ادخل وسولف لا تستحي ما رأيك بالحب صراحة

[SCORPIO]

اطلب من الجميع ان يكتب رأيه بالحب وبصراحة

تجربة وجودية عميقة تنتزع الإنسان من وحدته القاسية الباردة
لكي تقدم له حرارة الحياة المشتركة الدافئة



تجربة إنسانية معقدة … وهو أخطر وأهم حدث يمر في حياة الإنسان
لأنه يمس صميم شخصيته وجوهره ووجوده … فيجعله يشعر وكأنه ولد من جديد



هو الذي ينقل الإنسان إلى تلك الواحات الضائعة
من الطهارة والنظارة والشعر والموسيقى لكي يستمتع
بعذوبة تلك الذكريات الجميلة التائهة في بيداء الروتين اليومي الفضيع
وكأنما هي جنات من الجمال والبراءة والصفاء في وسط صحراء الكذب والتصنع والكبرياء

[صقر الجادرية]

اي ليش هو اكو احلى من الحب
احلى شي بالحياة
ولوما الحب جان متستمر الحياة
واللي اقصده الحب بمختلف انواعه
وعندي كومه سوالف عنه بس انطيتكم
مثل ميكول الزبده خخخخخخخخخ

[jaguar]

شكرا على هذه المواضيع
الفهد

[majd_ece]

أولا أحب أشكر الأعضاء الجدد اللي بدو يدخلون للمنتدى
و أحب أكوللهم ألف ألف شكر ألكم على مواضيعكم الحلوة
ومثل ما تشوفون ترة منتدى الهندسة جديد وينرادلة مجهودكم حتى ينجح ويستمر

ثاني حبي سكوربيو
الحب هو فد شي مستحيل تعبر عنة الكلمات
شكد وصفو الشعراء والكتاب والأدباء ما يعادل لحظة وحدة من الحب
أقصد الحب الحقيقي
اللي يخليك من تشوف الحبيبة
تشهك وكلبك يدك بسرررررعة
هذا رأيي بالحب

شكرا مرة أخرى وأعذروني على الأطالة

[صقر الجادرية]

ان شاء الله بس شلون بينه والدوام اجانه

[CIVILIAN_CAT]

الحب هو عندما تجد انسان يحبك ويخاف عليك بدون اي مصلحه ولاينتظر شي من الطرف الاخر غير انه يبادله نفس الاحساس وعندما تحتاجه تجده دائما بقربك طبعا هذا يسموه الحب الحقيقي

[المعلم الابيض]

الحب معناه الاثنين يصبح واحد ويفقد الانسان انانيته ويفضل المقابل على النفس واهم اعراض الحب التضحية بدون الانتظار للمقابل والعطاء بدون ثمن واخيرا الحب اسمى مرحلة انسانية
خوش حجي مو بالله انتو جربتوا هذا الشي لو لاع
اذا تسالوني اني جربت هذا الشي وممتندم على هذا الكلام

[صقر الجادرية]

شعجب ممتندم؟

[نسر البايو]

في راي الحب اذا كان شريف وصادق هو احلى شئ بالحياة وتقبلوا مروري

[الحزينه]

اخويه والله الحب لو كان بيه صدق ماكو احلى منه
بس وين تلكه حب صادق من القلب هسه بعض بعض الشباب ولتزعلون يحبون عشره وبعد انوب
مشكوووووووور اخويه عالموضوع الحلو

[المعلم الابيض]

اولا صقر شكرا على التعليق الطويل جدا بس احب اكلك اقرة البداية راح تعرف ليش ممتندم
والحزينة كلامج صحيح بس ترة مو كل الشباب هيجي والبنات هم ميقصرون بيهم طبعا مو كلهم

[SCORPIO]

