عالموضوع

dream_girl

11-11-2006, 08:02 PM

اني متغرب ابغداد انيياهااهاههاها::16::

Civilian

11-12-2006, 02:54 AM

اتمنى ان اتغرب بامريـكـــــا ::27::
احب امريكـا لأنهم شعب مثقف وواعي

واتمنى الوقوف على الـ Golden Gate Bridge وان شاء الله احقق امنيتي http://www.lahdah.com/vb/images/smilies/ms8.gif

بنت العراق المهاجرة

11-12-2006, 04:48 PM

اني صارلي 4 سنين تقريبا بالسويد ::27::

الغربة صعبة كلش ومتنحمل الله يصبرنا عالغربتنا وعلى الي ديصير بلدنا مكاعد نتحمل الي ديصير ::38::

دمعة بغداد

11-13-2006, 02:11 PM

اني متغربة بسوريا والسبب لان لان الوطن انفقد والدنيا ما ضحتكت لنا

اعلان عن فقدان وطن.... فقد وطن اخضر اللون يدعى وادي الرافدين يرتدي مليون نخلة واهوار بحجم معاناته . عمره يناهز العشرة الاف سنة مجروح من كل جانب يوزع الحب والحكمة لبني البشر كان ملاذا للخائفين صار خوفا للامنين يتجول في شوارعه الموت والخوف والرعب يزين ارصفته دم الاطفال الابرياء الذاهبين صباحآ الى مدارسهم ليتعلموا كيف يكتبوا كلمة الوطن في درس القراءة ويرسموا خارطته في درس الجغرافية وينشدوه

الدنيه ضاكت بينه
وصارت تدلل علينه
تعذبنه مرة
وتموتنه مرة
وترد انوب تحيينه
يادنيه ويانه اتصافي
شبعنه اللم مو كافي
مو جرح بينه اجروح
ومنعدنه ملت الروح
ومنج احنه ملينه
يادنيه كافي مذله
خليتي بكلوبنه عله
القهر بينه شخله
بطعم الحزن يسكينه
كل يوم اصبر نفسي
اكول ازمه تهون وتعدي
شو زادن وكثرن همومي
يادنيه لحظة انسينه

دمعة بغداد

11-13-2006, 02:11 PM

ونسيت اكول اني صارلي 5 اشهر بس عبالك 5 سنين لان اليوم بسنة

مصطفى ابن الاعظمية

11-14-2006, 04:51 PM

اني بعمَان صارلي 3 سنين

::27:: ::27:: ::27::

قطر الندى

11-15-2006, 10:23 PM

لا غربة مع الله

وان شاءالله يوم النرجع للعراق ونشم هواه ونلتم سويه

الافعى السامة

11-15-2006, 11:11 PM

اني متغربة بسورية صارلي شهرين يعني جديدة عالشغلة بسبب الاوضاع التعبانة وهذه البلدة بالذات يمكن لان اسهل شي نكدرلة وبلد عربي وبي هواي عراقيين والله يكون بعون كل عراقي الي ببلدة والي خارجة

*.ران.*

11-16-2006, 12:26 PM

*.....اني مغتربة....بس مااعرف وين........ماكو مكان يحويني....*

كتكوتة طافرة روحي

11-16-2006, 12:57 PM

احنا بتركيا صارلنا 3اشهر لانه الضروف ببغداد مو زينة واختارينا هاي البلد لانه عدنا كرايب بيها بس ماكو احلى من بغداد ومحد مرتاح بالغربة ::38:: اوف ذكرتيني

كتكوتة طافرة روحي

11-16-2006, 01:01 PM

الافعى السامة انيالج كاعدة ببلد عربي وبيه عراقيين احنا شنكول ببلد اجنبي الله كريم

dr.durra

11-16-2006, 07:57 PM

The Promise

11-16-2006, 09:01 PM

لا غربة مع الله

وان شاءالله يوم النرجع للعراق ونشم هواه ونلتم سويه

ليش بعدج م رجعتي
قبل شهرين قلتي انتي حاجزة للرجعة
لازم الطيارة اتاخرت
المهم من ترحين وترجعين سوي الترانزيت اهنا بنورنبيرغ
حلوة نورنبيرغ احاى من ال usaكلها ::55::

The Surgeon

11-18-2006, 09:47 PM

هلووووووووو

انا مشارك من قبل بهذا الموضوع بس حبيت اشارك مره لخ

اانا شباب مغترب في ليبيااااااا .....ادعولي علمود اخلص من الغربه و ارجع الى بلدي الحبيبه العراق

