عيش ابخت واحجي ابخت او بوك ابخت مكرود يالمالك بخت

[فتاه تحب الاحلام]

السلام عليكم

اليوم نقلتلكم قصيده توب
استاذ كلبه يحب طالبته و توجه له اتهامات من الطلبه

جواب استذ الكليه على اتهامات الطالب ......

عيش ابخت واحجي ابخت او بوك ابخت مكرود يالمالك بخت
تركض اوتتعب عالولف تاليها تكعد عالتخت

صدك يالنتشد او دمع عينك حرام ايصب
صدك يفلان زعطوطه زغيره او ماتعرف اتحب
زغيره او لعبت اعليه شسولفلك شفتها ابدرسي موراحه
تشيل اصبعها بالعمدن ... اشحلات اصبعها يسبيني
تكول استاد تسمحلي . اواجاوبها . واشوف امنادس الحلوات ياذيني
وحاجيها واكول الكيت مكصودي ، اشحلات الرد
تدك ايدي ، شسولفلك اخاف اطول سالفتي
اعلى ساعه اولنّي غركان ابعواطفها
احبج كالت احبيب ، اريدج كالت ادلل ، احب ذبّت سوالفها
اكلها اشلون وآنه استاد، اكلها اشلون اطب للصف ،اخاف احجايت العذّال لاواحد يخالفها
يعيب العيب كالت غصبن اعلى الناس
احبك واعبد الدفتر ، اريدك واعشك الكلمه التوالفها
رضت بحجاية العاذل سكتني الشوك من جفها
شريد اكثر؟؟ مشيت ابرجل تستاهد الجنه مادري ابكبرها اتطب
صدك يفلان زعطوطه زغيره او ماتعرف اتحب

قسمتي اوياها اتعذّب واداري جروح
امل يافرحه لاعبني اولعب بيه اعلى ساعه يروح
اغيب ابفشلتي او ياكلني حجي الناس ، اشوف الناس تحجي ابشهكة المذبوح
وهي ابدرسي ولاجنها ، لون سقطت تكول الناس سقّطها
او لون نجحت تكول الناس يتوسل ، يهالتنشد ترانه استادك اوحاير
انجحنها واسقطنها ، تعال اتحمّل اهمومي ، اخذ مني الشهاده العمّت اعليه وتحملت الحسد منها
تعظ اصبع بعد شيفيد، فرحه او ماتت بصدري
عفنّج بيش يالوكحه ، يريت الواحد اليولاج هم مثلج زغير او مايعرف ايحب
صدك يفلان زعطوطه زغيره اوما تعرف اتحب

يهالتنشد عليها اوهيه ناسيتك ، عليمن تامر او تنها انهجم بيتك
عليمن تحجي تتهدد ، ترانه اوياك مثلك هم كلب عندي
احب واتلوع وجرحي منتاذيه هم يدّي ، والحجاره التفشخك تفشخ استادك ، نطيح ابسدّك اوسدّي
عليمن تنخه ابو حزامين ، واتوصّي ابعلي الشرجي او علي الهادي
او تتهدد علي تحرمني غصب من طبّت النادي
يحيف اعليك وانت مشورب اوراهي او يكولون الفهم عندك
ولك وينه الفهم باليفرض ابروحه اعلى محبوبه
الفهم يفلان لليعرف معاني الحب على ادروبه
العشك يفلان من روحين وسط الريح مصلوبه
العشك رد او بدل يفلان ، لو بالقوه جا صار العشك طوبه
اعاتب والعتب ياذيني او يعذبني ، اعاتب لجل عينك مو لجل وحده تعذبني
انا مثلك صفيت امدوهن اوحاير ، انا الظليت ارد للضيم عتباته
انا الظليت ذاك الكال لا ردّالنه ابو عليوي او لا بيّنت مسحاته
واظل تايه او مهموم او ما ادري ابطريق الحب
صدك يفلان زعطوطه زغيره او ما تعرف اتحب

منقول
تحياتي

[الساهر البغدادي]

حلوة القصيدة عاشت الايادي

[whiteheart]

شكرا جزيلا
على القصيده الحلوه
وااااااااايت

[فتاه تحب الاحلام]

الساهرالبغدادي و وايت هارت
شكرا جزيلا لمروكم على القصيده و التعليق
تحياتي

[اسد عراقي]

هاي منين لكيتيها ....

