.......... اجــراء مسابقة قريبــــاً بمنتدى الهندســـــ ة المعماريـــــ ة ..........

[بغـــــداد لا تتألمـــــي]

صلى الله عليك ياحبيبي يارسول الله

السلام عليكم

الف مبروك التخرج لكل طلبة المرحلة الخامسة وان شاء الله الموفقية بحياتهم القادمة ..

ونقول عطلة سعيدة ان شاء الله لبقية مراحل هندسة العمارة لانتهاء امتحاناتهم وبدء العطلة الصيفية

وان شاء الله النجاح بأمتحاناتهم بالدور الاول امين ..

وبعد :

الموضوع اليوم يتحدث عن اجراء مسابقة قريباً بمنتدى الهندســـــ ة المعمارية

نظرا لتفرغ الاعضاء هذه الايام

ولكي يزيد تفاعل وحماس الاعضاء اكثر مع المنتدى الذي اصابة حالة من الخمول بالايام القليلة الماضية بسبب الامتحانات ..

هذه المسابقة سيتم تحديد طبيعتها عن طريق مقترحات يقدمها الاعضاء بهذا الموضوع الذي سيكون مثبت لحين الاعتماد او الاقتناع بمقترح معين يقدمه احد الاعضاء ويتم الموافقية عليه من قبل الاغلبية ..

وقت تقديم المقترحات محدد بأسبوع فقط اعتباراً من اليوم الثلاثاء

24 / 06 / 2008

بعدها يتم اعتماد احد المقترحات ..

ومن ثم يتم اخذ موافقة الادارة بهذه المسابقة .. والبدء بها ان شاء الله قريباً

وسيكرم الاعضاء الفائزين (الاول والثاني والثالث) بألقاب نتفق عليها عند وضع بنود المسابقة ..

الموضوع مفتوح لكل عضو يود ان يقدم مقترح

او حتى اكثر من مقترح

واتمنى ان تكون المقترحات مميزة لكي نشهد تنافس جميل

نخرج منه بفائزين يستحقون هذه الالقاب

شكري وتقديري لكم جميعاً

بغـــــداد لا تتألمـــــي
الثلاثاء
24 / 06 / 2008

[AKRAM-arc-GRAPH]

بغداد لا تتالمي
عدي اقتراح اولي اشوف رأيكم بي
طبعا الاقتراح لا يخرج عن الدراسة المعماري
وهو درس الاظهار المعماري
الطريقة..
انوو احد الطلاب يقدم منظور جوي او ارضي لبناية اوت لاين فقط
ويأتي العضو الي بعده يرسم هذا المنظور (فري هاند)
ويقوم باظهاره حسب نوع الاظهار الي يستخدمة العضو(رصاص.خشبية.مائية)
وبالنهاية يتم التصويت على افضل اظهار .

[Ammori-the free man]

السلام عليكم اخ بغداد تحياتي على مجهودك

مقترحي هو ان يقوم الاعضاء بالتنافس من اجل تصميم مقترح معماري بسيط والتصويت على افضل تصميم

[حارس الارض]

السلام عليكم عاشت ايدك يا وررررررررررررررررررررررررررررررررررررررررررررررررر د يا بغداد
والله احسن فكرة سامعهه من اكثر من شهر
.
.
اعتقد انه مسالة التصميم راح تكون شوية صعبة لان بصراحة محد راح يعتقد انه تصميمة مو زين ( بسبب تربيتنة المعمارية ) فعلمود ما تكون بيهه نوع من الحزازات ارجو ان تكون المسابقة بطريقة الاظهارمثل ما كال الاخ كرم
مع احترامي لعموري
مثل ما كانت موجودة قبل من قبل المشرف السابق ( كرافي )
ويا ريت يكون المقيمين ما مشتركين بالمسابقة مثلا ان يكونون المشرفين او غيرهم ..
مع جزيل الشكر
وبالمناسبة المرتبة الاولى محجوزة الي فالمسابقة على الثاني والثالث

[Ammori-the free man]

تحياتي الك حارس فعلا الاظهار اسهل وبالامكان المشاركة للجميع من خلاله

[بغـــــداد لا تتألمـــــي]

اهلا شباب - مقترحاتكم لطيفة والله -
وننتظر مقترحات بقية الاعضاء .. لان مثل مكلنة مدة تقديم المقترحان اسبوع ..
تحياتي لكم ..

