جلسه صريحه مع العضو سندريلا ( ساندي دجله ) الحلقه الثانيه [الأرشيف]

® Sparks Man

09-10-2006, 01:00 AM

أهلا وسهلا بكم يا اعضاء دجله نت الكرام ومرحبا بكم والحلقه الثانيه من برنامج (( جلسه صريحه ))

ضيفه حلقتنا لهذ اليوم هي ليست بالضيفه العاديه فهي فنانه متالقه وكاتبه ماهره ومنجمه شهيره , ضيفتنا اليوم هي مميزه في اسلوبها استطاعت ان تفرض اسلوبها وطريقتها علينا فاسست لنفسها اسلوبا خاصه وطريقه خاصه في النشر والكتابه اصبحت مميزه لكل من قرا ردودها ومواضيعها

ضيفتنا اتخذت لنفسها مبادىء عديده في المنتدى حيث كان ((الصدق والاخلاق الحميده وعذوبه الردود )) الثالوث المقدس لديها
فهي شاعريه في دودها مساعده لزملائها لم تبخل عليهم يوما في مد يد العون والمساعده برعت في عملها , حيث اصبح موضوع الابراج الذي تكتبه كل يوم في المنتدى من اهم معالم منتدى سنتر التكنولوجيه رحبوا معي اجمل ترحيب بضيفتنا العزيزة الغاليه علينا جميعا التي ستكون ضيفه هذه البرنامج لمده اسبوع كامل
هي العضوه
سندريلا _87

ساندي نرجو منك اولا االاجابه على الاسئله التاليه

بطاقتك الشخصيه

بداياتك مع دجله نت يعني شلون وشكت سجلت وشلون عرفت بدجله نت
انطباعك بالبدايه على دجله نت
شنو المواقف الطريفه الي واجهتك ؟

ساندي الان اترك الموضوع لاخوانج واخواتج الاعضاء لكي يوجهوا مابجعبتهم من اسئله اليكِ

سندريلا_87

09-10-2006, 01:14 AM

طبعا بالبداية احب اشكر اخويا علاوي على هذه المقدمة الاكثر من رائعة عمي والله انت مبدع روووووووووووووووووووووووووووووووووووووووووعة المقدمة وكللللللش عجبتني

طبعا البطاقة الشخصية يعني ح اتكون بيهة نقوصات لان ما اكدر اصرح بكل شئ ف عذرووووووووووني

الاسم : ترك

القسم : ترك

تاريخ الميلاد : 30-7-1987

يعني عمري 19 سنة

البرج : برج الاسد

اللقب : العبيدي

من سكنة محافظة بغداد

اللون المفضل : الازرق والوردي

هذه بطاقتي الشخصية واذا نسيت شئ كولوا مو تستحون هههههههههه

بالنسبة لدجلة نت اني عرفته عن طريق اخويا علي هو اللي نصحني بدجلة والحمد لله انو سمعت نصيحته وسجلت بالمنتدى 7 - 7 بس راحت دجلة القديمة ف ما اذكر الصراحة اشوكت سجلت بدجلة الجديد

بالبداية اني اخويا كلي شوفي منتدى دجلة نت كلش حلو بس اني كتله لا ما اريد هم جامعة واقسام واجماله قسمي التعبان موجود ما اريد اسجل بس بعدين الحمد لله سجلت ووفقت ب اختيار السنتر حتى انزل بيه مواضيعي والحمد لله حاليا ادخل اكيد للكهرباء بالدرجة الاولى والسيطرة والبناء وانشاءات

اكثر موقف طريف مرة جان اخويا كاعد على النت ف جان فاتح دجلة جيت اني رأسا بديت افتح المواضيع وادز ردود ف اندزت ب اسمه واني جنت بعدني جديدة بالمنتدى وما اعرف انو الواحد يكدر ايحرر الرد وايصححه ف هذا اطرف موقف وبعدين دزيت رد اعتذار ههههههههههههههههههه

Designer

09-10-2006, 01:18 AM

وال شي الله يساعدج لان اني اتعب باسألتي
وماريد اسال هسه
والله بالخير اول شي محتاجه شي
هع هع هع هع

سندريلا_87

09-10-2006, 01:25 AM

مشكووووووووووووووووووور بيشو الورد وامنور

اي اريد كلاص مي وقوطية ميرندا وعشاء فاخر ههههههههههههه

اسال اخويا العزيز

حياوي (المعذب)

09-10-2006, 01:37 AM

هلو ساندي طبعا الاسم معرفناه ....
القسم ليش؟؟؟ ولو اني أعرفه....
هسه راح اسأل وأعذريني لأن راح اتعبج:
1- حبيتي بالجامعة ؟؟لو قبل الجامعة؟؟؟ ومستمرة العلاقة ؟؟؟ واذا لا لا سامح الله ؟؟ شكد استمرت؟؟
2- ليش اختاريتي السنتر ؟؟ مو قسمج؟؟؟
3- تؤمنين بالمقولة اللي تكول " من حفر حفرة لأخيه وقع فيها"؟؟؟؟ ( هذه حوبة ابو شيبه ) هههههههههه اتشاقه وياج....

سندريلا_87

09-10-2006, 02:12 AM

1- حبيتي بالجامعة ؟؟لو قبل الجامعة؟؟؟ ومستمرة العلاقة ؟؟؟ واذا لا لا سامح الله ؟؟ شكد استمرت؟؟

لا الحمد لله والشكر ولامفكرة بالموضوع لان اهم شئ عندي دراستي وشهادتي

2- ليش اختاريتي السنتر ؟؟ مو قسمج؟؟؟

والله السنتر بيه هواية اعضاء ايدخلون اله وقسمي شوية تعبان

3- تؤمنين بالمقولة اللي تكول " من حفر حفرة لأخيه وقع فيها"؟؟؟؟ ( هذه حوبة ابو شيبه ) هههههههههه اتشاقه وياج

اكيد اؤمن بيهة ههههههههههه ابو شيبة ايشور اويلي سيد لازم ايشور ههههههههه

بالنسبة للقسم خليه ترك احسن ههههههههههه

ســ امبراطور الاحزان ـنان

09-10-2006, 02:26 AM

هلووووووووووو ساندي ان شاء الله مرتاحة.........
عندي سؤال واحد
اكو صديق يعتبرج انتي اعز زميلة على قلبة وصار فترة اخبارج مقطوعة وهو كلش قلق ممكن اعرف السبب.........اكيد هسة عرفتي..........