عفية عليج فتاة ...
قصيدة قديمة بالسبعينات ...
القاها احد الطلاب في حفل تخرج كلية الزراعة / ابو غريب

سامعها من زمان ...

وصار لهاي القصيدة شعبية كبيرة في اواسط الطلبة في حينها

ممنون فتاة...قصيدة روعة

[اسد عراقي]

وهذه القصيدة بالكامل




زغيرة وما تعرف تحب

زغيره وما تعرف تحـــب .. ولا دغـدغ قلبها الشــــوق
خفيفة بشط هواها تروح .. ودومها تعاتت اويه الموج
زغـــــــيره وحســـــرتي كبــــــيره ..
يا صاحبي ما أظنها تفّل ..ولا اظن يحصد اليشتل
تصــد مــرّه وأعاتبــها .. تراضيني وترد تجفــــل
لا غلطه بدت مني .. ولا كلمه قلت عنها ولا عني
أهيم وما أقول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. زغيره وما تعرف تحب
كثيره أيام يا ناس وآنا هالحاير .. لا شوره تدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
أوادم وشت عليّ .. مثل ما وشـــت عليها ؟
لا ماكو عواذل .. العواذل ما تحاجيـــها !!
عرفته اللي كــان واشـــيها .. !!!
ولك يا صويحبي استاذي يحـوم ويـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بيني وأتل بيها
وإلا استادنا ريّض .. يقــــول هالنـاس شعليها
حســــافة اســـتاد .. جنك ما دريت بحسبتي وياها
حســــافه اســــتاد .. قلبي اللي هواها شلون ينساها
شـــقول عليك يا استاذي .. شــريد أدعي ؟
عسى انك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر
نار وبالضلع تسعر
عسى انك بيش يملذون يلن كل جلمة بالدفتر تذكرني هواك اكثر
واذكرنهة احبنهة
وحك عيناك يا استادي وعلي الشرجي احبنهة
انشد عليك أبو حزامين لا توصل بعـــد يمها
شـــتريد انطيـــك شـــهديلك ..؟
الك قلبي وقــلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهــادي
احرم عليك حتى طبة النادي
وشحدهة وتكَلك طب ... زغيرة وما تعرف تحب
اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو سـاعه اضحكت ويــاي
ولا أقدر اسقطنها إن صــدت تـريد جفـــــاي
انا منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي قليب يا محلاه .. ألف حسره تحس بجلاه
وعندي تركه من بقايا الروح كثيره جروح وتصيح الدّاد
ما جاني برقبتك يا استاد
جرحي ما يلفه ضماد .. ولا اظن قصتي على البشر تنعاد
هذي قسمتي من الله مو من واحد واعتب .. زغيرة وما تعرف تحب

رد الاستاذ:

عيش ابخت واحجي ابخت وبوكَ ابخت مكَرود يالمالك بخت
صدكَ يالتنشد عليها ودمع عينك حرام يصب
صدكَ يا فلان زعطوطة زغيرة وما تعرف تحب
زغيرة ولعبت علية زغيرة وعذبت كَلبي
شفتها ابدرسي مو راحة تصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمها اليدبي واجاوبها وترد تسال
واشوف منادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفها اكلها شلون وانة استاد
اكلهة شلون اطب للصف اخاف حجاية العذال لو واحد يخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التسولفها
مشيت برجل تستاهل الجنة اثاريها بكبرها تطب
صدك يالتنشد عليها ودمع عينك عليها يصب
صدك يا فلان زعطوطة، زغيرة وما تعرف تحب
عليمن تنخة ابو حزامين وتتهدد بعلي الشرجي وعلي الهادي
وتريد تحرمني غصب من طبة النادي
يا حيف عليك وانت مشورب وراهي
ويكولون الفهم عندك
ولك وين الفهم ياليفرض بروحة على محبوبة ؟؟
الفهم يا فلان من يعرف معاني الحب على دروبة
العشكَ يا فلان روحين وسط الريح مصلوبة
العشكَ رد وبدل يا فلان
لو بالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت ارد للضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة


