كــــــــــــــــــر (الاعتراف) ســــــــــــي

[-ـــ مجنـونـ حبـكـ ــ-]

بسـم الله الرحمن الرحيم


تحيه طيبه لاعضاء منتدى دجله نت الكرام


شونكم شباب عساكم بخير



اليوم عضو جديد راح يكعد على كرسي الاعتراف اني خلصت فترتي



اليوم راح يجلس عضو جديد على الكرســي العضوه هي



(( songul ))


اكيد تعرفون قوانيين الموضوع


اربع ايام و عضو جديـد

بالابتعاد عن الاسئلة الشخصية

ورجاءاً لا تسوون الموضوع ماسنجر الي عنده سؤال خل يسأل..


ارجوا للأخت قضاء وقت جميل على الكرسي..

بس شباب ما اوصيكم بسنكل


بانتظار اسئلتكم
::26::

[GREEN EYES a.m.d]

احسنت عزيزي...
مرحبا سونكول:..انشاء الله تكونين بألف خير..
سؤالي لك..كيف تعرفتي على منتدى دجل نت
اذكري كل الاعضاء الذين تعرفيهم
وامنحي لكل واحد منهم لقب

[!..SONGUL..!]

لااااااااااااااااااااا مستحيييييييييييل


بس شباب ما اوصيكم بسنكل





سنكل؟؟

::28::

[-ـــ مجنـونـ حبـكـ ــ-]

يلا
اختي تحملي الصدمة


اسمج ؟؟
عمرج ؟؟

وين ساكنة ؟؟

هوايتج المفضلة ؟؟




::50::

[!..SONGUL..!]

سلام عليكم ..
بالبداية أشكر الأخ فايروس على هذه الأستضافة الحلوة < كلش ::2::


وآني جاهزة لأي سؤال تسئلوا ..
::45::




احسنت عزيزي...

مرحبا سونكول:..انشاء الله تكونين بألف خير..
سؤالي لك..كيف تعرفتي على منتدى دجل نت
اذكري كل الاعضاء الذين تعرفيهم
وامنحي لكل واحد منهم لقب



مرحبتين ..
آني بخير وأنت شلونك ؟؟

تعرفت على دجلة نت قبل 5 سنوات .. أول ما أنفتح تقريباً من خلال البحث ..

الأعضاء الذين أعرفهم لا يعدون .. بس راح أذكر الي أكدر عليه

قطر الندى - على رأسهم ..

اميرة البصرة

عراقي سنايبر

سنو وايت

بنت الكرادة

الم شاعر

موم

فنونه

فايروس

رافد العراقي

ضرغام

برننسس - أج

دمعة وأبتسامة

كَوموش

بنت كربلاء

ليدي بايو

القديس البغدادي

اوس

بغداد لا تتألمي

عصارة قلب

ريم

طير الحب

ملك السيديه

أسد الرافدين

توم سوير العراق

ميرامار

بنت العراق

غصن البان

مصطفى السامرائي

ام محمد

نور الزهراء

ويعذروني الي ما كلت اساميهم

ووووووووووو الخ

::50::

[!..SONGUL..!]

يلا
اختي تحملي الصدمة
::29::


اسمج ؟؟
سونكول
عمرج ؟؟
16

وين ساكنة ؟؟
أرض الغربة

هوايتج المفضلة ؟؟
التصوير
التصميم ( يتضمن كلشي كفوتوشوب وتصميم ملابس وستائر وديكورات البيت ::50::)
التمارين الرياضية
عشق قراءة الكتب - النفسية بالأخص- .
التعلم بأستمرار
::5::




::50::


أتحمل ليش لا ..
آني مثل الجبل ما يهزني ريح
::2::

[°o.O_همس الغلا_O.o°]

الاسم:
النك:
العمر:
الصف:
الهوايات:
امنيتك:
لونك المفضل:
الأكله المفضله:
الشراب المفضل:
السياره المفضله:
افضل منتدى عندك:
أقرب الاعضاء إليك
شو تنصحين بنات هاليومين .،’ يعني الى مايصلوون والى مبتعدين عن دينهم.،’

2 .،’

منو أكثر شخصيه تعيبج ؟ .، يعني من أهلج .،’ ربيعاتج .،’ الاعبين .،’ القائدين .،’ أي شخصيه تعيبج ؟.وليش ؟،’

3 .،’

تحبين تقرين في التاريخ ؟.،’ وعن شو بالضبط .،’ وأذكريلنا موقف عيبج وأثر فيج .’،

شو رايج بموم؟
وبنت الكرادة؟
وبغدادية 1994؟
وملكة شموخي؟
واميرة البصرة ؟
وسنو؟
وانا؟؟

وشو رايج ببنات المنتدى؟؟؟؟
هل تحبين المسجات؟؟؟

[°o.O_همس الغلا_O.o°]

اي صج سوري نسيت اقلج
شحالج؟
شخبارج؟
شعلومج؟
سوري على الاسئلة غلاهم^_^

[MooOooM]

