الشي الي ما ممكن نساوم عليه

[Unity of iraq above all]

هلاو بنات
هلاو شباب
انشالة زينين انتوااااا

انتوا اكيد كلكم تعرفوون
انه ما ممكن نحصل شي بهل الدنيا بدون ما نخصر شي بالمقابيل
متحدث
الا نادرا وللناس المجنصين يحصلون بدون ميخسروون
يعني شكد هواية مرات نتعارك وية اخونا لو ااختنا
ويهددونا
لووووو تجيبلي الماي لوووو ما اخليج تباعين تلفزيووووون
واحنا نكووووول اوكي اوكي نجيبلكم الماي
او نكول ملااااازم ولا عاوزة علة التلفزيون
العملية الي حصلت اعلاه
تتسمى مسااومة
همة ساوووومونا
لووووو كذا لووووكذا
واحنا اختارينا
الاختيار الي يمليه عليه عقلنا ومشاعرنا
هاي العملية البسيطة الي صاررت
راح تتكرر
وتتكرر
وهواييييية
بس بغير شغلات
وعلة شغلات اكبر
واكبر
ومرات تصير اختياراتنا مصيرية
وتحدد مسيرنا بالحياة
فهواية بالمساومة واحد مرات لازم يتنازل عن هواية شغلات لاجل اني يحصل علة شغلات لخي
وتختلف هالمفاهيم من شخص لاخر
واكو حدود للمساومة عند كل شخص
يعني يوصل يكول طز بالشي الي اوصله المهم مو علة حساب هذا الشي الي ديساومني عليهد
وهاي الاشياء تختلف
كان تكوون
فد غرض مادي ملابس, فلووووووس اي شي
او معنوي مثل الكرامة,المباديء, الحب , الصحة ,الصداقة, الدراسة ,العرض ,الشرف, الروووح ,راحة البال, جهد بشري اوعمل بيه اهانة للذات
واحتمال يساومووووك علة انسان تعرفه اوووو حيواااان تحبه يجوز بزووووونة

فاليوم سؤالي الكم
شنو الشي الي ما ممكن تساوم علييييه ؟

بالنسبالي
الاشياء الي ما ممكن اساوم عليها
هية
الكراااااامة
لانه الانسان شعنده بهل الدنيا غير كرامته اذا راحت كلشي يروح وياها
والصداقة
ماكو احلة واحسن من الصداقة
والحب
وااخيرا مبادئي
يعني هوة اساس لاي علاقة
بس اذا كانت المساومة اليه
بين الكرامة والصداقة
لو كرامة وحب
راح اختاااااار الكراااااااااامة

يرة انته شنووووو شتكولون
شاركونا بارائكم .............

[ساسوكي شايل سيفه]

حبي مشكور وعاشت ايدك على موضوع ويستحق الوقوف وقرائته بشكل جدي وماكو واحد يكدر يعيش بدون كرامته وخاصتن العراقي اهم شي عندة كرامته وعزت نفسه

[حمودي]

اخواتي اخواني ... سلامن عليكم اني اخوكم حمودي واحب انو اشارك واكون عضو فعال (يعني لا مقفل ولا خارج نطاق الخدمه) بس تدرون مثل ميكول الشاعر مو كل ما يتمناه المرء يلكيه ( طبعا هو ميكول هيج بس اني محافظ بيت الشعر اهم شي وصلت الفكره) هو وينه الوكت وهاي المشاغل عموما ما اطولهه عليكم منتداكم مرتب والمشاركات الي بيه روعه وجديه هاي وحده ثانيا اني هم مهندس مدني ادور عله ربعي يعني.... يالله كافي بعدين انكمل خلي هسه اجاوب عله الي كالته مس يونتي :

الي يكول اني عله كلشي اساوم اله عله مبدئي .. زين هو شنو مبدئك منو يكول انو هو استند عله شغلات اني او غيري مؤمنين بيهه يعني قصدي كلمة المبدء متغييره مو ثابته لكل فرد هاي اولا ثانيا سؤالي لمس يونتي انتي كلتي كرامتي هيه بمقدمة الامور الي ما اساوم عليهه .... سؤالي هو
زين اذا جانت كرامتج عله حساب ضرر انسان او اكثر من انسان خلي اسال بغير صيغه - اذا ساومنه شخص او ضرف او مشكله بين كرامتنه وبين وقوع اذيه وضرر عله انسان عزيز علينه او اي انسان يهمنه شراح انسوي نساوم لو لا-
الي اريد اكوله انو لازم الامور الي نخليهه فوك كلشي ومنساوم عليهه هي الثوابت المشتركه ابين كل البشريه ..... الخير والشر...... يعني اني عله كلشي اساوم بس مستحيل اساوم على ان اكون سبب او وسيله لخذلان الخير بين الناس عله كلشي اساوم بس مستحيل اكون سبب لظلم اي انسان عله كلشي اساوم بس مستحيل اكون حليف للشر او ساكت عنه.
يالله كافي دوختكم واني هم دخت تره الواحد من يتفلسف هواي يدوخ واريد اروح ادور عله غاز لان الغاز عدنه خلص ::12::