اخويه والله الحب لو كان بيه صدق ماكو احلى منه
بس وين تلكه حب صادق من القلب هسه بعض بعض الشباب ولتزعلون يحبون عشره وبعد انوب
مشكوووووووور اخويه عالموضوع الحلو
تدللين اختي العزيزة وان شاء الله الحب الصادق بعدة موجود
بس المشكلة بينة احنة ككل اللي خلينا يضيع

[SCORPIO]

الحب معناه الاثنين يصبح واحد ويفقد الانسان انانيته ويفضل المقابل على النفس واهم اعراض الحب التضحية بدون الانتظار للمقابل والعطاء بدون ثمن واخيرا الحب اسمى مرحلة انسانية
خوش حجي مو بالله انتو جربتوا هذا الشي لو لاع
اذا تسالوني اني جربت هذا الشي وممتندم على هذا الكلام
والله اخوية مستحيل واحد يخوض هيج تجربة ويتندم ينجرح ممكن بس يتعلم هواية شغلات
منهة شلون يختار الشخص الليحبة ويفتحلة كلبة
واني من رأيك حبيت وممتندم واتمنى احب

[المعلم الابيض]

والله اخوية مستحيل واحد يخوض هيج تجربة ويتندم ينجرح ممكن بس يتعلم هواية شغلات
منهة شلون يختار الشخص الليحبة ويفتحلة كلبة
واني من رأيك حبيت وممتندم واتمنى احب


الحمد لله انو رأيي عجبك وان شاء الله تجرب الحب الحقيقي ومتندم لان الحب الصادق ما بيه اي ندم حتى لو ما انتهى نهاية سعيدة بس يضل ذكرى جميلة حتى لو الحبيب يجرحك

[SCORPIO]

الحمد لله انو رأيي عجبك وان شاء الله تجرب الحب الحقيقي ومتندم لان الحب الصادق ما بيه اي ندم حتى لو ما انتهى نهاية سعيدة بس يضل ذكرى جميلة حتى لو الحبيب يجرحك
تاج راسي رأيك محد يختلف عليه
بس الحجي بينانتنة اخوك موبس انجرح لا اتملخ بس الحمد لله كدر يكوم على حيلة مرة ثانية
مشكور على ردك اللطيف

[المعلم الابيض]

تاج راسي رأيك محد يختلف عليه
بس الحجي بينانتنة اخوك موبس انجرح لا اتملخ بس الحمد لله كدر يكوم على حيلة مرة ثانية
مشكور على ردك اللطيف

اكو مثل يكول الضربة اللي متكتلك تقويك
وان شاء الله دائما واكف على حيلك ولو بيني وبينك الاذية مال الحب تفتت الصخر
خخخخخخخخخخخخخخخخخ

[SCORPIO]

اكو مثل يكول الضربة اللي متكتلك تقويك
وان شاء الله دائما واكف على حيلك ولو بيني وبينك الاذية مال الحب تفتت الصخر
خخخخخخخخخخخخخخخخخ
اي والله يا خوية شحجيلك خوب انتة تدري

[المعلم الابيض]

هههههههههههههه
اكيد بس هاي ينرادلهة كعدة وسوالف ووووووو وانت تعرف الباقي

[spaiderx]

منو ما معاني من لوعه الحب بس على كولتكم لازم تكوم وتكمل كالاسد

[المعلم الابيض]

spaiderx (http://www.dijlh.net/forums/member.php?u=5897)
الله يساعدك يا اسد
الظاهر انت واكع بالحب ومجلب بالطاسة
خخخخخخخخخخخخخخخخخ

[SCORPIO]

هههههههههههههه
اكيد بس هاي ينرادلهة كعدة وسوالف ووووووو وانت تعرف الباقي
كعدة وحدة؟ كول كعداااااات ولو تفض لولا

[المعلم الابيض]

اي صحيح حجيت كلام اخ سكوربيو
نكعد اني وياك ونحجي هواية على البنات لان كله بسببهم خخخخخخخخخخخخخ
الى كل البنات لا تزعلون ترة دا اتشاقة