سندريلا_87

09-10-2006, 02:28 AM

مشكور سنان

لا معرفت

وماكو اي سبب واني بخير والحمد لله

Designer

09-10-2006, 02:31 AM

ها اختي شنو انت سالمين
مي وشربت
وعشى
هع هع هع هع هع
موجود بس شيجيبه
هعهع هع هع ه ع

سالمين خيتو ها وصل المي والببسي
والعشى وحتى بيه كباب وتكه
ونص دجاجه وكبه ام البرغل

هع هع هع هع

نجي نسال

بسم الله

اني ما احب انو احد يحرج
فنجي سوالف سهله
اطيب اكله وكثر وقت تحبيه
يعني الليل المغرب الظهر

هعهع هع هع

شنون سؤال سخيف

سؤال حقيقي
تحبين الطوبه لو لا
وزاذا تحبيها يا فريق عالمي
ويا نادي تحبين

وعفيه عليج ساندي على مال سؤال الاول مال حيااوي
بديعه انتي

وسؤال لاخ
احجيلنا عن تسلسلج بالعائله دااااااااد
هع هع هع
وتره هاي هيج تسليه بس

ســ امبراطور الاحزان ـنان

09-10-2006, 02:34 AM

مشكوووووووووورة ساندي.........واني اعتذر اذا صار اي احراج........
ان شاء الله تظلين بخير دوم ياربي مو يوم...........

rami_2791985

09-10-2006, 02:38 AM

طبعاً سندريلاً انتي امنورته للمنتدى
واني مو من طبعي اسال اهوايه او احجي اهوايه
بس يعجبني اسمع اهوايه
وطبعاً احب اضيف كلمه انه اني من خلال وجودج انتي وسبارك مان وابو شيبه
مجان بقيت ابمنتدى دجله بس وانتو موجودين بيه وجتني ردودكم على مواضيعي
حسيت انه اني بعدني ابغداد وبالجامعه بالخص ...
واخيراً نتمنه انشوفكم من ارجع ....
رامـــــــي

سندريلا_87

09-10-2006, 03:05 AM

طبعا بيشو الورد مشكووووووووووور واسأل اللي ايعجبك وان شاء الله ماكو احراج

طبعا الاكلة احب تبسي باذنجان ومركة باذنجان خاصة اذا جان وياهة خبز حار هستوة طالع من التنور امممممممممممممممممممممممممممممممممممممم طيب

احب الليل

يعني نوعا ما جنت قبل احبها كلش بس هسة قل اهتمامي بيهة خصوصا بوجود النت

الفريق احب ايطاليا والنادي روما

بخصوص عفية عليا اكيد لان شغلة متوكل لاخبز ولاصمون واني عندي اهم شئ املي بطني هههههههههه

تسلسلي الثالثة احنا ثلاث بنات وولد

اختي واخويا اكبر مني واخت اصغر مني

ومشكوووووووووووووووووووور بيشووووووووووووووووو والله عليك اسأل اللي ايعجبك

مشكور سنان

سندريلا_87

09-10-2006, 03:07 AM

هلا بيك اخويا رامي احنا بدجلة عائلة وحدة ياورد وانت اخويا العزيز اما بخصوص مواضيعك احب اهنيك على هذا المجهود الروووووووووووووووووووووووعة لان مواضيعك خلابة كلش روعة وموضوع احلى من الثاني

وتدلل رامي

وان شاء الله تجي بالسلامة وانشوفك ياماس

® Sparks Man

09-10-2006, 06:24 AM

اختي ساندي شنو اكثر شي زعجج بالمنتدى يعني فد ضاهره صارت بالمنتدى او واحد من الاعضاء زعجج وشنو اكثر شي فرحتي بيه

حياوي (المعذب)

09-10-2006, 09:23 AM

مشكووووووووووووووووره ساندي وأتمنه ان ما أكون أحرجتج بسؤال

Mus6afa

09-10-2006, 09:52 AM

يسلمو على الجلسة

سندريلا_87

09-10-2006, 10:28 AM

مشكور علاوي على السؤال

اكثر شئ زعجني بالمنتدى مرة واحد من الاعضاء رد على موضوع الامتحان رد بصراحة معجبني ف اني حتى بالنتائج اعتبرته مفصول من الامتحان

والمرة الثانية من عضو ايكول انتي ناقلة الابراج من منتدى الفلك والابراج

واكثر شئ فرحني من الاعضاء دزوا هدايا بمواضيع مثلا انت علاوي كلش حلوة جانت الصور وملكة الثلج وحياوي وابو شيبة ورجل الليزر يعني جانت مبادرة كلش حلوة وعززت اواصر الاخوة بيننا

بالعكس اخويا العزيز حياوي اسأل اللي يعجبك واني ان شاء الله ما اقصر ب الاجابة

مشكور قناص الحب

Designer

09-10-2006, 11:15 AM

تسلمين ساندي
ونتلاكه من اخلص شغل بسيت من الاشأله مو تبيعيه

سندريلا_87

09-10-2006, 01:07 PM

اوك اني دا انتظر اخويا بيشوووووووووووووووووو

specialist

09-10-2006, 01:45 PM

مشكور زميل "سباركس مان" على هلموضوع الطاك, انطيك خمس نجوم علي.

زميلة "سندرلا 87" ,امبين من حجيج انتي اجتماعية و عندج هواية صديقات اذا ما متوهم؟,اطول علاقة وية صديقة شكد طولت و مستمرة لو لا ؟ ,هوايتج المفضلة شنو؟, اكثر مكان يعجبج بجامتنه و بناية ؟, انشالله ما طولت و مشكورة مقدما.

سندريلا_87

09-10-2006, 01:56 PM

مشكور specialist

والله اني صح اجتماعية بس مو هواية عندي صديقات يعني قصدي صداقة حقيقية

عندي اثنين صديقاتي كلش وصارلي تقريبا 3 سنين وياهم بس همة ابغير جامعة للاسف ومستمرة الحمد لله

وحاليا ملكة الثلج صديقتي المقربة

المطالعة والنت اكيد

اني الجامعة كلها ما احبها بس احلى بناية المدني كلش فيكة

تسلم ياورد وياريت تستمر ب الاسئلة

اشكرك اخويا العزيز

® Sparks Man

09-10-2006, 05:16 PM

اكثر شئ زعجني بالمنتدى مرة واحد من الاعضاء رد على موضوع الامتحان رد بصراحة معجبني ف اني حتى بالنتائج اعتبرته مفصول من الامتحان

والمرة الثانية من عضو ايكول انتي ناقلة الابراج من منتدى الفلك والابراج

انت امبينه شديده ساندي والله حلوة مال انفصل من الامتحان
وبالنسبه لموضوع الابراج اتذكر هذه الشي واني هم ضفتله رد واشرحتله بي وكتله انه هو ميعرف واذا ميععرف شنو هذه الموضوع ليحجي يمكن شفتيه ؟؟؟؟لو مشفتي ردي بوقته ؟

® Sparks Man

09-10-2006, 05:18 PM

اي ساندي عندي كم سؤال
شلون اتلقيتي خبر اغلاق المنتدى بوقته
وشلون اتلقيتي خبر اعاده افتتاحه بدون المشاركات
وشنو سويتي بالحالتين ؟؟؟؟؟؟؟؟؟؟؟؟؟؟؟

Designer

09-10-2006, 05:53 PM

بسم الله

لو تصيرين رئيسه شتسوين

ثاني دااد

جم مره ضايجه بحياتي ووصلت السالفه لان تطك روحج (ويمكن ماكو لان انت بالعراق والعراق ميضوج)