The Surgeon

11-18-2006, 09:56 PM

اخي العزيز هذا البلد علمك بمدارسة لحد ماراح تتخرج يعني الة فضل عليك
فميصير اتقابل كرمهم بكلام يسيء الهم مو بهاي المشاركة بس اكو غيرها ... قريت الك !!
اني وياك حياتهم جافة وهمة المساكين ماخذين عليها بس لاتنسى الحياة الجافة افضل من الموت والقتل اللي ديصير بالعراق بشكل عشوائي وبطرق بشعة للغاية
تحياتي الك اخي وارجو ان تتقبل كلامي بوجهة الصحيح
انا عايش باكثر من 10 بلدان وماكرهت بيهم احد لان همة اللي ضيفوني بعد ماضاقت الوسعة علينا ببلدنا
اجمل عبارات الود ..............::51::

شنو القصه هاي شبيك حامي انت::27:: ....ليش انا شقلت ::27:: ...وشنو هي العبارات السيئه الي قلتها::32:: ..؟؟ ممكن توضح الي::41:: ....اخاف انا ناسي ::10::

تحياتي::30::

fbalnaimi

11-19-2006, 08:09 AM

السلام عليكم

اتمنى ان تكونوا بالف خير

اخوكم فراس من ماليزيا يعني صارلي فترة مو طويلة واتمنى ان تكون مو طويلة وارجع الى بلدي واحمل شهادة الدكتوراة وادرس بجامعتي الحبيبه" الجامعة التكنولوجية" وارجع الى اهلي وناسي واصدقائي وانشاء تنزاح هاي الغمة عن هاي الامة ماليزيا بلد جميل جدا وناس جدا طيبين لكن المشكلة عراقيين قليلين وانا متقائل جدا لعودة وطننا اقوى مما كان عليه عسى ان تكون كقارة للذنوب سلامي واحب اذكركم باشياء عراقية فقدناها بالغربة:

مشتاق اعايد اهلي بالعيد واكلهم يومية صباح الخير..........

مشتاق للكرادة وشارع الصناعة والمنصور والغزالية...............

مشتاق للاكل العراقي الدولمة والبرياني والجاي المهيل...................

مشتاق للاصدقائي الذين اصيح كل واحد منهم في دولة............

مشتاق الى هوة بغداد وتمر بغداد ومي دجلة العذب..............

انشاء راجعين

اخوكم
طالب الدكتوراة
فراس

halatwa

11-19-2006, 12:33 PM

اني متغربة بمصر وصارلي سنة
بس كانها 100 سنة
ولوهنا هواية عراقيين فمحاسة::27::

نارا

11-19-2006, 01:35 PM

اني مغتربه بالسويد صارلي 9 سنوات

فراس صالح

11-19-2006, 07:43 PM

مشكورين والله اخوتي وخواتي على المواضيع الجميله الي تخلينه نحن اكثر للعراق واكثر ماهو شاغلنه اليومي
اتمنى ان ارجع للعراق بس.....؟
واتمنى ان الي بالعراق يحافظوا على العراق لان ماكو اغلى من تراب الوطن ومحد يقدر تراب الوطن الي بعاد عنه .
اني ساكن بسوريا الي هي اقرب بلد لعراقي الحزين
::38:: ::38:: ::38:: ::38:: ::38:: ::38:: ::38:: ::38:: ::38:: ::38:: ::38::

omarlaheb

11-20-2006, 06:44 PM

اني في بلغاريا ومع الاسف مظطر ابقه الى ان الله يفرجها صارلي 10 سنين

The Promise

11-20-2006, 08:29 PM

هاي اني درة واغترابي اله نوع خاص لاني مغتربه لكن داخل حدود الوطن بس المشكلة مو اني البعدت عن الوطن الوطن هوه الي تغير علي يمكن اكو هوايه مثلي بس اني كدرت اعترف بهذا الشي واكول اني غريبه عن وطني بس بداخل الوطن
تحياتي دكتورة درة
كلامج مؤلم الى درجة
شكرا لك وعسى اللة يبدل احوالكم خيرا من هذة ::27::
اللة كريم

yazin alrawi

11-24-2006, 01:10 PM

اني متغرب بمصر صارلي سنتين ونص واختارينا مصر بعد ما عشت بسوريا 4 اشهر ورحت لعمان وصارتلي الظروف الي ماشاءت ان نبقى بعمان ووراها جيت لمصر لأن البلد مثل ماتكول اقرب البعيدين وره عمان وسوريا وهاي السنتين ونص مطالع ابد من مصر بس الله المصبرنا الحمد لله ..وعندي مداخله بسيطه اذا تسمحون..اذا اتحرر العراق ورجعنا بعون الله اول شي اسوي قبل مااطلع من مصر اذبحلي فد 200 مصري وارجع للعراق كد ماكاره هذا الشعب القذر