[ملك البصريات]

ماكو احلة منة وماكو اصعب منة

[majd_ece]

شباب كولو يا الله

و أذا أنتو تكولون أحنة أتأذينة من ألحب و أنتو شباب

لعد شتكولون للبنية ألي تتأذى من ألحب
ألبنية أللي مشاعرهة أرق من مشاعر ألرجل
وهواية موجودين مثل هيج حالات
من ألشباب أللي يضحك على بنات ألناس
ومثل ما كال ألمثل
"ولاد ألحرام مخلوش لولاد ألحلال حاكة"

[SCORPIO]

شباب كولو يا الله

و أذا أنتو تكولون أحنة أتأذينة من ألحب و أنتو شباب

لعد شتكولون للبنية ألي تتأذى من ألحب
ألبنية أللي مشاعرهة أرق من مشاعر ألرجل
وهواية موجودين مثل هيج حالات
من ألشباب أللي يضحك على بنات ألناس
ومثل ما كال ألمثل
"ولاد ألحرام مخلوش لولاد ألحلال حاكة"
كلامك صحيح مجودي بس شنو احنة بين قوسين دنفضفض عن نفسنة شوية
وعلى قولك اولاد الحرام مخلوش لاولاد الحلال حاجة

[المعلم الابيض]

عاشت ايدك سكوربيو والظاهر اخ ماجد نصير المرأة هههههههههه

[ملاك الميكا]

والله انى رأيي
الحب مينوصف..الحب ينعاش وبس
مال تكعد تكول الحب كذا وكذا..وهيج اله شروط...مترهم
لان كل شخص اله اسلوبه...ويعيش الحب بطريقته الخاصه...

[omir_iraqi86]

الحب شيء جميل وهو يعبر عن مشاعر المحب والانسان بدون حب ليس له قلب لان الحب يخرج من قلب الانسان وكل شخص بامكانه ان يحب وجميل ان يجد الرجل حبيبه ويحبه ويتفاهم معه ويتبادل الحب معه

ابن العراق

[darkangel]

والله الحب انواع
مو كل اللي عبالة ديحب يصدق نفسة
اني برايه الحب يتحقق اذا تركنا الشكل الخارجي واهتمينا بالروح ,يعني مو شرط نحب واحد او وحدة حلوة المهم الروح هي الحلوة بس اذا اجتمعو الاثنين بعد احسن ,
لحد الان محد يقدر يعرف الحب لانه مجرد احساس وممكن يكون غير حقيقي بس الانسان يلجأ له حتى تصير حياته احلى ,
واكثر شي مزعج انه ولاسف بعض الناس يخدعون الاخرين ويجعلوهم يقعون في حبهم وبعدين يقولولهم باي باي.....

[majd_ece]

أتفق مع رأيج لارا
صحيح أن مو كل واحد يعتقد بأن نفسة يحب هوة عايش ألحالة

وشنو حبي ألمعلم ألأبيض
آني مو شغلة نصير ألمرأءة
بس شنو آني أحجيلك عن تجربة
صدك ما جايب شغلة من جيبي
هع هع هع

[SCORPIO]

أتفق مع رأيج لارا
صحيح أن مو كل واحد يعتقد بأن نفسة يحب هوة عايش ألحالة

وشنو حبي ألمعلم ألأبيض
آني مو شغلة نصير ألمرأءة
بس شنو آني أحجيلك عن تجربة
صدك ما جايب شغلة من جيبي
هع هع هع
والله يامجودي التجارب خير من الله واني اتفق وية ارائكم ان الحب مينوصف بس طرحت هذا الموضوع
علمود اعرف اكثر عن الحب
لأن ماتصور اكو واحد فالنتينو او كازانوفا هنا علنود تتكون لليطب لهذا الموضوع افكار مختلفة عن الحب
مشكورين لمروركم وردودكم الجميلة

[حورية البراءة]

