العلاقات الجامعية بين الطلاب..!!

[اسيره حبك]

العلاقات الجامعية
حبيت اعرف رايكم بهذا الموضوع
واكو في مصطلحكم هيج شي
علاقات بالجامعة يعني (كبلات) شنو رايكم
احيانا اكوا اشخاص يسوون كبل بس على مود التسلية والبعض الاخر الى غرض الحب وانتو من اي نوع؟؟؟؟؟؟
زين وهم شنو رايكم بالبنية المنعكفة بالكلية
والي ما تتكلم مع احد!
يلة خلوني اشوف ردودكم
مو تنسون
تقبلوا موضوعي

[بلبل الرياضيات]

علاقات بالجامعة يعني (كبلات) شنو رايكم
اذا جان غرضهه شريف فالكبلات احلى شي
احيانا اكوا اشخاص يسوون كبل بس على مود التسلية والبعض الاخر الى غرض الحب وانتو من اي نوع؟؟؟؟؟؟
اني مااكدر احكم على نفسي في هذا الشي اخلي الناس هي الي تتكلم عني

زين وهم شنو رايكم بالبنية المنعكفة بالكلية
والي ما تتكلم مع احد!

هذا الشي غلط لان كل شخص لازم يكون طبيعي وخاصا مع طلاب وطالبات الشعبه مالته لان هذولي مثل الاخوه وكل واحد ويايه بالشعبه يمكن اشوفه اكثر من ما اشوف اخويه بالبيت

تحياتي الك على الموضوع الجميل

تقبل مروري

[الشاب الوسيم]

مشكورة اسيره حبك على الموضوع
علاقة الجامعة اكو علاقة صداقة واكو علاقة حب( كبل)على كولتج بس اذا كانت العلاقة شريفة مابية اي شي
اما اذا كانت علاقة تسلية من قبل الولد هذة غلط وعيب على الولد لان بنات الناس مو لعبة

اما من ناحية الزمالة الي بنفس القسم يجب ان تكون هناك علاقة زمالة واخوية بين الطلاب والطالبات مو والله الطالبة ما تحجي وية الولد والله تستحي لالالالالا

[بـيـآ‘ع الـوـورد]

علاقات بالجامعة يعني (كبلات) شنو رايكم



بالنسبة لرأيي بالكبلات حسب نفسية الشخص لان اكو بعضهم يكبل لتقضية الوقت واكو بعضهم نيته صافية ويريد بنت الحلال الي تحافظ عليه ويحافظ عليها اني اشجع الي نيته صافية لان بهاي الطريقة اغلب الشباب الي يتبعون هذا الاسلوب راح يحافظ على نفسه من خلال العلاقة النظيفة
واكو هواي اشياء تثبت العلاقة الصادقة من الكاذبة .. اهم نقطة تكدرون تعرفون من خلالها العلاقة الثادقة هو تعامل الطرف الثاني بالدرجة الاولى ..
طبعا اكو تفاصيل وكلام طويل بس ما اريد ازعجكم لان اكو اسئلة ثانية لازم اجاوب عليها






احيانا اكوا اشخاص يسوون كبل بس على مود التسلية والبعض الاخر الى غرض الحب وانتو من اي نوع؟؟؟؟؟؟





بصراحة سؤال صريح واني لي هسه ما عندي كبل لهذا السبب ما اكدر اقيم نفسي حاليا اذا لكيت بنت الحلال ان شاء الله اجاوبج





زين وهم شنو رايكم بالبنية المنعكفة بالكلية
والي ما تتكلم مع احد!