[Ammori-the free man]

السلام عليكم بغداد الورد
والله المقترحات ان شاء المقترحات تاخد الحق الكافي
ونتمنى من الاعضاء تواصل اكثر
لان المسابقة بها فائدة للجميع

[Ammori-the free man]

السلام عليكم بغداد الورد
والله المقترحات ان شاء الله تاخد الحق الكافي من الردود
ونتمنى من الاعضاء تواصل اكثر
لان المسابقة بها فائدة للجميع
شكرا للمجهود المبذول

__________________

[Danti]

السلام عليكم يعني يكون اوكي اظن ان تكون الصوره ثنائيه الابعاد والمطلوب اظهار شكل ثلاثي الابعاد منها
او تكون المسابقه تصميم شكل معماري معين وفق مواصفات معينه كان يكون بيت او عماره ماشاكل
هو شكو بعد يعني ممكن يكون :) .؟

[بغـــــداد لا تتألمـــــي]

ان شاء الله نأخذ بالمقترح الانسب بعد يوم الثلاثاء ..
تقبلوا تحيتي ..

[بغـــــداد لا تتألمـــــي]

صلى الله عليك ياحبيبي يارسول الله
السلام عليكم

.. حاليا الاقتراحات هي كالتالي ..
كرم المعماري اقترح -
اوت لاين لبناية والعضو يأتي بالرسمة ثريدي مع عمل اظهار لها كما يريد هو -مائية او خشبية او الخ .
عموري اقترح -
عمل تصميم معماري والتصويت للافضل .
حارس الارض اقترح -
عمل اظهار معماري لصورة معينة .
دانتي اقترحت -
ان نأتي بصوره ثنائيه الابعاد والمطلوب اظهار شكل ثلاثي الابعاد منها- او عمل تصميم لمبنى معين ..

ننتظر مشاركة بقية الاعضاء ..
لان اذا نبقى بهذا العدد القليل من المشاركين فالموضوع لن يستمر ..
شكرا لكل من شارك .

[Queen of arch]

حلوووووو
مقترحات لطيفه
اني اقتراحي يتمحور حول الاظهار ايضا لان اشوف التصميم اله ابعاد اكبر واحنه الاعضاء مابينه حيل بالعطله هم ههههههه
بس اقتراحي يمزج بين الاثنين
ممكن نسوي اظهار وتصميم وفن
بحيث تصير المسابقه على جولات
مثلا الجوله الاولى لاحسن مصمم معماري بس تكون اشياء بسيطة مثلا اسبوعين بس يعني يكون التصميم اله مطلبين لازم تخلص خلال اسبوعين ومو شرط يكون معماري جدا ممكن تصميم اثاث ليش لا
بحيث اسبوع التصميم واسبوع للاخر ويكون الفائز اله مثلا 10 نقاط والثاني 8 والثالث 5
بعدها اسبوعين للاظهار وهم مو شرط تصميم يمكن منظر طبيعي وبي جزؤء بنايات على ومستوى انتيريور هم ممكن
وايضا نفس النقاط للول والثاني والثالث
والاسبوع الخامس والسادس لافضل عمل فني مبتكر يعني شنو المحكم يقترح موضوع عام ومجرد والمتسابقين يبدون تصميم واظهار بنفس الوقت ومو شرط تصميم يمكن لوحه عن موضوع معين
ونفس النقاط ايضا
اما التقييم فيكون عن كل مرحلة بصورة منفردة
والاعضاء البقيه اللي يشاركون ياخذون نقاط بالتسلسل مثلا 4 3
ولو حنروح بالزلك بسالفه النقاط بس ميخالف انتو ضبطو سالفه النقاط حته تصير منافسه::28::
طبعا طولت لازم اروح صار حضر تجوال نياااا
تقبل تحياتي بغداد وحارس تره انت دتتنافس عالثاني والثالث هع
::51::

[حارس الارض]

خخخخخخخخخخخخخخ ضحكتيني اخت كوين

[المعماري النبيل]

السلام عليكم
يابه عاشت الايادي اخ بغداد على هل الفكرة
بس اني رأيي ان لو شوية تفكرون خارج حقل العمارة والتصميم والاظهار (او على الاقل ربطها بفد شغلات يفهموها باقي الاعضاء من غير اقسام)
واذا تريدون تبقون داخل هذا المجال فيمكن ان صاحب الموضوع ينزل صورة والمطلوب منها ان تنرسم بشكل ثري دي
او ان يعمل لها اظهار (وهاي يمكن راح يطفر منها هواية اعضاء ) وطبعا هذا الكلام متفق ويا الكلام مال بقية الاعضاء اللي سبقوني

[ضايج من ال HOLD]

عيني شباب شلونكم اخباركم ...