ماكو حب صادق ورا الزواج هو يجي الحب بس قبل الزواج فاني رايي انو ماكو حب اكو اعجاب بس لا يسمى حب تقبلو مروري وتحياتي

[المعلم الابيض]

اخت معمارية اني اختلف وياج بالراي
اشلون ماكو حب صادق قبل الزواج بالعكس اساس الحب هوة قبل الزواج لان بعد الزواج تتغير طبيعة الحب وتصير الرابطة الزوجيةوالعشرة هية اللي تقود لحب من نوع ثاني بس الحب الحقيقي هوة اللي قبل الزواج والمشاعر الحقيقية هية اللي قبل الزواج

[sajawii]

[هلو شباب.......الموضوع كلش حلو........و الحب فد شي هم كلش حلو يعني يخلي الانسان يعيش بعالم ثاني بس بي هواية اشياء ومشاكل بس من تمر الايام و الواحد يصفن وية نفسة و يتذكرهة يضحك و يتونس و يشوفهة كلش حلوة و اهديلكم هاي القصيدة مال عاشق اتمنى تعجبكم هع هع هع

قصيدة لعاشق ........ هاي القصيدة معاناة شاب ينتظر صاحبتة تطلع من المدرسة:- نسيتي من انتضرتج اول امس . واكف مكابل سياج المدرسه ومنحبس .. وتطك براسي الشمس شكد جكليت اشتريت وقرص نعناع وجبس .. سبع مرات اشتريت ومابقلى بجيبي فلس .. وعيني وي مر الثواني تنتضر دك الجرس .. ودك الجرس .... وكل البنات تفرقت وما بقى غيري شخص... سألت الحارس وكتله ماشفت حمامه زاهيه ابدلة عرس .. كال هاي التحجي عنهة وي واحد طلعت من ثاني درس]

[صقر الجادرية]

حلووووووووووة القصيده عاشت ايدج سجاوي
تحياتي

[الحزينه]

والحزينة كلامج صحيح بس ترة مو كل الشباب هيجي والبنات هم ميقصرون بيهم طبعا مو كلهم


هههههههههههههههههههههههههههه صح لسانك المعلم الابيض
اي والله صحيح والله الحب ما دمره ودمر معناه غير هاي النماذج من الولد والبنات مع احترامي للطيبين

[majd_ece]

والله يامجودي التجارب خير من الله واني اتفق وية ارائكم ان الحب مينوصف بس طرحت هذا الموضوع
علمود اعرف اكثر عن الحب
لأن ماتصور اكو واحد فالنتينو او كازانوفا هنا علنود تتكون لليطب لهذا الموضوع افكار مختلفة عن الحب
مشكورين لمروركم وردودكم الجميلة


أكلك حبي سكوربيو آني متأكد أكو غلط بالطباعة عندك
و ألا شنو يعني"ألتجارب خير من ألله "أستغفر ألله

وبالنسبة ألموضوعك بالعكس آني جدا فرحت من شفتة لأن مثل ما دتشوف أن أكو هواية أختلاف بالآراء عن ألحب

[majd_ece]

ماكو حب صادق ورا الزواج هو يجي الحب بس قبل الزواج فاني رايي انو ماكو حب اكو اعجاب بس لا يسمى حب تقبلو مروري وتحياتي

لاااااااااااااااااااااااااااااا
شلون ما كو حب
أنتي شلون تقبليهة
زين أنتي بنية ومؤمنة بهذا الشي
أذا أجة واحد خطبج وصارت ألقسمة وأنتي على حجيج ماكو حب
وبعد ألزواج طلع مع أحترامي مو خوش ولد وكللللللللللللللللللش ما يطاق
شراح تسون
أحنة بمجتمعنة راح غصبا عليج تعيشين ويا
وبينما راح من تخابرين صديقتج وتشكيلهة
صديقتج ألمتزوجة عن حب راح من تسد ألتلفون تحمد ألله ميتين ألف مرة
و أذا تكولين أن قبل ألحب بس أعجاب
ماكو ثنين يتزوجون عن ةأعجاب بس
لأن ألأعجاب يكون بشي معين
يعني لو شكل لو طبع لو شخصية
وهاية شغلات قابلة للتغيير
بس أذا الشخصين صار بيناتهم حب
ألأنسان ما يعرف ليش يحب ألأنسان ألثاني بس مجردة يحبة وخلاص