The Surgeon

11-27-2006, 06:22 PM

الف هلا بيك حبايبنا العراقيين المغتربين ....يا هلا بيكم الف هلا وان شاء الله نرجع كلنا للعراق ...وننلم ...ونكمل باقي مرنا على ارض العراق الحبيب تحت سماه

memo1

12-02-2006, 12:37 PM

اما اني فبالعراق العظيم وماريد اطلع منه

وصارلي بيه من انولدت وماريد اعوفة ولا اعوف صديقاتي

تحياتي

دينـا البغداديـّة

12-02-2006, 09:42 PM

اني في عمان وكندا لان اني مولودة في كندا وماما كندية...
لذلك اني مااكدر اترك كندا وحتى قبل السقوط اروح هواية...
وصارلي 3 سنوات تقريبا في عمان وسبب هوة شغل بابا..
والسبب الثاني هوة الامان المفقود في بغداد الحبيبة...
وانشاء الله نرجع لبلدنا..

SeMchaYa

12-03-2006, 09:19 PM

بصراحه هاي اول مره اجي للفد فروم عراقي
يعني قبل جنت اقراهن بس ماجنت اتجرء و اسوي ريجستر
بس عجبني مواضيعكم و يعني كولشي
اني عني مولوده بره العراق
بس يعني لما يسولفون عن العراق احن اله و بودي اشوفه
لان شكد ما واحد يعيش بره و حتى يولد هناك و يحجي برفكت مثلهم
مدام شعره اسود و يعني مبين مو من عدهم يحسبونه غريب
اعتقد الوحيد المكان اللي مايحسبون واحد غريب هو العراق و بلدي::2::
مااعرف شكول بس كولش فرحانه ::26::

ali2004_1983@hotmail.com

12-09-2006, 10:31 AM

السلام عليكم

اني صارلي 4 اشهر خارج العراق

كنت بسوريا بقيت شهريين بيهة

وحاليا اني باليمن

بس مؤقتا

وخلال شهر اؤ شهريين اروح الكندا اؤ السويد

لان قدمت على لجوء والله كريم

بالنسبة الي بعد ما ارجع للعراق لو يصير جنة

بعد الي شفتة بالعراق

تقبلو تحياتي للجميع

اخوكم علي المحمداوي

حنـــين

12-09-2006, 01:13 PM

هلو شباب اشلونكم اني ساكنة بال نرويج
الصحة النرويج حلو باس الحبيب الاول العراق احلةةةةةةةة هواي
اختكم حنين

قمر عراقية

12-12-2006, 09:23 AM

اني بالامارات دبي صارلي تقريبا فوق 15 سنة وحياتي كل يوم سنة بيها

لان الغربة صدق عذاااااااااب وملل ؟؟؟؟؟؟

ومو بيدي اختار الدولة عمل والدي هنا ....لو بيدي ماختار غير بغداد طبعاااا والجنوب

الذئب الوفي

12-13-2006, 12:10 AM

حنين صدك حنينية على العراق حنين انت شكد صارلك بالنرويج انا مشتاق الى العراق اكثر منك لان انا قبل 6 اشهر فالاحباب بعدهم بذاكرتي بقوة بس انا مو عبالكم ابقى العطلة الصيفية اروح الى العراق شهر واجي اروح شم العراق واجي بس هم ماانسى العراق لو شو شنو

الذئب الوفي

12-13-2006, 12:11 AM

قمر الله يساعدك 15 سنة والله هواي يعني انا عمري عمري كان 2.5 يمكن والله هاي شنو

ابن رومانيا

12-13-2006, 01:50 PM

اني متغرب ابجزر الواق واق
لان احب الوحده اهوايه ههههههههه

rmrm

12-14-2006, 02:01 PM

شكرا على الموضوع الحلو اول شي
اني عايشة بالاردن صارلي 6 سنوات بسبب الاوضاع التعبانة بالعراق