عااااااااااا سنكول ع الكرسي يا هلا وغلا والله شونج عمري ع الكرسي::101::

يله نتوكل ع الله ونكتب شكم سؤال::48::

1-شكد صارلج بالغربة::10::

2-اذا استقر الوضع بالعراق ترجعين::14::

3-وين جنتي ساكنة بالعراق::27::

4-يا مدرسة جنتِ بالعراق::56::

5-شنو رايج بيه::2::

6-شنو هو اللقب الي تطلقيه عليه::31::

7-تحبين لو لا::26::

8-منو اعز صديق ع كلبج::6::

9-منو اول عضو تعرفتي عليه::5::

10-اذكريلنا شي عنج احنا ما نعرفه::47::

::h30::وهي هي الاسئلة يارب الاسئلة تكون خفيفة::h30::

::49::جايتج بجيس::39:: اسئلة عااااااااااااا::49::



::51::تحيـــ تو ــــا::51::

[دمعـه وابتسامه]

سنكول شلونج حبي
يلا استلمي
مـَن مـِن الأعضـاء صاحب هذه الصـفة :-

شخصية حبوبة جداً :

شخصية ذو ثقة كبيرة بنفسها :

شخصية محترمة جدا :

شخصية مغرورة :

شخصية مرحه :

شخصية لاتطاق :

شخصية كريمة:

شخصية ضعيفـة :

شخصية حساسة :

شخصية مميــزة بأسلوبها :
وان شاء لله ماتكون اسئلتي ثقيله عليج

[!..SONGUL..!]

الاسم:
النك:
سوان - Swan

العمر:
16

الصف:

داسويeng - A Level
(اذامفتهمتي قصدي كوليلي وأشرحلج )
::45::

الهوايات:
التصوير
الأنترنت
المشي والرياضة
الطبخ

امنيتك:
أخلص دراستي بالتخصص الي تمنيته من صغري

لونك المفضل:
التركواز - الشذري
::50::

الأكله المفضله:
أحب السلطان والأشياء الخفيفة
وأحب البيذنجان ::5::

الشراب المفضل:
مــاي..!

السياره المفضله:
مممم... ماعندي خبرة بالسيارات

افضل منتدى عندك:
تقصدين قسم؟::32::

أقرب الاعضاء إليك
أميرة البصرة
دموعه
قطورة
سنو
وهواية عزيزات وأعزاء عليه ..

شو تنصحين بنات هاليومين .،’ يعني الى مايصلوون والى مبتعدين عن دينهم.،’

بصراحة يا أختي العزيزة أنصحهم بتلاوة القرآن يومياً , والتزام الباس الشرعي
وعدم قضاء الوقت فيما لا ينفع

2 .،’

منو أكثر شخصيه تعيبج ؟ .، يعني من أهلج .،’ ربيعاتج .،’ الاعبين .،’ القائدين .،’ أي شخصيه تعيبج ؟.وليش ؟،’
دينية - الامام علي < كلمات الكون لا تكفي بمديح أبوالحسنين
اهلي - والدي < لأنه مثال للرجل العراقي المكافح الصبور
ربيعاتي - أختي < شخصيتها قوية
اللاعبين - نور صبري < يجنن وخوش حارس
قائدين - أبو أسراء < لأن ضبط الأمن


3 .،’

تحبين تقرين في التاريخ ؟.،’
مو هوايه ...
وعن شو بالضبط .،’
تاريخ أسلامي عن النبي وأهل البيت

وأذكريلنا موقف عيبج وأثر فيج .’،
من عرفت أن فاطمة الزهراء - ع -
في يوم عرسها كانت لابسه فستان وأحد الفقيرات عجبها الفستان
فأعطتها فستان عرسها ..!!





شكــراً عزيزتي
لي عودة بأكمال الباقي
::57::

[!..SONGUL..!]

شو رايج بموم؟
عضوة محششه .. ماعندها غير شلون ناس ::52::

وبنت الكرادة؟
بصراحة ما أعرفها هواية
بس مبينه خوش بنيه

وبغدادية 1994؟
أختي الصغيرونه

وملكة شموخي؟
ما أعرفها

واميرة البصرة ؟
أخت عزيزة وحبابه وصديقة ومقربة ألي كلش أحبها

وسنو؟
بنيه حبوبه ووردة مال الله


وانا؟؟
أنتي ملكة المسجات..
عضوة تخبلين ودلوعه مبين::50::

وشو رايج ببنات المنتدى؟؟؟؟
الي اعرفهم حبابات

هل تحبين المسجات؟؟؟
أي هواية
24 ساعه أمسج ويمسجولي



شكـراً حياتي عالأسئلة الحلوة مثلج
وآني جاهزة لأي سؤال عندكم بعد
::45::

[قطر الندى]

يبوووووووووووووووووووووووووووووووووووووووي

الله يساعدج سنكووووووووووووووووله

اتحملي خيه

وراج سرد شطوله

ترى اني ليهسه ما كتبت ولا سؤال ردي على اسئلتهم وتحضري الي هههههههههههههههههه

الله يساعد ايدج حبي هههههههههههههههه

[!..SONGUL..!]

