ذكرياتنا الدجلاوبة الحلقة الاولى+الثانية

[ملكة اور]

سلام عليكم
شلونكم وشلون الصحه (لتكَولون نشله وكَحه)
بالنسبه اللي احب منتدى دجله كلش هوايه وتعلقت بي حيل لانه اول منتدى واخر منتدى دخلتله
ورح ابقى مخلصه اله ولأعضاءه

ومن الاشياء اللي اعرفها ان الانسان لمن يتعلق بشي يدقق بادق التفاصيل
ولانه اني اعرف الكل يحب دجله لذلك اكيد كنتو منتبهين على الاشياء اللي رح نتذكرها سوه قبل ميصير اللي صار....

واليوم الحلقه الاولى من ذكرياتنا الدجلاويه
وتخص جانب من المشاركات وهاي السوالف

اسئلة الحلقه الاولى
واتمنى ان يعجبكم الموضوع اللي رح نثبت بي ذكرياتنا

س1:شكَد عدد مشاركاتكم قبل الحدث اللي صار حتى لو تقريبي...؟

س2:وين جانت اخر مشاركه الكم (المنتدى او الموضوع بعد احسن)

س3:مواضيع اكثر شي وردودك وين جانت متركزه..؟

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟

هاي اسئلة الحلقه الاولى ان شاء الله تعجبكم الفكره ونكَدر نتواصل

[انشودة المطر]

س1:شكَد عدد مشاركاتكم قبل الحدث اللي صار حتى لو تقريبي...؟
حسب ما اذكر اكثر من 100

س2:وين جانت اخر مشاركه الكم (المنتدى او الموضوع بعد احسن)
بساحة الالعاب والمسابقات

س3:مواضيع اكثر شي وردودك وين جانت متركزه..؟
بهذا المنتدى وساحة الالعاب والمسابقات

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
ما اكدر اجاوب على هذا السؤال لان اي موضوع نزلته الكل جانو ميبخلون بردودهم الحلوه وميقصرون

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
هوايه مواضيع بهذا المنتدى جانت روعه واتمنى كلها ترجع

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
بغض النظر عن الكاتب اني احب اقرا كل المواضيع

هاي اسئلة الحلقه الاولى ان شاء الله تعجبكم الفكره ونكَدر نتواصل
تسلمين يا ملكه فكره كلش حلوه وانتي دائما مبدعه بمواضيعج

[SniperMan.4ever]

س1:شكَد عدد مشاركاتكم قبل الحدث اللي صار حتى لو تقريبي...؟
اذكر جانت مشاركاتي 1136 وجانت عندي 3 نجمات

س2:وين جانت اخر مشاركه الكم (المنتدى او الموضوع بعد احسن)
آخر مشاركة بمنتدى علوم الحياة بموضوع اسئلة وجنت دا اشكرج على مشاركتج وجان جوابج صح وضفت سؤال جديد ووراها ووكف المنتدى

س3:مواضيع اكثر شي وردودك وين جانت متركزه..؟
تركزت بمنتدى علوم الحياة واكثر موضوع رديت عليه هوة مال الاسئلة مال منتدى البايولوجي

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
موضوع مال الانسحاب مالتي ما شاء الله كلها ردت بس الموضوع يعني مو مو حواري بس الحمد لله كلهم اجوي للموضوع

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..
والله هواية مواضيع
بس احب موضوع دردشة جامعة بغداد من افكار الاخ الغالي عبدو عراق لان جان موضوع يعتمد الصراحة وطرح الافكار وكلش راقي واتمنى ان يرجعة الاخ عبدو الوردة

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
كل المواضيع تقريبا جانت حلوة ومعلومات روعة

هاي اسئلة الدور الاول ان شاء الله تعجبكم الفكره ونكَدر نتواصل
شنو هاية يعني آني رسبت ولازم امتحن دور ثاني
ها ملكة ليش هيجي ليش
راح ازعل


مشكوووووووووورة على الموضوع كلش حلو وراقي وفكرتة حلوة وان شاء الله نرجع المنتدى احلى من ما كان
تحياتي



ٍSniper Man 4 Ever

[ملكة اور]

حسب ما اذكر اكثر من 100
زين مرا هوااايه ان شاء الله ترجعيهن

بساحة الالعاب والمسابقات
شنو جنتي تلعبين وعايفتنا ...كم مره ياماماتي كَتلج لمن تريدين تلعبين ويه احد ::237:: جيبي هنا للبيت
اقصد لمنتدى بغداد

بهذا المنتدى وساحة الالعاب والمسابقات
اها مشكوره على تواصلج ويانه::51::

ما اكدر اجاوب على هذا السؤال لان اي موضوع نزلته الكل جانو ميبخلون بردودهم الحلوه وميقصرون
اكيد هو الكل يتواصلون ما شاء الله بس اللي حسيتو الاكثر شعبيه كان
يعني حته ناس لاول مره يشاركون بمواضيعج::37::


هوايه مواضيع بهذا المنتدى جانت روعه واتمنى كلها ترجع
ان شاء الله شويه شويه يرجعوها الشباب ونرجعها احنه وان شاء الله محد يقصر

بغض النظر عن الكاتب اني احب اقرا كل المواضيع
::13::

تسلمين يا ملكه فكره كلش حلوه وانتي دائما مبدعه بمواضيعج
الله يخليج ويسلمج يالغاليه
شكرا على الردود الحلوه وانتي المبدعه باطراءج عزيزتي

مشكوره ورودتنا::51::

[ملكة اور]

اذكر جانت مشاركاتي 1136 وجانت عندي 3 نجمات
اوووووووو خطيه كومه::2:: بس مو اكوم ::237:: من عندي يلله ان شاء الله ترجعهن وانت انعرفت بيهن بعد

آخر مشاركة بمنتدى علوم الحياة بموضوع اسئلة وجنت دا اشكرج على مشاركتج وجان جوابج صح وضفت سؤال جديد ووراها ووكف المنتدى
هيهي همزين جوابي صح ::39:: مشكور على شكرك اللي ولو مشفته بس بعد شريد اخر مشاركه اللي جانت

تركزت بمنتدى علوم الحياة واكثر موضوع رديت عليه هوة مال الاسئلة مال منتدى البايولوجي
::13:: اي والله يستحق خوش موضوع جان...