انشالله تتحسن الاوضاع و كلنا نرجع

nor wes

12-15-2006, 04:59 PM

مرحبااا شلونكم
انا اول مره ادخل منتدى عراقي بحياتي لاني ما اعرفهم بس لفت نظري وايد هذا المنتدى وخصوصا هذا الموضوع .... انا عراقيه عايشه بالكويت ومولوده فيها (ادري شنو راح تكون ردة فعلكم بس حابه اشارك وياكم واحب اعرف ناس عراقيين لانه هنا ماكو عراقيين وايد وحتى لو في ما يبينون ويظمون نفسهم::27:: ) رحت العراق شهر فبراير اللي فات وقعدنا 10 أيام رحنا بغداد و الاعظمية وحسيت بفرحه كبيره وانا اتمشى بالشارع وكنت اتمنى اظل اكثر بس ماقدرنا مع الاسف ::27:: لاني شفت اهلي كلهم وقعدت وياهم لانه هنا مانعرف احد كل اهلنا اللي كانوا هنا سافروا اوروبا وكنت منتظره الاجازه عشان نرجع مره ثانيه بس هالسنه بابا ماراح يودينا لان الوظع مو زين ::27:: ...
يس احنا وايد مظلومين لان العراقيين اللي بالعراق يكرهوننا مع اني انا احبهم وايد واتمنى اني اعرف ناس عراقيين اتمنى انكم ترضون فيني صديقه الكم
نور ::51::

عُلا دي ميلو

12-15-2006, 05:16 PM

الذئب الوفي

12-15-2006, 06:50 PM

السلام اهلا بيك نور بمنتدى دجلة
واهلا بكل عضو جديد واهلا بية لان انا عضو جديد

قطر الندى

12-16-2006, 05:50 PM

كل الهـــــــــــــــــــــــــــــــــــــــــــــلا بيكم...............................وتستمر الحياه رغم المعاناه

شموسه

12-17-2006, 04:38 PM

انا صار عشر سنوات متغربه في كندا والظروف جبرتنا على الرحيل من بلادنا

حنـــين

12-18-2006, 05:07 PM

wolf اني صارلي 9 سنوات بال نرويج لا تسال على اشتياقي الى العراق لان ما اكو كلام ايوصفة
شايف اني و العراق مثل الروح و الجسد اذا اشلون اطلع الروح لازم الجسد يموت
الحمد الله على كول حال هيج الله قسم النا::27::

iraqiman_22

12-23-2006, 08:26 PM

[quote=قطر الندى;2894]شباب اني هسة بسوريا بس بعد اسبوع اكون بالسويد العراق الي يبقة بي بعد يموت من الجوع واني ابوية مقيم بالسويد واذا اكو احد بالسويد خل ::51:: ::51:: ::51:: ::26:: ::26:: ::26:: يجاوبني ممكن يصير اول صديق اي

iraqiman_22

12-23-2006, 08:39 PM

هلو عراقيين والله انتو الله يساعدكم ويساعدنا وياكم لان اني رايح للسويد ::27:: ::27:: ::27:: ::27::

iraqiman_22

12-23-2006, 08:44 PM

::1:: ::1:: ::1:: اكول شنو ماكو احد صدك اريد اخلي صورة شلوون ممكن رد بس سريع شوية

iraqiman_22

12-23-2006, 09:22 PM

هلو شباب شلونكم اني رايح للسويد اني هسة بسورية ونرجع انشاء الله ونصير اهل واحباب ::38:: ::38:: ::38::

A.IQ

12-24-2006, 12:27 PM

هههههههههههه اني مولود بالامارات.....الله يعيني.......بس جنت ازووور العراق كل عطله....بس هسه ما ازوووورهة..........شكرا على الموضوعععع

عاشقه بغداد

12-24-2006, 12:31 PM

موضوعك حلو كلش
انا عايشه بالمانيا صارلي 4 سنين
اكيد ماكو شى يعوضنا على العراق

ابن رومانيا

12-24-2006, 11:45 PM

تحياتي (قطر الندى).::51::
اني ابرومانيا والسبب هو اوضاع العراق .

كتكوتة طافرة روحي

12-25-2006, 10:48 AM

هاي شنو ترى اني كمت ابجي::27:: ::38:: ::38:: ::38:: ::38:: ::38:: ::38::

اريد اعرف شي واحد هوة منو

اتغرب وارتاح واللة اليوم ايفوت

عبالك سنة بس شنسوي مجبورين

محد طلع من العراق بارادتة بس

ادعو ....واللة كريم ونرجع كلنا لبلدنا

واللة الغربة راح تموتنا من الحسرة

على العراق الله كريم تحياتي للكل

والموضوع روعة عاشت الايادي....

