ياعيني ياوطنــــــــــــــــي الحبيب(العراق)

[نبض بغداد]

::27:: ياعيني ياوطني الحبيب ::27::
من دون الأوطان مذبوح , و جراحك نازفة أبكل وكت ..
جاروا عليك العرب , والعجم , وجاير عليك الوكت ..
لا أنت حي ّ ونشوف العافية أبوجهك , مثل ماچنت ..
ولا أنت ميتّ , عشان أنگول : الله راد , متنا ومتت ..!
بين الحيا والموت , ماندري الشفا يمتى ؟ أشوكت ؟
أشوكت تصحا يالعراق من المرض ..؟ گل لي أشوكت ؟
أشوكت تصحا يالوطن من القهر ..؟ گل لي أشوكت ؟
يمتى الفجر يبزغ ابعينك ؟ , والربيع يعود ألك , وبياوكت ؟
نذبل أذا أنت أذبلت .. ونزهي وأنوّرد بيك كلما وردت ّّ ..
يمتى يبستان العمر , صدرك تفتحه للشمس ؟ گل لي أشوكت ..؟؟
أشوكت تطلع في سماء اليأس ياقمر الزمان الماغبت ؟
ميصير ياأحلى وطن, يازينة الدنيا وأجمل ماشفت !
تبقى بحضن الموت نايم تنتظر موتك , چنك ماعشت ..!!
كثروا حواليك الأنذال , وكلهم أمحضرين گبرك من وكت ..!
لايومك أيمّر بفرح , و لاجمعتك جمعة , ولاسبتك سبت .. !
أيذبحوك بسيوف الأسلام الجمعة, ويدفنوك في عيد اليهود السبت ..
العلة طالت ياوطن .. بينا دفينة ... وفوگها ضيم الوكت ..
لاأحنا طبنا من المرض , ولا أنت من عدنا طبت .. !
مصلوووووب ياوطني , من زمن الحجّاج ..
ومختوم ظهرك بختم الطاغية والسوط والكرباج ..
ياعيني ياوطني ..
** ** **
عيني وعينك يعمري نجمتين أبليل ..
كلما يضوّن سوا يلتمّ عليهن ليل ..
وكلما أريدك وطن يراووني بيك الويل ..
ومن كثر خوفي وخوفك غدينا أمسافرين أبريل ..
ماكو محطة لنا , وماكو دليل وتيل ..
والحرامية أبكثر برغش الهور أبليل ..
والطائفية غدت سلطان بأسم الدين
تشعل ابگلبك حرائق , والحطب هذا الجيل ..!
والحيرة بير الصبر , والصبر هدّ الحيل ..
ساعة يطول بأمل , وساعة يضيگ أبويل . .
ماندري ألمن نظل ؟ وماندري يمتى أنشيل ؟
وخوفك على الليّ بگوا . وخوفي عليك أتهيل ..
من كثر ضيمك غدا موت العراقيين , گص ّ وشيل !ّ
مذبووووح ياوطني , وتنتظر ساعة ذبح ..
من صار بيك النذل , مثل الگزازة أبجرح ..!
ياعيني ياوطني ..

::51:: نبوضة بغداد ::51::
.................................................. ......

[scorpion]

عاشت ايدك نبوضه موضوع كلش حلو وكلمات رائعه ::13::

[نبض بغداد]

تسلم سكوربيون على مرورك

[barby_87]

عاشت ايدج نبوضة

[بغـــــداد لا تتألمـــــي]

عاشت الايادي وسلمت ....

[زعيم الشلة التعبانة]

موضوع كلش حلو سلمت الايادي
اخوكممممم الزعيممم::52:: ::2::

[نبض بغداد]

تسلمون على ردودكم

[siffien]

عاشت ايدج نبض كلش حلو

[المهندسه]

عاشت ايدج يا ورده كلام رائع تسلمين

[نبض بغداد]

الف شكر صفين والمهندسة على مروركم وردودكم على الموضوع

[المهندسه]

تدللين حبيبتي منوره المنتدى بمواضيعج الحلوه تسلمين

[نبض بغداد]

تسلميلي حياتي هذا من ذوقج

[ذئب القوافي]

عاشت ايدج يا نبوضه على الوصف الرائع لمأساة عراقنا الحبيب سيأتي اليوم الذي تركع كل العرب تحت اقدامنا وتحسب لنا الف حساب وسيندمون على مافعلوه بنا في هذه الايام وكل من جر جرهم من شرق وغرب وشمال وجنوب فصبرا يا وطني وصبرا يا اهلي سيأتي يومنا وانشاء الله قريب

[MID NIGHT]

أشوكت تصحا يالعراق من المرض ..؟ گل لي أشوكت ؟
أشوكت تصحا يالوطن من القهر ..؟ گل لي أشوكت ؟

مشكوره يانبوضه الورده
عاشت الايادي

[الايطالي]

عاشت ايدج نبوضه
مشكوووووووووووورة

[نبض بغداد]

عاشت ايدج يا نبوضه على الوصف الرائع لمأساة عراقنا الحبيب سيأتي اليوم الذي تركع كل العرب تحت اقدامنا وتحسب لنا الف حساب وسيندمون على مافعلوه بنا في هذه الايام وكل من جر جرهم من شرق وغرب وشمال وجنوب فصبرا يا وطني وصبرا يا اهلي سيأتي يومنا وانشاء الله قريب


عاشت يدك ذئب على هل كلمات الروعة
وتسلملي على مرورك ومشاركتك ويانة

[اسمراني]

عاشت ايدج نبوضه موضوع كلش حلو

[نبض بغداد]

تدلل ومشكور على مرورك هذا من ذوقك

[اسمراني]

اتدللي نبوضه

[نبض بغداد]

مشكور هكر

تحياتي