ثالث دااااااد

والله لا اخليج تكولين هذا شجااااااااااابه يمي
هع هع هع هع

الثالث داااااااد
انتي ليش عندج حقد على نانسي ها ها ها ها
ها دكولي عد ليش
ليييييييييش ها
دحجب عاااد
ليش وتحبيلي ابو السجون هذا هع هع هع هع

ماكو داعي تجاوبين لان اعرف شحجاوبين متحجين الصدك والصدك لان هيه حلوه وزينه

وماريد اسأل بعد لان تذكرت بالي جرحني اليوم
انيييييييياهاااااااااهاهااااااااااااهااااااااااااا اااااا

لا والرابع بس لازم الثالث متجاوبيه

يا منطقه تحبيها ببغداد

سندريلا_87

09-10-2006, 08:26 PM

مشكووووووووووووور علاوي الورد واني هم قريت ردك ياذهب وصدك ارتاحيت من شفت الرد لان كل الاعضاء محد علق على الرد بس انت علقت الف شكر اخويا العزيز

والله اني جيت افتح دجلة نت لكيت الصفحة متحصل كلت يمكن النت امكبسل عادي انتظرت شوية فتحت كم موقع كلها تفتح عدا دجلة ف خابرت ملكة الثلج وسألتها كالت هي هم ماعدها وكالت على اساس انو صاير خلل المهم اني اتحطمت لان جنت متعلقة بيهة كلش

ورة فترة قليلة ملكة الثلج انطتني لينك موقع عراق ماستر اني سجلت بيه بس ضايجة لان غريبين بيه بس دخلت اشوف حياوي موجود وزياد وانجل كلت هاهية اعضاء دجلة كلها اهنا وحتى ابو شيبة بس انت الوحيد مجنت موجود المهم ظليت فترة اهناك وبعدها ملكة الثلج انطتني لينك دجلة ودخلت لكيت فلود والموقع مكلوب رأسا على عقب بس م انقهرت على المشاركات لان تجي مثل مجتي اول مرة تجي مرة ثانية واهم شئ الاعضاء موجودين

وتسلم ياورد حلو سؤالك

ههههههه والله بيشو اذا اصير رئيسة اعوف الجمل بما حمل واطلع اسافر ههههههه

حييييييييييييييييييل كومة ازيدك علم اني شوية عندي تفكير مأساوي يعني رأسا اخلي الهم كدام عيني ههههههه

ههههههه والله محاقدة عليها بس يعني لو طالعة بشكلها القديم هواية احسن من هل الخبصة كلها صح هي صايرة حلوة بس لو على خلقة رب العالمين هواية احسن يعني مثل جمال صاحبتي هههههههه

وتامر حسني مو بس شكل وانما فنان متكامل حقيقي تلحين غناء تأليف يعني شنريد من الفنان اكثر من هذا

والله احب شارع ابو نؤاس ما اعرف شنو اسمه بس هذا اللي ايطل على نهر دجلة اللي قريب عليه تمثال شهريار هههه

ترة اني ما اندل بغداد والله

® Sparks Man

09-10-2006, 08:29 PM

شكرا على الرد ساندي

ساندي اذا كلولوج اي منصب اتريدين بالمنتدى شنو تختارين
واذا صرتي مشرفه شنو اول شي اتسويه ؟؟؟؟؟

سندريلا_87

09-10-2006, 08:34 PM

والله علاوي المنصب اللي استحقه اتمنى اوصله

الاشراف ما اعتقد اني كد الاشراف لان يحتاج متابعة وتواجد دائما واكون مسوؤلة عن قسم يعني شوية صعبة عليا

وتدلل اخويا

® Sparks Man

09-10-2006, 09:56 PM

شكرا ساندي ولو حتعبج بالاسئله

شنو امنيتج بالحياه وشنو هدفج هم
وشنو الي سويتي وتندمتي حيل بعده

سندريلا_87

09-10-2006, 10:21 PM

بالعكس علاوي

امنيتي بالحياة حاليا اهم شئ عندي انو اخذ شهادتي وبعدين جائز اكمل دراسات

وامنيتي نفس هدفي

الشئ اللي سويته هو مو شئ بس صفة جانت بية انو جنت اثق بالناس من اول لحظة والحمد لله اتخلصت منها بعد مشفت الويل

وتدلل ياورد

abo sheba

09-10-2006, 10:31 PM

شلونكم عيوووووووووووووني والله مشتاقين وجنت اتمنى هذا اليوم يجي
بس اكون بظرف احسن من هذا الظرف لان مراح اكدر افوت هوايه اعذريني سندريلا

سوالي :

شنو رايج بالمقوله اللي تكول (( البستان الجميل لايخلو من الافاعي ))
وتره هذه بس البدايه
وشكرا

سندريلا_87

09-10-2006, 10:48 PM

والله مقولة حلوة وتنطبق علينا بهذا الزمن لان مبقت ثقة بين الناس

عاشق برشلوووووونه

09-10-2006, 11:24 PM

هلوووووووووووو اخواني وخواتي
عذروني لان مدا افوت هوايه
لان ابو المولد الله ينطيه الصحه و العافيه بطل وخلانه بله كهرباء
المهم حبيت اشارك بل موضوع و اسال اختي سندريلا كم سؤال
اول شي الابراج صرت لازم اقره برجي يوميه و ادز ابراج اي واحد اون لاين عندي بل مسنجر (بس اكيد اكلهم هاي من دجله نت يعني ناكرهه )
المهم السوال :هل انتي تؤمنين بل ابراج يعني اتصدكين الي مكتوب بل برج و تضلين تنتضريه يصير ؟؟؟؟؟؟؟؟؟
و الخواطر الصباحيه طبعا اول شي اقراه بدجله الصبح اول ما افتح الموقع
السوال الثاني :بما انه انتي تحبين الخواطر هل انتي رومانسيه ؟؟؟؟؟؟
:

سندريلا_87

09-11-2006, 12:15 AM

يعني نوعا ما اي اؤمن بيهة بس هي شلون صارت صارت السنة اللي فاتت اشتريت كتاب لماغي فرح لبرج الاسد وشفت الاحداث يعني بالضبط صايرة مية مية بس ماكو فد يوم انتظرت شراح ايصير

وكلشي مكتوب عند رب العالمين

حلو سؤالك عاشقنا الورد لا اني مو من النوع الرومانسي بس الخواطر انزلها لان احب اتابع هذه الشغلات وهم نالت رضا واستحسان الجميع ف صار محتم عليا انو انزلها

وتدلل

saaoody_1

09-11-2006, 12:27 AM

ساندي الوردة..... عندي سؤال وحيد فريد ..... تحبين الدولمة لو لاء؟؟؟؟
و عاشو عيشة سعيدة

بس اذا متحبيهة جاوبي و اذا اتحبيهة يريبالج متجاوبين .... اوكي اتفقنا ..خوش
يلة انشالله اسمع الرد
و مشكور يا سباركس على مواضيعك الديناميكية (ما اعرف شنو معناهة للكلمة) و الحلوة