صقر البيدا

12-25-2006, 05:40 PM

اصعب غربه هيه الي ايحسهه الانسان ابين اهله موبس من ايسافر خارج بلده

بنوسة

12-27-2006, 05:32 PM

البلد اللي متغربة بي: (مع كل اسفي) بلد اسمة العراق
المدة: 27 سنة
السبب: بسبب جنسيتي العراقية اللي اصبحت الان ذنب احاسب علي طول عمري

وردة الحارثيه

12-28-2006, 12:00 PM

مساء الخير اني من بغداد وحاليا عايشه بمصر وطلعت من العراق مجبوره لاسباب الكل يعرفه وهي تدهور الوضع الامني اني طالبه بالمرحله الثالثه قسم هندسة برامجيات

بنوسة

12-28-2006, 05:48 PM

بلد الغربة: العراق-بغداد
مدة الغربة: 27 سنة
سبب الغربة: لا تعليق

بنية عراقية

12-28-2006, 07:03 PM

انى بسلطنة عمان وصارلى 6 اشهر بس عبالى 20 سنة لانة مثل ما كال اخوى اليوم بالنسبة اللى سنة لانة بعيدة عن وطنى واسباب الغربة انوا وطنا صار مو النا

larsa

12-28-2006, 07:38 PM

اول شي شكرا على هذا الموضوع الحلو كلش::24::
انا بمصر صارلي اكتر من سنة وشي
بس اهلي كلهم بالنرويج وان شاء الله انجمع وياهم كولوا امين الله يخليكم
وتركنا بغداد لانو احنة بيتنه وكع عليه صاروخ !!::27::
وانا طالبة بهندسة مستنصرية وتدرون الوضعية شلونهة بالمستنصرية::38:: فمقدرنة نبقى ببغداد
وتقبلو مروري
لارسا
يا عراقي لتدنك راس
دوم انت تاج عالراس
وتنخاك كل هاي الناس
6915

بغداد دار السلام

12-28-2006, 09:03 PM

هلو نور لتكولين هيج ليش العراقيين اللي بالعراق يكرهوج لا اكيد ماكو هيج شي انتي عراقية مثلنة واخت عزيزة وابد لتضوجين كلنة تغربنة بس ان شاء الله نرجع لتضوجين

larsa

12-28-2006, 09:44 PM

البلد اللي متغربة بي: (مع كل اسفي) بلد اسمة العراق
المدة: 27 سنة
السبب: بسبب جنسيتي العراقية اللي اصبحت الان ذنب احاسب علي طول عمري
اني مفهمت قصدج بصراحة؟؟؟
هو احنة كلنا حسينة بغربة من اكتر من تلث سنين من بدات ملامح بلدنا تتغير بسبب الحرب واني من الناس عدت علي هواية اوقات حسيت بيهة بغربة حتى واني ببلدي وبين اهلي وناسي

بس انت قلتي انو جنسيتج العراقية كانو ذنب وتحاسبين نفسج عليه
بس صدقيني ماكو احلى واغلى من بلدنا وجنسيتنا
بس هو العتب عالزمن اللي خلى بلدان العام متريدنة ورة مكانو كلهم يستقتلون على دخله العراق والعتب ايضا على الرؤساء اللي حكمونا لانو احنة بلد غني جدا وثرواته تغري اي شخص يستلم سلطة او منصب مسؤؤل
ومع الاسف اكو عراقيين ضعفاء النفوس اللي يروحون يسوون مشاكل بالغربة هم اساءوا لبلدنا ولشعبنا
بس نبقى نقول انو هذوله قله وتبقى الاغلبية همة الناس الطيبين والخيرين لانو هاي اخلاقنا وعاداتنا
وهمة هذوله العراقيين الشرفاء
لارسا
يا عراقي لتدنك راس
دوم انت تاج عالراس
وتنخاك كل هاي الناس

الذئب الوفي

12-29-2006, 02:11 AM

إذا ضاقت بك الدنيا فلا تقل: يا رب عندي هم كبير .... ولكن قل: يا هم لي رب كبيــــــــــر قل اللهم صلي على محمد وعلى آل محمد كما صليت على ابراهيم وعلى آل ابراهيم إنك حميد مجيد وبارك على محمد وعلى ال محمد كما باركت على ابراهيم وعلى آل ابراهيم انك حميد مجيد وارسل هذه الرسالة لـ 10 أشخاص

sarmed malaysia

12-29-2006, 07:26 AM

اشلونكم شباب واشلون الصحه طبعا اني عضو جديد وعايش في ماليزيا في كولا لمبور وطالب في لمدرسه العراقيه اوكي واي شي تحتاجون اني موجود بس كولوا

sarmed malaysia

12-29-2006, 07:28 AM

شبباب اني سرمد من العراق وعايش في كولا لمبور ماليزيا وطالب في المدرسه العراقيه واي شي تامرون اني حاضر

عاشق وطني العراق

12-29-2006, 07:40 AM

يا هلا بيك سرمد شلونك وشنو اخبارك ان شاء اللة تكون مرتاح واحنا منريد شى بس انريدك سالم
تحياتـــــي

