اريد حل

[**مهندسه ميما**]

سلام عليكم شباب وبنات

اني عندي مشكله مع الحب ومااعرف اتخله عنه لو ابقى وياه واتحمل

المشكله انو انسان صارحني وكلي اني معجب بيج ومن هاي السوالف


اني عادي بالبدايه ما قنعت بي بعدين وره شهرين حسيت بنفسي وكعت بحبه حبيت رجولته

بس اووووووووووووووف هنا العله


من حبيته بده يبتعد

سألت اصدقاءه وسألته هو كلي اني اشتغل وكلش مأذيني بشغل ومدى اكدر اشوف دربي
(هو صح يشتغل موظف ويدرس بنفس الوقت)

هو ابوه متوفي وهو صار المساعد الاهله


زين كتله عادي ميخالف وقبلت بهذا الشي وهسه اني حتى حجي بتلفون مااكدر احجي وياه

تلفونه لو يدك ومحد يشيله لو يفصله مرات يشيله ويحجي ويايه حجي عادي وكأنه كلشي مصاير

زين اني شسوي اني اشتاقله مو بيدي حبيته كلش

بس ضجت لان ميسأل عليه وهذا الشي راح يخلي بعد وجهي ميرد يشوفه

شلون


بالمناسبه هاي القصه هي اختي واكعه بيه واني من شفت عدم اهتمامه بأختي ضجت وكلت خلي


اطرح الموضوع بمنتدى حلال المشاكل


شدكولون انتو

اني كلت تبقى وياه بس لازم اكو طريقه اثير انتباه يعني فد خطه اتخلي يرجعله مثل الاول

بس شنيه الطريقه ماادري اني ماعندي خبره بهاي السوالف اريدكم انتو تفكرون بيه وادري بيكم مراح تقصرون ويه اختي

[رؤى21]

هلو اختي العزيزة
بصراحة واذا تردين رأيي اني اشوف انو اختج اتحاول تبعد عنه وبعد متخابره او تحجي وياه
وبمرور الوقت اذا هو صحيح يحبها لابد انو بتصل بيها او يحاول يحجي وياها
وتقبلي مروري المتواضع
وتحياتي الج

[زهرة البنفسج*]

رأي من رأى رؤى يعني تبتعد عنة فترة حتى يحس على نفسة وميكول ذابة نفسها علية خلي تحسسة انو هي غالية وكرامتها اغلى من انها تذل نفسها علمودة ويجوز ديختبر شخصيتها بالحالتين هي مراح تخسر شي همة الولد من يشوفون وحدة لابستهم ينسطرون

[**مهندسه ميما**]

شكرا حبيباتي

اني راح اكلله

بس هيه كلش تحبه وتشتاقله

واني اكول ومتاكده ميه بالميه

اذا بعد مدك عليه هو هم بعد ميدك عليه وينساه خلاص

هيه متريد تخصره لان تحسه هو الرجل المناسب اله

[HEJRAN.Ca]

شكرا حبيباتي


اني راح اكلله

بس هيه كلش تحبه وتشتاقله

واني اكول ومتاكده ميه بالميه

اذا بعد مدك عليه هو هم بعد ميدك عليه وينساه خلاص


هيه متريد تخصره لان تحسه هو الرجل المناسب اله


اللي نساك انساه..

اختج دتلعب بالنار على حساب كرامتها ونفسيتها..

مبينة الولد جانت اله غاية ووصلها .. ومن حصل على اللي يريدة ابتعد .. اكو اهواية هيج

العاقلة هي اللي تخلي الشاب يبقى وراها مو هي وراه

لان اذا هي تدك عليه وتلح بالسؤال عنه وهو ماكو رد فعل ايجابي تجاهها .. راح تصغر نفسها اهواية ..

سلامي

::51::

[**مهندسه ميما**]

مشكور عيوني راح اكلله

[LARAH]

تحية طيبة حبيبتي..


حفاظاً على كرامة أختك وقيمتها .. من الأفضل إنها تنسى هذا الشخص وخلاص وتنتبه لنفسها يكون افضل

يعني حتى لو منحناكِ رأي معين في اي شي تستخدمه لحتى يرجعلها هذا الشخص ..صدقيني حيكون هذا مجرد إرجاع وقتي..وبنفس الوقت الولد ميحترمها ...يعني كأنه في حالة تخدير وقتية ويرجع لحالته السابقة بإهمالها..


بكل الأحوال ..من الافضل ان تتركه ولتحاول إرجاعه لأن المشاعر مو غصب وإنما هي من تأمر صاحبها بالمحبة..


تتقبل الوضع كما هو لأن بإعتقادي هذا الشخص بعد ميرجعلها ..


تحياتي.

[**مهندسه ميما**]

تسلمين حبيبتي على تعاونج الحلو ويه اختي

[سنو وايت]

السلام عليكم اختي اني من رأي تخلن اختج تسأل اصدقاءة او تحاول تحصرة بكلامهة
وتحسسة بذنب الى ان يعترفلهة ....تقبلي مروري

[**مهندسه ميما**]

حبي مشكوره على اهتمامج

بعد اريد ارائكم الله عليكم

[الانباري الفلوجي]

اختي الشغله واضحه وما يرادها روحه للقاضي
الولد جانت عنده غايه وحصلها فلهذا ابتعد
المهم خلي اختج تتركه وتنساه لان هو لا يحبها ولا هم يحزنون
وهاي شغله انه يشتغل هاي حجه بايخه
لان الي يحب من يحجي ويه الحبيب ينسى كل الهم
ونصيحه مني الها خلي تنساه لان هذا واحد جذاب وميستحق حبها اله
اما عن رجولته لو هو رجال جان بداها من الاخير
اذا يحبها يكولها واذا ما يحبها هم يكولها على شنو معلك البنيه
مو صحيح
تحيـــــــــــــــــــــــــــــــــــــــــــــــ ـــــــــــــــــــاتي

[توتة في المريخ]

الي ميريدني مااريده
خل تبتعد عنه هيه بطريقة ملفتة
لان هيه الدنيا هيج صايرة لما الولد يكتل روحه ع البنيه تتعزز
لما يعوفها تكتل روحها علية مثل مااختج سووت بالضبط

خلي تعوفة وحتى ولو رجعلها اذا مااستردت كرامتها لا ترتبط بيه لانه بالمستقبل راح يخليها تندم ع اليوم الي حبتة

خلي عقلها براسها ولا تتهور وخلي تبطل تصرفات صبيانية
الحب مو كل شي بالدبيا
صدك اكولج ملاحظه قبل م اروح
هي اصلا اختج متحبه
هيه بس متعوده انه يسئل عليها ويريدها ومن راح حست بفراغ عاطفي


تقبلي مروري
اختج توتة المريخية

[سعـــد القيســــــي]

::32::::32::::32::