سندريلا_87

09-11-2006, 12:33 AM

والله سعووودي الصدك غير اني العراقية الوحيدة اللي ما احب الدولمة هههههههههههه

ادري بيك انت مدمن دولمة ههههههههههه

وتدلل ياورد

saaoody_1

09-11-2006, 12:57 AM

ادري بيك انت مدمن دولمة ههههههههههه

اني مدمن دولمة..و هسة اقلعت عن الادمان لان صارلي 3 اشهر مضايك الدوللللمة...بعد ما اشتهيهة..لان نسيت شلون تنوكل
هههههههههههههههه
صرنة 2 بالعراق مياكلون دولمة

سندريلا_87

09-11-2006, 01:04 AM

هههههههههههههههههههه

اذا اتريد اسجنك بالسجن وعلاوي ايجيبلك دولمة هههههههههههههههههه

saaoody_1

09-11-2006, 01:19 AM

ههههههههههههههههههه
يلة
اذا بيهة دولمة اوكي
اقبل

® Sparks Man

09-11-2006, 01:23 AM

اي ساندي عندي سؤال الج

منو العضو الي تكرهيه او اتضوجين منه او يعني متستلطفيه يعني منو اقل عضو بنضرج بس بصراحه جاوبي

ومنو اكثر عضو تفتقديه

سندريلا_87

09-11-2006, 02:37 AM

علاوي ما اريد ادخل بمشاكل يمعود جاي اتورطني اذا مصر ادزلك برسالة خاصة بس احلفك بمليون يمين متكول

اكثر عضو افتقده مو بس اني وانما الكل ابو شيبة لان صدك المنتدى وحشة بلياه

اوك سعووودي لعد انسجنك ههههههههههه

® Sparks Man

09-11-2006, 05:00 AM

زين اوكبي اتفقنا ساندي

سؤال

شنو برايج احلا حدث صار بالمنتدى ؟

واحلا شي حصلتي عليه بحياتج

وكم اخ واخت عندج

ومن منو اقرب انت

حسن قباني

09-11-2006, 12:42 PM

السلام عليكم ....
طبعاً في البدء اود ارحب بظيفة الحلقة الاخت العزيزة المبدعة المتألقة (( سندريلا ))
لدي َ بعضاً من الاسئلة اطرحها عليك ِ ...

س1 : من أقترح عليك ِ فكرة الابراج اليومية ؟؟ وهل كنت ِ تتوقعين ان هذا الموضوع سَيلاقي النجاح والاقبال من قبل الزوار والاعضاء كما هو الان ؟؟ وما هو شعورك ِ الان واصبحت ابراجك ِ شبه مسؤلية على عاتقك ِ بحيث اصبح الاعضاء يدخلون يوميا لكي يرون برجهم ؟؟

س2 : الخاطرة الصباحية ... كيف تعرفت ِ على هذه الفكرة ؟؟

س3 : عل تشاهدين قنوات التلفزيون ؟؟ وايَ القنوات تفضلين مشاهدتها ؟؟
1. الاخبارية
2. الطربية
3. الدينية
4. الافلام

أذا كانت اجابتك ِ القنوات الاخبارية !!!!
أ. هل تتناقشين في السياسة مع الاهل والاقرباء ؟؟
ب. هل تقبلين سماع الرأي الاخر ؟ أم مستبدة في رأيك ِ ؟؟
ج . اكثر برنامج سياسي تشاهدينه في حينه ؟؟

أذا كانت اجبتك ِ قنوات طربية !!!!!!
أ. اي نوع من الاغاني يعجبك ِ سماعها ؟؟
1. كلاسيكية (قديمة)
2. أغاني شبابية ( مال هلوكت )
3. أجنبية صاخبة
4. اجنبية هادئة
5. عربية هادئة ورومانسية

ب. عددي ثلاث مطربات وثلاث مطربين الاكثر اطراءا على مسامعك ِ ؟؟
ج . ايهم تفضلين الكلمة ام اللحن ام الاداء ؟؟

أذا كانت اجابتك ِ قنوات دينية !!!!!!
أ. هل ملتزمة بصلاتك ِ على وقتها ؟؟
ب. هل تتابعين البرامج الدينية الهادفة الى الاصلاح والتوعية الاسلامية ؟؟
ج. ماذا تعني لك ِ المرأة الغير محجبة ؟؟

أذا كانت اجبتك ِ قنوات أفلام !!!!!!
أيهم تفضلين ؟؟
1. الافلام القتالية
2. افلام الرعب
3. افلام القصص الرومانسية
4. افلام (( كارتون))
********************************

س4 : من هي مثلكِ الاعلى (( الشخصية الانثى التي تؤثر بك ِ وتتمنين لو كنت ِ هي َ وتخطين خطاها ؟؟
بالمقابل ... من هو مثلك ِ الاعلى والانسان المثالي الذي يستحقكِ ولديه المواصفات التي ترغبينها
كأن يكون (شخصية دينية لو سياسية او تاريخية او اي شخصية فذة )؟؟

ولو اسئلة صعبة لكن اجوبتها ستشكل لك ِ صورة كاملة لدى الاعضاء
شكرا لك ِ ياسندو ... واعتذر لللاطالة
واشكر معد ومقدم الحلقة الاخ العزيز علي الوردة

اخوكم
حسن قباني

سندريلا_87

09-11-2006, 05:08 PM

احلى شئ صار بالمنتدى هي حفلة عيد ميلادك انت وحمودي لان تقريبا بحدود الاسبوعين اني جنت احضر للحفلة وجنت انتظرها يوم بعد يوم حتى اشوف ردة فعلكم

احلى شئ محبة اعضاء دجلة اليه لان بصراحة زادت ثقتي بنفسي اكثر مليون مرة

عندي خوات اثنين واخ واحد

يعني اختي واخويا وبعدين اني وراهة اختي

يعني الثالثة

يعني تقريبا كل واحد مخصص بشغلة يعني مثلا احداث الكلية وشيصير بيهة اكول لاخويا لان بحكم العمر اقرب شئ اللي وباقي الشغلات اكيد لاخواتي

وتدلل علاوووووووووووووووووي

® Sparks Man

09-11-2006, 05:21 PM

شكرا ساندي على الصراحه وعااشت ايدج

سندريلا_87

09-11-2006, 05:24 PM

والله حسووووووووووووووووووني اسألتك كلش حلوة

بالنسبة للابراج اني نزلت مرة الابراج واقترحت على اعضاء دجلة انو اكون مسؤولة عنها وشفت ردة فعل حلوة منهم ف استمريت بيهة واني مو بس الابراج الشمسية جنت حتى الصينية انزل بس شفت ماكو اقبال عليها ف لغيتها

شعور حلو انو الواحد ايشوف نفسه مسؤول عن هذه الشغلة وتلكة الاعضاء ينتظرون منك هذه الشغلة وما اعرف شراح ايصير بية اذا صار شئ وانقطعت عنكم

بالنسبة للخاطرة اني نزلتها مرة بموضوع الابراج وكلت للااعضاء انو ح اتكون فقرة ثابتة ويا الابراج بس الاخ العزيز سباركس اقترح انو تكون بموضوع منفصل ف طبقت اقتراحه واحب اشكره على هذه النصيحة

