ادخل وسجل رأيك بالأمتحانات هالسنه

[The Artful Dodger]

اخوتي , خواتي
شلونكم ؟ اخباركم ؟ ويه العطله اكيد مكظيهه بلا كهرباء بلا تلفزيون يعني (حلالا على ايام الدوام )

بما انه خلصنه الامتحانات فأريد منكم ومني اولاُ شنو رأيكم بالامتحانات؟
وشلون الاسئله تفرق عن العام لو لا ؟
وشلون مرت الصعوبات اللي على اساس اجتازيتوهه
(خصوصاً السنه جماعتنه شوفونه الويـــــــــل )
وكل واحد يكول بصراحه بشكد متوقع نفسه حيصيف ::29::
وان شاء الله اي صعوبات ماكو
وان شاء الله الكل ناجحه دور اول ::h30:: ( صدكت حيـــل )
تقبلو تحياتي اخوكم The Artful Dodger ( عضو جديـد )

[The Artful Dodger]

طبعا اول ما ابدي بنفسي
وأكول
على ما شفته السنه غير كل السنوات اللي فاتت ما أدري صوج العميد الجديد,ما ادري شنو الفلم

طبعا اني كظيت الامتحانات - مو كلهه طبعا - صافن بالورقه واحك براسي
(تفكير مو غير شي )

اني متوقع نفسي بمادتين ان شاء الله نشوفكم بيهه ( ميك - احصاء )
(( ابد مو مرحلة اولى ))

واتمنى الكم النجاح والقله في عدد المواد
تحياتـــــــــــي The Artful Dodger

[فراشة الهندسة]

شكرا على الموضوع
بس انت اول مو شلون عرفت السنة تختلف عن السنوات السابقة لان الاول بسهمة الي عدهم ميك واحصاء مو؟؟؟؟؟؟؟؟؟؟؟؟؟

اما بالنسبة الي اني همات اول بس مو مدني الي فوك المدني هههههههههههههههههههه
والامتحانات كل الاسئلة صعبة الله ياخذهم وخاصة الرياضيات ومواد البناء شنو عدهم عبالك انتقام منة الي يكول احنة عباقرة راح ابجي والله اتوقع نفسي بكلهن ههههههههههههههههههههه
لحد يضحك علية لان اشو اني دخلت للهندسة ومفتهمت لحد هسة شي منه

[The Artful Dodger]

بس انت اول مو شلون عرفت السنة تختلف عن السنوات السابقة لان الاول بسهمة الي عدهم ميك واحصاء مو؟؟؟؟؟؟؟؟؟؟؟؟؟

[The Artful Dodger]

بس انت اول مو شلون عرفت السنة تختلف عن السنوات السابقة لان الاول بسهمة الي عدهم ميك واحصاء مو؟؟؟؟؟؟؟؟؟؟؟؟؟


خوش لكفتيني (( الظاهر الفراشه مفتحه بالتيزاب مثل ميكلون ))
لا بس اني اسأل جماعتنه اللي بالثاني والثالث ويكولون انتو رجليكم خضـــــــره

[احاسيس حائره]

بالبداية اهلا وسهلا بيك بتسجيلك الجديد بالمنتدى

وبالنسبة لموضوعك
اني وياكم هندسة
طبعا الاسئلة صعبة والاصعب انه هي طويلة حيل ووقت 3 ساعات يمر كأنه ساعة
....
التشديد السنة سووا بدون ملح يعني اذا الواحد يلتفت يصيحون بيه صوت يخلوه ميعرف يكتب
واذا احتاجينه ترجمه ينطونه المعنى بالگوه
....
همه كل سنة هيج بس سنة عن سنه يزدادون...؟
..
اتوقع نفسي ب2 لو ب3 مع العلم قريت بشكل مو طبيعي وعندي امل انه انجح بيها بس هي بقت على تصليحهم
...
حلو دعائك اتمنى الكم تقليل بعدد المواد اي والله نحتاج هالدعاء
هههههههههههههههه
مشكووووور خيووو على الموضوع