[SCORPIO]

أكلك حبي سكوربيو آني متأكد أكو غلط بالطباعة عندك
و ألا شنو يعني"ألتجارب خير من ألله "أستغفر ألله

وبالنسبة ألموضوعك بالعكس آني جدا فرحت من شفتة لأن مثل ما دتشوف أن أكو هواية أختلاف بالآراء عن ألحب
لا حبيبي ماكو غلط بس اتصور حظرتك ما افتهمتني
اقصد بالتجارب الحب الصادق وما اتصور الحب الصادق حرام
والا ماجان العالم حبت وانحبت...

[SCORPIO]

ماكو حب صادق ورا الزواج هو يجي الحب بس قبل الزواج فاني رايي انو ماكو حب اكو اعجاب بس لا يسمى حب تقبلو مروري وتحياتي
اتصور مفهومج عن الحب خاطئ (حشاج من الغلط)
لأن مسألة الحب ورة الزواج هي مسألة قديمة كانوا يقنعون بيهة العالم من يزوجون فلان لفلانة لأن هو ابن عمهة او ماشابه هذا مفهوم قديم انقرض
لأني مستحيل اتزوج امرأة ما افهمهة وتفهمني (عود لو احبهة لو ماحبهة ورة الزواج)
ماتصور بس هي مسألة قناعات وكل واحد والزاوية اللي ينظر بيهة
مشكورين لمروركم

[المعلم الابيض]

والحزينة كلامج صحيح بس ترة مو كل الشباب هيجي والبنات هم ميقصرون بيهم طبعا مو كلهم


هههههههههههههههههههههههههههه صح لسانك المعلم الابيض
اي والله صحيح والله الحب ما دمره ودمر معناه غير هاي النماذج من الولد والبنات مع احترامي للطيبين

شكرا حزينة على رأيج والحمد لله انو افتهمتيني صح
وعلى العموم اعتقد هذا المبدأ يتفق عليه كل الشباب والبنات العاقلين

[asal]

شكرا اخوية العزيز سوسو وبرأي الحب هو دمار شامل

[المعلم الابيض]

شكرا اخوية العزيز سوسو وبرأي الحب هو دمار شامل

عاشت ايدج على هذا التعبير بس احب اكلج لو الحب دمار شامل جان امريكا دورت عليه واعتقلته
خخخخخخخخخخخخخخخخخخخخخخخخخخ

[zj1989]

اخي بصراحه الحب فد شي رائع ولو اني ممجربته وانشاء الله ما اجربه

لانه وين تلكه الحب الصادق

[zj1989]

الحب شي رائع مهما قلنا وعبرنا لن نعطيه حقه مع انه اني ممجربته وانشاء الله ما اجربه
لانه بصراحه ما اعتقد انه اكو حب صادق على الاقل بالنسبه الي مع انه اعتقد انه اكو هواي حب صادق

بالعراق

[SCORPIO]

الحب شي رائع مهما قلنا وعبرنا لن نعطيه حقه مع انه اني ممجربته وانشاء الله ما اجربه
لانه بصراحه ما اعتقد انه اكو حب صادق على الاقل بالنسبه الي مع انه اعتقد انه اكو هواي حب صادق

بالعراق
ان شاء الله تلكين الحب الصادق وتسعدين بيه
مشكورين لمروركم

[المعلم الابيض]

