ياغريب اذكرهلك

[احمد كريم الساعدي]

ياغريب اذكر هلك ولكالهه ابحجيه ايتنكت
هيج اجروحه الكَلب والعين كت مهضوم كتت
ذكروهه وعادة اليذكر يحن والروح لهل الروح حنت
اخ ياروحي الكَبل جانت عزيزه شلون ذلت
ملت من ونينه وعذالهه من لوم ملت
واصبحت مثل الرشه المتروك من يشله جليبه
وحنت وعادة وية المحبين لو حن المحب يذكر حبيبة
يلتريدين الولف ولف الجفاج منين اجيبة
كافي غيبة كافي جلمات العتب على الناس ياروحي الغريبة
يلمثل دلة استوت بوشاغ ما يخمد لهيبة
يل تضنين بعضم بلواج ما صارت مصيبة
هذا سهمج والسهم لوعات والخانة الوكت يرضة بنصيبة
وهذا طبع الناس بيهم بس وفة وبيهم وفة الجيبة الحليبة
وانتي لا جف الينشف العين لا دار الولف يم الجريبة
يل حصرتج حصرت المجبود ودموعج تبدت
يل على اجروحج اعز الناس من شافج تشمت
يل تضنين الشمل يرجع شمل عزج تشتت

[الؤولؤة]

هذا سهمج والسهم لوعات والخانة الوكت يرضة بنصيبة
وهذا طبع الناس بيهم بس وفة وبيهم وفة الجيبة الحليبة
وانتي لا جف الينشف العين لا دار الولف يم الجريبة
يل حصرتج حصرت المجبود ودموعج تبدت
يل على اجروحج اعز الناس من شافج تشمت
يل تضنين الشمل يرجع شمل عزج تشتت
روووووعة وعاشت ايدك اخوية احمد والله اكثر من رائعة ويشرفني انو اكون اول المارين على موضوعك الرائع تقبل مروري وتحياتي