الذئب الوفي

12-29-2006, 06:24 PM

أطيب التحيات وأحلى الاماني نتمناها لكم بمناسبة حلول عيد الأضحى المبارك أعاده الله على العراق والعراقيين بالخير واليمن والبركة والأمن والأمان وبوحدة الصف وتآلف القلوب إن شاء الله كل عام وأنت إلى الله أقرب ، ومنه أخوف وبه أعرف ، وإلى دار كرامته أسبق واسأل الله أن يكتب لك بكل خطوة سعادة ، وأن يجعل كل نظرة عبادة وكل بسمة شهادة ،وفي كل رزق زيادة اللهم اجعلنا ممن يورثون الجنان ويبشرون بروح وريحان ورب غير غضبان آمين اللهم آمين ....
::51:: ::51:: ::51:: ::51:: ::51::

zaid abodd

12-30-2006, 08:14 PM

انا مغتر بالصين

zaid abodd

12-30-2006, 08:15 PM

واللغه مشكله كبيره ولله ماعرف شسوي

larsa

12-31-2006, 02:25 AM

كل عام وانتو بخير سرمد وزيد وينعاد عليكم بالخير
واهلا وسهلا بيكم اخوتنه بالمنتدى
لارسا

zaid abodd

01-01-2007, 05:29 AM

وايديج لرسا اني جنت جاي اشاقه اني ولله بالنرويج بس لتزعلين وكل عام وانتي بخير

zaid abodd

01-01-2007, 05:31 AM

مشكور عيني الذيب الوفي عاشت ايديك وكل عام وانته بخير

hamosa

01-02-2007, 07:06 PM

اني متغربه بالسويد
بس قسمتي هيج
اتزوجت واجيت للسويد

larsa

01-02-2007, 09:18 PM

هلوووووووووو بيج هموسة
وكل عام وانت بخير ومبروك الزواج شلونهة الحياه بالسويد؟؟؟؟

larsa

01-02-2007, 09:21 PM

وايديج لرسا اني جنت جاي اشاقه اني ولله بالنرويج بس لتزعلين وكل عام وانتي بخير
هلو زيد شلونك ان شاء الله تمام
لا ليش ازعل؟؟؟ عادي مصار شي
اختك لارسا

jasmin

01-02-2007, 11:13 PM

اني صارلي اربع سنين ونص بالمانيا خرجنا من العراق بسبب مشكلة سياسية
عشنة سنة بتركيا وبعدين جينه لالمانيا
ليش المانيا؟ لان سمعنه بهذاك الوكت انهم ينطون اقامة اسرع من غير دول والسفر الهه هم اسهل جان

تحياتي

zaid abodd

01-03-2007, 12:09 AM

اهلا بهموسه وياسمين مشتركات جدد واني ولله احقيقه بالنرويج يعني جيرانكم
اجيت للنرويج بسبب الاستقرار المتوسط
وكل عام وانتم بخير

السفير

01-03-2007, 03:14 AM

اني مغترب بسوريا
بس الحمد لله ما احس بغربه
لان العراقيين بسوريا صاروا اكثر من السوريين
وين ما اطلع الكه عرف بالشارع
بس مع ذلك وين الغربه ووين تراب الوطن ...
والله هسه مو سوريا جاره النه
والله حته الهوه يختلف ... المي يختلف ... حتى شكلهم يختلف ...
ما ادري صدك هيج لو بس اني احس بهيج ؟؟؟
ما اعرف ...

zaid abodd

01-03-2007, 08:55 AM

لا ولله هوه هيج اني عشت 6 سنين بسوريه واعفهم زين بس جنت ماصادق عراقيين لان جانو كلهم خبثاء مدري ليش مع حترامي يعني ولله سوريه طقق الروح خاصه اذا بريف دمشق يعني الماء والكهرباء سقط
ومن ناحية الهوى يعني كلها مازوت وصخه صح اكيد صح الواحد يريد يشم هوه حلو ماكو بس اذا تروح على الغوطه اذا تفرف المنطقه
واهنيك على الروح الرياضيه

iraq anjal

01-06-2007, 05:08 PM

مشكوره على الموظوع اني بمصر الي سته اشهر تهجرت من قبل ؟؟؟؟؟؟؟؟؟؟؟؟؟؟؟؟ ما احب اذكر اسامي بس الله كريم لان كلنه عراقين والله يسامحهم انشاء الله و الله غفور رحيم

zaid abodd

01-06-2007, 05:19 PM

هله بيك عيني بس ماعرفت اسمك زين ممكن توضحه بالعربي يمكن عراق انجال مادري بس المهم انشالله انته بخير بمصر

the rock

01-06-2007, 07:45 PM

انا بجيران بلدنا المجروح سوريا...صارلي شهر (جديد) بس والله عبالك صارلي 30 سنة...وبسبب الظروف الي نعرفها كلنا ......تقبل مروري