الحب شي رائع مهما قلنا وعبرنا لن نعطيه حقه مع انه اني ممجربته وانشاء الله ما اجربه
لانه بصراحه ما اعتقد انه اكو حب صادق على الاقل بالنسبه الي مع انه اعتقد انه اكو هواي حب صادق

بالعراق

ليش هالنظرة المتشائمة تفائلي بالحياة وان شاء الله تلكين الحب الصادق وتتغير فكرتج عن هذا الموضوع لان اكيد هذا النوع من الحب موجود ولولا هذا الحب لما استمرت الحياة

[صقر الجادرية]

اي طبعا اني اوافق الاخوان برايي واكول اكو حب صادق بس بنسب قليله جدا جدا جدا
وتقبلو مروري
تحياتي للكل

[majd_ece]

طبعا أكو حب صادق
وهوة منو أللي يسوي صادق لو كاذب
غير أحنة
و أقصد ألطرفين
و أنشاء الله حبنا كلة صادق

[مهندسة دجلة]

هاي شباب وبنات
الحب شي حلو بس مو دائما ومااتوقع ظروفنا تسمح للحب انه يستمر صح لو اني غلطانة بس ان شاء الله كلنا نحب وننحب وينتهي نهاية سعيدة::14:: هههههههههههههههههههههههههههههههههه بايات وشكرا على موضوعك اخوية

[الدلوعة]

هلوووووووووووو
طبعا اني رأيي بالحب هو فد شعور واحساس كلش حلو اذا كان صادق ونظيف ومن الطرفين
واهم شي انه الانسان اذا كان بحياته شخص ميفكر انه يخونه لان الخيانه اصعب شي
يعني خلي كل واحد يخلي نفسه بهذا الموقف ويفكر قبل ان يسوي هذا الشي
واتمنى للكل حياة مليئة بالمحبة التفاؤل والامل

[sweet_heart]

هلوووو شلونكم ؟
الحب فد احساس رائع ولو هو مو بكيفنا بس احنه بيدنا نخليه ناجح او فاشل
ولو اني لحد الان ممجربته وانشالله اجربه بس عندي ايمان بيه كلش واعتقد
اكو شي اسمه حب صادق اذا فكرنا بعقلنا شويه

[وسيم المدني]

شلونكم شباب الحب الحقيقي بصراحه هوة بس الحب الاول واذا خسرته فتعيش طول حياتك متندم فلي يكدر يلحك على روحه انصحه ليضيع حُبه الاول
قصة عاشق حزين:-
يا جميلة الحب بكل المعاني والصفات
يا حبيبة عمري يا أحلى من كل البنات
أحكي لكِ قصتي بكل صدق وألم وأهات
فكنت قبل أن أراكِ تائها في بحر من الظلمات
وأنتي كنتِ امامي وأنا كنت في سبات
فأحببتك بعد سباتي وفي أقصر اللحظات
ودبت في حبك ليلا ونهاراً يا جميلة الجميلات
فحبك هو أعظم شئ في هذا الزمن البذات
ولكن فات الاوان على حبً كان في أروع الدقات
فلقد ذهبتي وتزوجتي غيري يا (س)يا وردة الحياة
ومات قلبي بعدك ووقعت قي دوامة الحزن والمئسات
فأني أملك من الحب أكثر مما أعرف من الكلمات
ويتجاوز شوقي لكِ كل حدود المعاني والمفردات
هنيئا لكِ زواجكِ وأدعو لكِ في كل الصلوات
أدعو لتكوني سعيدة في حياتك يا أعذب النغمات
أما أنا فسوف أظل أحبك الى يوم الممات

[the queen of eng]

احلى شي هوالحب لان الشخص راح يعيش بغير عالم على ان يكون الحب حقيقي

[المعلم الابيض]

احلى شي هوالحب لان الشخص راح يعيش بغير عالم على ان يكون الحب حقيقي
هلو
ترة مفتهمت ولا كلمة ممكن تفسرين اكثر لان لو اني فهمي بطيء لو كلامج غامض كلش