[صمت المعاني]

هلاووووووووو اني هم اول مدني اهئ
والله اني اخذت اسئله العام مال اول والله زينه يعني مو ذيجي الصعوبه بس هالسنه والله صعبه يعني البرمجه مووووووووت احمر والرياضيات جايب اسئله صعبه وعلواه لو هو يدرس على مستوى اسئلته بس والله خايفين من الدرجات


اني متوقعه نفسي بكلهه هع بس عربي وحقوق انجح ههههههه الله كريم

[بنت السدود2]

بالبدايه نورت المنتدى اهلا بيك واني هم عضوه جديده
والله موضوع جميل جدا جدا ويقهر كلـــــــــــش لان احنه مصخميهه من اول سنه
الامتحانات صعبه ناااااااار والمراقبه شديده والله مو قصدنه نغش بس الطلاب يتقيد
واتوقع نفسي تحميل يعني بكم ماده ودور ثاني بكم ماده ههههههههههه لتحسدوني طبعا

[The Artful Dodger]

انتي المنوره بنت السدود ( شنو سالفتكم جماعة السدود غزين المنتدى )
اي والله نزلت الموضوع حتى نشوف رأيكم وبلكي نسوي شي عالدور الثاني

[فراشة الهندسة]

بس انت اول مو شلون عرفت السنة تختلف عن السنوات السابقة لان الاول بسهمة الي عدهم ميك واحصاء مو؟؟؟؟؟؟؟؟؟؟؟؟؟



خوش لكفتيني (( الظاهر الفراشه مفتحه بالتيزاب مثل ميكلون ))
لا بس اني اسأل جماعتنه اللي بالثاني والثالث ويكولون انتو رجليكم خضـــــــره



اي والله اني افتهم بس ترة من دخلت للهندسة اشو صرت ماافتهم ههههههههههههههه ماادري شنو الفلم
ترة اهل الثاني والثالث والله بس يتفيكون علينة لاتصدك بيهم ههههههههههههههه


ثم ليش اهل السدود محتلين المنتدى شنو معاجبيكم ماادري ليش اتوا المدني تكرهونة
لاتصدك اشاقة

يلة ان شالله كلكم تنجحون بس مو من اول دور لان اريدكم وياية خو مو بس اني اطلع دور ثاني ههههههههههه

[عراقية وافتخر]

الصراحة الاسئلة تقريبا نكدر انكول عليها صعبة بس مو بكل المواد بس اني شطورة وان شاء الله دور اول وبتقادير بعد هذا الشي يتحقق بس بالمرحلة الاولى الله يعينة على الثانية

[The Artful Dodger]

مشكووووووووورين عالردود الجميلة
ان شاء الله تنجحين بتقدير ونتمنى هذا الشي لكل طلابنا

[ابن العراق الموحد]

اني اشوفه احسن من السنوات الماضيه واسهل صراحتن اسهل بلنسبه الي

[روبن هود العراقي]

والله دمرونة
همة اتفنو بعذابنة بس احنة مسامحيهم والله يهديهم

[اقلام مجروحه]

والله وبصراحة وهذا اتصور راي الاغلبية
هالسنة كل استاذ طلع عقدة النفسية بينه
على اساس احنه ناقصين عقد
اني مهندسة ومرحلة ثالثة بس مع الاسف راح اطلع وكلشي ما فاهمه من هالهندسة
وللعلم فوق ما الاسئلة صعبة انوووووووووووووب الاغلاط البيها ما تنعد والفلسفه الزايد على الزوم

ما اكول شي بس ادوعوا بالهداية لاساتذة الهندسة

ويارب قلل المواد الي نطلع بيها دور ثاني

ومشكوررررررررين

[The Artful Dodger]

ابن العراق - انت بتزاكر من ورانا وله ايه ؟ -
اول مره اسمع انو السنه احسن من السنوات الماضيه