يد بيد لعراق افضل واجمل
10-26-2006, 08:59 PM
::55:: يا عيد مر بينه
يا عيد مر بينه ــ مر اسأل اشبينه
الوكت لو غيم حزن ــ يبقى الفرح بينــه
يا عيد لعيونك نداوي الجرح
ياعيد للديره يلوگ الفرح
يا عيد طال الليل.. وين الصبح
يضحك ترافــه بوجــه اهالينــه
بعده الفرح بينه ــ يا عيد مر بينــه
........
احنــه الزرعنــه الفرح فوگ الشفه بسمات
نسهر... ونغزل گمر لخدود البنيات
يا عيد لا تبتعد ــ بعد الحلم ما مات
بگلوبنــه بعدة العشگ شوغات
افيش يا عطر المحنــه بحضـن اهالينــه
بعده الفرح بينــه ـــ ياعيد مر بينــه
..........
بيد امي عيديــه فرح للناس
وهلال بعيون الطفل
ومه تكابر حزن
بس ما تنزل الراس
لو مال بيهــه الوكت
لو بجت
يمسح الدمعه علي
ويبوسهــه العباس
جرغد بنات الصبربيرغ لهالينــه
بعده الفرح بينه يا عيد مر بينه
....
يا عيد بعيوني سهر ونتظر
جيــة هلالك بالثنيــه يمر
يشيل فتنــة ليل ويخضر فجر
يجمع شملنــه وشمل اهالينــه
بعده الفرح بينــه ــ يا عيد مر بينــه
......
يا عيد چنــه ورد ... بستانــه الديره
بوجنا تنــه تضحك شمس
روج السمــه
بعيونــه شايل زعل غيره
بدروبنــه ويــه الگمر لعبينــه طفيره
احنــه بنات الفرح ... روح الأهالينــه
كلهم تره بعده الفرح بينه ــ ياعيد مر بينــه
..........
احنــه بنات الشمس بعيونــه دمعــه
مات الوكت بصدورنــه وترملت شمعــه
خضر گلبنـه عشگ يا شوغــة الجمعــه
برموشنــه مرود نحل
لمــة شمل ... احنــه واهالينــــه
بعده الفرح بينــه ـــ ياعيد مر بينــه
يا عيد مر بينه ــ مر اسأل اشبينه
الوكت لو غيم حزن ــ يبقى الفرح بينــه
يا عيد لعيونك نداوي الجرح
ياعيد للديره يلوگ الفرح
يا عيد طال الليل.. وين الصبح
يضحك ترافــه بوجــه اهالينــه
بعده الفرح بينه ــ يا عيد مر بينــه
........
احنــه الزرعنــه الفرح فوگ الشفه بسمات
نسهر... ونغزل گمر لخدود البنيات
يا عيد لا تبتعد ــ بعد الحلم ما مات
بگلوبنــه بعدة العشگ شوغات
افيش يا عطر المحنــه بحضـن اهالينــه
بعده الفرح بينــه ـــ ياعيد مر بينــه
..........
بيد امي عيديــه فرح للناس
وهلال بعيون الطفل
ومه تكابر حزن
بس ما تنزل الراس
لو مال بيهــه الوكت
لو بجت
يمسح الدمعه علي
ويبوسهــه العباس
جرغد بنات الصبربيرغ لهالينــه
بعده الفرح بينه يا عيد مر بينه
....
يا عيد بعيوني سهر ونتظر
جيــة هلالك بالثنيــه يمر
يشيل فتنــة ليل ويخضر فجر
يجمع شملنــه وشمل اهالينــه
بعده الفرح بينــه ــ يا عيد مر بينــه
......
يا عيد چنــه ورد ... بستانــه الديره
بوجنا تنــه تضحك شمس
روج السمــه
بعيونــه شايل زعل غيره
بدروبنــه ويــه الگمر لعبينــه طفيره
احنــه بنات الفرح ... روح الأهالينــه
كلهم تره بعده الفرح بينه ــ ياعيد مر بينــه
..........
احنــه بنات الشمس بعيونــه دمعــه
مات الوكت بصدورنــه وترملت شمعــه
خضر گلبنـه عشگ يا شوغــة الجمعــه
برموشنــه مرود نحل
لمــة شمل ... احنــه واهالينــــه
بعده الفرح بينــه ـــ ياعيد مر بينــه