اي صج سوري نسيت اقلج
شحالج؟
تمام
شخبارج؟
بخير وأنتي
شعلومج؟
كلش زينه أسئل عليج
سوري على الاسئلة غلاهم^_^


هلا حبيبتي بأي وقت
::45::

[!..SONGUL..!]

يبوووووووووووووووووووووووووووووووووووووووي


الله يساعدج سنكووووووووووووووووله

اتحملي خيه

وراج سرد شطوله

ترى اني ليهسه ما كتبت ولا سؤال ردي على اسئلتهم وتحضري الي هههههههههههههههههه


الله يساعد ايدج حبي هههههههههههههههه



هلاو قطورة

نورتي

ولا يهمج حبيبتي كتبي أسئلج هسه أرد عالكل

ههههههههههه

يلا حبي وردة أسئلتج

::57::

[●°IRAQqueen●°]

هلا هلا هلا سونكول منووووورة وردة
طبعا اول مرة احط اسئلة هواية ههههه على حظج

1 عمرج
2 اكلتج المفضلة
3 وين تحبين تروحين (مكان )
4 يابلدة تحبين تروحيلها ونسة
5 لونج المفضل
6 مطربج المفضل
7 مطربتج المفضلة
8 مطربة متحبيها
9 تحبين الشعر
10 احلى مادة
11 بأي بلدة ساكنة
12 شنو برجج
13 ( عضو تعزيه ) بنت أو ولد
14 شنو رأيج بية

.....

طولت عليج سوري حب
واتمنى ماكو اي شي يزعجج بالأسئلة
تحيااااتي

[@احنـــة متعـذبـيــــن@]

اسمج

عمرج
هوايتج


برجج

اي مدرسة

[قطر الندى]

ههههههههههههههههههههههه

صار ::28::

هاي كم سؤال بسيط كلش ترى ههههههههه وممنوع الترك ::50::

شنو اكثر شئ يعجبك بالمنتدى ؟؟

شوكت أخر مرة ضحكتي من كل قلبج ؟ ولويش

شوكت اخر مرة بكيتي من كل قلبج ؟ ولويش

احلى ذكرى بحياتج ومستحيل تنسيها ؟

في احد الاماكن العامة رأيتي من كان يوما يسكن القلب .. يمسك بطفله .. كيف تكون ردة فعلك

كم مرة تنازلتي عن مبادئك من اجل رجل


سنكوله ..ما الشيء الذي يثير اعصابك ويجعلك عصبية؟؟
مقولة دائما ما ترددينها ...؟؟
هل انتِ من متابعي الابراج ؟؟وهل لكي ايمان بها؟؟
ماذا تمثل الوردة بالنسبة لكِ؟؟واي نوع من انواع الورود تحبيه اكثر؟؟
هل لديك كلمة شكر تقدمينها لشخص ما ساعدك يوما ما ومد لك يد العون وتكنين له الاحترام؟؟
اكثر اسم بنت يعجبك ...؟؟؟واكثر اسم ولد ايضا تحبيه ...؟؟
لونك المفضل...؟؟عطركِ....؟؟
لي رجعه::45::

[°o.O_همس الغلا_O.o°]

ثاانكس على الاجوبة غلاهم
لايكون تبتج معاي السموحة

[!..SONGUL..!]

عااااااااااا سنكول ع الكرسي يا هلا وغلا والله شونج عمري ع الكرسي::101::

عاااااااا ::50::


يله نتوكل ع الله ونكتب شكم سؤال::48::
أي توكلي ليش لا


1-شكد صارلج بالغربة::10::
تقريباً 5 سنوات::29::

2-اذا استقر الوضع بالعراق ترجعين::14::
اذا عيشتي تكون بالعراق افضل ارجع


3-وين جنتي ساكنة بالعراق::27::
بغداد

4-يا مدرسة جنتِ بالعراق::56::
الأسنكدرونه

5-شنو رايج بيه::2::
تخبلين أحب تحشيشج وكلماتج حلوة وخاصاً عا وشلون ناس::2::

6-شنو هو اللقب الي تطلقيه عليه::31::
ههههههههههـ ما أدري ..



7-تحبين لو لا::26::
لا

8-منو اعز صديق ع كلبج::6::
صديق لو صديقه؟::2::

9-منو اول عضو تعرفتي عليه::5::
أول عضوة قطر الندى

10-اذكريلنا شي عنج احنا ما نعرفه::47::
اليوم بكنا السيارة آني وأختي وفلتنا بيها ::50::

::h30::وهي هي الاسئلة يارب الاسئلة تكون خفيفة::h30::

أي والله كلش روعه وخفيفه


::49::جايتج بجيس::39:: اسئلة عااااااااااااا::49::

منتظرتج






::51::تحيـــ تو ــــا::51::



هلا بيج قلبي ..
أسئلتج خفيفة كلش وسهله
وآني برسم الخدمة

[!..SONGUL..!]