اهم شي البنية ما تحاول تغير طبيعتها الاصلية (ما تصنع)
اني داشووف اغلب البنات بالجامعة ديتدخذون اسلوب ما ينطبق مع شخصيتهم الاصلية ،،، يعني تتصنع
ما ادري فهمتي قصدي لو لا
يعني مثلا
بنية طبيعتها اجتماعية تخلي نفسها معقدة والعكس صحيح
يعني الانسان يتبع طبيعته الاصلية احسن شي بدون تمثيل
وبصراحة رأيي بالبنية المنعكفة يعني حسب اذا اعتكافها اذا متحجي ويا اي شخص نهائيا احس بيها معقدة او بيها مرض العزلة .!!
وخاصة اذا منعكفة حتى ويا طلاب وطالبات قسمها
اكرر اهم شي الانسان يتبع طبيعته الاصلية بدون تصنع و تمثيل

طبعا هذا الشي ينطبق على البنات والولد لان هواي شباب يتصنعون ويتفيكون ويظهرون محاسن شخصياتهم ويخفون مساوء الشخصية



ان شاء الله وصلت الفكرة الج يا اسيرة
طبعا اكو كلام طويل وهذا الموضوع يحتاج دراسة مو بس تعليق
اكتفي بهذا القدر وان شاء الله نتناقش
لي عودة للموضوع للمناقشة اذا تطلب الامر

[اسيره حبك]

مشكور اخي بلبل الرياضيات على مرورك

[محبوبه بغداد]

مشكوره حياتي على موضوع عاشت ايدج

[اسيره حبك]

مروركم انار صفحتي بريقاً وزادها جمالا


شكراً جزيلاً لكم

الشاب الوسيم و بياع الوورد

[الحياة]

اول شي اشكرك اسيرة على الموضوع واحب اناقش بهذا الموضوع

والله ياعزيزتي ترة بنظري ان احنه وصلنه لمرحلة من الثقافة ونكدر نميز الشي الصحيح من الخطأ

يعني ترة مبينه العلاقة الجدية من الغير جدية وهذا الشي مغافل على البنية

وطبعا اذا كانت علاقه نظيفة والها نهاية مابيها شي

اما عن سؤال عن البنية المعتكفة اني ضد هذا الشي لان حلو الشخص يتصرف على طبيعته يكون


محبوب

وطبعا ايضا نوعية حياة الكلية تحكم بهذا الشي يعني كل جامعة والها جوها


تقبلي مروري

[حيدر الراوي]

مشكوره على الموضوع الجميل اسوره
واني كلش مااحب ولااحترم كلمت كبل
يعني شنو معناتها
وعلاقت الحب اذا كانت نضيفه وليست لغرض التسليه فمابيها شي

[ابن العامرية]

العلاقات الجامعية

حبيت اعرف رايكم بهذا الموضوع
واكو في مصطلحكم هيج شي
علاقات بالجامعة يعني (كبلات) شنو رايكم
احيانا اكوا اشخاص يسوون كبل بس على مود التسلية والبعض الاخر الى غرض الحب وانتو من اي نوع؟؟؟؟؟؟
زين وهم شنو رايكم بالبنية المنعكفة بالكلية
والي ما تتكلم مع احد!
يلة خلوني اشوف ردودكم
مو تنسون

تقبلوا موضوعي




اول شي اشكرج اسيرة على الموضوع الهادف
والمهم بنفس الوقت
حيث انه لا يغفل عنا ان الطالب الجامعي قد وصل الى مرحلة
يميز بها الصحيح من الخطا
والعلاقات الجامعية فد شغلة كلش حلوة
اذا كانت بحدود المعقول
وبالنسبة لشغلة ال(كبل ) فاكيد انه اذا الولد قصده شريف
ويريد البنية فبالعكس ما بيها شي
وهذا احلى شي من اثنين واحد يحب الثاني
وعلاقتهم شرعية وكدام العالم كله
لان هذا الشي راح يكطع كلام الناس
ويحفظ البنت من المجتمع اللي ما يرحم
واللي يسوي كبل على مود التسلية فبس اساله سؤال
هو انه انت تقبل على اختك هالشي
والحليم تكفيه الاشارة
واني والحمد لله يمكن ما خليت بنية بهيج موقف
او اجاها كلام من احد
وبالنسبة للبنية المعتكفة
فالمفروض ان البنية لا تصير حيل معتكفة زايد عن اللزوم
بحيث ان الطلبة ينفرون منها لتشددها
ولا تصير مع احترامي الكم free اكثر من اللازم
والكل تحاول ان تسوي علاقة وياها
لغرض تقضية الوقت لا اكثر ولا اقل
لازم تكون بحدود المعقول يعني يكون التعامل طبيعي مع الكل
تحياتي الج اسيرة موضوع حلو عاشت ايدج وردة
تقبلي تحياتي
ابن العامرية

