جامعه اشبه بلمعتقل

[ملكة الاداب89]

وضعت القوات الأمنية سورا من الصبات الكونكريتية ذات ارتفاع (3أمتار)حول بوابة مجمع باب المعظم الرئيسية و قامت بإنزال هذه الصبات في يوم الجمعة11/7 .ومن الجدير بالذكر إن هذا المجمع قد شهد في الأعوام الماضية خروقات أمنية كثيرة تسببت بخطف عدد من الطلبة كما ويشهد المجمع حاليا وضع أسلاك شائكة على جدران المجمع مما جعل المجمع أشبه بالمعتقل.

[سيوفي البغدادي]

اختي الكريمه

ملكة الاداب

لا استطيع ان ارد على هذا الموضوع

ما ذا اقول

نحنو حقا في جامعه
ام
في معتقل

اكتفي بهذا الجواب
لا حول ولا قوة

[ملكة الاداب89]

شكرا للمشاركه

[جوهرة العرب9]

اني من رحت للنتائج اتفاجئت من المنظر
ماكو روح كلية بالمكان عبالك صدك معتقل

[nirari]

اني هم نفس الحالة من رحت للنتائج يلا شفتهه
يلا يجوز تنشال عالسنة الجديدة شنسوي

شكرا ملكة

[ملكة الاداب89]

مااعتقد بعد يشيلوهه ليش التكنلوجيه مخلولهم هههههههه شلون خباثه
يله الله كريم

[nirari]

اي التكنولوجية هم خاليلهم على جهة الخط السريع هههههه
حييييييييييييييييييييييييييييييييييييييييييييييييي يييييييييييييييييل

[الساهر البغدادي]

هذا احتراز امني للطلاب والوضع الامني بتحسن وان شاء الله

تنشال هاي الصبات والله كريم

[ملكة الاداب89]

لا هاي علمود الطلاب يشوفوهه وميداومون عبالهم سدو الكليه
بس كلش صارت محلوه الجامعه

[الساهر البغدادي]

اي صح ملكة وتنشال ان شاء الله

[ملكة الاداب89]

انشاء الله شكرا للمرور

[طـ Arts ــا of لبـ Student ـــة]

عيني ملكة كل الي ديسووا الحرس لمصلحتنا ماطول انتي بالعراق لازم تتحملين
بس احنا ندعي الله يسلمنا ويحفظنا ويرجع الامان والاستقرار احسن واحسن
وداعتج بعد مشوفين لا صبات ولا اسلاك شائكة
ومشكوووورة اختي على موضوعج الي يخص مجمعنا العزيز

تحياتي ..........

[حائر في الحب]

اني ايد كلام طالبة صحيح هاي كله من مصلحتنا حتى نفوت الفرصة على الارهابين الذين يردون قتل ازهارنا ظرف ويعدي انشاء الله دا انشوف الامن دا يتحسن اكثر من الاول

[{{ابن بغداد الحب}}]

ههههههههههههه
هيه بقت على الكلية
اشو بلفرع اكو صبات وبلسوك اكو صبات
بقت على الكلية
شكرا ملكة الاداب

[ملكة الاداب89]

شكرا للمشاركه

[queen of swords]

كل الحق وياج ملكه,صارت جامعتنه كئيبه.بس الله كريم انشالله تنشال الحواجز عالسنه الجايه
تحياتي الج

[The Emperor]

اخوان ترا هو بالاول والاخير لمصلحة الطلاب
يعني حلوة اذا تنفجر عبوة او سيارة مفخخة لا سامح الله
وتطير الشظايا لداخل المجمع؟
لان اكو هواية ضعفاء نفوس وكالحيوانات عالارض
اجلكم الله
لا يريدون للعراق يتطور ولا يريدون العلم والنور ينتشر بهالبلد الجريح
بس احنا نكول انشاء الله ينهض العراق العزيز من هاي المحنة الي طولت اكثر من الحد
والله قادر على كل شيء

[Kain the Vampire]

وضعت القوات الأمنية سورا من الصبات الكونكريتية ذات ارتفاع (3أمتار)حول بوابة مجمع باب المعظم الرئيسية و قامت بإنزال هذه الصبات في يوم الجمعة11/7 .ومن الجدير بالذكر إن هذا المجمع قد شهد في الأعوام الماضية خروقات أمنية كثيرة تسببت بخطف عدد من الطلبة كما ويشهد المجمع حاليا وضع أسلاك شائكة على جدران المجمع مما جعل المجمع أشبه بالمعتقل.


Hmmm nice Sub
But you Know what
we made all of this by our own hands
this is it we don't have to complain from it
we deserve it
No one will lift it until we fix our inside Problems
its that simple

Thanks
666 KAIN 666

[barcamedia]

ملكة اصور هذا الشي اصبح شي عادي وليس فقط على الجامعات بل اصبح باي مكان نشوف العوارض الكونكريتية

بس المشكلة هو هذه الصبات تقتل جمالية الكليات لكن بنفس الوقت تحمي الطلبات من التفجيرات

وشكرا لكي على هذا الموضوع