EMinem_civil_eng

01-09-2007, 10:13 AM

مغترب بسوريا وتركت الجامعة التكنلوجية وقسمي الحبيب هندسة البناء والانشاءات وطلاب المرحلة الثالثة ......من فترة طويلة .....الساعة بالغربة معلقة على صليب فما اعرف الوقت اللي قضيتة بالغربة...
اختاريت سوريا لانها اخر ملاذ لاحفاد حمورابي....(دمشق اخر ملاذ لاحفاد حمورابي )هو الموضوع اللي كتبت عنة مقالة بالغربة.
والله نخلة من نخل بغداد تسوى الدنا وما فيها

EMinem_civil_eng

01-09-2007, 10:15 AM

~*¤ مشتاقـــة لحبيبـــي ¤*~

01-11-2007, 02:56 PM

اول شي شكرا قطورة على الموضوع
وبالنسبة الي
اني صارلي 8 سنوات بعيدة عن العراق الحبيب
6 سنوات منها قضيتها بالاردن و 2 بالبحرين الي هي مركز اقامتي حاليا

طبعا احنة طلعنا من العراق لان شغل بابا يطلب هيج شي

شكرا قطورة مرة ثانية تقبلي مروري

~*¤ مشتاقـــة لحبيبـــي ¤*~

01-11-2007, 02:58 PM

ضفاف دجلة

01-14-2007, 06:41 PM

مرحباااااااااااااا انا متغرب في سورية صارلي سنة ومتغرب لان امي اتخاف علية والخاطرها اني متغرب وختاريت سورية لان اشوف بيهى تقريبا كل اصدقائي وشكرا الك عالموضوع

هاي عراق

01-14-2007, 06:54 PM

السلام وعليكم شباب وشابات اني متغرب بسورية صارلي 8 اشهر بسبب الاوضاع وانشاء الله يرجع العراق

بخير ونرجع للعراق الحبيب....ونتمنى الكم الصحى والتوفيق ....

qemar_baghdad

01-15-2007, 09:39 PM

السلام عليكم اخواني اني متغربه بلامارات بسبب الوضع بلعراق واتمنه ارجع للعراق وانشاءالله يتحسن الوضع وارجع مشكوره اختي على الموضوع مع تحيات قمر بغداد

حنين الوطن

01-16-2007, 07:32 PM

السلام عليكم
اني في الامارات صارلي سنه او اكثر بس الغربه حيل صعبه مع العلم اهنا يمي تقريبا كل اهلي
وعلى فكره (بدون اقامة ) وانتوا شوفوا شكد صعبة .

مع تحياتي

فــــوفــــو

01-18-2007, 03:00 AM

هلوووو اني مغتربه بمصر صارلي خمس شهور و12 يوم وروحي طاكه وسبب الروحه الوضع الامني الي ببغداد ..
اختكم فـــــــــوفـــــــــــو

hamosa

01-20-2007, 06:47 PM

عزيزتي اني عايشه بالسويد وصارلي سنه وهيه اختارتني لان اتزوجت عراقي بالسويد

hamosa

01-20-2007, 06:47 PM

عزيزتي اني عايشه بالسويد وصارلي سنه وهيه اختارتني لان اتزوجت عراقي بالسويد

دودو العلوم

01-23-2007, 05:50 PM

هلو بلنسبه اليه بعمان وصارلي سنه ودائما اشتاق البغداد الحبيبه واختاريت عمان لان اكثر الي اعرفهم من صديقاتي اهناك.

فارس الليل

01-24-2007, 06:39 PM

اسلام عليكم

اني متغرب ابسوريا وصرلي 7 اشهر واحلم ارجع للعراق الغالي

وموضوج جدا لطييف

تقبلي تحياتي

toffeealiraqi

02-01-2007, 09:14 AM

السلام عليكم
والله اني مو كلش مغترب بس ما ادري ليش هم احس نفسي بغربة
اني من بغداد و هسه عايف بغداد و ساكن بسليمانية
ولو اني بعدني بالعراق
بس تره مستحيل اكو شي بالدنيا احلى من بغداد

سلام للجميع

flamarz

02-03-2007, 01:27 PM

اولا اشكر الاخت قطر الندى على هذا الموضوع الجميل

مقيم في الامارات في دبي وصالي 4 سنوات ودخلت بخامس
والسبب لارتباطي بلعمل
والغربة صعبة جدا واصعب شيى هيه اول سنة وخاصتا من تكون وحدك في الغربة للعلم هيه دولة عربية بس مافيها معالم العربية قليل جدا من يتكلم العربية العام انكليزي والاحلى الانكليزي مال الهندي خرب من الضحك .