موضوع مال الانسحاب مالتي ما شاء الله كلها ردت بس الموضوع يعني مو مو حواري بس الحمد لله كلهم اجوي للموضوع

اي صحيح يستحق جان الكل تشارك بي ...بس منريده يرجع ذاك الموضوع::27::
والله هواية مواضيع
بس احب موضوع دردشة جامعة بغداد من افكار الاخ الغالي عبدو عراق لان جان موضوع يعتمد الصراحة وطرح الافكار وكلش راقي واتمنى ان يرجعة الاخ عبدو الوردة
ان شاء الله ايرجعه صدكَ هو من المواضيع اللي اني هم افتقدتها


كل المواضيع تقريبا جانت حلوة ومعلومات روعة
بس هم محددت يعني اذا شفت موضوعين جدد واحد عنوانه شدك بس العضو جديد والثاني لعضو قديم وتعرف مشاركاته حلوه منو اللي تدخل عليه اول شي::2::

هاي اسئلة الدور الاول ان شاء الله تعجبكم الفكره ونكَدر نتواصل
هههههههه صار بيها دور اول ....تره ماكو تحميل بامتحاني::16::
شنو هاية يعني آني رسبت ولازم امتحن دور ثاني
لالالا بالعكس اجوبتك ما شاء الله كلش حلوه
ها ملكة ليش هيجي ليش
هههههه شكو
راح ازعل
تريد تسويها وحده بوحده::13::


مشكوووووووووورة على الموضوع كلش حلو وراقي وفكرتة حلوة وان شاء الله نرجع المنتدى احلى من ما كان
تحياتي


مشكور اخويه على مرورك ومشاركتك
وتواصلكم هو اللي يضيف الروعه للموضوع مهما كان بسيط
وان شاء الله بهمتكم يرجع المنتدى مثل قبل واحسن
تقبل مني التحيه وفائق الاحترام

[Iraqy]

س1:شكَد عدد مشاركاتكم قبل الحدث اللي صار حتى لو تقريبي...؟
اعتقد اكثر من 2000


س2:وين جانت اخر مشاركه الكم (المنتدى او الموضوع بعد احسن)
بموضوع انى كاتبة (شنو شعورك هسة ) ورديت على حضرتج كلتيلى عدى فلاونزة ..صدك شلون صرتى

س3:مواضيع اكثر شي وردودك وين جانت متركزه..؟
منتدى جامعة بغداد

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
اه ما اذكر يمكن موضوع شوفو صورة المراقبة


س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
موضوع للا خت ليدى سجل جامعة بغداد

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟

مفيدة اكيد


مشكورة ملوكة على الموضوع الراقيى

[انشودة المطر]

حسب ما اذكر اكثر من 100
زين مرا هوااايه ان شاء الله ترجعيهن


ملكه اني اعرف همه قليلات بس اني مجنت قديمه مثلكم بالمنتدى واضافه انه عندي ضروف متخليني متواجده دائما على الانترنيت
واعذروني من اي تقصير بحقكم

[ملكة اور]

اعتقد اكثر من 2000
اني هم والله اللي اتذكره اخر رقم قريته 2186


بموضوع انى كاتبة (شنو شعورك هسة ) ورديت على حضرتج كلتيلى عدى فلاونزة ..صدك شلون صرتى
اي صحيح اني اتذكر قريت اللي كتبته بس ملحكَت ارد عليه....مشكور على مشاعرك
ووالله حالياً على درب الكبسول
لان اني اخاف من الابر
وبصراحه المشاركه اللي رديت عليها حظرتك كانت اخر مشاركه اللي بالمنتدى

منتدى جامعة بغداد
الله يديمك ان شاء الله ويديم كل الاعضاء

اه ما اذكر يمكن موضوع شوفو صورة المراقبة
هههههه اي يمكن تقصد مال ليدي اوسكار مو::2::



موضوع للا خت ليدى سجل جامعة بغداد
صحيح حيل حلو وراقي وفكرته حلو نتمنى ترجعه::39:: ::13::

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟

مفيدة اكيد ...يعني تقصد المواضيع المفيده
زين انت شمدريك ياهو المفيد بس من العنوان..؟ لازم اكو شي يجذب فماهو هذا الشيء


مشكورة ملوكة على الموضوع الراقيى
تتدللون ومروركم هو اللي راقي::13::

[ملكة اور]

حسب ما اذكر اكثر من 100

زين مرا هوااايه ان شاء الله ترجعيهن



ملكه اني اعرف همه قليلات بس اني مجنت قديمه مثلكم بالمنتدى واضافه انه عندي ضروف متخليني متواجده دائما على الانترنيت
واعذروني من اي تقصير بحقكم
::1:: لتكَولين تقصير عيوني انتي::1::

حبيبتي الغاليه ورودة المنتدى
اني لمن كَلت هذا الشي حتى متنقهرين عليهن
وعزيزتي اني ما اعز الناس على عدد المشاركات
ما شاء الله عليج انتي دخلتي بكَلبي من اول مشاركه
وان شاء الله نتشرف بتواجدج الدائم بينا وتنحل الظروف اللي تبعدج عنا::51::
::51:: ::51:: اسفه اذا انفهم كلامي خطأ::51:: ::51::

[Iraqy]

اعتقد اكثر من 2000
اني هم والله اللي اتذكره اخر رقم قريته 2186


بموضوع انى كاتبة (شنو شعورك هسة ) ورديت على حضرتج كلتيلى عدى فلاونزة ..صدك شلون صرتى
اي صحيح اني اتذكر قريت اللي كتبته بس ملحكَت ارد عليه....مشكور على مشاعرك
ووالله حالياً على درب الكبسول
لان اني اخاف من الابر انى هم والله وما عندج الا العافية
وبصراحه المشاركه اللي رديت عليها حظرتك كانت اخر مشاركه اللي بالمنتدى انى هم رديت وراها المنتدى عزل


الله يديمك ان شاء الله ويديم كل الاعضاء ويدمج الله ويعزج ملكة دجلة

اه ما اذكر يمكن موضوع شوفو صورة المراقبة
هههههه اي يمكن تقصد مال ليدي اوسكار مو::2::



موضوع للا خت ليدى سجل جامعة بغداد
صحيح حيل حلو وراقي وفكرته حلو نتمنى ترجعه::39:: ::13::

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟

مفيدة اكيد ...يعني تقصد المواضيع المفيده
زين انت شمدريك ياهو المفيد بس من العنوان..؟ لازم اكو شي يجذب فماهو ملكة اعذرينى ترة جنت مفتهم السؤال غلط .طبعا بصراحة مرات العضو يشدنى الى ان ارد ومرات الموضوع



مشكورة ملوكة على الموضوع الراقيى
تتدللون ومروركم هو اللي راقي::13::
لا شنو انتى راقية ::1:: ::1::

[ملكة اور]

تسلم الله يخليك...دائما تخجلوني بكلامكم الحلو ....24\24 حتى بالاربعه الفجر هم دكَ اطراء ههههه
مشكور والله وانتو اهل الرقاوه والطيبه والله

[Iraqy]

تستاهلين اكثر ملكة

[lady_bio]

سلام عليكم
وعليكم السلام ورحمة الله وبركاته ...
شلونكم وشلون الصحه (لتكَولون نشله وكَحه)

ماشي الحال ...

بالنسبه اللي احب منتدى دجله كلش هوايه وتعلقت بي حيل لانه اول منتدى واخر منتدى دخلتله
ورح ابقى مخلصه اله ولأعضاءه
::26:: ::26:: ::26:: ::26::

ومن الاشياء اللي اعرفها ان الانسان لمن يتعلق بشي يدقق بادق التفاصيل

اي والله حب الفضول ...حلووووو

ولانه اني اعرف الكل يحب دجله لذلك اكيد كنتو منتبهين على الاشياء اللي رح نتذكرها سوه قبل ميصير اللي صار....

