Mustafa 88
06-23-2008, 07:02 AM
خلصت و ما ظن بعد بيهه مجال
و هذا اخر يوم وياك انجمع
لا كلام يفيدنه و لا صب دموع
چان فاد اهل العزة كثر الدمع
و مو غلط مني و لا منك قصور
الصوچ مو بينه ابد صوچ الوضع
شوف من چانوا كبل و الحب بسيط
چانوا الاحباب حسبالك ربع
لاكو حاسد لاكو واشي و لا عذول
و كل حبيب وية اليحبة ينجمع
هسه تهمه و عيب و قيود و حرام
و اليحب ها ... يعتير سيء طبع
لا تحب .. تمثال صير بلا شعور
بلا عواطف جامد بلايه نفع
كلهه تيدك مو لان انت صحيح
بس لان دنياك مجضوعه جضع
ما يفيد تدافع و حقي تگول
و لا يفيدك تعلگ العشرة شمع
ما يهمهم لو نهر حبك يضيع
مو نهر بس ضاع وك ضاع النبع
هاي دنيانه ... بعد بيهه نعيش
و انطبع هذا الطبع بينه طبع
انگلبت الاشياء و اختل الزمان
هسه شوف وية الضحك ينزل دمع
يا حسافه شگد صعب كلشي يضيع
و اني البصدري كبل شلتك ضلع
شگد كرهتك يا وكت و اعذرني حيل
لو يصح بيدي اگطعنك گطع
فرقت ما بين كل خل و خليل
شحصلت بس گلي و شجالك نفع ؟؟
ما يفيد احچي و لا اعتب عليك
ليش ابو طبع الردي يبدل طبع ؟؟
هاي قسمتنه نعيش و ما نعيش
بهاي دنيانه الابد ما تنجرع
فلذلك كبشر خذنه قرار
موتينه گلوبنه و متنه شلع
--------------------------------
تحياتي
مصطفى الهيتي
و هذا اخر يوم وياك انجمع
لا كلام يفيدنه و لا صب دموع
چان فاد اهل العزة كثر الدمع
و مو غلط مني و لا منك قصور
الصوچ مو بينه ابد صوچ الوضع
شوف من چانوا كبل و الحب بسيط
چانوا الاحباب حسبالك ربع
لاكو حاسد لاكو واشي و لا عذول
و كل حبيب وية اليحبة ينجمع
هسه تهمه و عيب و قيود و حرام
و اليحب ها ... يعتير سيء طبع
لا تحب .. تمثال صير بلا شعور
بلا عواطف جامد بلايه نفع
كلهه تيدك مو لان انت صحيح
بس لان دنياك مجضوعه جضع
ما يفيد تدافع و حقي تگول
و لا يفيدك تعلگ العشرة شمع
ما يهمهم لو نهر حبك يضيع
مو نهر بس ضاع وك ضاع النبع
هاي دنيانه ... بعد بيهه نعيش
و انطبع هذا الطبع بينه طبع
انگلبت الاشياء و اختل الزمان
هسه شوف وية الضحك ينزل دمع
يا حسافه شگد صعب كلشي يضيع
و اني البصدري كبل شلتك ضلع
شگد كرهتك يا وكت و اعذرني حيل
لو يصح بيدي اگطعنك گطع
فرقت ما بين كل خل و خليل
شحصلت بس گلي و شجالك نفع ؟؟
ما يفيد احچي و لا اعتب عليك
ليش ابو طبع الردي يبدل طبع ؟؟
هاي قسمتنه نعيش و ما نعيش
بهاي دنيانه الابد ما تنجرع
فلذلك كبشر خذنه قرار
موتينه گلوبنه و متنه شلع
--------------------------------
تحياتي
مصطفى الهيتي