اريد رايكم بهي المسالة

[nm_lovly]

هاي شباب اني اليوم كلش ضايجة وكأبة واريد احجيلكم الي بيه واريد اسمع رايكم بهذا الكلام اني حبيت من سنة ونصف تقريبا وكان حب صادق من الطرفين يعني جان احلى شي صار بحياتي بس الي صار انو قبل فترة استشهدا اخو حبيبي بدء هو ايأيس من الحياة الى ابعد درجة وهذا الي كان ايضوجني جنت احجي وياه بس هو جان كلش مايس وعازل نفسة هو صحيح اخوه الوحيد وهذا من حقة بس مو ايموت نفسة وراه المهم اني فد يوم صرت عصبية علية وما كدرت وانقلبت الامور ضدي وسد التليفون وبعد ما رد عل اتصالي وحاول يبعد نفسة عن باي طريقة وحاول ايوصلي انو اني ما نفعج اريد ابنعد عنج واعوفج اتعيشين حياتج لان اني اعتبر نفسي شخص ميت بس اني ما قبلت بهذا الشي و كتلة ترى هذا القرار اناني واني لان احبك اريدلك تكون احسن وما تضلم نفسك واني ما دام احبك لازم اضحي لاجلك لكن هو مصر ان يبقى بعيد عني ما اعرف شنو السبب على الرغم من انو الفترة الاخيرة صارحني بكل شي انو هو ما حب احد غير وما يكدر لحد هذي اللحضة ان ايحب غير بس هو مقتنع انو هو شخص ميت ما اعرف شلون احجي وياه وما اكدر فية على ان فقط حبيبي يعني لا اكدر ابتعد عنة ولا اكدر انساه او اكدر ابطل لحضة ما افكر بيه لان احبه لحد العشق وهذا الي دا ايعذبني هسة تعرفون معاناتي هذي صارلها اربعة اشهر وما تتغير نفسها صحيح مرات اشعر بالغضب واقرر بعد ما احجي وياه بس ارجع بعد مدة ادق علية واسال على اخبارة
المهم ايجوز طولت عليكم بس اني اريد اسمع رايكم بمعاناتي تحياتي ::45::::45::::45::

[Hitler-civil-eng]

ااني ما اكول بس الله يساعدج ..... بس يرادلج صبر وتضحية ....
يس احب اكول الحب موكل شي ... تحياتي الج ان شاء الله تنحل شغلتج وترجعون مثل كبل

[الانشائيه messi]

شوفي عيني نصيحه الج مني واعتبريني اخوج
اذا من صدك هيج تحبي لتعوفي لان كلش صعب تلكين ايهلوكت هيج حب صادق ابقي ويا ولتعوفي لان من يحس انتي هيج معتزة بي مرح يعوفج وراح يحبج اكثر واكثر اوكي

[ندومي]

والله ماادري شكول واني مااعرفج بس صدك على هذا الموقف
اثبتي انه الحب اقوى من اي مشكلة وانه انتي تحبيه صدك
وانشالله وبعون الله تنحل المشكلة وترجعون مثل االاول حبايب
لان اني خسرت اللي حبيتها ومااريد احد غيري يمر بهل شي
فصدك اتمنى من كل كلبي انه ترجعون سوا
وتحياتي الج على هلموقف

[EMinem_civil_eng]

شوفي اختي ...
خل اكولج رأئي بصراحة ..
اللي جان بيناتكم مو حب ..
يمكن تلفون او يمكن تكضية وكت .. او يمكن تأثر بالافلام
بس مو حب ..
لان الحب يقاس بالمصاعب .. هو لو كان يحبك فسيتجه اليك في مصيبته ..
كما انك تتجهين اليه عندما تقف الدنيا في وجهك
اما ان يكلج روحي لان اخويه استشهد واني اريد اموت .. فهذا الضعف بعينه



نجي الى حل لمشكلتج :-


اعتقد ان الامر مو بيديج ..
لان حسب ما كتبتي انتي ..
انتي حجيتي وية الشخص اللي تحبي .. وكلتيلة ان الحياة لم تنتهي بعد استشهاد اخيك .
وبالفعل ان الحياه لم ولن تتوقف بموت شخص مهما كان عزيزا على قلوبنا
ان كان هذا الانسان يحبك بصدق .. ويريد ان ينفرد بقلبك مهما كلفة الثمن .. فهو سيعود في يوم ويطرق بابك ..
اما ان تبقون بهذا الشكل كل شخص في جهة وانتي تسألين عليه وهو داير وجهه
فهذا مو وضع يمكن ان يكون بين حبيبين ...