لا والله مو كلش ...


واليوم الحلقه الاولى من ذكرياتنا الدجلاويه
وتخص جانب من المشاركات وهاي السوالف

اوكي ...


اسئلة الحلقه الاولى
واتمنى ان يعجبكم الموضوع اللي رح نثبت بي ذكرياتنا

اكيد ...مادام انتي المنزلته


س1:شكَد عدد مشاركاتكم قبل الحدث اللي صار حتى لو تقريبي...؟

واللهي مااتذكر ...


س2:وين جانت اخر مشاركه الكم (المنتدى او الموضوع بعد احسن)
بالترفيهي ...

س3:مواضيع اكثر شي وردودك وين جانت متركزه..؟
جامعة بغداد...

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
اول موضوع نزلته بدجلة واللي هو (شحد اللي يكول الصرصور مو مفيد ) ...جان خرافي وصلت الشغلة الى المخابرات والامن ..::237::

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
موضوع اسمة دزني ...

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
اكيد الموضوع نفسه .......

هاي اسئلة الحلقه الاولى ان شاء الله تعجبكم الفكره ونكَدر نتواصل

حلوة .......بس ممخليتنة ترك ....::16::

[FluidMan]

س1:شكَد عدد مشاركاتكم قبل الحدث اللي صار حتى لو تقريبي...؟
كانت 8400 مشاركة تقريبا او اكثر شوية مااذكر


س2:وين جانت اخر مشاركه الكم (المنتدى او الموضوع بعد احسن)
كانت فاجعة الاخ أنجل ولم اشأ أن اشارك في أي موضوع اكتفيت بالتنقل بين اقسام المنتدى


س3:مواضيع اكثر شي وردودك وين جانت متركزه..؟
المنتدى العام والجامعه التكنلوجية والمنتدى الاسلامي قسم الشكاوى والاقتراحات


س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
دجلة نت في الصحافه العراقية .. يوم كتبت صحيفة الصباح العراقيه مثالا يصف دجلة نت بأنه اكبر موقع ومنتدى عراقي.


س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
والله هواي .. خاصه مواضيعي منها لأن كنت اتعب في كتابتهن وتصويرهن لاتذكريني راح ابجي ::27::


س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟

هاي اسئلة الحلقه الاولى ان شاء الله تعجبكم الفكره ونكَدر نتواصل
كل الاعضاء بصراحه خاصة القدامى منهم
اعجبت بمواضيع حضرتك ومواضيع الاخت قطر الندى

[FluidMan]

ملكة أور
شكرا جزيلا على موضوعك الجميل جدا حقيقه
تم تثبيت الموضوع
وننتضر الحلقه القادمه أيظا اعطيني تلميح للمشاركه وتثبيت الموضوع الجديد


تحياتي لك

[lady_bio]

كانت 8400 مشاركة تقريبا او اكثر شوية مااذكر


ماشاء الله ....

فلود طلعت انت اللي جبت العين على المنتدى ....

[FluidMan]

ماشاء الله ....

فلود طلعت انت اللي جبت العين على المنتدى ....

لا يمعودهhttp://us.i1.yimg.com/us.yimg.com/i/mesg/emoticons7/4.gif
خو قاهر الليل مشاركاته 22الف http://us.i1.yimg.com/us.yimg.com/i/mesg/emoticons7/31.gif

[lady_bio]

لا يمعودهhttp://us.i1.yimg.com/us.yimg.com/i/mesg/emoticons7/4.gif
خو قاهر الليل مشاركاته 22الف http://us.i1.yimg.com/us.yimg.com/i/mesg/emoticons7/31.gif

ايابااااااااااااااااااااااااااااا...
لعد اني جنت احسب عندي مشاركات هواية ....

بس طلعت من فقرة المنتدى... http://us.i1.yimg.com/us.yimg.com/i/mesg/emoticons7/4.gif

[انشودة المطر]

حبيبتي الغاليه ورودة المنتدى
اني لمن كَلت هذا الشي حتى متنقهرين عليهن
لا ملكتنا اني منقهرت عليهن لان هسه وخلال فتره اقصر صارن ضعف والحمد لله
وعزيزتي اني ما اعز الناس على عدد المشاركات
اعرف هذا الشي
ما شاء الله عليج انتي دخلتي بكَلبي من اول مشاركه
تسلمين والله انتي هم واني اذكر لحد الان شنوكان اول مشاركي الي وانتي رديتي عليه
وان شاء الله نتشرف بتواجدج الدائم بينا وتنحل الظروف اللي تبعدج عنا
ان شاء الله
::51:: ::51:: اسفه اذا انفهم كلامي خطأ::51:: ::51::
لا بالعكس اني بس حبيت اوضح السبب
وتقبلي تحياتي وسلامي

[FluidMan]

ديلة يا ملكة اور ردي على الرد مالتي والله نعسان واريد انامhttp://us.i1.yimg.com/us.yimg.com/i/mesg/emoticons7/102.gif
من اكعد عود اشوف الرد.http://us.i1.yimg.com/us.yimg.com/i/mesg/emoticons7/4.gif

[ملكة اور]

وعليكم السلام ورحمة الله وبركاته ...
يامية هلا ...الله بالخير جاي كهوه عيوني::13::

ماشي الحال ...
ان شاء الله بأحسن الاحوال

::26:: ::26:: ::26:: ::26::

منو تزوج::237::

اي والله حب الفضول ...حلووووو
شنو قصدج اني فضوليه::1:: هههههه


لا والله مو كلش ...
ليش ...هسه انشوف جوابج واحنه انذكرج بالكَوه




اوكي ...
يلله كَولي يا الله وطكَطكَي اصابيعج::55::



اكيد ...مادام انتي المنزلته
تسلمين حبي الورده::51::



واللهي مااتذكر ...
ليش هيج ..حراااااااااااامات ...بس تدرين اني يمكن اتذكر فد شي بالطعش الف::55::

بعد شتردين صعد الدبل
بالترفيهي ...
اممممممممممم ...الناس تتنفه ومكَظيها بالترفيهي
طكَوكَ

جامعة بغداد...
الله يديمج حبي ويديم كل الاعضاء::51::


اول موضوع نزلته بدجلة واللي هو (شحد اللي يكول الصرصور مو مفيد ) ...جان خرافي وصلت الشغلة الى المخابرات والامن ..::237::
::31:: يمه الشغله صار بيها امن دوله....ما اتدخل ::33::


موضوع اسمة دزني ...
ولو اني مشايفته مع الاسف بس ان شاء الله صاحب الموضوع ينتبه ويرجعه
هاي دعوه مني ومن ليدي::39::


اكيد الموضوع نفسه .......
::13::