سنكول شلونج حبي

يلا استلمي

هلا حبيبتي ..
نورتي
مـَن مـِن الأعضـاء صاحب هذه الصـفة :-

شخصية حبوبة جداً :
قطورة

شخصية ذو ثقة كبيرة بنفسها :
أنتـ::45::

شخصية محترمة جدا :
أنت::45::

شخصية مغرورة :
مااعرف

شخصية مرحه :
كل الي اعرفهم مرحين

شخصية لاتطاق :
الي ببالي وبالج ::2::

شخصية كريمة:
ما اعرف

شخصية ضعيفـة :
ماعرف

شخصية حساسة :
أميرة البصرة

شخصية مميــزة بأسلوبها :
برنسس أج
وان شاء لله ماتكون اسئلتي ثقيله عليج




لا حبيبتي بلعكس كلش خفيفة ..
نورتي وردة
::45::

[!..SONGUL..!]

هلا هلا هلا سونكول منووووورة وردة
هلا بيج عيوني

طبعا اول مرة احط اسئلة هواية ههههه على حظج
أخذي راحتج::57::

1 عمرج
16
2 اكلتج المفضلة
االسلطات
3 وين تحبين تروحين (مكان )
البحر .. المشي ..
4 يابلدة تحبين تروحيلها ونسة
تركيا - ماليزيا - لبنان
5 لونج المفضل
التركواز
6 مطربج المفضل
الاغنية التعجبني اسمعها
7 مطربتج المفضلة
نفس الجواب القبله
8 مطربة متحبيها
هيفاء وهبي - احلام
9 تحبين الشعر
تقصدين شـِعر وشعراء وقصائد؟
لو شعر مال راس؟؟::31::
10 احلى مادة
رياضيات - فيزياء - اتكيت - بايو - انكلش - آي تي وهواية
11 بأي بلدة ساكنة
أرض الله الواسعه
12 شنو برجج
الحمل
13 ( عضو تعزيه ) بنت أو ولد
ذكرتهم قبل
14 شنو رأيج بية
عضو حبابه وطيبة ومبين عليج خوش بنيه
وأحسج هادئه


.....

طولت عليج سوري حب
واتمنى ماكو اي شي يزعجج بالأسئلة
تحيااااتي


لا حبيبتي لا طولتي ولا شيء أي سؤال آني بالخدمة
::45::

[●°IRAQqueen●°]

يسلموووو حبي عالأجوبة
و موفقة

[HaWaR 11]

ههههههههه
انعلستي سنكول
يلا نبدي
1)الاسم الحقيقي؟؟
2)شنو الهوايه المفضله؟؟
3)اغلب الاوقات شتسوين بيها؟؟
4)اكثر اسم تحبيه؟؟
5)اكثر عضو مفضل عندج؟؟
6)اكثر عضوه مفضله عندج؟؟



خوما طولت بالاسئله
تقبلي تحياتي

[!..SONGUL..!]

اسمج



عمرج


هوايتج



برجج

اي مدرسة


حبيبتي أنتي ..
جاوبت أكثر من مرة على هذني الأسئلة
::45::

[!..SONGUL..!]

ههههههههههههههههههههههه


صار ::28::

هاي كم سؤال بسيط كلش ترى ههههههههه وممنوع الترك ::50::

ههههههه أوكـ .

شنو اكثر شئ يعجبك بالمنتدى ؟؟

أنه الي بيه عراقيين

شوكت أخر مرة ضحكتي من كل قلبج ؟ ولويش
البارحة بالليل.. جنا نحشش آني وأختي
::50::

شوكت اخر مرة بكيتي من كل قلبج ؟ ولويش
قبل اسبوعين سفر صديقة عزيزة::29::

احلى ذكرى بحياتج ومستحيل تنسيها ؟
والله ياقطورة هوايه ذكريات ما أنساها
مثال: روحتي للحج::41::

في احد الاماكن العامة رأيتي من كان يوما يسكن القلب .. يمسك بطفله .. كيف تكون ردة فعلك
صعب أجاوب