بالنسبة للتلفزيون ما اشوف قنوات اخبارية لان كلها هم بهم واحنا مناقصين
. كلاسيكية (قديمة من الكلاسيك القديم احب واعشق فيروز

واحب اسمع الاجنبية الهادئة والعربية الهادئة ما احب الخبصة والهوسة

بالنسبة للمطربين اني ح اكول الكل احب اكيد تامر حسني وعمرو ذياب

والمطربات اليسا وشيرين

ومن الغرب احب فرقة blue و britney

اكيد الكلمة واللحن الاداء اعتبره شئ ثانوي مو اساسي لان المؤدي مو مطرب المطرب هو اللي يهتم بالكلمة واللحن

القنوات الدينية اتابع اكثر شئ عمرو خالد ومصطفى حسني

الحمد لله والشكر ملتزمة بالصلاة

يعني بصراحة مو كل البرامج بس مثل مكتلك عمرو خالد ومصطفى حسني لان برامجهم برامج توعية شاملة

البنت الغير محجبة اكول الله يهديها

الافلام يعني مو من المتابعات بس احب الافلام الاجتماعية والرعب

والله هي مو شخصية معروفة بس همة اثنين اتمنى يارب اصير مثلهم مدرسة الاسلامية من جنت اني صف ثالث متوسط ومدرسة انكليزي من جنت بصف خامس علمي لان شخصيتهم حلوة ومتدينة ف بصراحة احبهم كلش واحب شخصيتهم

اما بالنسبة للانسان المثالي ف هو عمرو خالد بدون منازع

وتدلل حسوووووني واسال بعد ترة ما اتعب من الاجوبة واهلا وسهلا بيكم

بس عذروني على التأخير لان كهرباء مجانت عدنا

سندريلا_87

09-11-2006, 05:25 PM

تدلل علاووووووووووووووووووي

® Sparks Man

09-11-2006, 05:37 PM

ساندي ليش انت كلش معجبه بتامر حسني دون غيره

وشنو الي اتشوفيه مميز بيه ؟؟؟

سندريلا_87

09-11-2006, 05:56 PM

والله سباركس ضحكتني بسؤالك
تامر حسني هو صح شكله حلو يعني بالنسبة اللي

بس اكثر شغلة تعجبني به انو مو بس يجي ايغني وايروح لا هو اللي ايلحن ويكتب ويغني يعني فنان متكامل واغانيه رووووووووووووووعة من ناحية كله كلمات الحان اداء متكامل

وهم الميزة اللي بيه انو معتمد على نفسه بكل شئ فنان ابتدة من الصفر معتمد على موهبته مو مثل الباقين اللي معتمدين على الملحنين والشعراء مع احترامي لكل الفنانيين

واني بصراحة اتوقع انو ح ايكون فنان لامع مستقبلا

$فـــــيـــــروزه$

09-11-2006, 09:47 PM

هلوووووووووووو ساندي اني ماعندي اسئلة كلشي عنج اعرفه بس اكو فد شي دائما كل مانحجي عنا تنطفي الكهرباء عندي ياريت تكمليلي قصتج ويه صديقتج وشون سبب الخلاف

® Sparks Man

09-11-2006, 10:00 PM

شكرا ساندي اني هم اعتبر تامر فنان متكامل وموهوب

اي سؤال ::: اذا انطوج مليون دولار وكلولج اختاري اي شي اتسويه شلون اتقسمين هاي الفلوس ؟؟؟

سندريلا_87

09-11-2006, 10:16 PM

حيييييييييييييييييل كوين انتي ليش مصرة على الماضي شغلة انتهت وراحت لدار حقها وعلاقتي مستمرة ويا البنية واعز وحدة عندي بس سبب الخلاف جان علمود بنية صديقتها متحبني وهاهية

علاوي الورد

والله علاوي اذا عندي مليون دولار اشيل اهلي واسافر بيهم لان طكت روحي

ياجمااااااااااااااااااااااعة ترة والله العظيم اني مقهورة والدمعة بطارف عيني لان بيشو عاف المنتدى اني اخته الصغيرة اشلون ايعوفني وايروح

ياريت اللي عنده اتصال بيه ايحاول ايقنعه انو يرجع للمنتدى

® Sparks Man

09-11-2006, 11:47 PM

اسئلة عاشقه ساموزين

اول سؤال حبيبتي .زرتي مجلة حزب الفضائح محضرتلج مقلب ياربي يعجبج

2- اكثر حكمة تؤمنين بيها.........

3- شكم واحد صارحج الله عليج اكتبيلي رقم لتخافين محد يكول مغرورة

4- ساندي ............هل انتي محبوبة بحياتك العامة مثل دجلة نت اني متوقعة اي محبوبه مااعرف انتي شنو رايج

نقلته من الموضوع الي بالسنتر

® Sparks Man

09-11-2006, 11:48 PM

هسه اسئلتي ساندي

س1::: شنو رايج بموضوع الفضايح ؟؟؟

س2:::: شنو رائيج بولد وبنات الجامعه وشنو رايج بتصرفاتهم

سندريلا_87

09-12-2006, 12:24 AM

مشكوووووووووووووووورة عشوقة والله لا بعدني مشفت هسة اشوف والله يستر

الحكمة اللي اؤمن بيهة الوقت كالسيف ان لم تقطعه قطعك

الحمد لله ماكو احد صارحني ايخافون مني بعبع هههههههههه

والله نوعا ما يعني اني هم اشوف هذه الشغلة بس مصيبتي انو ما ارتاح للناس كلها بسرعة

مشكوووووووووووووووووووووووووووووووورة عاشقتنا الوردة

سندريلا_87

09-12-2006, 12:28 AM

مشكور علاوي على الاسئلة

بالنسبة لموضوع الفضائح ممتابعته اهواية بس فكرة جديدة وحلوة

بالنسبة للولد عليهم كروس ماعندي شغلة بيهم بس البنات الحمد لله لابأس بيهم حبابات

بالنسبة للتصرفات هو بالكلية اكو كلشي ولاكلاشي يعني اشكال والوان ف اكو الزين واكو الشين

بس بصراحة اكثر شغلة موجودة بالجامعة للاسف هي النفاق سواء اذا بين الولد او البنات

ومشكووووووووووووور علاوي

$فـــــيـــــروزه$

09-12-2006, 02:48 AM

اي ادري اني قديمه كلش بس شسوي ماعندي اسئلة
زين عندي سؤال الج
شنو رايج بالكروبات الي بالكليه والي تكون مختلطة وانتي عندج كروب بي ولد وشنو رايج اذا الكروب مااستغلوا المعنى الاساسي وهو الاستفادة وكضوها كلها ونسة وطلعات

® Sparks Man

09-12-2006, 03:01 AM

مشكوورة على الاسئله

س::: شلون جنت تقضين اوقات فراغج قبل دجله نت

سندريلا_87

09-12-2006, 03:16 AM

مشكوووووووووووووورة كوين

بالنسبة لشغلة الكروبات حلوة اذا اكو تعاون بينهم

بالنسبة اللي لا الحمد لله والشكر ماعندي كروب بيه ولد خليني راسي بارد ابعد عن الشر وغنيلوا لان شفت هواية مشاكل صارت من ورة شغلة الكروبات

