نومة السطح

[عاشق حد البكاء]

هلو اصدقائي اشلونكم حبيت اليوم احجيلكم علة نومة السطح.
مثل متعرفون السطح يصير فوك البيت.صدك
قبل اربع تيام فكرت انام بالسطح انطفت الكهرباء بالبيت من جميع النواحي مبقة غير السطح الحل الاخير صعدت افراشي فوك وياريت ماصعدتة لو عاثر بالدرج احسن
المهم فرشت وانجطلت اللة ليلة هادئة والنجوم طالعة المهم كمت اعد انجوم حتة انام صار عندي ارق صارت الثنتين وبعدني منايم المهم نمت بالثنتين وربع وكل نص ساعة اطب طيارتين اتكعدني.
النومة الحقيقية صارت بالاربعة وكعدت بالستة الذبان كعدني واذا بطبقة من التراب سمكهة خمس سينتمترات علة اللحاف والكملهة طير ابن حلال ضرك علية



فوائد نومة السطح:
1-اتصير قوي بالرياضيات هلكد متعد نجوم
2-كل مطب طيارات اتكعدك اتكلك اشرب مي
3-الذبان احسن منبة
4-طبقة التراب اتخليك تغسل اللحاف
5-الطير يخليك تغسل الصبح::h30::
6-واخيرا تحس بفوائد الكهرباء

المضار:
اتضوج اخاف انتة مضايج واتخليك تكره الدنية::ok::

[avoo]

ههههههههههههههههه يالله صدك اني اكثر شي جنت اكرها بنومه السطح هو الذبان من الصبح يبوووووووووو يموت مو ذبان علج يلزك لزكه واله على وجه ههههههههههههه بس انت زين بس هيجي صارلك زين مجتك قذيفه طلقه تايه وانت دليها على طريق ::31::::31::مشكوررر على موضوع الحلووو المفيد