كم مرة تنازلتي عن مبادئك من اجل رجل
هواية

سنكوله ..ما الشيء الذي يثير اعصابك ويجعلك عصبية؟؟
عدم أحترام الآخرين وعدم الألتزام بالموعد
مقولة دائما ما ترددينها ...؟؟
النجوم اللامعه لا تلمع الاّ في الظلام
هل انتِ من متابعي الابراج ؟؟وهل لكي ايمان بها؟؟
كلا .. لا أؤمن بها .. كذب المنجمون ولو صدقوا
ماذا تمثل الوردة بالنسبة لكِ؟؟واي نوع من انواع الورود تحبيه اكثر؟؟
أحترم الورد وأحب أهديه ..
أحب المحمدي والجوري والكاردينيا
هل لديك كلمة شكر تقدمينها لشخص ما ساعدك يوما ما ومد لك يد العون وتكنين له الاحترام؟؟
كل شخص مدلي يد العون أشكره لجميلة وأكن للناس جميعاً كل الأحترام
اكثر اسم بنت يعجبك ...؟؟؟واكثر اسم ولد ايضا تحبيه ...؟؟
بنت : زهراء ..
ولد : مرتضى .. حيدر .. جعفر ..
بالمناسبة الأسامي الي ذكرتها من عائلتي
لونك المفضل...؟؟عطركِ....؟؟
لوني .. تركواز .. شذري ..
بالنسبة للعطر أحب عطور Escada
بالذات Into The Blue


لي رجعه::45::



شكــراً حبيبتي قطورة ..
أسئلتج حلوة ومميزة وأتونست بالأجابة عليها
زيدي أذا تريدين ::57::

[!..SONGUL..!]

ثاانكس على الاجوبة غلاهم
لايكون تبتج معاي السموحة


لا حبيبتي
بالعكس كلش تونست ..
وأذا عندج شيء آخر تفضلي

[!..SONGUL..!]

يسلموووو حبي عالأجوبة


و موفقة



تدللين حياتي
بالخدمة
::57::

[-ـــ مجنـونـ حبـكـ ــ-]

ها صنكَول

شنو شعووورج وانتي بكرسي الاعتراف

هع

[قطر الندى]

خيه البت تعبت ايدها من كثر الردود

خل انطيج استراحه يوم وارجعلج حبي

اموت عليج كلبي سنكووووووووووووووووووووووله

[!..SONGUL..!]

ههههههههه

انعلستي سنكول
أمري لله::29::
يلا نبدي
تفضل
1)الاسم الحقيقي؟؟
سونكول بنت أبو سونكول ::2::
2)شنو الهوايه المفضله؟؟
جاوبت مسبقاً::50::
3)اغلب الاوقات شتسوين بيها؟؟
أهم سؤال وصلني لحد الآن
هذا السؤال أهم سؤال بالمقابلات مال الشغل::45::
حالياً عطله ..
فبعض الأيام أشتغل بيها بمراكز
وأقرأ كتب !!
وأكعد عالنت أتعلم فوتوشوب
وطبعاً أطبخ وأعمال البيت


4)اكثر اسم تحبيه؟؟
مممم هواية أسامي أحبها وذكرتها ::50::
5)اكثر عضو مفضل عندج؟؟
هواية
6)اكثر عضوه مفضله عندج؟؟
هم هوايه


خوما طولت بالاسئله

تقبلي تحياتي


لا أخوية لا طولت ولا شي
بالعكس الأسئلة كلش حلوة بالذات سؤال الوقت
سؤال يدل على ذكائك أخوية ::51::

[HaWaR 11]

ههههههههههه
شكرا على الاجوبه

[!..SONGUL..!]

بالخدمة ...
::57::

[-ـــ مجنـونـ حبـكـ ــ-]

بنت ابو صنكَول

ليش ما جاوبتي سؤالي

؟؟؟؟؟؟؟؟؟؟

[!..SONGUL..!]

بنت ابو صنكَول

ليش ما جاوبتي سؤالي

؟؟؟؟؟؟؟؟؟؟



مممممممممم

أي واحد منهم؟؟

أسئل غيره أذا تريد

[اميرة البصرة]

هلو حبي
منورة الكرســــــي
اني ماعندي شي اسألة
لان تقريبا كلشي اعرفه
هع

بس عجبني افوت اسلم

وبالطريق
اسأل سؤال واحد

سونكول
شنو تحبين تصيرين بالمستقبل ( يعني التخصص ) ؟؟؟

[!..SONGUL..!]

هلو حبي

منورة الكرســــــي
اني ماعندي شي اسألة
لان تقريبا كلشي اعرفه
هع

بس عجبني افوت اسلم

وبالطريق
اسأل سؤال واحد

سونكول

شنو تحبين تصيرين بالمستقبل ( يعني التخصص ) ؟؟؟



هلاوات عيوني أنتي
نورتي حبيبتي ..
الله يسلمج
تفضلي ..

حلمي أكون مهندسة معماريه
::51::
هلا بيج بأي وكت

[ملك السيديه]

1_تحياتي لكِ سونكول
2_لماذا انتي مبدعه بمواضيعج
3_ ليش كل الاعضاء يحبونج
4_مامليتي من الاجوبه الاعضاء المتكرره
5_ ممكن تعرفينه شنو معنى مممممم قبل كل كتابه

والباقي كلشي عرفنا عليج من اسأله الاعضاء
ماشاء الله مقصرو وياج
تحياتي
ملك السيديه

[!..SONGUL..!]