طبعا اكيد اذا الكروبات متستغل بمعناها الصحيح اكيد ح ايبين تأثيرها وميبين على الكل لان ح ايكون اكو نوع من السرانية بينهم يعني ناس تقرة واتكول والله ولاكمشت الكتاب وناس تتقشمر ف اتكون النتائج وخيمة

سندريلا_87

09-12-2006, 03:18 AM

مشكور علاوي الورد على الاسئلة وعلى التواصل البديع

بالنسبة قبل دجلة احنا مجان عدنا منظومة يعني على الكارتات وانت تعرف المأساة والصراحة مجنت اكعد هواية على النت ويعني جنت اكثر شئ افوت على غرف الشات وطبعا على غوغل على الصور هذه اكثر شئ

سندريلا_87

09-12-2006, 03:20 AM

ها صدك نسيت انت قصدك وقت فراغي بشكل عام جنت اقضيه على التلفزيون وايضا المطالعة ولحد الان امارس هواية المطالعة من تطفة الكهرباء هههههههههههه

بالحر اكعد اقرة ناس بطرانة مو بلة ههههههههههه

saaoody_1

09-12-2006, 03:32 AM

بالحر اكعد اقرة ناس بطرانة مو بلة

ناس مثقفة

و الله زين بينة عالم تريد تقرة
يوم الالنة

سندريلا_87

09-12-2006, 03:42 AM

لا سعووووووودي لاتخلي عينك ترة مو كتب دراسية روايات وقصص هههههههههههه

® Sparks Man

09-12-2006, 04:02 AM

اي والله اني بالحر من تطفى الكهرباااءاحط الايت على الشاشه مال التلفزيون واكعد اقره

سندريلا_87

09-12-2006, 04:06 AM

هههههههههه يعني شلون علاوي

® Sparks Man

09-12-2006, 04:51 AM

هيه هيج اني اتفرج تلفزيون من تطفى الكهربااء

س:: شنو نوع الروايات الي تقريه ؟؟؟ وليش

سندريلا_87

09-12-2006, 11:53 AM

والله احب الروايات من تأليف اجاثا كريستي روايات بوليسية

وايضا الروايات الاجتماعية

ليش احبها يعني رواية اتكون اتشد من خلال الاحداث

بس اني اي كتاب يوكع ب ايدي وحلو اقراه يعني مو بالضرورة انو ايكون من النوعية اللي احبها

abo sheba

09-12-2006, 12:22 PM

سندريلا الورده تعذريني هوايه هوايه لان مداا افوت هوايه والله
السوال :

منو اقرب شخصيه الج من الاقارب طبعا من غير اخوج وخواتج يعني هذه الشخصيه تفهمج
وتحبين تحجيله ؟؟؟؟؟؟؟؟؟؟؟؟؟؟؟؟؟
مع جزيل الشكر والاعتذار

سندريلا_87

09-12-2006, 03:38 PM

عاذرتك اخويا احمد الورد

بالنسبة للاقارب ماعندي احد بعمري بس بنت خالتي وهي مو بمحافظة بغداد والصراحة صارلي قرن مشايفتها يعني حتى الاقارب بس للقريبين اللي بنفس منطقتنا اروح الهم لان تعرف الوضعية وخاصة وضعية منطقتنا شوية خطرة انو الواحد يطلع

abo sheba

09-12-2006, 06:05 PM

زين راح اشلع كلبج بالاسئله ههههههههههههههههههه

السوال :

1- شنو الشي اللي سويتي وندمتي عليه ؟؟؟؟؟؟
2- شنو الشي اللي ندمتي لانه ماسويتي؟؟؟؟؟؟

ومشكوره سندو

saaoody_1

09-12-2006, 08:26 PM

لا سعووووووودي لاتخلي عينك ترة مو كتب دراسية روايات وقصص هههههههههههه
اهااا
يعني تقرين فلسفة؟؟؟؟
اني احب اقرة بس ما الي واهس اقرة

شلووون
؟
دبرولي حل
هاي سباركس عايز انتمتقرة..انت و نايم هم تقرة ..مو بلة؟؟
هههههههههههههههههه

سندريلا_87

09-12-2006, 09:46 PM

ياريت تشلع كلبي من ب الاسئلة انت وكل الاعضاء

1- شنو الشي اللي سويتي وندمتي عليه ؟؟؟؟؟؟
2- شنو الشي اللي ندمتي لانه ماسويتي؟؟؟؟؟؟

الجواب الاول انو وثقت بهواية ناس وطلعوا مو محل لثقتي

والجواب الثاني مقريت قراية مضبوطة بالسادس حتى يطلع القسم اللي احلم بيه

وتدلل

سندريلا_87

09-12-2006, 09:48 PM

اي سعودي علاوي سجاج درجة اولى ههههههههه

® Sparks Man

09-12-2006, 10:36 PM

اي اني سجاج

اي ساندي جاوبي متخلصين من الاسئله

هسه مثلا انت عندج بيت على البحر باي دوله تتمنيه

واذا انجبرتي اتسافرين من العراق وين تروووحين ؟؟؟؟

سندريلا_87

09-13-2006, 12:21 AM

البيت على البحر ياريت ب ايطاليا كلش احبها

واذا سافرت اتمنى اروح لمصر

GuardingAngel

09-13-2006, 12:30 AM

لا اني هيج ازعل ليش تسوون جلسه صريحه ويه سندرلا وبدون علمي جان لازم اكون موجود من البدايه