[حياوي (المعذب)]

شكرا يونتي على الموضوع اللي يستحق الوقفه عليه
الاشياء اللي مستحيل اساوم عليها هيه والتسلسل حسب الاهمية والاولوية
1- كرامتي وأعز ما أملك
2- عرضي
3- وطني وبلدي وناسي
4- الصداقه أغلى ما عرف الانسان
5- اخر ما أفكر بيه الحب (لأن مع الأسف محد يقدر)

[ghaiothy]

والله خوش موضوع يونيتي عاشت ايدج
والواحد اهم شي كرامته

[Unity of iraq above all]

والله حمودي اول شي منور منتدانا
وحجيك كلش صحيح تدري
يعني كلامك منطقي وصحيح ومشكور
وارجو تستمر ويانا لانه المنتدى محتاج لناس مثلك


مشكورين حياوي وغيوثي وساسوكي
وساسوكي ترة اني بنية ::51::
وبحزب البناااااااااااات ها فيعني اكو حرب تعال شارك بيها

[RIVEROFLOVE]

اني اايد حمودي 100% وبرأيي انه اكو شغلات يمكن هسة اكول ما اساوم عليها نهائيا بس قد اكون بظرف من العقل والحكمة ان اتنازل عنها وما اعاند واكول لا
لان مثل ما اكال حمودي قد اضر غيري او اضر نفسي يعني لازم الانسان ان يتكيف وي الوضع المفروض علية

واذكرلكم مقولة الامام على ( كرم الله وجهه وعليه السلام )
لاتكن قويا فتكسر ولاتكن لينا فتعصر
هذا الي ردت اوصلة الكم
واعذروني اذا المقولة ما مضبوطة 100%

[Tom Cruise 33]

هلوووووووو
عدل وكبل راح افوت بالموضوع مال انتي بدون مقدمات ولا مذيعات ولا هم يحزن انتو ........
ابو فد واحد يكول (عيش وشوف )
اي والله بهاي الايام الواحد كام يشوف العجائب
تصوروا يساوم على بلده علمود كم فلس
واني اتصور كل شئ واحد يمكن يساوم عليه الا الوطن
لان اصلا هذا شئ مو مال واحد لو اثنيين
هذا مال اجيال راحت وراح تجي
والشغلة الثانية هي مسألة الشرف
لان الشرف اذا راح ما ممكن راح يرجع مرة ثانية
الشرف مثل الجامة اذا انكسرت ممكن تتصلح بس راح يبقى الاثر طول العمر
اني هذا رايي
تقبلوا تحياتي

ها
لحظة
بس عندي فد شئ
اكلك يونتي
(واحتمال يساومووووك علة انسان تعرفه اوووو حيواااان تحبه يجوز بزووووونة)
بزووونه اذا تساوميين عليها تستاهل مو؟
ههههههههههههه عندك ثار وياها هههههههه

[Hidden Dragon]

والله يونتي اول ما بديت اقرا الموضوع كمت افكر بالكرامة فعلا كرامتي فوق كل شي عندي وما اكدر ان اساوم عليه مهما كانت العطاءات المساومة
شكرا على هذا الموضوع

[Unity of iraq above all]

والله توووم كلش حجيك صحيح
للاسف
هسة اكوو ناس
دتساوم علة اعز شي
علينا كلنا
الوطن
وديبعون وطننا الغالي
بالرخيص
برخص التراب

وهدن تدري يمكن اكثر شي شفت الناس متساوم عليه الكرامة يعني من خلال هالموضوع
لانه نشرته مو بس بهل المنتدى

مشكورين كلكم علة الردود

[romeo_civil86]

يونتي تسلميلي قلبي على هذا الموضوع الحلو وبصراحة كل الي قال الاصدقاء صحيح 100%
بس احب اكول شي واحد تره هواي اكو نفوسهم ضعيفة مع الاسف هم الي دمرو هذا البلد العظيم
وهم الي دمرو حقوق وكرامة العراقين الله عليكم مو حرام هالناس تموت بدون ذنب ارتكب

[Unity of iraq above all]

اييه والله حرااااااااام
روميو حرام
وكفر
بس ويامن نحجي
المن نشكي
ها هية سلمناها لالله