حب من طرف واحد

[plzsmile]

اشلون واحد يصارح حبيبته الي كلشي ميعرف عنها بس شكلها وهي متعرفه بانه يحبها بس تكون طريقة مقبولة

[ميه سياسية النهرين]

يعني من رايي
مو راسا تروح تصارح
حاول تتعرف عليها
اتقرب منها
و حسسها بحبك
خليها تحبك
و ساعتها انشالله
تصير سهلة عليكم انتوا الثنين

الله يوفقكم

[سعـــد القيســــــي]

السلام عليكم ورحمة الله وبركاته
..................
اخي العزيز
تحية طيبة معطرة اتمناها لكَ ونرحب بيك بمنتدى حلال المشاكل
وياربي الله يبعد عنك كل مشكلة ويرزقك راحة البال
...................
يا عزيزي اتمنى منك انه توضح الظروف العامة لقضيتك
يعني وين هاي البنية انت وين اقصد المكان المتواجدين بيه
طيب شتعرف انت عن البنية يمكن يجوز تكون مرتبطة رابط رسمي او علاقة حب ؟
مااعرف يعني حاول توضع الحالة من جميع جوانبها حتى نكدر نساعدك ونبديلك النصائح
وانشاء الله نفيدك ويفيدوك جملة من الاعضاء المثقفية
......................
تحياااااااتي ::57::

[HEJRAN.Ca]

اشلون واحد يصارح حبيبته الي كلشي ميعرف عنها بس شكلها وهي متعرفه بانه يحبها بس تكون طريقة مقبولة


اخوية يعني انت تحبها بس لشكلها؟ لانك ذاكر انك ما تعرف عنها شي !!

لا تصارحها ..لان يجوز اعجاب لا اكثر وبعدين تتندم من تتعرف عليها ..يجوز ما توالمك..

يعني تبقى عالحظ .. و

العاقل ما يخلي امورة عرضة لضربة حظ ..

اذا صارحتها وظهر الك ما لا يسرك راح تخسر .. وتتاثر انت نفسيا باللي صار وراح ياثر عليك بالمستقبل بعلاقاتك ويسبب الك تردد بخطواتك ..

انتظر لحد ما تعرف عنها كولشي .. وشوفها .. انسانة تناسبك لو لا ومن كل النواحي ..

لان معظم النساء يفقدون نص جمالهم من يحجون .. وهاي حقيقة لا يضوج منها احد ..

تحياتي اخوية وبالتوفيق ::51::

[حلوه العيون]

والله حقيقه اني رايي تروح تخطبه مباشره بس بعد ما تسال عنه وتعرف شنو هي


احترامي

[nsma]

والله حقيقه اني رايي تروح تخطبه مباشره بس بعد ما تسال عنه وتعرف شنو هي

::h30::::h30::::h30::::h30::

[حلوه العيون]

والله حقيقه اني رايي تروح تخطبه مباشره بس بعد ما تسال عنه وتعرف شنو هي



::h30::::h30::::h30::::h30::


ما شاء الله مبين ردي فرحج دومج هيجي

[LARAH]

يعني شنو تعمل..إتأكد منها بعدم ارتباطها بأي شخص ثاني وأسأل عنها إن كانت تناسبك او لا

وبعدها إقرأ اية الكرسي وتوكل على رب العباد::2::وبعدها اتبع البنت وكوللها ..إذا أمكن اريد احجي وياج يابنت الناس بكم دقيقة..

وبعدها


يابنت الحلال اني معجب بيج وأريد اخطبج ..شنو رأيج...::h30::

وهي تنحل المسألة بكل بساطة...

إما توافق او ترفض بهدوء..وانتَ تشوف الحل اللي يناسب حضرتك.


تحياتي.

[@%@دودو@%@]

اكدر اكول اني فهمتك ،،
اذا كنت تكدر ترتبط بيها ارتباط حقيقي
فـ صارحه ،، مثلا اذا تكدر اتكلم وياها ،،
وشاركها مشاعرك ،، كولها انو انت تحبها ،، من فتره
وتريد ارتباط حقيقي ،،
اكيد اذا هيه تحبك ،، راح تكون وياك ،،
وراح تكون الها وراح تكون الك
تحـــياتي

[سنو وايت]

السلام عليكم اخي اكو حكمة تكول ليس كل مايلمع ذهب يعني
لتغرك المضاهر لان هية مو مزهرية حتحطهة وتتفرج عليهة اذا انت قررت الارتباط بيهة
لازم تعرف عنهة كل صغيرو وكبيرة واني اكول لو تساعدك وحدة من صديقاتهة ...تقبل مروري