سندريلا_87

09-13-2006, 12:56 AM

والله محمد انت ماكو يلا بعدنا بالبداية

GuardingAngel

09-13-2006, 02:20 AM

مشكوره سندرلا زين صارلكم اشوكت

سندريلا_87

09-13-2006, 02:45 AM

يوم الاحد حسب ما اذكر

GuardingAngel

09-13-2006, 02:51 AM

حيييييييييييييييييييييييييييلللللللللللل فاتني هواي

® Sparks Man

09-13-2006, 02:58 AM

اي سؤال اجاني هسه

عندج 3 وردات حلوة المن تهديهن ؟؟؟

ومنو اتحبين اكثر امج لو ابوج ؟؟ وليش؟

سندريلا_87

09-13-2006, 03:01 AM

اي د اسأل استغل الفرصة مو ح تخلص المدة

سندريلا_87

09-13-2006, 03:03 AM

الوردة الاولى لماما وبابا

الوردة الثانية لاخويا وخواتي

الوردة الثالثة لاعضاء دجلة

سندريلا_87

09-13-2006, 03:03 AM

والله نفس الشئ الاثنين نفس المكانة

بس اختلاطي اكثر ويا ماما يعني شقة

GuardingAngel

09-13-2006, 03:06 AM

هههههههههه مو هسه ما عندي وقت
زين انتوا جم واحد بالبيت؟

سندريلا_87

09-13-2006, 03:14 AM

احنا ست افراد

واربع بزازين

GuardingAngel

09-13-2006, 03:21 AM

هههههههههه
كم ولد وكم بنيه
وطبعا الله يخلي ماما وبابا

سندريلا_87

09-13-2006, 03:24 AM

احنا 3 بنات وولد

GuardingAngel

09-13-2006, 03:27 AM

اووووووووووووف والله خطيه اخوكم
شون مستحمل

سندريلا_87

09-13-2006, 03:40 AM

ليش يابة ليش هيجي انجل

abo sheba

09-13-2006, 03:42 AM

منور والله حمودي مشتااااااااااااااقين
اي سندريلا شكو ماكو تره هذا مو سوال

السوال :
لحظه تمنيتي تعيشيها وماعيشتيها لحد الان ؟؟؟؟؟؟؟؟؟؟؟

ومشكووووووووره ياورده

GuardingAngel

09-13-2006, 03:55 AM

هههههههه تسلم حماده وليش شكو ماكو مو سوال مو اني جنت مخبلك بي؟

سندريلا_87

09-13-2006, 03:56 AM

اشوف ايطاليا

حسرة بكلبي

الحمد لله زينة بس انت كول شكو ماكو

GuardingAngel

09-13-2006, 04:03 AM

حماده متونس كام ياخذ جماعته الاكمال خصوصي وصار طاك

سندريلا_87

09-13-2006, 04:12 AM

اي احمد اتونس ابغداد

GuardingAngel

09-13-2006, 04:28 AM

هههههههه يالله يرجع بالسلامه

® Sparks Man

09-13-2006, 05:37 PM

اي انت وين رحتو بالمووضوع

ساندي لتغلسين غير تكمل المقابله ؟؟؟؟؟

اسي ساندي

س::: لو جنت انت بدل المدير العام منو اتطلعين من المشرفين ومنو اتحطين بدل منه

س:: انت شنو اتسوين برمضان ؟؟؟

zeus

09-13-2006, 05:58 PM

اني ممتشرف بشخصك الكريم
بس اسال سؤال واحد اني دائما اسأل عليه
هل من تضعين راسك على الوساده النوم تحسين براحت البال
وهذا يمكن اهم سؤال يمكن طرحه

سندريلا_87

09-13-2006, 07:09 PM

والله علاوي ما اطلع بس اضيف المشرفين الاكفاء واول واحد زياد

ميصير هيجي هذه الانسحابات اني من صدك بديت افكر بفكرة الانسحاب من دجلة

والله علاوي برمضان يعني اكيد اله ميزة مو مثل باقي الاشهر يعني حتى من ناحية الصلاة والقران ب الايام العادية يعني كلنا نقرة قران بس برمضان ايصير لكل شئ طعم ثاني

يعني من كل النواحي من اكعد اتسحر واصلي واقرة قران ومن افطر يعني شئ روووووووووعة بكل معنى الكلمة

ومشكور علاوي

الصراحة يا zeus لا ما احس براحة البال ولا اعتقد اكو عراقي يحس براحة البال لان همومنا جبيرة وكل واحد همة شكل

واتشرفت بمعرفتك اخويا العزيز

® Sparks Man

09-13-2006, 08:05 PM

س::: ليش اتفكرين بالانسحاب ؟
السبب يختلف بين زياد وبيشووو كل واحد اله سبب معين ؟

س::: شنو الون المفضل عندج وشنو الفصل المفضل ولو كلنالج احجيلنه قصه شنو تحجيلنه وليش

GuardingAngel

09-13-2006, 08:16 PM

سندرلا اريد اعرف احلى موقف مريتي بي بحياتج

سندريلا_87

09-13-2006, 09:41 PM

مشكور علاوي بس هي مجرد فكرة مو اكثر

بالنسبة للسؤال الثاني اللون المفضل عندي الازرق والوردي

الفصل المفضل الصيف لان مابيه دراسة

القصة احجيلكم ليلى والذئب هههههههههههه

سندريلا_87

09-13-2006, 09:50 PM

حمودي احلى موقف

ههههههه بس مو تضحك عليا

اكيد شايف انت الغسالات القديمة اللي بيهة نشافة مال هدوم ام الرولة

رولتين مطبوكة المهم فد يوم من جان عمري سبع سنين شفت اختي دخلت قلم بالنشافة ف اني جيت اجرب دخلت القلم القلم اشو هذا كبل طب جوة اني هم شوف الغباء لزمت نهاية القلم ومتشوف الا ايدي جوة النشافة مردتها مرد هههههههههههههه

بس الحمد لله رأسا فصلوا الكهرباء وفتحوا النشافة وطلعوا ايدي ههههههههههههه

بس والله زوركت بوكتها

والله مواقف كومة صايرة بية لان مو عاقلة جنت وكحة هههههههههههههههه

بس هذا احلى موقف اتذكرته

سندريلا_87

09-14-2006, 01:36 AM

اي يمعودين على كيفكم ب الاسئلة مالتكم مد الحك ارد

نحن هنا @@

Im Here

Helloooooooooooooooooooooooooooooooooooo

وينكم !!!!!!!!!!!!!!!!!!!!!!!!!!!!!!!!

GuardingAngel

09-14-2006, 04:05 AM

هههههههه الا موقف مو تبيعي

$فـــــيـــــروزه$

09-14-2006, 04:22 PM

هلووووووووووووووو ساندي شلونج اخبارج مشتاقين وين هاية الغيبة الطويلة

سندريلا_87

09-14-2006, 04:58 PM

مشكور انجل

مشكووووووووووووورة كوين اني موجودة انتي ماكو واني مشتااااااااااااااااقة اكثر

® Sparks Man

09-14-2006, 05:15 PM

اي يا انجل هذه برنامج جلسه صريحه انت ماعندك اسئله ؟؟؟؟؟؟؟؟؟؟؟

اي ساندي ::: شنو هو الشي الي تحبين ان اتسويه يوميه وتنقهرين من ما اتكدرين اتسويه

شنو اطيب نستله وشنو تحبين من اكل المطاعم

سندريلا_87

09-14-2006, 05:33 PM

اي علاوي محد يسأل

المهم اجاوبك على الاسئلة

الشغلة اللي احب اسويها يومية هي الابراج والخواطر اذا ما ادزهن او اتأخر شوية انقهر واتمنى انو ابتلي بواحد واطلع قهري ههههههههه

اطيب نستلة ام الككو الخالص يعني عمار لؤي اخرب عليهن

من اكل المطاعم احب الصاج بس اني مرايحة ماكله بيه ماكلة سفري كلش احبه

® Sparks Man

09-14-2006, 11:35 PM

الشغلة اللي احب اسويها يومية هي الابراج والخواطر اذا ما ادزهن او اتأخر شوية انقهر واتمنى انو ابتلي بواحد واطلع قهري ههههههههه

