اتمنه كل المنتدى يقره هذا الشعر وينطي رائيه بي

[سفير المامون]

ياسامعين الصوت
يسألوني
انت شيعي ؟؟ انت سني ؟؟
وين ساكن؟؟
يم الشيخ لو يم ابو النعمان
لو يم ابو الجوادين
وآنه بالحسينيه... بالجامع أدور منهو اليوم طاحوا
طاح أخوي؟...أنذبح خالي ؟...أبن عمي؟
ما أبجي عليهم... أبجي منهم
ياخايبين ضيعتوا الوطن
والوطن غالي أعز من روحي عندي

يسالوني انت شيعي؟ انت سني؟
وآنه للكاظم أبذاك الصوب ازوره
أنامن بالصحن من شمة عطوره
وبكربلا للحسين أتعنه ازوره...
من صغر ظفري وصغر سني
ويسالوني انت شيعي ؟... انت سني؟

آنه بالجوادين بذاك الصوب تباركت وأدفنت أمي
و بشيخ معروف نايم المرحوم ما من يوم وسألني
على امك أنت طالع لو على عمك النام يمّي؟

بالهويه ياخذوني اليوم ويسالوني وين رايح انت سني؟
كلت والله للعباس جدي مِتعنّي أرد أشوفه ...
أسأله العباس سني ؟
كلت متعنّي أشوفن داحي خيبر الكرار أشكيله همّي
أرد أشوفن ويرضى الحسين بكربلا...
وبنفس الوطن ينهدر دمك و دمي؟

آنه ما ادري أصار بيينه ....
آخ وياوسفه الصار بيينه
الله واكبرسووهه بيينه
ياوسفه ونجحت خططهم
ياوسفه اللي طاحوا بالجوامع بالحسينيات اليوم
ذوله أولاد خالي ...أولاد عمّي

ياهالوادم من الصوبين أتفلش وطنّه
يهالوادم وصلت النار بحجرنه وأحتركنه
ياسامعين الصوت الجاي منهم أكثر من اليوم بحزنّه
ياسامعين الصوت كافي
أنت شيعي؟....أنت سني؟

ياخوي الوطن من الصوبين طايح
ياخوي من طائفية الشردتنه وطشّرت دمك ودمي
ياعراقي أصحى تره أتفلش بلدنا ...
ياخويَ احتركنه ما بقى بالوطن غيرالجنايز...
على الصوبين يمّك ويمّي

ياخويَ الاجنبي وج النار بيينه
ياخويَ وفرحان بذبحنه منّا بيينه...
ماله شغله يتفرج علينه...
أمجتف أبيده ويغنّي
ويسألوني أنت شيعي؟... أنت سني؟

ياخويَ ودير بالك
فلشوا الجامع الجنت بي وياك أصلّي
كالوا الشيعي علكها ...
والحسينيه فجّروهه...
وكالوا الفجّرهه سنّي

ياخوي وآنه للحسن والهادي أضمه....
من زمان انام وياه بالصحن من صغر سنّي
آنه افجره وصدّكت والائمه تاج راسي...
بعد ابوي وبعد أمي

وصدّكت تطيني اِيديَّ....
ومن زمان أنت تشيل همّي
ياخوي وصدكت لو نسيت أحنه بثورة العشرين أيد وحده ...
وبيهه أنخبط دمك بدمي

ياخوي شبيك وكافي عاد
العراقي باللبن فتّح
ُأهُم اللي شعلوهه وكالوا....
هذا شيعي.... وهذا سني
اخوكم سفير المامون

[امير بغداد]

اي والله هذي الايام كلة هيج صايرة ولا السني خلصان ولا الشيعي و لا المسيحي لان الشغلة مو شغلة طائفة انما شغلة حكومة وعلى الكرسي بس
تسلم حبيبي

[lovly cat]

عاشت ايدك أخوية::13:: ::13:: منهو منه شيعي ومنهو سني كلنا عراقيين وأخوان إن شاء الله كلنا نبقى إيد وحدة ضد عدونا وضد الطائفية البغيضة::1:: ::1:: ::1:: ...



::39:: صديقتكم lovly cat ::39::

[كنوشه]

والله الكلمات كلش حلوه ومؤثره واحنه كلنه ايد بايد وصف واحد والله بس القليلين سببو هيجي شي اصحاب النفوس الضعيفه واكيد مو عراقيين::27::
مع تحياتي
كنوشه

[konafaia بالحليب]

تسلم ايدك اخويه .......مع الاسف هذا الشي صار بس ان شاءالله تنزاح هذي الغيمه وتصير الاوضاع احسن
ولو مو الكل يفرق لان كلنا ربنا واحد وقرأنه واحد ونبينا واحد وقبلتنا وحده
تحيااااااااااااااتي الكم

[ملكة المأمون]

حين يوجد الأبداع

تتوارى كل الأقلام المزيفه سريعا ً

حينما يرسم لنا الأحساس أجمل اللوحات

وأصدق كل تلك العبارات

لايسعني وقتها الا وضع الأقلام جانبا ً

والتصفيق تحية لوداع النجوم الأفله

فعند حضور الشمس الساطعه ... تختفي كل الأضواء

مزيد من التألق المستر لك
دمت لمن تحب
كان ردآ بقلم\أميرة الشعر والخواطر ملكة

[ساحر القلوب]

ماعندي تعليق بس اريد اكول مسيح وسنه وشيعه هذا الوطن منبيعه

[قيصر المامون]

هذا الكلام اللي يبرد القلب وهذا اللي يمسح الجروح العراق يبقى واحد
عاششششششششششششششششت ايدك اخويه سفير المأمون
وانشالله يبرد قلبك ياعراقي

[سفير المامون]

شكرا على المرور الحلو وارائكم الحلوه يسلموووووووووووووووووووووووووووو

[بنت المامون]

سنه شيعه كراد مسيح عشنا وياهم وتعودنا عليهم وصارو منه وبينه اصدقاء واهل الي يفرحهم ايفرحنه والي ايزعلهم ايزعلنه عاشت أيدك على هل موضوع يا عراقي

[سفير المامون]

وايدج على الرد الحلو احنه العراقين ميهمنه لاسني ولاشيعي ولا كردي ولامسيحي

[كرم الحديثي]

تسلم حبيبي والله ماكو شيعي وسني كلنا عراقين ومسلمين بس هاي السوالف جتي ويا الاحتلال ليش قبل مكانت موجودة ؟؟؟؟؟؟؟ اللهم اجمع شمل العراقين لما تحبهُ وترضاه كولوا امين

[mshmshon]

العراق واحد ويبقى واحد وكل العراقيين اخوة ان شاء الله واحنة بس ندعي ونقول يارب خلي نرتاح تعبنا هواية وارض العراق بعد متتحمل دم مشكككككككككككككككور

[مرام86]

شكرا على الموضوع الرائع