dana

02-05-2007, 04:28 PM

هاي انا بماليزيا وليش اختارينها لان هي الوحيده الي نكدر نلجأ الها حسب ظروفنا والاهل متوجدين هناكه وكم مده مصارلي هوايه صارلي شهر وشويه او رح تصر شهرين بس انا جاي احسها ستين سنه صارلي والله رح امووووووووووت

ذئب القوافي

02-06-2007, 07:41 AM

شكرا الج عزيزتي قطر الندى واني جنت دااريد انزل نفس هذا الموضوع تالي شفت موضوعج فكلت يله اكو من سبقني لتصوير معاناة العراقيين في الغربه اني صايرلي شهرين بالامارت / الشارقه وقبلها كنت 3 اشهر بسليمانيه وبعدها ماادري وين ..............::10:: ::10::
يمته نرد لوطنه ::10::
ونفرح بلمت اهلنه
وطنه طيبه ومحنه
ياما من خيره اكلنه
وياما على ترابه لعبنه
اهل كرم وضيافه احنه
صفينه نتحسر على بلدنه
وابد ميفارك العين دمعنه::27:: ::27::
نرد يمته لبلدنه

أبن الرافدين

02-06-2007, 01:03 PM

مرحبا
هاي اول مشاركه الي بلمنتدى الجميل واللطيف
اني مغترب في الدنمارك
صارلي من سنه1999
سبب الغربه حال كل الناس الي هاجرت من العراق

NO0O0O0

02-10-2007, 07:11 AM

والله متغربه بمكان كلش صعب

بس الحمد لله الله وياي

hamooody

02-10-2007, 11:10 AM

يسعد صباحكم يا ربي
عجبني الموضوع و حبيت ارد
اني مغترب بسوريا
صارلي سنة
و هسة راح اروح الى لبنان (من غربة الى غربة)
السبب بدون سبب
و اتمنى ارجع للعراق
لكن الظروف مو مالت رجعة ( اللهم اغث عراقنا )
سلامي و شكراً على الموضوع

E-S-C-A-D-A

02-10-2007, 11:11 PM

هلوووووووووووووووووووووووووو
اني مغتربه بعمان صارلي 7 اشهر واحسها سبع سنين
شوكت نرجع عاد مو متنه من الغربه

omar_figo

02-12-2007, 07:01 PM

هلو
شلونكم واول شي الله يساعد العراقين الي بغربه
اني هسة بلاردن مغترب
سلامي للكل ومشكور على الموضوع

المقتول

02-14-2007, 06:42 PM

اولا السلام عليكم وثانيا انا متغرب في سوريا

عراقية و افتخر

02-14-2007, 08:58 PM

اني بلبنان و كل يوم بجي للهامة اريد ارجع بس متكلولي على يا وضعية تعيسة

حلوة كربلاء

02-15-2007, 01:20 AM

الله كريم عيوني تهون

حلوة كربلاء

02-15-2007, 01:24 AM

هلوووووو. اني بمصر والسبب ما اعرف بس جيت سفرة وعجبتنا ورجعنالهة وان شاء الله نرجع لوطنا بس تتحسن الضروف هنا اكوهواية عراقيين والشعور بالغربة بوجودهم يكون اقل

علي انكليزي

02-15-2007, 04:02 AM

انا خاف اقول انا بيا دوله ,لانه كل شهر كاعد يشمرني زماني بدوله وذالك بسبب كرم العرب ويايه العراقيين باستقبالهم ومنحم اقامات ,المهم هسه انا بالصين واعمل في مكتب للشحن والتجاره واشكركم على هاي المواضيع الحلوه

MAMO

02-17-2007, 12:58 PM

الدوله سوريا المده سنه وان شاء الله ارجع بالقريب العاجل
سبب الغربه الاوضاع الامنيه الغير مستقره(استشهاد اخي التوأم)
اختياري للدوله لانها قريبه على العراق لسهولة الرجوع لبلاد الرافدين

انمار الطيب

02-18-2007, 03:28 PM

سلام قولا من رب رحيم

انا عراقي مغترب في فنلندا وكم اتشوق لرؤية العراق لانني لم اولد في العراق ونحن ساكنين في فنلندا منذ اثنان وعشرين عام
وامنيتي الوحيدة ان نرجع مع العائلة الى ارض العراق ارض الحضارة والصمود
تمنياتي لكل مغترب ان يجمع شمله مع اهله في العراق
مع خالص تحياتي
اخوكم انمار العراقــــــــــــــــــي