شكوووووو ماكووو؟؟؟؟؟؟؟؟؟؟؟

[Unity of iraq above all]

هلاووووووووو بنات هلاووو شباااااب
شلونكم انشالة زينين
طبعا اني هذا الموضوع قبل جنت كاتبته بس همينه وكتها دجلة جان محشش فالمووضوع صار بيه تحشيشات ومحد شافه

المهم
الغرض من هالمووضوع شنوووووووووووو؟
انه من باب نتعارف اكثر
فماكو كلمة عراقية اكثر من شكو ماكو
علمود تخرطولنا الاول والتالي ::26::

فيعني يا ريت لو كل واحد يحجيلنا الشكو ماكو الخاصة بيهههههه
شسوة اليوم مسوووة
وهكذا دواليك كل يووووووووووم
علمود نتعرف عليكم وتتعرفون علينا اكثر واكثر ::13::

ووههههههه لحد يطينا الجواب المعهووووووود ماااااااكو شي ::52::
هاي من هسة دا اكلكم ترة

يرة يرة لا تضوجون هسة اسويلكم واهس
اسولف اني وانتوا وراية تحجولنا شسويتوا اليوووووم::2::

يابة اننننننني
منين ابدي اليووم
شلون قهر هوة اني اصلا اناااام ؟::27::

المهم شووفوا اني منايمة يعني
هاي شوية نومتي كلش متخربطة هالايام
تعرفون اني باربيل
ويعني
والكهرباء جانت قبل تجي بالوحدة لل6 الصبح
ومجنت شادة نت بالبيت
اكضيها سهر علة التلفزيون للسته وابوية يكوووووووم يرزلني
ومدري ايش
وارووح اانام
بعدين وضعية الكهرباء اتدهورت
كامت تطفة بالاربعة
فشنو اني
صايرة بيه حالة محلوة
مدا انااااام
وما عندي شي اسوي ظلمة اسمع اغانييي
واظل سهراااااااانة::38:: ::38:: ::38::
وابقة
تصير بالثمانية الصبح اشوف نفسي منمت
اكوووووووم
اتريييييك
واصفن وامووووووت قهر
كأببببببة بيه كأببببببببببببببة
اريد اخابر صديقاتي
بس المكالماااااات غالية
وماكو كهرباءءءءءءءءءءءء
وشنوووو ملللللللللللللللللللللللللللل وفراااااااااااااااغ ::38:: ::38:: ::38::
فاليوم هم نفس الحالة
ظليت كاعدة
صارت بالعشرة
شفت ابن خالتي نايم (ابن خالتي متربي ويانا كلش اصدقاء احنا وياه )
ضجت
كلت شنو نايم هذا
خلي اكووووومه ::52::
كوووووومته
ومكااام
ماما كومته كللتله دكوم اطلع وياها افتروووووووا
كللها خالة وين نطلع بالحر
المهم
هوة ضل ميقبل يكووم
بعدين كال
طارت النووومة
بسيطة
مو تردين تنامين ولا اخليج تنامين العصر
اسوي بيج مثل ما سوينا بيج البارحة ااني واختج ( ظلوا يغنون يم راسي وويدكون علة الباب واعيط وميفيد )
كتله متسوي شي ومتكدر
المهم ضلينا نسووووووولف ونطك طك صوووووور هههههههه
كلنا علمود ننشر صوره بالهاي فايف ::26::
ودنتظر مولدة المنطقة تجي
وتالي جتي بالوحدة
رحنا حطينا صوره بالهاي فايف
كامت اختي
شافت صوره بالموقع
غارت
كالت اريد اني هم اطكك صورررررر ( بس لا تخافون مو تنشرها غير نذبحها ::2:: )

وتعالي كلساع غيري ملابسج وطككي صور
وكلساع تجي تنزلها
يعني وكت الانترنيت طاررررررررررررررر
كله عليها وعلة صور ابن خالتي

المهم
فوراها احنا متفقين نروح للمول
صارت بالخمسة شوو طفيت::2::

