علي الملا الخزاعي
07-15-2008, 04:44 AM
نعمه_ رجل تجري تحت اقدامه جنات النفط الجنوبي!الا انه لايملك خشبه او قارب يحمله فوك ذلك
الجريان لذا غرق في اقصى اعماق الجوع والى الان لازال قيد البحث!!!!!
هاينعمه
متاني من ادموعي بسمه
هاينعمه؟؟؟
الله واكبر هذا حالك
دايخ بلكمة جهالك
تبجي جبت العمر كله ومن طحت محد بجالك!!!
هاينعمه؟؟؟
انه ادري الجوع كافر
ونته صار اسنين صابر
بس تكابر اي تكابر
حته ماكلت لخيالك
هاينعمه؟؟؟
اشلون اصدك انته نعمه؟؟؟
ونته صار اسنين ماضايك النعمه!!!
واعتقد هسه استحقت ياحريمه
ياحريمه
ابن النفط وابن الدلال
بطل يعشي الجهال
ياحريمه ابن الجنوب ابن المضيف
اعله الرصيف!!!!!!!!!!!!!!
بسط بروحه وثمن روحه الرغيف
هاينعمه؟؟؟
وياي ردد ياحريمه
كله منك كلك صوجك
انطيت احله ايام عمرك
حته لايزعل عراقك
والدليل لهذا يومك بعدك محضر نطاقك!!
كوم خلي انطالب بحق ذاك عمرك
بحق سهر ذيج الليالي اعله السواتر
نطالب بدمعات امك
نطالب بشوغات ابوك
نطالب نطالب بحقك
يلي حقك هوه حقي
اتفرهد ابجف السياسي
اي سياسي؟؟؟
كل سياسي
الشافك وغمض ضميره
والمصيبه
انته ابو الخيرات كلهه وحته ماتملك حصيره
اليقبل بحالك ابد ماعنده غيره
وانه شاعر جنت شاعر
هسه بطلت الشعر من شفت حالك
من شفت احد جهالك
كلي عمي ارد اسالك فد سوال؟؟؟
كتله اسال
هالبيوت البلقصيده كلهه ملكك!!!!
اي يعمي كلهه اليه
عمي رايد بيت منك يستر اخواني الجهال
وهوه ازغر كل اخوته
الله واكبر
ياحكومتنه الرشيده
ايريد بيت من القصيده!!!
طفل مايحلم يكض لعابه بيده
طفل يحلم بيت عنده
حته لو بس اسمه بيت
بيت!!!!بيت؟؟؟؟
حته لوبيت القصيده
حته لوبيت القصيده
__________________________________________________ ____________________
شخصية نعمه شخصيه حقيقيه وسوف تشاهدونها بعد ايام بفلم خاص وانا اقرا هذه القصيده
امام نعمه هذا الرجل الذي لايملك لاراتب ولابيت وهوه مريض ويحتاج الى عمليه ولديه خمسة اطفال
ولمدة ثلاثة ايام بدون طعام وهوه من سكنة مدينة الناصريه
سوف تشاهدون القصيده بالفلم الذي يعرض بعد ايام على شاشة قناة الفيحاء الفضائيه
ملاحظه
هنالك بقرابة المليون نعمه بالعراق الجديد!!!!!!!!!!!!!!!!!!!!!!
الجريان لذا غرق في اقصى اعماق الجوع والى الان لازال قيد البحث!!!!!
هاينعمه
متاني من ادموعي بسمه
هاينعمه؟؟؟
الله واكبر هذا حالك
دايخ بلكمة جهالك
تبجي جبت العمر كله ومن طحت محد بجالك!!!
هاينعمه؟؟؟
انه ادري الجوع كافر
ونته صار اسنين صابر
بس تكابر اي تكابر
حته ماكلت لخيالك
هاينعمه؟؟؟
اشلون اصدك انته نعمه؟؟؟
ونته صار اسنين ماضايك النعمه!!!
واعتقد هسه استحقت ياحريمه
ياحريمه
ابن النفط وابن الدلال
بطل يعشي الجهال
ياحريمه ابن الجنوب ابن المضيف
اعله الرصيف!!!!!!!!!!!!!!
بسط بروحه وثمن روحه الرغيف
هاينعمه؟؟؟
وياي ردد ياحريمه
كله منك كلك صوجك
انطيت احله ايام عمرك
حته لايزعل عراقك
والدليل لهذا يومك بعدك محضر نطاقك!!
كوم خلي انطالب بحق ذاك عمرك
بحق سهر ذيج الليالي اعله السواتر
نطالب بدمعات امك
نطالب بشوغات ابوك
نطالب نطالب بحقك
يلي حقك هوه حقي
اتفرهد ابجف السياسي
اي سياسي؟؟؟
كل سياسي
الشافك وغمض ضميره
والمصيبه
انته ابو الخيرات كلهه وحته ماتملك حصيره
اليقبل بحالك ابد ماعنده غيره
وانه شاعر جنت شاعر
هسه بطلت الشعر من شفت حالك
من شفت احد جهالك
كلي عمي ارد اسالك فد سوال؟؟؟
كتله اسال
هالبيوت البلقصيده كلهه ملكك!!!!
اي يعمي كلهه اليه
عمي رايد بيت منك يستر اخواني الجهال
وهوه ازغر كل اخوته
الله واكبر
ياحكومتنه الرشيده
ايريد بيت من القصيده!!!
طفل مايحلم يكض لعابه بيده
طفل يحلم بيت عنده
حته لو بس اسمه بيت
بيت!!!!بيت؟؟؟؟
حته لوبيت القصيده
حته لوبيت القصيده
__________________________________________________ ____________________
شخصية نعمه شخصيه حقيقيه وسوف تشاهدونها بعد ايام بفلم خاص وانا اقرا هذه القصيده
امام نعمه هذا الرجل الذي لايملك لاراتب ولابيت وهوه مريض ويحتاج الى عمليه ولديه خمسة اطفال
ولمدة ثلاثة ايام بدون طعام وهوه من سكنة مدينة الناصريه
سوف تشاهدون القصيده بالفلم الذي يعرض بعد ايام على شاشة قناة الفيحاء الفضائيه
ملاحظه
هنالك بقرابة المليون نعمه بالعراق الجديد!!!!!!!!!!!!!!!!!!!!!!