هههههههههههههه

اي ساندي من اتصيرين عصبيه كلش شنو اتسوين يعني شلون اتطلعين قهرج ؟؟؟

وس:::: كم مرة مكتوله من اهلج من اخوانج على الوكاحه انت مو تكولين اني وكيحه ؟؟؟

سندريلا_87

09-14-2006, 11:46 PM

حسب الموقف مرات اصيح مرات اسكت واظل احرك بدمي بس ترة مو عبالك ابتلي بواحد من اهلي ترة رأسا ايدفنوني بالحديقة هههههههههه

السؤال الثاني حييييييييييييييييييييييييييييييييييييييييييييييييي يييييييييييييييييييييييييل كومة من اخواني بس اخويا ومن جنت صغيرة جان يمشي ويكتل لان اصغر منه ووفرق بينه بس سنتين

بس اكثر شئ مكتولة من امي الله لايراويك ضرباتها لان صدك اتأذي اتزورك ههههههههههه

GuardingAngel

09-15-2006, 03:53 AM

سوري ساندي اني شويه مو زين بشغله الاسئله
بس اسالج سوال
شنو السوال الي تحبين تنسالي ومحد سائلجياه او يسالو بس تحبين يتكرر السوال علي دائما

سندريلا_87

09-15-2006, 12:27 PM

والله محمد ما اعرف شمدريني هههههههههههه

والله ما اعرف

GuardingAngel

09-15-2006, 01:10 PM

هاي شنو عود اني فرحان سالئل سوال
زين سوال ثاني
ديري بالج على اسالتي سندرلا تره كلش نادره
لو جان معدلج يسمحلج تروحين القسم اعلى من قسمج جان شختاريتي ياقسم؟

سندريلا_87

09-15-2006, 03:46 PM

جان اختاريت مدني لان بصراحة جانت امنيتي المدني

ومشكووووووووووووور حمودي

GuardingAngel

09-15-2006, 04:17 PM

تسلمين يا روعه وروده

سندريلا_87

09-15-2006, 04:23 PM

وين السؤال هسة بالجذب اسال مجاملة

GuardingAngel

09-15-2006, 04:27 PM

ههههههههههه زين كليلي شنو اكثر اكله تحبيها واليوم شمسوين على الغده

سندريلا_87

09-15-2006, 04:37 PM

اكثر اكلة احب تبسي باذنجان

والغدا اليوم دجاج شوي

GuardingAngel

09-15-2006, 04:41 PM

ايوا طكـــــــــــــــــــوك

® Sparks Man

09-15-2006, 05:36 PM

يله شباب تره ساندي حتروووح باجر مبقى شي للي عنده سؤال لازم يسأل

س::: الله عليج ساندي مضجت من الاسئله ومن الموضوع وشنو الي فرحج وشنو الي ازعج بهذه الموضوع , ومحضره منو الضيف ابالج ؟

abo sheba

09-15-2006, 06:52 PM

هلوووووووو شباب عذروني ومع الاسف لحكت على اخر يوم
بس مو مشكله راح اهريكم اسئله وهسه اضوج سندريلا

السوال الاول :
شنو النصيحه اللي اخذتيها من اختج اللي اكبرمنج ؟؟؟؟؟؟؟؟؟؟؟

السوال الثاني :
شنو اكثر شي يفرحج بالدنيا وشنو الشي اللي اكثر شي يحزنج بالدنيا (( ان شاء الله ماكو حزن )) ؟

السوال الثالث :
موقف اتأذيتي من وراه هوايه واللي خلاج تبجين ؟؟؟؟؟؟؟؟؟؟؟؟؟؟؟

يله ساندي جااااااوبي

سندريلا_87

09-15-2006, 08:45 PM

علاوي والله مضجت من الاسئلة هي وينها الاسئلة يمعودين عبالي الكل تسأل اشو محد سأل بس يلا الحمد لله والشكر والله علاوي لو ما انت جان الجلسة فشلت

كل الاسئلة فرحتني واللي ازعجني مو هواية اسئلة

الضيف اختاريت الملاك الحارس انجل

بس علاوي انت ميصير واحد يختارك

سندريلا_87

09-15-2006, 08:50 PM

ياهلا بحمادة عمي ضوجني موتني بس اسأل

النصيحة من اختي لاتثقين بكل الناس

والله اكثر شئ فرحني هو البارحة صار من رجعتوا انتو كروب الكهف للمنتدى واكثر شئ يحزنني الفراق

الموقف هواية والله حمادة اني ايسموني ام دميعة هههههههههههه

بس موقف مصارله هواية صاير وبصراحة مو بجيت بس الدمعة بطارف عيني من بيشو عاف المنتدى ووراهة من انتو قررتوا اتعوفون المنتدى حسيت خلصت الدنيا

ومشكور حمادة حلوة الاسئلة

® Sparks Man

09-15-2006, 10:11 PM

لا ليش ميصير يختاروووني بس بوقته لازم انتي ساندي تكتبين الموووضوع وتنزليه بالسنتر الدعوه هم

س:::: انت ساندي شفتي التذكار مال ابو شيبه حلو جان لو لا ؟؟؟؟؟

® Sparks Man

09-15-2006, 10:14 PM

اخوان مثل متعرفون باجر اخر يوم بالضيافه مال ساندي لذلك حبينه ان انقدمله تذكار بمناسبه الضيافه انشاء الله يعجبه

مو تنسون باجر هم هيه ضيفتنه بس باجر كلنه انودعه على راحته ون يكتب رد ياريت لو يضيف التذكار وياه مو تنسون

وهذه التذكار

http://www.flashfp.net/uploader/modules/up-pic/pic/uploads/c8ba3c8df8.jpg

سندريلا_87

09-15-2006, 11:35 PM

اوك علاوي اني اختاريت العضو هو انجل يلا ان شاء الله على الجايات

التذكار مال ابو شيبة كلش حلو وعاشت ايدك بس ابو شيبة شنو رأيه

ومشكور علاوي على التذكار الحلو البديع الرهيب اكيد لان منك وفوكاهة بيه تامر يعني اكيد يعجبني ونص هههههههههههههههه

بس من صدك اشكرك علاوي الورد

® Sparks Man

09-15-2006, 11:40 PM

اي ساندي عندي سؤال:::
انت اول مدخلتي لدجله جنت داخله بعد ان سمعتي عن المنتدى لكن هل شفتي المنتدى مثل ما تمنيتي لو خيب ضنج ؟؟؟؟؟؟؟؟؟

http://www.flashfp.net/uploader/modules/up-pic/pic/uploads/c8ba3c8df8.jpg

سندريلا_87

09-16-2006, 12:09 AM

علاوي اني بصراحة من سجلت كلت هي يوم يومين وبعد ما اشوف المنتدى

بس بصراحة من دخلت دزيت اول موضوع اللي جان اسمه عضو جديد اني كلت هسة محد يدخل ولايعبروني بس اول رد اجاني منك ما اعرف تذكر انت شكلت

كتلي اختي سندريلا مواضيعج وردودج هي احسن تعريف عنج ف بصراحة اول رد هو اكيد اله اثر كلش جبير

وطبعا باقي الاعضاء مقصروا والحمد لله اني حاليا ابيتي الثاني