حلوة .......بس ممخليتنة ترك ....::16::
تسلمين حبي وذوقج هو اللي حلو ...اسعدني مرورج...ولا والله هذا امتحان كفاءه مابي ترك::16::

[ملكة اور]

كانت 8400 مشاركة تقريبا او اكثر شوية مااذكر
بعد مستشار امن المنتدى
ورئيس فرقة الحشاشه
اكيد ما شاء الله



كانت فاجعة الاخ أنجل ولم اشأ أن اشارك في أي موضوع اكتفيت بالتنقل بين اقسام المنتدى
صحيح والله و اني عرفت بهذا الشي قبل غلق المنتدى بساعتين تقريبا عن طريق الصدفه
وبما انه حظرتك ذكرت هذا الشي هسه
::27:: اتقدم للاخ انجل باحر التعازي..وربي يرحم موتاه ويتغمدهم بفسيح جناته::27::



المنتدى العام والجامعه التكنلوجية والمنتدى الاسلامي قسم الشكاوى والاقتراحات
عضو شامل ما شاء الله::2::
متععد المواهب...فول اوتامتيك



دجلة نت في الصحافه العراقية .. يوم كتبت صحيفة الصباح العراقيه مثالا يصف دجلة نت بأنه اكبر موقع ومنتدى عراقي.
بالحقيقه هو موضوع روعه بالفعل ومشكور على تعبك بي
واني وين ما اكَعد احجي بهذي المعلومه::13:: اللي عرفتها عن طريقك::39::



والله هواي .. خاصه مواضيعي منها لأن كنت اتعب في كتابتهن وتصويرهن لاتذكريني راح ابجي ::27::
لالا لتبجي الدنيا متسوه وانت بعدك ببداية حياتك هههههه::2::
ان شاء الله تسوي الاحلى منهن لعد اني هم كتاباتي كلهن راحن وبجيت عليهن لمن كلت بس
::38:: ::38:: ::38:: ::38:: ::38::

كل الاعضاء بصراحه خاصة القدامى منهم
اعجبت بمواضيع حضرتك ومواضيع الاخت قطر الندى

تسلم والله يخليك ...وقطوره الورده ما شاء الله عليها مواضيعها هم كلش حلوه
اتمنى تشاركنا هنا هم

مشكور اخويه فلود على المرور العطر والتثبيت
وان شاء الله الحلقه الثانيه هم تعجبكم
::13::

[ملكة اور]

لا يمعودهhttp://us.i1.yimg.com/us.yimg.com/i/mesg/emoticons7/4.gif
خو قاهر الليل مشاركاته 22الف http://us.i1.yimg.com/us.yimg.com/i/mesg/emoticons7/31.gif

هههههههههه راح الولد بيها شوفو فلود حتى نفس مدَ يكَدر يجر::27:: ::55::

[ملكة اور]

لا ملكتنا اني منقهرت عليهن لان هسه وخلال فتره اقصر صارن ضعف والحمد لله
الحمد لله
اعرف هذا الشي
::51::
وتقبلي تحياتي وسلامي
وتحياتي وسلامي الج عيوني::51::

[sabawi]

مااااشاء الله عليك احلى مواضيع

[ملكة اور]

مااااشاء الله عليك احلى مواضيع

تسلمين عزيزتي سباوي
واتمنى ان تشاركينا بذكرياتج الدجلاويه
ومشكوره على المرور والاطراء::51::

[Hidden Dragon]

س1:شكَد عدد مشاركاتكم قبل الحدث اللي صار حتى لو تقريبي...؟
جانت 713 مشاركة الي
س2:وين جانت اخر مشاركه الكم (المنتدى او الموضوع بعد احسن)
جانت بالمنتدى العام وهي وفي النهاية انت انسان
س3:مواضيع اكثر شي وردودك وين جانت متركزه..؟
بال سنتر مال التكنو

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
ما اتذكر

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
بغذاد الحزينة للعضو ملاك الميكا

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
والله اهنا مواضيع الاخت اين ليس لوف وعبدو العراق

[ملكة اور]

جانت 713 مشاركة الي
ما شاء الله ...ان شاء الله ترجعهن وازيد باضعاف وتمنياتي لحظرتك بالتميز

جانت بالمنتدى العام وهي وفي النهاية انت انسان

اها مع الاسف محصلي الشرف بالاطلاع عليه..

بال سنتر مال التكنو
ونرحب بيك بيناتنا هم ونتشرف بوجودك يمنه..
ما اتذكر
::27:: حرامات


بغذاد الحزينة للعضو ملاك الميكا
ملاك الميكَا والله ورده واني احب مواضيعها
ان شاء الله ترجع الموضوع::13::


والله اهنا مواضيع الاخت اين ليس لوف وعبدو العراق
والله عبدو واند لس يستاهلون كل خير ومواضيعهم مميزه يستحقون جذب الانتباه اولاً بالتاكيد::39::
مشكور اخويه على المرور واتمنى من حظرتك التواصل ويانه::13::

[القديس بغدادي]

س1:شكَد عدد مشاركاتكم قبل الحدث اللي صار حتى لو تقريبي...؟
عدد المشاركات تجاوز ال400 مساهمة
س2:وين جانت اخر مشاركه الكم (المنتدى او الموضوع بعد احسن)
ما اتذكر بالضبط بس يو بمنتدى كلية الزراعة يو بمنتدى قهوة عزاوي و على الاكثر بمنتدى كلية الزراعة بمواضيع المشتركين الجدد
س3:مواضيع اكثر شي وردودك وين جانت متركزه..؟
بمنتدى كلية الزراعة و قهوة عزاوي و كلية الرافدين و الجامعة المستنصرية و بعض المساهمات هنا و هناك
س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
لعبة سؤال محرج في منتدى كلية الزراعة و جان اكو موضوع كان من الممكن يكون اكثر هو مسابقة منتدى كلية الزراعة اللي راح اكتبة من جديد حال عودة منتدى كلية الزراعة
س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
مو شي محدد بس ممكن موضوع مية هلا بيكم لمشرفة منتدى كلية الزراعة مدا اتذكر اسمهة ( ههه دا اتشاقة ) شلون ننسى اميرة منتدى كلية الزراعة ملكة اور و موضع اميرة المنتدى ملكة اور اللي هو مشاكل عركات كلشي و كلاشي...
س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
ملكة اور و غيرها اللي مدا اتذكر زين يعني اتذكر مو مضبوط و كذلك مواضيع هوبي اقتصاد زراعي

[ملكة اور]

عدد المشاركات تجاوز ال400 مساهمة
ان شاء الله ترجعهن اضعاف الاضعاف ..بتواصلك المميز..

