رأيك...

[المهندسة]

السلام عليكم اخواني اخواتي
شلونك وهالايام ماكو مطر

حبيت اسال سؤال
سوالي مشاااااااااكل هواية

واريد رأيكم ويمكن راح اغير رأيي

سؤالي...
هل الخبرة اهم من العلم؟؟؟
يعني واحد يعرف بالدواء يصدر ويستورد وعنده خبرة بالدواء بس ما عنده شهادة الصيدلة
هو احسن
لو الي يدرس صيدلة ويتمرس وبعدها تصير عنده الخبرة بمجرد سنة لانه دارسها ويفهمها بسرعة؟؟

او
عامل بناء عنده خبرة يبني وصارله يبني فد 20 سنة
هو احسن
لو الي درس التقني او الهندسة وتعين واكتسب خبرة هم بضرف يمكن فد اربع مشاريع يسويها

وجزء الثاني من السؤال...
هل تأمن بكلام المتعلم الي يعطيك لكل سؤال تسأله جواب محدد
او تأمن بكلام الي عنده خبرة الي يعطيك عدة اجوبة لاي سؤال تسأله



انقذوني برأيكم
ومشكوووورين

[A7mad]

سؤال جميل أخت المهنسة .....

شخصيا ....

أفضل المتعلم على ذوي الخبرة بدون الشهادة ....


كل جواب علمي هو المطلوب عادةً ......


مـــــــــــ ::39::ــــــــــ تحياتي ـــــــــــ ::4:: ــــــــــع

[المهندسة]

مشكووور اخي على رأيك
ريحتني
والله يكثر من امثالك

[-T-R-O-Y-]

طبعا بالبداية اكلج الموضوع حلو ومثير جدا

بالنسبه الي ما أؤمن بالفرق بين الشهادة الحاصل عليها وغير الحاصل عليها

يعني هي تبقى على الشخص اذا كان عنده حب للشغلة الي هو بيها اما اذا كان مجرد شهادة فمستحيل

راح يبدع بمجال اختصاصه

هذا رأيي والباقي عليكم

وعذرا على التأخر بالجواب

[AlTaJeR]

مشكوره مهندسه على الموضوع واني برائي اكو هواي ناس ابدعت بامور وهيه مدارسته
واكو ناس دارسه واختصاص بس فاشله
اللي يلعب دوره هنا الموهبه وحب العمل
تحياتي لك

[المهندسة]

مشكووري ن اخواني على الرد
وفعلا الواحد اذا ميحب دراسته مرار يبدع بمهنته المعتمدة على الدراسة
والعكس صحيح

بس اكو اشياء ميفيد بيها الواحد يحب الشغلة لازم لازم لازم يدرسها
مثل الطب الصيدلة
يعني مستحيل واحد يحب الطب ويبدع
ولا الي يحب يبني يصير مهندس
مو بالله

مشكووورين على الردود

[-T-R-O-Y-]

المشكلة هنا بنظام دراستنا الغلط من الاساس

لان باليابان يخلون الطفل يقرر مصيره من عمر مبكر جدا ويخلوا يتفرغ بهذا الاختصاص

يعني مو شكد تجيب بالمعدل تروح لاغلط

تقبلي مروري

[المهندسة]

اي والله صدك
اكو هواية يدخلون كلية وهو مو مكانهم
والنتائج الموزينة تصير وكت المهنة
مشكوور اخي على مرورك
وعلى هذا الرأي الجديد والنافع

[Atasgul_cCc]

مشكورة اختي على الموضوع

لكن راح اعطي راي بصراحة

الخبرة وحدها ما تكفي ولكن الشهادة في نفس الوقت لا تكفي
يجب وجود الاثنين في نفس الوقت
لكي يكون الاجابة علمية وعملية

[متيم الالتيما]

الشهادة مو كل شي
اكو رجال اعمال ناجحين جدا لكن بدون تعليم او حتى ممكمل تعليمه
لكن كل شي على اصوله حلو

[rose_of_kirkuk]

يعني واحد يعرف بالدواء يصدر ويستورد وعنده خبرة بالدواء بس ما عنده شهادة الصيدلة
هو احسن
لو الي يدرس صيدلة ويتمرس وبعدها تصير عنده الخبرة بمجرد سنة لانه دارسها ويفهمها بسرعة؟؟



صحيح كلامج الخبرة اهم لان اني راح اتخرج هالسنة وليهسة ما اعرف اي شي طريقة التدريس فاشله نظرية مو عملية
يعني لو ما نطبق ما نعرف اي شي

شكرا عالموضوع الحلو