[$شمس العراق$]

هلوووو شكرا موضوع حلووو واعتقد ان الولد اذا قصدة تكبيل حتى يتباهه يم اصدقائه هذا شخصيته ضعيفه او عندة شيزوفرينا (انفصام بالشخصيه) والبنيه كذلك بس مااعتقد اكو بنيه تسوي هذا الشي لان متحب تجيه حجايه . والله على الي يخون وبنات الناس مو لعبه

[البرق المظلم]

حسب وجهة نظري ان العلاقة الجامعية (( الكبل ))
هي ارقى صورة يبنيها الشاب او الشابه بعد التفوق الدراسي
داخل الاروقه الجامعية
حيث ان الطالب والطالبه قد بلغا العمر الذي يتيح لهما معرفة الصح من الخطا
لذلك يبقا كل حسب قابليته في اتمام المشوار الذي بني على الحب الصادق
والموده والاخلاص
لذلك اعتبرها ظاهرة حظارية لمن يعرف استثمارها
اما بالنسبه للبنيه الي ما تحجي ويا احد
كل حسب عادته
والمفروض ان الطالبه تندمج مع الطلبه ويعرض كل منهم وجهة نظره
لان انعزالها قد يؤدي الى اعراض لا تليق بسمعتها كطالبه جامعية

واني حيل اشكرج خيه
هههههههههههه

[eng_love85]

اولا احب اهدي اشواقي وتحياتي للكل طلاب وطالبات جامعة الانبار

وعن موضوعك جدا جميل وشيق

بس للكل انسان شي بداخلة ويخصة وعلاقات بصورة عامة تعتمد على نوع الشاب والبنية واحنة نتعبر نفسنه من الطبقة المثقفة من هذا المجتمع
والمقصود اهنا مو كل علاقة تنطوي على الحب والعلاقات رومانسية المزيفة وبعض الاخر بيها قصد شريف وبداية ونهاية هو زواج والخطوبة وقسم والاعظم على اشياء غير محببة لا دينا ولا عرفا
وعلى موضوع انطواء البنية وهو هذا نوع من الحشمة وقمة الادب وسال الله الحياء للشاب والعفة للنساء
وشطرا على موضوعك الجميل

[بسمة الحب]

مشكوره اختي على هذا الموضوع الحلو ........ بصراحه اني رأي هو العلاقات الجامعيه لابد منها بس يعني بحدود لان الطالب او الطالبه من دخلوا للجامعه فهو لابد ان يتعرفوا على اشخاص جديدين والحياة الجامعيه حياة جديده يمر بيها الانسان بس يكون هذا التعارف بحدود الزماله بين الطلاب لان الانسان مايكدر ان يحبس نفسه عن العالم فكل شي اله حدود وكل انسان يعرف او بالاحرى الطالبه تعرف شلون تحافظ على سمعتها .......اما بخصوص( الكبل) فاني اشوف انو هذا الشي غلط لان اذا الطالب معجب بطالبه ويريد يرتبط بيها فاكيد يخاف على سمعتها لهذا مو من الممكن ان يعرضها للكلام وهذا رأي واشكرك عزيزتي على موضوعك الروعه ....::57::..مع تحياتي بسومه::57::.