ما اتذكر بالضبط بس يو بمنتدى كلية الزراعة يو بمنتدى قهوة عزاوي و على الاكثر بمنتدى كلية الزراعة بمواضيع المشتركين الجدد
والله اني أكَول انت صاحب واجب وتتواصل دائما بمنتدى الزراعه...
لذلك اكيد جنت ترحب بالاعضاء الجدد::39::
بمنتدى كلية الزراعة و قهوة عزاوي و كلية الرافدين و الجامعة المستنصرية و بعض المساهمات هنا و هناك
ما شاء الله عليك متواصل ويه الكل..بس احنه نطمع انه تركز اغلب المشاركات يمنه بالزراعه ان شاء الله::13::
ولو اني اتصور هو هذا الشي اللي جان موجود

لعبة سؤال محرج في منتدى كلية الزراعة و جان اكو موضوع كان من الممكن يكون اكثر هو مسابقة منتدى كلية الزراعة اللي راح اكتبة من جديد حال عودة منتدى كلية الزراعة

صحيح ان شاء الله يرجع المنتدى وترجع مواضيعك الحلوه وافكارك المميزه تنور من جديد::13::

مو شي محدد بس ممكن موضوع مية هلا بيكم لمشرفة منتدى كلية الزراعة مدا اتذكر اسمهة ( ههه دا اتشاقة ) شلون ننسى اميرة منتدى كلية الزراعة ملكة اور ::57:: ::41:: ::41:: ::57:: تسلم هذا من ذوقك...انتو الامراء وملوك بكلامكم الحلو واخلاقكم العاليه

و موضع اميرة المنتدى ملكة اور اللي هو مشاكل عركات كلشي و كلاشي...
ان شاء الله يرجعن كل مواضيع المنتدى::13:: ..مشكور والله فرحت لمن عرفت انه حظرتك تعتبر مواضيعي حلوات ومن المهم ان يرجعن::39::

ملكة اور و غيرها اللي مدا اتذكر زين يعني اتذكر مو مضبوط و كذلك مواضيع هوبي اقتصاد زراعي
تسلم الله يخليك وهوبي هم والله يستاهل كل خير وهو هم طول الغيبه علينه
......
ويا اهلاً وسهلاً بيك اخويه وين هاي الغيبه
جنتو عايفيني وحدي::27:: أسأل عليكم ومحد يجاوبني
مية هلا برجعتك للمنتدى::39::

[اسير عينيها]

س1:شكَد عدد مشاركاتكم قبل الحدث اللي صار حتى لو تقريبي...؟
اتوقع 1255
س2:وين جانت اخر مشاركه الكم (المنتدى او الموضوع بعد احسن)
يمكن بكليه الزراعه
س3:مواضيع اكثر شي وردودك وين جانت متركزه..؟
بقسم البناء والنشاءات
س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
ليش القاعات وسخه
س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
اكثر شي عجبني الكرسي واجوبه يونتي دائما احب اقراها
س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟

[القديس بغدادي]

......
ويا اهلاً وسهلاً بيك اخويه وين هاي الغيبه
جنتو عايفيني وحدي::27:: أسأل عليكم ومحد يجاوبني
مية هلا برجعتك للمنتدى::39::


العزيزة ملكة اور اميرة منتدى كلية الزراعة
جنت بمشاغل بس ما نسيت المنتدى و تفاجئت من عرفت انو المنتدى اغلق و علما انو اني حاولت ادخل بس كان يقول انو الاسم خطأ و اتصلت بحسن عسى انو يتصل بك و يشوف شنو السبب لكن قبل ما يجاوبني عرفت و سجلت من جديد مثل باقي الاعضاء.
الايام دواير امس جنتي انتي تسألين علينه و عايفيج وحدج و اليوم انتي راح تعوفيني وحدي و ما اعرف شلون.

[ملكة اور]

اتوقع 1255

ان شاء الله ترجهن بوجودك المميز وتواصلك الدائم ويه البناء والانشاءات ويه جامعة بغداد

يمكن بكليه الزراعه

نتشرف احنه اذا يمنا ... واني هم اتوقع بالموضوع مالت الغده مال العبقري او هيج شي::13::
بقسم البناء والنشاءات

ماشاء الله على البناء والانشاءات اعضاءه كلهم مميزين...ان شاء الله ترجع جمعتكم ومتتفرقون
ليش القاعات وسخه

هههههههههه اي الكل محيرهم هذا السؤال.... واحنه مندري انه احنه اللي نوسخ القاعات ..::55::
هو اذا يشمرون العلبه مال الببسي وورق النستله بعد شلون تبقى نظافه....
اكثر شي عجبني الكرسي واجوبه يونتي دائما احب اقراها

صحيح يونتي ورده واجوبتها كانت كلها صريحه ....اوجهلها التحيه ليونتي الورده::51::

مية هلا بيك اخويه اسير واتمنى تتواصل ويه منتديات جامعة بغداد
وتنورنا بالزراعه ونتشرف بيك اخ عزيز

[ملكة اور]

العزيزة ملكة اور اميرة منتدى كلية الزراعة
جنت بمشاغل بس ما نسيت المنتدى و تفاجئت من عرفت انو المنتدى اغلق و علما انو اني حاولت ادخل بس كان يقول انو الاسم خطأ و اتصلت بحسن عسى انو يتصل بك و يشوف شنو السبب لكن قبل ما يجاوبني عرفت و سجلت من جديد مثل باقي الاعضاء.
الايام دواير امس جنتي انتي تسألين علينه و عايفيج وحدج و اليوم انتي راح تعوفيني وحدي و ما اعرف شلون.

بصراحه اخويه قديس اني ماعندي اتصال باي شخص من منتدانا غير توحه وهسه تعرفون ضروفها
هي ماعها اشتراك بشبكه ولا عدهم ارضي...
المهم المنتدى رجع من يوم 1\9
واني عرفت بي يوم2\9
تمنيتكم تتواجدون وظليت افكر بطريقه اتصل بيها بيكم
لذلك ولانه اني ما اعرف ايميل اي شخص منكم
ارتئيت ان ابعث برساله الى مجلة زهرة الصباح ....رحت دورت على المجله والله بين الكتب ضامتها وفرحت لمن لكَيتها وعلى السريع دزيت الرساله وكتبت بيها العنوان الجديد بس الظاهر محد فتح صندوق البريد مال
المجله::27::

صدكَني اللي رح يصير مو بيدي....ولو بيدي ابقى جان بقيت وياكم
بس هو هذا حظي يبعدني دائما عن الناس اللي احبهم ويفرقني عنهم....
اتمنى انه تكونون على يقين بانه اني ابد مراح انساكم وتفكيري كله رح يبقه وياكم وروحي يمكم..
كل اللي اكَدر اكَوله اني هسه هو ان شاء الله ارجع التقي بيكم عن قريب..
ومتشوفون غير كل خير يارب
http://www.7oob.net/smile/data/5/Q82_25.gif

[ملكة اور]

http://www.7oob.net/smile/data/12/Q82_91.gif

اليوم نبتدي باذن الله بأسئلة الحلقه الثانيه
واذكر انه الموضوع ارتئيت ان اطرحه حتى تبقى ذكرياتنه ومننساها بسبب مشاغل الحياة
http://www.7oob.net/smile/data/12/Q82_55.gif
س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
http://www.7oob.net/smile/data/12/Q82_55.gif
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع
http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟
http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله
http://www.7oob.net/smile/data/12/Q82_55.gif
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::39::
http://www.7oob.net/smile/data/12/Q82_55.gif
هاي هي الاسئله الحاليه وان شاء الله تنال اعجابكم::13::