1_تحياتي لكِ سونكول
هلا بيك أخوية العزيز
أني هم أبعثلك تحيه
::57::

2_لماذا انتي مبدعه بمواضيعج
أشكرك هذا من ذوقك
3_ ليش كل الاعضاء يحبونج
::41::
4_مامليتي من الاجوبه الاعضاء المتكرره
بصراحة اي و أستغرب من يسئلون سؤال متكرر
5_ ممكن تعرفينه شنو معنى مممممم قبل كل كتابه
هههههههههه
تكدر تكول تعبير أو شي أحب أسوي من أحجي أو أكتب


والباقي كلشي عرفنا عليج من اسأله الاعضاء
ماشاء الله مقصرو وياج
تحياتي

ملك السيديه



هلا بيك أخوية العزيز ..
منور بردك ..
أشكرك على أسئلتك اللطيفة والسهله وبنفس الوقت سلسه كلش
تحياتي لك
::45::

[-ـــ مجنـونـ حبـكـ ــ-]

صنكَول

لماذا هذا الاسم !!!
و ما معناه !!!
هل له قصة ؟؟؟


تحيتي لك

[!..SONGUL..!]

صنكَول

لماذا هذا الاسم !!!
و ما معناه !!!
هل له قصة ؟؟؟


تحيتي لك


سونكول أسم تركي .. ومعناه الوردة الأخيرة ..
والتركمان هم يسمون بيه , لذلك توصلني رسائل كومة بالتركماني والتركي عبالهم اني تركمانيه ::5::
وبما آني أخر وردة بعائلتي ::41::
عجبني هالأسم ..
بالمناسبة الممثلة الي تمثل بمسلسل نور أسمها الحقيقي سونكول

هلا بيك خوية نورت
بس ليش هالجفاف بالأسئلة ؟؟
شنو ماعندكم اي سؤال؟::32::

[-ـــ مجنـونـ حبـكـ ــ-]

هههههههههههههههههههههه

حلو

[!..SONGUL..!]

يحلي أيامك يارب
::57::

[-ـــ مجنـونـ حبـكـ ــ-]

ماذا تعني لك الكلمات الاتية :


الخيانة :

الصداقة :

الحب :

الكره :

دجلة نت :




لمن تهدين ::::


وردة حمراء :

وردة بيضاء :

بوســـة :

تحية :



انســان له منزلة عالية عندكـ ؟

دولــــــة عجبتك جواً وحضارة ؟


يلا علمود خاف تكَولين اسئلة ناشفة

::50::

[!..SONGUL..!]

ماذا تعني لك الكلمات الاتية :


الخيانة :
درس وحادث عميق

الصداقة :
من مفتاتيح الحياة المهمه

الحب :
تنعدم الحياة اذا انعدم

الكره :
الارضية؟ عالمنا الصغير

دجلة نت :
منتدى هادئ ومتنوع




لمن تهدين ::::


وردة حمراء :
لمن أحب ::41::

وردة بيضاء :
لأمي

بوســـة :
لوالداي

تحية :
للعراق ::51::



انســان له منزلة عالية عندكـ ؟
والدي وكل من أحب

دولــــــة عجبتك جواً وحضارة ؟
بعد العراق .. بريطانيا


يلا علمود خاف تكَولين اسئلة ناشفة

::50::


ههههه
هلا بيك خوية ..
أسئلوا آني متونسه بأسئلتكم

[MooOooM]

*اذا حبيتي شنو هي مواصفات فتى احلامج

تحياتي

[˚● ريـــــل العشـــــگـ ●˚]

هلووووو سنكولة .. شلونج وردة
هذا جم سؤال .. بس حتى اسجل حضور اني مشارك هنا ::45::
وان شاء الله تكون خفيفة عالمعدة هع

/

شنو امنية حياتج ؟

دولة تتمنين تزورها؟؟

احلى دولة زرتيها ؟

بيت شعر تؤمنين به ؟

من تكونين ضايجة شتسوي ؟؟

اكثر صفة تكرهيهة بالناس

لو رحت للعراق اول مكان تروحله شنو؟؟ وليش؟؟

كـم لغة تعرفين ؟؟ وشنو هنه ..؟؟

موقف حسيتي نفسج أنك قادرة على تحدي صعوبات الحياة ..؟؟

شخص بدجله تتمنين اللقاء بيه بالحقيقة .؟؟؟

عضو تتمنين تعرفين معنى أسمه المستعار ..؟؟

عضو تتمنين تعرفين أسمه الحقيقي .؟؟

عضو تتمنين تنطيه وردة ..؟؟

عضو دائماً أتباعين نشاطه ..؟؟

شخص بحياتك سوالك خير وودك تشكره وما كدرت توصله شكرك ..؟؟

لكونك محبة للموسيقى .. أي موسيقي تفضلين
واي نوع .. واي الة للعزف ..