رد الطالبة

جبيرة انة جبيرة وعدكم زغيرة
زغير الماعرف امرة وتدابيرة
زغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر لغيرة
جبيرة انة جبيرة وعدكم زغيرة
زغير انت ..زغير وماتعرف تحب
نسيت شلون اتلكَاك من تجهب
هناية لاهي وماعرفت اشلون تلهة
هناية ساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني اشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلون مسترطب
هذا انت وتكلي زغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لو مال
ماريدك بعد حيال ظل اسمع حجي العذال
واشبع لوم كلمن كال
المايعرف تدابيرة حنطتة تاكل شعيرة
جبيرة انا جبيرة وعدكم زغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
ومرة مدري اشجانت الوصفة
يا عيب العيب تحسبهة سوالف شوكَ ولهفة
خلف الله على الدلاك عايزهة بعد زفة
حرت انة يا هل وادم بين استادي والطالب
من مثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدكم زغيرة

[قطورة 88]

شكرا فــــــــــــــــــــــتاة القصيدة حلــــــــــــــــــــــــــووووووة
تحياتي صـــــــــــــــــوصة::45::

[فتاه تحب الاحلام]

هاي منين لكيتيها ....


عفية عليج فتاة ...
قصيدة قديمة بالسبعينات ...
القاها احد الطلاب في حفل تخرج كلية الزراعة / ابو غريب

سامعها من زمان ...

وصار لهاي القصيدة شعبية كبيرة في اواسط الطلبة في حينها

ممنون فتاة...قصيدة روعة


لطشتهه من منتدى
حلوه و عجبتي
بس اكول
من زمان يعني من شكد؟؟؟؟؟؟؟؟؟؟\
بس لا انت خريج السبيعينات ؟؟؟؟؟؟؟؟؟؟
::41::
اني الممنونه لمرورك الف شكر و تحياتي

[فتاه تحب الاحلام]

أخي العزيز شكرا
لتكمله القصيده الكامله كلش روعه
تسلم

[فتاه تحب الاحلام]

شكرا فــــــــــــــــــــــتاة القصيدة حلــــــــــــــــــــــــــووووووة
تحياتي صـــــــــــــــــوصة::45::

العفو حب
شكرا لمرورك و التعليق
تحياتي
::45::::57::

[اسد عراقي]

لا اني خريج التسعينات وسمعت القصيدة لاول مرة بالكاسيت
ولفتت انتباهي لانها واقعية وسهلة اللغة
اختيار موفق فتاة

[AL-DOCTORH R]

حلوة فتاة عاشت ايدج

والله حلوووة بس ولا عبالك قصيدة عبالك رزاله

تحياااااتي

دكتورررررة المنتدى

[فتاه تحب الاحلام]

لا اني خريج التسعينات وسمعت القصيدة لاول مرة بالكاسيت

ولفتت انتباهي لانها واقعية وسهلة اللغة
اختيار موفق فتاة




فعلا هيه كلش حلوه
شكرا و الله هذا من ذوقك
تحياتي

[فتاه تحب الاحلام]

حلوة فتاة عاشت ايدج


والله حلوووة بس ولا عبالك قصيدة عبالك رزاله

تحياااااتي


دكتورررررة المنتدى


شكرا حبي
هو هيج واحد يرزل الثاني
تحياتي الج و لمرورك العطر
::57::

[كولان]

يسلمووووووووووووووووووووووو
تحياتي كولان

[thedreams sun]

شكرااا فتااه قصيده حلووو
تحياااااااتي

[طب الانبار]

ههههههههه

و الله خوش حوار يسلمووووووووو فتاة و اسد عاشت ايديكم

سلامي

طب الانبار

[فتاه تحب الاحلام]

كولان و شمس الاحلام
شكرا لمروكما العطر
تحياتي

[فتاه تحب الاحلام]

ههههههههه


و الله خوش حوار يسلمووووووووو
فتاة و اسد عاشت ايديكم

سلامي


طب الانبار


اشكرك اخي الكريم طب الانبار
انت العايش يارب
شكرا لمرورك

[JoJo CuTe]

عاشت ايدك
كلش حلوه القصيده