[Hidden Dragon]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي
شهر الثاني من هاي السنة
س2:باي منتدى شاركتو لاول مره...؟ يعني اول رد ضفتوا
بهال المنتدى الجميل
س3:شنو اول اول موضوع نزلتو بالمنتدى...؟
والله ما ادري بس يمكن موضوع اسمة زمن الخيانه

س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..
قبل ملاك الميكا وهسة بعد افتتاح المنتدى من جديد ايند ليس لوف
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
ملاك الميكا
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
اول شي من ملاك الميكا وبعدين من مشرف السيطرة والنظم زياد الحمداني
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم
والله ما ادري ناسي لان اكو هواية مواضيع الي مني اني راحت

[EnDLeSs LoVe]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
والله ما اذكر بالضبط بس على الكثر شهر الرابع.
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع
المنتدى العام واول رد كان لحبي ريد روز
س3:شنو اول اول موضوع نزلتو بالمنتدى...؟
موضوع بالانكلش اسمه the love
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
شي اكيد اخويه هدن دراكون اللي منورني دائما وايضا عبدو وسنايبر و وروده وكل الاعضاء(شبقيت) وبس
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله
ماعرف هوايه ياريت كلهم يرجعون
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
حبي ريد روز اللي عرفتني عليه واني ضليت متابعته لحد ما صار
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم
موضوع كتبته وهديته لبابا الله يرحمه وكلش حبيته


هاي هي الاسئله الحاليه وان شاء الله تنال اعجابكم
مشكوره حبي على الاسئله والله يديمج النا
تحياتي

[انشودة المطر]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
سجلت بتاريخ 20/6/2006 ساعه 7 العصر

س2:باي منتدى شاركتو لاول مره...؟ يعني اول رد ضفتوا
موضوع ديربالكم تشربون عصير راني حبيبات ما اذكر باي منتدى بالضبط
أكيد اول مشاركه الها طعمها الخاص حاولو تتذكرون هو هاي الغايه من الموضوع

س3:شنو اول اول موضوع نزلتو بالمنتدى...؟
اول موضوع بمنتدى همسات الحب اسمه (في ذكرى الرحيل)

س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
الكل ميقصرون
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟

منوه بلكت ديدخل زائر ويقره الموضوع ويرد يرجع بتذكركم اله
بارق الفيزياوي والله اله وحشه

س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
اول مره دخلت لجامعه بغداد ولقيت هذا المنتدى و امي كالتلي دخليله
ومن انقطع جنت يوميه افتحه اكول بلكي رجع والحمد لله رجع

س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم
ما اذكر

هاي هي الاسئله الحاليه وان شاء الله تنال اعجابكم::13::



الاسئله حلوه كلش
وعاشت ايدج عليها

[ملكة اور]

شهر الثاني من هاي السنة
الحمد لله لانك انضميت النه واتعرفنه على اخ عزيز مثلك بهذا الشهر..
بهال المنتدى الجميل

النه الشرف بان تكون واحد من عدنه وتنضم لعائلتنا المتواضعه عائلة جامعة بغداد
اللي تزيد جمال بتواصلكم
والله ما ادري بس يمكن موضوع اسمة زمن الخيانه

مع الاسف اني مشايفته... اتمنى ان اتواصل ويه كل المواضيع المميزه

قبل ملاك الميكا وهسة بعد افتتاح المنتدى من جديد ايند ليس لوف
والنعم منهم ثنيناتهن وردات والله
ملاك الميكا
رجعت هسه والحمد لله::39::
اول شي من ملاك الميكا وبعدين من مشرف السيطرة والنظم زياد الحمداني
والله مشكورين ثنينهم لان رجعولنا عضو مميز للمنتدى
والله ما ادري ناسي لان اكو هواية مواضيع الي مني اني راحت
والله اني هم هوايه شغلات عزيزه عليه راحت وخصوصا الخواطر





مشكور اخويه هدن لمرورك العطر ... شرفتني بتواصلك

[ملكة اور]

والله ما اذكر بالضبط بس على الكثر شهر الرابع.
المهم هسه انتي بيناتنه وهذا المهم ....
المنتدى العام واول رد كان لحبي ريد روز
اها...الله يديم الصداقه والاخوه اللي بيناتكم..::13::
موضوع بالانكلش اسمه the love
اتصور قاريته ما اتذكر بالضبط ...بس اني هيج عناوين تشدني::2::
شي اكيد اخويه هدن دراكون اللي منورني دائما وايضا عبدو وسنايبر و وروده وكل الاعضاء(شبقيت) وبس
ان شاء الله الكل يتواصلون ويه مواضيعج لان بالفعل حلوه...
والصراحه ما شاء الله الكل مميزين
ماعرف هوايه ياريت كلهم يرجعون
ان شاء الله الكل يرجعون...بس اني لمن ردت تحديد اسم لان اكو اعضاء دخلو من جديد بغير القاب او يجون بس زوار
فكلت بلكت يرجعون...::13::

حبي ريد روز اللي عرفتني عليه واني ضليت متابعته لحد ما صار

احنه ممنونين للاخت العزيزه ريد روز....ونتمنى منها تشرفنا بزيارتها وتتواصل ويانه هنا بالجامعه ككل.

موضوع كتبته وهديته لبابا الله يرحمه وكلش حبيته
الله يرحمه ويدخله فسيح جناته يارب....والبقيه بحياتج حبيبتي
وان شاء الله الموضوع حيظل راسخ ببال كل شخص قرا وان لم يحتفظ بي احد عنده

مشكوره حبي على الاسئله والله يديمج النا
تحياتي

تتدللين حياتي وشكراً لمرورج العطر .....وربي يدمج النه هم يالغاليه
تقبلي مني كل التقدير والاحترام

[SniperMan.4ever]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
ههههههه اسئلوا سوليداد لان مدااتذكر بالضبط
http://www.7oob.net/smile/data/12/Q82_55.gif
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع .... اوكي اتذكر ,,, اول شي كتبت موضوع عن طلاب المرحلة مالتي !!!! هذه جانت اول مشاركة
http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟ هوة موضوع طلاب المرحلة مالتي !!! حجيت بيه عنهم وشرحت عنهم بالتفصيل
http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟ والله الشباب كلهم ممقصرين وما احب اذكر اسماء واكون ناكر لجميل بعض الاعضااااء .... ::1:: ::1:: ::1:: ::1::
http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟ والله اكثر شي مشتاق للاخت lovely_girl كلش والهل لان خطية حنة بس آني وياها بالمنتدى مال علوم الحيااة وكلش خوش بنية وحبابة وطبعا مشتاق لهواية اعضاء واولهم جوهرة الكيمياء وبعد وبعد وان شاء الله يرجعولنة باقرب وقت
منوه بلكت ديدخل زائر ويقره الموضوع ويرد يرجع بتذكركم اله
http://www.7oob.net/smile/data/12/Q82_55.gif
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟ والله جواب السؤالين سوليداد http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::43::
جنت حاط موضوع بيه صورتين كلش حلواات وشوية غريبات وفيكة واتمنى يرجع ولو ما اعتقد هذا الشي
بس ان شاء الله بس الكاه ارجعه