رحت انااااااام
شكد يحاوولون يكومون بيه اعيط عليهم
وخربت طلعتهم
ومراحوا للمول من ورة سخافاتاي
بس شسوي نعسانة ::16::
نمت كعدت احلللللم ههههههههه
كلها باهل الاعدادية هههههههههههه
المهم مدري ليش كمت بال11 ونص بالليل
وجينا علة النت
تالي الموقع مال هاي فايف لابن خالتي يكول الباسورد غلط
مدري ليش غلط
وشكد طك صور
وغير ملابسه ههههههههههه ولقطاااااااات ::52::
وتالي الباسورد مدري ليش غلط
هههههههه
ايييه عاد اني عفتهم رحت اباوع مسنغ
وراها عود ابن خالتي ديحجي بالمسنجر وية بنية
هية اختي دتحجي وياها وخطية هوة صافن
يكتب الي تكوله اختي ههههههههههههههه
جيت رزلتها كتلها عووفيه للولد هذا وكته
مفاد
عفتهم
بعدين اجه وكتي كعدت العب دومة بالمسنجر
ليش يخلوني
كلساع ابن خالتي كال اني العب
واختي كلساع تاخذ الماوس مدري شتفتح اميلها لو مدري شنو

ايييييه
ترة حياتي فشلللللللللللل
بس هوة هذا الشكو ماكو
هسة اني مطفية القوة وخلص الشحن
وراح ارجع للكابة ::38::

ههههههه دوختكم باللغاوي
بس يرة ميخالف
بلكت تتحفزون
وتسولفولنا
بلكت الشكو ماكو الخاص بيكم احله بهواية
اكيييييد هههههههههه

[شهريار]

ماااااااكو شي ::52::
بس اني هم مدا انام

[حياوي (المعذب)]

والله لحد الان ماكو شي
هسه الساعة 6:30 صباحاً فد شويه أبدل واروح للدوام
واليوم عندي اشراف على 3 مشاريع .... وواحد منهم عنده سلفة عمل يعني راح اتبهذل من التعب
ومن ارجع اسولفلكم

[ghaiothy]

اي اني صارلي شهر دااسمع اغنية مال محمد نور اسمهة حياتي نصيحه سمعوهة

[Tom Cruise 33]

تسلمين يونتي على هاي الفكرة
طبعا اني اليوم من الصبح كاعد على اساس عندي موعد مال الاسنان
المهم كولوا بدلت وطلعت بالسيارة
فكلت خلي امر على بيت جدي ماطول صرت قريب
المهم وصلت , فكعدنا نسولف
وبدأت الاخبار الجديدة مال العائلة وهي كالتالي:
- سقوط ابن خالي من الدرج وحدوث فطر بالجمجمة
-تهديد خالي , وطلبو رحيله من المنطقة
- اغتيال صديق قديم لي
طبعا بعد هاي الاخبار الحلوة الواحد يصيرله واهس بالحياة.
عاد وراها رحت للدكتور مال الاسنان وكعدت انتظر سراية
فطلعت اللي كاعدة تشتغل ويه الدكتور وصاحت منيه فلانة
وهي تقصد علية
عبالها اني بنيه
اسم الله عليها اشتبهت
ودكلي اسمك مال بنات
وطبعا هاي مو اول مرة تصير وياية
شحجيلكم
هواية هنة
مرة قدمت على المتميزيين
فسونه اختبار وكانوا الولد والبنات سويه
بس بعدين يسوون فرز للاسماء يعني يفصلون الولد على البنات
فطلعت اسماء المقبوليين
دورت على اسمي ماكو , فكلت يلا طز
ليش مو بنية جيرانه جتي علينا كالت مو شفت اسم ابنكم بالمتميزات
وعدكم الحساب , اسمي بالمتميزات
صراحة اني كيفت ههههههه
يلا بعدين اكمللكم , رايح اتعشى

[sartar]