اشوفج مهتمة بالشعر الشعبي ..
تعجبج كتاباتي ؟ وماانقل ؟
ولأي شاعر تفضلين الاستماع
واي طور من الشعر الشعبي تفضلين

[!..SONGUL..!]

*اذا حبيتي شنو هي مواصفات فتى احلامج



تحياتي


::41::::41::::41::::41::::41::
لج كعدي راحه
::2::

[MooOooM]

زين اذا حبيت احد وهذا الاحد تركج لاحد من الاسباب يعني مثلا تركج علمود صديقه لا يزعل شسوين

[!..SONGUL..!]

هلووووو سنكولة .. شلونج وردة

يا هلا نورت والله



هذا جم سؤال .. بس حتى اسجل حضور اني مشارك هنا ::45::


وان شاء الله تكون خفيفة عالمعدة هع

برسم الخدمة ..
::45::

/



شنو امنية حياتج ؟
هواية .. أكثر شي أكون مهندسة معمارية وأسمي مثل زهاء حديد



دولة تتمنين تزورها؟؟
تركيا - المانيا



احلى دولة زرتيها ؟
بريطانيا وأموت عليها أحبها كلش



بيت شعر تؤمنين به ؟
ومن يتهيب صعود الجبال - يعش أبد الدهر بين الحفر




من تكونين ضايجة شتسوي ؟؟
حتى أفرح نفسي وأدخل الأنشراح على قلبي
أقرا قرآن
أقدم مساعده لأي أحد
أبسط شي أروح أشتغل بالبيت من أشوف غيرت حالة الى الأفضل تنتابني السعادة



اكثر صفة تكرهيهة بالناس
القيل والقال .. والغيبة والنميمه



لو رحت للعراق اول مكان تروحله شنو؟؟ وليش؟؟
كربلاء ... أزور



كـم لغة تعرفين ؟؟ وشنو هنه ..؟؟
كلغات قوية وأتحدثها بلباقه أنكليزي وعربي
بس أعرف شوية الماني وفارسي وناوية أتعلم لغات بس مديصير وقت مناسب


موقف حسيتي نفسج أنك قادرة على تحدي صعوبات الحياة ..؟؟
تجارب عده ..
أهمها الغربة ..
ودخولي لمدرسة أنكليزية ..
سفر والدتي وتركها البيت عليه



شخص بدجله تتمنين اللقاء بيه بالحقيقة .؟؟؟
ممم بصراحة هواية لأن يعجبني أسئلهم وأدرس شخصيتهم المميزة
مثل .
أنت
ذا برومس
وعراقي سنايبر
::57::
عضو تتمنين تعرفين معنى أسمه المستعار ..؟؟
فكرت هواية .. ما أجه أحد على بالي
::10::

عضو تتمنين تعرفين أسمه الحقيقي .؟؟
ما ادري..

عضو تتمنين تنطيه وردة ..؟؟
هواية ..أنت ::57::




عضو دائماً أتباعين نشاطه ..؟؟
قطر الندى .. أنت .. ::57::


شخص بحياتكسوالك خير وودك تشكره وما كدرت توصله شكرك ..؟؟
ما ادري أفكر وأذا لكيت احد ارجع اكتب

لكونك محبة للموسيقى .. أي موسيقي تفضلين
واي نوع .. واي الة للعزف ..
عاشقة أو مدمنه ولست محبه ..::34::
أعشق التركي والأجنبي القديم مثل جايجوسكي وهذولة العتيكين ::2::
وأحب العزف عالكمان والبيانو


اشوفج مهتمة بالشعر الشعبي ..
أحبه كلش وكنت أكتب لكن الأهل نصحوني بتركه::47::
تعجبج كتاباتي ؟ وماانقل ؟
رووعه كلش ..
كتاباتك حيل حلوة بس الألقاء أحلى
لأن شكد سمعت شعراء أول مرة يعجبني ألقاء شاعر
وكلتلك القائك مذهل بشكل غير طبيعي حيل مييز وجذاب
ولأي شاعر تفضلين الاستماع
بالنسبة للشعبي مو شرط شاعر معين الي يعجبني
بس كنت أتابع أحد الشعراء الحلاويين وكان شعره ذهب


واي طور من الشعر الشعبي تفضلين
أحب الدارميات أكثر شي والأبوذية والزهيري



عاشت أيدك عالأسئلة الحلوة ..

كلش تونست وكلش كلش مميزة مثلك

طيعاً آني أول مخلوني عالكرسي كلت هسه فرح يكعدلي ركبه ونص

لأن خطيه تعبتك من جنت عالكرسي ::2::

[!..SONGUL..!]

زين اذا حبيت احد وهذا الاحد تركج لاحد من الاسباب يعني مثلا تركج علمود صديقه لا يزعل شسوين



حبيبتي ممكن توضحين ..؟؟::32::

[˚● ريـــــل العشـــــگـ ●˚]

عاشت أيدك عالأسئلة الحلوة ..