شكرا ملوووووووكة على الموضوع وتاخرت بالردود لغاية بنفسي يعني تأخر متعمد شكرا الج وتسلمين

اخوج

Sniper Man 4 Ever

[EmPeRoR]

سلام عليكم(وعليكم السلام)
شلونكم وشلون الصحه (لتكَولون نشله وكَحه)(لا زينين ومشتاقيلج هواية تلش)
بالنسبه اللي احب منتدى دجله كلش هوايه وتعلقت بي حيل لانه اول منتدى واخر منتدى دخلتله
ورح ابقى مخلصه اله ولأعضاءه

ومن الاشياء اللي اعرفها ان الانسان لمن يتعلق بشي يدقق بادق التفاصيل(شنوhttp://69.65.124.149/forums/images/icons/100.gif)
ولانه اني اعرف الكل يحب دجله لذلك اكيد كنتو منتبهين على الاشياء اللي رح نتذكرها سوه قبل ميصير اللي صار....(شنو الاشياء)

واليوم الحلقه الاولى من ذكرياتنا الدجلاويه(شوكت تطلع )
وتخص جانب من المشاركات وهاي السوالف(منو هاي السوالف)

اسئلة الحلقه الاولى(اي وينهة مو انشلع قلبي::2:: )
واتمنى ان يعجبكم الموضوع اللي رح نثبت بي ذكرياتنا(ياذكريات)

س1:شكَد عدد مشاركاتكم قبل الحدث اللي صار حتى لو تقريبي...؟(3450)

س2:وين جانت اخر مشاركه الكم (المنتدى او الموضوع بعد احسن)(بمنتدى الترفيه)

س3:مواضيع اكثر شي وردودك وين جانت متركزه..؟
منتدى العام ومنتدى الترفيه والمرح)

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
والله هواية بس خاصة بالمسابقات

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
كل واحد يعلق على الصورة الشخصية للاخ برومس

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
هذا السؤال مفتهمتة::2::

هاي اسئلة الحلقه الاولى ان شاء الله تعجبكم الفكره ونكَدر نتواصل(حلوة الفكرة بس ليش مكلتيلي عليهة من قبل)






شكرا ملوكة الوردة خوش شغلة

[ملكة اور]

(وعليكم السلام)
الله بالخير...شلون الاهل ان شاء الله بخير::2::
(لا زينين ومشتاقيلج هواية تلش)
الحمد لله لان انتو بخير...وشُتلاً على اطراءك ::21::

(شنوhttp://69.65.124.149/forums/images/icons/100.gif)
::1:: مو دتحجي ويانه هسه وكت تلفون بلله
(شنو الاشياء)
ههههه الف\لام\الف\شين\ياء\الف\همزه
وهي اسم معرف بأل::52::

(شوكت تطلع )
لمن يجي وقت طلعتها::237::
(منو هاي السوالف)
هههههههه شنو كَاعد على الكلمه::56:: السوالف مال خلي نسولف بيناتنا اللي بالمنتدى العام::13::

(اي وينهة مو انشلع قلبي::50:: )
ههههههه اللي يجي من ايده الله....لا لا دا اتشاقه هاي الاسئله بس لتشكي::27::
(ياذكريات)
::33:: كل واحد عنده ذكريات::16::


(3450)
اي ما شاء الله كلهن رجعنلك ...بعد شتريدجايي اداعي بيهن
لو دتغورنه بيهن::237::

(بمنتدى الترفيه)
بيا منتزه جنت بلله هههههههه::52::


منتدى العام ومنتدى الترفيه والمرح)
ونتمنى من كل كَلبنا تتواصل ويانه هم والله ونتشرف بحظرتك



والله هواية بس خاصة بالمسابقات
حرامات اني مو هلكَد ادخل للمسابقات...لان ملكه بعد::16::
والتزاماتي هوايه::2::



كل واحد يعلق على الصورة الشخصية للاخ برومس
اي والله حيل حيل حلو الموضوع واتمنى استاذ برومس يشوف موضوعنا وعن طريقك ومني ومنك هاي دعوه لحظرته ان يرجع الموضوع الحلو::39:: ::13::


هذا السؤال مفتهمتة::50::
مو مال كبار هذا السؤال...هههههه دا اتشاقه
اقصد بي يعني انت اذا شفت موضوعين جدد واحد لشخص انت تتواصل ويا والعنوان ميجذب الانتباه
والثاني لعضو متعرفه بس امبين خوش موضوع
المن تدخل اول شي
يعني تفضل الموضوع لو صاحب الموضوع اولاً
شلون اني اظل اشرحلك ماماتي::2::

(حلوة الفكرة بس ليش مكلتيلي عليهة من قبل)
ان شاء الله على المرات الجايه رح اكَول لحظرتك ولو اني خالتها بالتوقيع ...بس مو هوايه تواصلو ويانه::27::
وممنونه لتواصلك اخويه نورت الموضوع والله::13::

[Hidden Dragon]

مشكورة ملكة اور على هذة الكلمات الجملية والعفو اخوية ابو جاسم من يكدر ينكر الجميل

[EmPeRoR]

شنو ملكة معرفتيني شكد عيب::50::

يعني معقولة تغير الاسم يضيع الواحد زين لعد خلى اروح اسوي مقالب بالبقية

[EmPeRoR]

واذكر انه الموضوع ارتئيت(شنو معناها) ان اطرحه حتى تبقى ذكرياتنه ومننساها بسبب مشاغل الحياة(اي والله تدرين المرة والجهال)
http://www.7oob.net/smile/data/12/Q82_55.gif
س1:باي تاريخ سجلتو بدجله....؟
اذا تذكرون الوقت باليوم والساعه حتى لو تقريبي..
5\7\2006
ساعة 5 العصر

http://www.7oob.net/smile/data/12/Q82_55.gif
س2:باي منتدى شاركتو لاول مره...؟
بارشيف المنتديات(سويت موضوع كلتلهم هاي اغنية ومن يطب الواحد ميكي اي شي)
يعني اول رد ضفتوا(ما اتذكر)
أكيد اول مشاركه الها طعمها الخاص حاولو تتذكرون هو هاي الغايه من الموضوع(مو تذكرنا)
http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟كتلج اسمة اغنية جديدة لملحم زين وهية ماكو اغنية::2::
http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
هواية بس خاصة سوليداد::55::
http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
نايت هاوك(هو فعل عضويتة بس شو ماكو)
منوه بلكت ديدخل زائر ويقره الموضوع ويرد يرجع بتذكركم اله(مفتهمتhttp://69.65.124.149/forums/images/icons/106.gif)
http://www.7oob.net/smile/data/12/Q82_55.gif
س6:منين عرفتو بدجله لاول مره
حسن نيت
.....وحاليا بعد اللي صار منو اللي خبركم بعودته...؟
جنة اني وشوشة المنكوشة نسولف وحارقة كلتلنا
http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::39::
كل مواضيع حزب الخباثة اللي تعبني كلش واني اسوي
http://www.7oob.net/smile/data/12/Q82_55.gif
هاي هي الاسئله الحاليه وان شاء الله تنال اعجابكم::13::
اي حلوة ملكة عاشت ايدج ومن تصير الحلقة الثالثة كوليلي