ايييييييييييييييييييه شنسولف ......... الحياة بالعراق عطل بعطل بفشل ......::1::
والله اليوم طلعت للموقع لان صارلي هواية منازل للموقع .. جنت باجازة ... والله جنت مرتاح ....
المهم طلعت بحماس .......... وطبيت للبنايات ولكيت اللعاويص والخرابيط .... المهم فتريت بالبنايات وصورت الاخطاء الي مينعدن ... ورحت نزلتهن ودزيتهم باميل يعني حرقتهم ........ههههههههههههههه...
وبعدين كعدنة نسولف ونحشش ونصنف ....... يعني مخلينة احد منبشناه ........
صار العصر طلعنة للعشار ...... والله احسن من بغداد ((بغداد لانكدر نطلع ولاهم يحزنون ))))))
المهم طلعنة للعشار افترينة واشترينا غراض ....... بعدين كعدنا على شط العرب شربنا نراكيل وهم ضحكنا
وجاي نصعد بالسيارة نروح لشارع الجزائر لكينة التاير مبنجر .......... وبدلت التاير وتوسخت ايدي وشوية تدمر التيشريت ....
المهم رحنا للجزائر فترينا .. وشفت وحدة بصراوية سمرة وعيونها عسلية .... اجيت اروح احاجيها بس شنو هناك اذا اروح احجي وية وحدة .... معناته مباشرة يغلفوني .. فغلست واحترمت نفسي .. بس ترة مو عبالك اصجمها قصدي
... لاعادي اروح بس اكلها عيونج حلوة وخلص ..... المه عود راحنا نتعشى بمطعم عدخم زين بالبصرة اسمه كناري .... تدرون شطلبنه ....... ((((((فلافل وسمبوسة )))) بس شنو طيبة فلافلهم والسمبوسبة مالتهم .........
بعدين رجعنا ولكيت الماوس خامطيه مال حاسبتي .... لكيت حاسبة فارغة فخمطت الماوس وخليته يمي ... وحششت على منتدى دجلة وهسة يمي الساعة بالوحدة ونص ........

[Unity of iraq above all]

مشكورييييين علة المشاركة والتفاعل
عادي شهريار ضل عنوودي ::56::
مكملتنا شسويت حياوي
غيوثي الاغنية اطينا اللنك بتاعها ::2::
وتووم
همزين شفت ناس تسولف هواية مثلي ::51::
احب اكلك البقية بحياتك
صدك اني هم جنت متميزات شو مشفتك تداوم ويانا ::52::
وهلة بسارتار
هوة ميريد يتحارش بيها هوة بس يريد يكوللها عينج حلووووووة
::237:: ::237:: ::237::
هلة بيهم
لعد هاي شيسموهاااااااا
غزل يجووز ::14::

اما بالنسبالي اليوم
عادي همينه منايمة طبعا اذا كايمة بال11 ونص الليل
بالسبعة قررت ماكو داعي ااحاول النووم ميجيني لانه بالكوة
رحت
سويت ريووك لنفسي اكلتي اللمفضلة الي من اختراعي
اكلة يوني ::37::
وراها شفت قلم كلت خلي اكتب بيه بس ماكو اوراق
رحت علةابوييييييية كتله عندك دفتر كلي ايه وكام يدورلي
وراها كلت اني ليش اكتب بالقلم خلي اطلع الابتوووب واكتب بيه مواضيع
رحت فتتحه
وكعدت كتبت خمس مواضيع ::52::
صارت بال11 خلص الشحن
بعديييييين
كام ابن خالتي من النووم
وكعدنا يم امي بالمطبخ دنسولف وهيج
ورراها كامت اختي
وجتي القوة زركت علة الحاسبة
جانت طفت القوة هههههههههه ومكعدت ::52::
اييه المهم وراها جتي القوة باواعنا تلفزيوون
همينه ناوين نروح للمول بالمغرب
هم نعست ونمت بالاربعة ::38::
ترة مو وضعية والله انام بالاربعة الظهر وكمت بالتسعة
واظل بقية اليوم كله سهرااااااااااااااانة
مو وضعية اريد ترجع نومتي مثل قبل انااااااااااااااااام
بالسته الصبح
واكعد بال2 الظهر
وهيج حلوة ومرتبة النوومة
موو مثل هسة
::38:: ::38:: ::38:: ::38::
لا انام ليل ولا صبح
انااااااااام بالعصر
يعني ما اطلع لاي مكاااااااااااااان::38:: ::38:: ::38::

ايه كمت عادي اتفرجنا تلفزيون ومدري شنووو
ورجعت جيت علة النت بال12


ملتهية بالمنتديات وبالمسنجر
وهسة بال3 ونص
واليوم مقررة اخذ فاليووووم اني علمود انام ::2::

[Tom Cruise 33]