كلمي مرة اخرى .. وحاولي ان تفهمي
واتركي الامر بين يديه ,
او .. دعيه يعيش حياته .. والاهم انك تعيشين حياتك
يمكن الامر صعب في البداية .. لكن صدقيني
بمرور الزمن وبوجود الاصدقاء تنسين كلشي .. حتى ابتسامته العذبة وضحكاته ونكاته الحلوة
كلها تنسيها وبعد متفتقديها

[civil of the hell]

والله يا اختي ما ادري شكلج...موضوعج حيل مؤثر... والمشكله انه انتي تحبي من كل كلبج...وجوز هو اخو جان كلش عزيز عليه وماعنده بلدنيه غيره...بس هذا مو سبب يبعده عنج...لان هو لو صدك يحبج...جان فكر انه ماكو غيرج الي راح تنسي هموم الدنيه كلها...اتنمى ان يفكر زين ويراجع قرارته..وحالي تتصلين باحد من الي تعرفيهم يكدرون يلينون قلبه ويخلوه يفكر صح..وانشالله يرجعلج باقرب وكت وانتي سوي العلي ولتيئسين اونشالله خير...تحياتي الج

[شمس الانشائية]

الله يكون بعونج يعني اللي صاير بيج مو قليل وحتى اللي صارله مو قليل بس الحياة تمشي ومتوكف على احد مهما كان عزيز علينا الدنيا تدور واعتقد هو ديكول هشكل حتى لا تتعذبين وياه بس هو كلش غلطان بقراره لان احنا نحتاج دائما الى شخص يكون يمنا ويشاركنا احزاننا وانتي حاولي ويااه ولتعوفيه لان اذ عفتيه حينتهي اكثر وانشاء الله يصير كل خير وترجعون سويا ....

[prince_of_baghdad]

اختي مشكلتج صعبة والله يكون بعونج عليها ... لكن اعتقد ان تنطين للزمن فرصة حتى يبين اذا كان اللي بيناتكم حب او غيره .... وبالنسبة للشخص اللي تحبيه فاعتثد انو مصيبته اكبر لان الاخ ميرجع والحالة اللي هوة بيها صعبة واكيد تحتاج الى وقت علمود تمر بسلام ... فنصيحة من اخ : اعطي للزمن وللحياة وللشخص اللي تحبيه فرصة لتقدير المستقبل .....

[بزونه المدني]

حبي اني رأيي مثل رأي امنم

[88xyz]

اني اكول انطي الوكت حتى يراجع نفسه لان هو مصدوم وهو لتعتقدين لح ينساج بس كل مافي الامر هو مديصدك ان اخو راح بس انتي لتكدعين وياه بنفس الوكت لتلحين عليه وانشاء الله تنحل المشكله

[فستقة]

بالاتفاق مع الاخت لارا .. تم نقل الموضوع الى منتدى حلال المشاكل

تحياتي

[civil of the hell]

ها عيني... ام القشور بدينه نشحت بلمواضيع...ههههههههههه... بس معرفتينه عل البونيه (لارا)...::50::

[civil of the hell]

ها عيني ...ام القشور بدينه نشحت بلمواضيع...ههههههههههه.... ومعرفتينه عل البونيه(لارا)::50::

[EMinem_civil_eng]

ومعرفتينه عل البونيه(لارا)::50::



http://www.dijlh.net/images/icons/182.gif

ولك اسكت
لارا مشرفة .. ويكولك لارا عصبية ومتتفاهم
ومن تضوج تجعص طماطة بالليل وتشرب مي بي ملح على الريوك
ويكلك عدها ريشة مال حمام تعذب بيها الاطفال http://www.dijlh.net/images/icons/006.gif

:

اجاك الباند يا تارك الصلاه