كلش تونست وكلش كلش مميزة مثلك

طيعاً آني أول مخلوني عالكرسي كلت هسه فرح يكعدلي ركبه ونص

لأن خطيه تعبتك من جنت عالكرسي ::2::
[/center]

هههههههههههه انتي من سئلتيني اسئلة هواية
جنت انتظر اليوم الي اشوفج بيه عالكرسي .. واجة اليوم

وجنت بس اطب اشوف الاسئلة واني ساكت
بس ورة كل هدوء عاصفة .. ::50::

شكراً على اجوبتج الرائعة .. والصريحة
تحياتي لكِ .

[!..SONGUL..!]

هههههههههههه انتي من سئلتيني اسئلة هواية
جنت انتظر اليوم الي اشوفج بيه عالكرسي .. واجة اليوم

وجنت بس اطب اشوف الاسئلة واني ساكت
بس ورة كل هدوء عاصفة .. ::50::

شكراً على اجوبتج الرائعة .. والصريحة
تحياتي لكِ .


هههههههه أيييي أجه اليوم وباجر يمكن آخر يوم
بس جانت أسئلة مذكورة سابقاً وغريبة مو صح؟؟

لا بالعكس آني الأشكرك على أسئلتك الروعه
وجاهزة لأي سؤال عندكم

[˚● ريـــــل العشـــــگـ ●˚]

اي ماعدهم اسئلة ياهو الجاي يسئلهة نفسهة هع

[!..SONGUL..!]

::29:: شكد ختيه آني

[˚● ريـــــل العشـــــگـ ●˚]

هههههههههه الله يساعدج

[!..SONGUL..!]

فاليك يارب المسعتان وعليك المعول في الشدة والرخاء < اللهم قوي ايمانها هع
هاي سامع بيها أكيد ...؟

[˚● ريـــــل العشـــــگـ ●˚]

شنية هية ؟؟

[!..SONGUL..!]

مقطع من دعاء كميل
مقاريه؟
سوينه الموضوع دردشه هسه يجي اوس خخخ

[˚● ريـــــل العشـــــگـ ●˚]

هههههههههههههه
دائما يذبهة براسي
رايح مشتكلي علية يكلي تكلب المواضيع دردشة

[!..SONGUL..!]

ياااااااااااا
هههههههه
ختيه
يلا كافي بعد منحجي نحجي بالدردشه لو بالملفات خخ

[˚● ريـــــل العشـــــگـ ●˚]

ههههههههه اي احسن

[MooOooM]

حبيبتي ممكن توضحين ..؟؟::32::

::31::هههههههههه شوضحلج منه اني اصلا مفاهمتة ههههههههههههههه::31::

اكول لا صدك شسمج لا تكوليلي سونكول واذا اسمج سونكول شنو يعني

[!..SONGUL..!]

::31::هههههههههه شوضحلج منه اني اصلا مفاهمتة ههههههههههههههه::31::



اكول لا صدك شسمج لا تكوليلي سونكول واذا اسمج سونكول شنو يعني



أي مو داكول سؤالج غريب ..
المهم ..
حبيبتي اسمي تركي سونكول يعني الوردة الأخيرة
::45::

[-ـــ مجنـونـ حبـكـ ــ-]

هاااااا

صنكول شكَد بقالج

[!..SONGUL..!]

هاااااا

صنكول شكَد بقالج

من شنو؟؟؟؟؟

[MooOooM]

اكول مخلصت ال 4 ايام ههههههههههه

[-ـــ مجنـونـ حبـكـ ــ-]

راح تخلص كا بقالهة شي

[MooOooM]

ههههههههههههه من العضو المعلوس

[-ـــ مجنـونـ حبـكـ ــ-]

اششششششششششششششششش

[MooOooM]

شنو اشششششششششش منو هموس مو

[GREEN EYES a.m.d]

::28::::28::::28::

[MooOooM]

عرفتها عااااااااااااااااااااا

شو طلعت التوثية خي اطلع

[GREEN EYES a.m.d]

الموضوع لا تسووا شات::28::
شلونكم شكو ماكو..
اشلونج سنكولة وية الكرسي ::31::

[!..SONGUL..!]

ههههههه

هلا أوس .. زينه الحمدلله اليوم آخر يوم

[MooOooM]

لا سووا جات كعدوا عقال بعدين ننضرب بوكس يبوه قصدي باند









اكول سوسو شكم اصبع عندج

[!..SONGUL..!]

هلا حبيبتي

عندي 12 ::28::

[MooOooM]

12 حيييييييييييييييل 12 بس اني عندي 18 ونص اداينج واحد

[GREEN EYES a.m.d]

اهلا شباب...
اشلونج سنكول...
ها ادمرتي لا بعدج هههه
يلة هاهية اليوم انشيلج من كرسي الاعدام
بأنتظار الاخ فايروس لوضع عضو اخر
تحياتي
اوســــ

[-ـــ مجنـونـ حبـكـ ــ-]

اوكيـــــــــــــــــــ

::50::