احب اكلك البقية بحياتك

حياتك الباقية يونتي
صدك اني هم جنت متميزات شو مشفتك تداوم ويانا
ههههههههههه بس مو انتي داومين صباحي , واحنا الدوام مالنا ظهري
لان الصبح بالمتميزيين ,
و الظهر على حلة المتميزات
وايلي شجنا نسوي بلاوي
حتى ابويه ردت اجيبله رحلة علمود يداوم ويايه
لان خطيه و انقهرت عليه
بين يوم ويوم جان يسوولي استدعاء ولي الامر هههههههههه

[Hidden Dragon]

والله الشكو ماكو مالتي صار يومين محصور بالحلة لان كان المفروض اكو سفرة للشمال يوم 11 يعني اليوم وطلعت من اول البارحة الصبح من الكوت للحلة علمود ارتب الوضعية وية اصدقائي اهنا وبعدين بووووووووم بوري امعدل طلعت متاجلة على يوم 16 ولاكدرت ارجع للكوت لان اهنا اكو شغلات من جوة الكاع طلعتلي ولازم ابقى اهنا يعني ماكو نت ماكو تلفون لان قفلتة وذبيتة بالبيت لان ما ايفدني اهنا بالشمال وهمات استعجلت واشتريت ككامرة بمية الف وبعدبن طلعت اكو كاميرا وماكو سفرة قبل 16 وهاي هية وهسة انت من سنتر دا اكتب
شفتوا القهر

[sartar]

عود باليل اكتب عن يومي 11-9-2006

[Unity of iraq above all]

مو خوش سالفة هدين
الله يساعدك

وسارتار قشمر علينا محجالنا شسوة يوم 11
بس اني الي سويته
انه
اولة البارحة
انه عدلت نومت
لانه شربت فاليوم
بس غير فاليوم الا تاثيرة تووب
راسا نمت ::52::
وهاهية كمت بالوحدة الظهر
وسويت شي جديد رجعت اصلي الحمد لله
صالي 3 اشهر كاطعتها ::41::
هههههه بلكت الي كاطع الصلاة يرجعلها
وبلكت استمر اني هم عليها ::41::
هاهية بالليل طلعنا اني وابن خالتي
ورجعت للبيت تلفزيون ونت وها هية نمت بالخمسة الصبح
وعود اليوم لمن يخلص اسولفلكم شراح اسوي اليوم
يعني الشكو ماكو مال هاليوم ::51::

[sartar]

صدك نسيت اسولفلكم على يوم 11-9....................
ماكو شي جديد ..........
شغل بالموقع وبالحاسبة ............
كعدت انترنيت...............
ها وقريت كتاب ....... يمكن قريت منة فصل ....... كتاب تاريخي تقريبا.......
وتعشيت ............
شو ورة العشة بردت كلش ونمت من وكت ب 10...........
وهايهية::14::

[ghaiothy]

ب طاري الكتب
قارين زبيبة والملك ؟
رواية لكاتبها

[Gray Wolf]

طبعا اول شي اني ضليت عالنت لل2 بالليل بعدين اسلم الاخوية خطية خلي شوية ياخذذ النت حرام علية المهم سلمت النت ساعة 2 اروح افتح النت على اوروك لان مدمن ::38:: ::38:: افتح ساعة و اسد يعني صارت بال3 اروح انام لان كهرباء موجودة ::52:: ::52::
اصعد اريد انام اتذكر اسمع اغاني بالموبايل صارت ساعة 3و نص انام و نصبت الساعة بال9 لان وراية ازور الكلية العزيزة اول يوم دوام ::14:: ::14:: ::14:: ::14:: ::14::
كعدت بال9 تريكت و لبست و حطيت ريحة و مشطت طبعا و بعدين رحت و ابوية يكلي دير بالك ابني عالطريق لا تروح عبوة شي و امي تكلي دير بالك اقرة ايات يعني وضعية تعبانة المهم طلعت ساعة 10 من البيت و صلت ساعة 11 للكلية ما ادري شلون هو بس من زيونة الكلية المنصور شلون ساعة ما اعرف هسة كلت يا الله مو زين وصلت ::14:: ::39:: نزلت للكلية و شفت حبايبي زملائي و زميلاتي لان الصراحة احنة متفقين كل سنة نطلع دور ثاني بس اني غدرت بيهم و نجحت ::27:: ::27:: ::27:: اجتمعنة و صدكوني احلى يوم جان اليوم لان اجتمعنة من جديد و بعد يجوز ما نجتمع الكل راح يسافرون ورة الدور الثاني و نفترق يجوز للابد ::38:: ::38:: ::1:: ::1:: هذا الي حزني اكثر راح نفترق
بعدين رجعت للبيت تقريبا وصلت ساعة 2 الظهر تغديت لل3 و كعدت عالنت الى هسة و ساعة 5 و نص بالضبط اني دا اكتب هنا بهذا الموضوع و شكرا الكم احباب قلبي قصة عراقي حزين ::27::