الفكرة حلوة بس ما بينة حيل ترة شوفونة غير مسابقة يعني الواحد يكدر يتسابق بيهة وهوة متمدد عالقنفة او نايم نومة لطيفة عالتلفزيون لان هاي سالفتكم

مال بورد وطبلة والوان مائية وكوابة واقلام لا لا لا لا

عيني هوة اني دور ثاني بدرسين تريدون نشتغل حرام عليكم

بس لا هوة اسهل اقتراح واحلاهم اني اشوفة منظور خارجي جوي او ارضي يجينة كامل التفاصيل واحنة بس انسويلة

اظهار وكل اسبوع يتبدل الشكل احتمال يصير منظور داخلي وهكذا يعني اظهار مو تصميم ونجمع نقاط الى ان افوز اني زين ؟؟

والله علمودكم لان اذا تصميم فتعذروني محد رح يلحك علية ورح تهبط معنوياتكم ومتجاوبون بالدور الثاني ههههههه

وتحياتي شللللللع ...

[حارس الارض]

ايد استاذ ( ظايج ) بس عيني اذا انت هيج ظايج من ا لهولد متكلي شطلعك دور ثاني

[بغـــــداد لا تتألمـــــي]

شباب اليوم كان اخر يوم لتقديم المقترحان
واكثر المقترحان كانت انو نجيب صورة معينة لبناية ونعمل لها اظهار فقط ..
وبصراحة هذا الشي اني هم اتفق بيه وية الاعضاء ..
لان الطلاب طالعين من امتحانات ومو مال تصميم لان تعبانين ..
راح اقدم طلب للادارة بخصوص المسابقة لاجل الموافقة ..

[حارس الارض]

اي لك داد بس رحمة على الفحمة لا تحدد نوع الاظهار خلي الاختيارات للمتسابق

[بغـــــداد لا تتألمـــــي]

اختيار الاظهار للمتسابق طبعاً
ولكن الصورة يتم الاتفاق عليها من قبلنا - اي انو الصورة هي موحدة للجميع

[Ammori-the free man]

عاشت ايدك بغداد واحنا بانتظار الصورة للبدء بالمسابقة

[بغـــــداد لا تتألمـــــي]

حبيبي بالبداية يتم اخذ موافقة الادارة ثم البدء ..

[Ammori-the free man]

::51::ok baghdad

[بغـــــداد لا تتألمـــــي]

سيتم قريبا بدأ المسابقة بعد اختيار صورة المبنى المناسبة ؟!!
نتمنى مشاركة الاعضاء بالمسابقة

[ملكة جمال العراق]

يمكن اني خارج قوس
لان كلشي ماافتهم بالمعماري

[بغـــــداد لا تتألمـــــي]

سيتم بدء المسابقة السبت القادم ان شاء الله
تقبلوا تحيتي وتقديري ..

[حارس الارض]

شكرا وان السبت لناظره لقريب

[بعيوني اضمه]

هلة بيهم مسابقة وينة واني اكله اكل عيني شنو محجوز الاول ابد
وبن المخطط وهسة تشوفون بعيوني شيسوي انطوني يومين من ورة المخطط
بس كلش كافي
ومشكور بغداد على هالفكرة الف شكر صدك بيه يتحرك المنتدى

[Queen of arch]

ان شاء الله عالسبت
بالتوفيق للكل::28::

[ضايج من ال HOLD]

حبيبي حارس الكاع اني الدرسين ذولة اني خليتهم دور ثاني لان هالعطلة

الجدول مالتي مو كلش ازدحام فكلت شسوي شسوي شسوي خلي اتونس

بدرسين عالماشي

وبعدين انت شكو مغثوث وتصيحلي استاذ وحاطهة بين قوسين ...لان مرح تاخذ

الاول بالمسابقة ؟؟؟

عمي كلي اني اتنازلك بس لتزعل احنة جم حارس عدنة ؟؟؟

تحياتي شللللللع....

[حارس الارض]

تسلم حبيبي ضايج قاب هي السالفة شنهي ...؟
خو ماكو شي ......... يمعود .....!
هاي شدا اخربط ؟؟؟؟؟؟؟؟؟

[ضايج من ال HOLD]

هههههههه هاي شنوووو ؟؟؟منووووو؟؟

بس بالمناسبة اكو اول مكرر لتخاف اني وياك والباقين خل يديحون ههههههه

تحياتي شلللللللع ...