[sartar]

اي قاريها ..............
فد تافهة وطويلة ومملة حيل .......... قريت نصها وكلشي مفتهمت .........
هية والقلعة الحصينة ...........
ترة كاتبها صدام

[ghaiothy]

اي يابا ادري بيه
بس يعني هية مو كلش تافهة استاذ سارتر
على كل هية وجهات نظر

[sartar]

لا عادي مو قصدي انه تافهة ......
اني اكلك .... هي من ناحية الصياغة والتعبير والسرد جيدة جدا لان الكاتبها الى صدام من خيرة الكتاب العراقيين ... وهاي حقيقة
بس السرد كلها يدور حول نقطة وحدة وطويل
لان اني قاري هواية روايات ميخليك تضوج من الاسلوب ومحور الرواية

وتحياتي الك ولاتزعل

[ghaiothy]

لا عمي شنو ازعل منك علمود رواية !!!!!!!

[Unity of iraq above all]

والله غري كلنا علة هالقهر
وغيوثي مقاريتها اني
بس اتصورت المن مكتووبة

[Unity of iraq above all]

والله اني
يعني كمت بال10 الصبح
عادي نفس الروتين اجه كهرباء نت
اني ومرات ابن خالتي
وبعدييين بالليل طلعنا
جانوا المسيح عدهم عيد الصليب
وكله صعادات وطك طاكات
افترينا شوية
بعدين رحنا مركز نت لانه الكهرباء مال مولدة خربت بمنطقتنا
وبعدين رجعنا للبيت
اتعشينا
وها هية
يعني همينه
وبعدني منايمة
وهسة ساعة سبعة الصبح
يعني مرة لخي اتخربطتت نومتي

[Hidden Dragon]

هههههههههههه هسة اني فاتح من الشمال البارحة وصلنة الى اربيل واستراحينة واليوم يبدي مشوارنة بالدايحة اهنا

[sartar]

والله حلوة الدياحةةةةةةةةةةةةةةةةةةةةةةةةة

[Unity of iraq above all]

ايييييييي شو محد يحجيلنا صاير شكو ماكو


اني اليوم كمت بال11 ونص
وبعدين حطيت زيت بشعر
علمود اريده يطول ههههههههه

وهسة علة النت
وفد شوية اروح اغسل شعري

::51::

[البناء والنشاءات وبس]

اني هسسة كاااااااااابة لا توصف ودا افكر انتحر
شنو رايكم ؟؟
هم تخلصون من الاشراف ههههههههههه

[Unity of iraq above all]

والله بارحة سمعت تقرير
علة بي بي سي
دكتور عراقي

كال
اني الي دا لاحظة علة حالات الانتحار

انه الفتيات العراقيات ينتحرون بالحرق

والشباب بالطلقات النارية

بصراحة اني انقهرت

كلت هسة واحد ينتنحر ينتحر

شنو هالطرريقة الشنيعة
شنو واحد يحرك رووحه
تعرفون شكد تاذي هالسالفة

يمعودة بنوووو الحياة حلووة
حته لو ضوجة
بس عذاب جهنم كلش حلو اذا انتحرتي
بعدين اتذكري
اكوو ناس تموت قهر
اذا انتحرتي

[البناء والنشاءات وبس]

والله بارحة سمعت تقرير
علة بي بي سي
دكتور عراقي

كال
اني الي دا لاحظة علة حالات الانتحار

انه الفتيات العراقيات ينتحرون بالحرق

والشباب بالطلقات النارية
يعني بالحرق يونتي حرام عليج شنو هالعذاب
يمعودة بنوووو الحياة حلووة
حته لو ضوجة
بس عذاب جهنم كلش حلو اذا انتحرتي
هم صح يونتي اني وياج بهاي السالفة اكوو ناس تموت قهر
اذا انتحرتي
زين يونتي لعد هاهية اذا اكو ناس راح تموت قهر
راح ابطل افكر هيج شي