شكرا ملكة على المجهود الحلو

تحياتي
سابقاemperor2000

[ملكة اور]

ليش معرفتك..........؟؟!!!!!!!!
موكتبت اخويه الامبراطور خريج السادس...مو لو مومو

[EmPeRoR]

ليش معرفتك..........؟؟!!!!!!!!
موكتبت اخويه الامبراطور خريج السادس...مو لو مومو

يمكن والله هاي اني اتصور احتمال http://69.65.124.149/forums/images/icons/45.gif

[ملاك الميكا]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
4 ايار الخامس 2006

http://www.7oob.net/smile/data/12/Q82_55.gif
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع
اول مشاركه بالمنتدى العام جانت..اول من رد حارقه القلوب
ووراهه الثانيه جانت بسنتر التكنولوجيه واول من رد عليهه جانت حجر الدم حجورة الوردة

http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟
موضوع عن النبى داوود عليه السلام..وجان اول اول حجايه انطقهه بالمنتدى


http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
ابو الزوز زياد..وعاشقه الساهر..ويونتى...وهوايه والله ميقصرون كلش هوايه

http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله
والله ليحد الان ملحكت اجيك منو موجود ومنو لا
لان مدا الحك اشوف الناس كلهم يجوز اذكر ناس ويطلعون موجودين
لان انى هستونى جيت


http://www.7oob.net/smile/data/12/Q82_55.gif
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
يووونتييييييييييي ابوف اووول

http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::39::
شوكت تروح تصارح...فوت اذا نجر
وواحد اللاخ على بغداد..جان خلاصه افكارى والله
بس عوضى على الله

http://www.7oob.net/smile/data/12/Q82_55.gif
هاي هي الاسئله الحاليه وان شاء الله تنال اعجابكم::13::











مشششششششكورة وردة حلوة هاى المواضيع
فيكه
واسم الموضوع بعد احلى
شكرا

[ملاك الميكا]

س1:شكَد عدد مشاركاتكم قبل الحدث اللي صار حتى لو تقريبي...؟
اكثر من الف وميتين وخمسين..بس للاسف انى نسيت وكلت اكثر من الف وميه وانعلست شكم مشاركه


س2:وين جانت اخر مشاركه الكم (المنتدى او الموضوع بعد احسن)
بالصور

س3:مواضيع اكثر شي وردودك وين جانت متركزه..؟
يالسنتر والسيطرة..بالتكنو يعنى


س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
موضوع انو كل ولد ينزل صورته..وبعدين قفله فلود مان الله يسامحه مع انو كلش طك الموضوع وكتهه


س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
هوايه مواضيه بصراحه مو كلش اتذكر واحد هسه ميحضرنى يعنى


س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
الموضوع وصاحب الموضوع..قابل من شويه الواحد يبنى سمعه لنفسه
اكو ناس مواضيعهم مميزة دائما اكيد حتى لو العنوان مو شى هم افوت
ومرات العنوان هوة اللى يجذبنى


هاي اسئلة الحلقه الاولى ان شاء الله تعجبكم الفكره ونكَدر نتواصل









مششششششششكورة وردة

[ساطع]

س1:شكَد عدد مشاركاتكم قبل الحدث اللي صار حتى لو تقريبي...؟
قبل حادثة الارتطام الكوكبي كانت مشاركاتي بحدود 4600 مشاركة..

س2:وين جانت اخر مشاركه الكم (المنتدى او الموضوع بعد احسن)
اعتقد قسم العلوم والتكنولوجيا

س3:مواضيع اكثر شي وردودك وين جانت متركزه..؟
قسم العلوم والتكنولوجيا وقهوة عزاوي

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
لعبة المعلومات للاذكياء

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
شنو رايك بالاعضاء

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
الموضوع نفسه بكل تاكيد ولكي اكون صريحا احب اقرا مواضيع برومس على طول...بالرغم انها قليلة وصارت مؤخرا بس تحشيش

[Hidden Dragon]

جانت 713 مشاركة الي
ما شاء الله ...ان شاء الله ترجعهن وازيد باضعاف وتمنياتي لحظرتك بالتميز

جانت بالمنتدى العام وهي وفي النهاية انت انسان

اها مع الاسف محصلي الشرف بالاطلاع عليه..




بال سنتر مال التكنو
ونرحب بيك بيناتنا هم ونتشرف بوجودك يمنه..
ما اتذكر
::27:: حرامات


بغذاد الحزينة للعضو ملاك الميكا
ملاك الميكَا والله ورده واني احب مواضيعها
ان شاء الله ترجع الموضوع::13::


والله اهنا مواضيع الاخت اين ليس لوف وعبدو العراق
والله عبدو واند لس يستاهلون كل خير ومواضيعهم مميزه يستحقون جذب الانتباه اولاً بالتاكيد::39::
مشكور اخويه على المرور واتمنى من حظرتك التواصل ويانه::13::


الف شكر اختي وممنون الج وهم همات تقربيا اتضاعفن ::14::

[ملاك الميكا]

تذكرت الموضوع اللى اريد صاحبته ترجعه
التهنئه مالت عيد ميلادى اللى كتبتهه يونتى
والله جانت يمكن احلى مفتاجأ بعدي ميلادى..والمطر مالت التهانى اللى اجه من ورة الموضوع صدك مينسى
عفيه ياريت صدك يكدرون يرجعون المواضيع مالتنه
لان احنه نعتبر نفسه النه حياه خاصه هنا...غير برة وغير اللى ويه الناس
ياريت يرجع ماضينه...حلو هذا المصطلح مو؟؟؟
خنفشارى فد مرة ...ماضينه

هجم بيت الفصاحه

[SoLeDaD]

1:شكَد عدد مشاركاتكم قبل الحدث اللي صار حتى لو تقريبي...؟
والله تقريباً 4200

س2:وين جانت اخر مشاركه الكم (المنتدى او الموضوع بعد احسن)
والله اعتقد اخر موضوع جان لوحه التميز جنت اشتغل بيها وجان تطفه الكهرباء ::2::

س3:مواضيع اكثر شي وردودك وين جانت متركزه..؟
بالعام جنت ولا زلت لاطش بيه ::55::

س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
والله موضوعي ( شنو رنه هاتفك النقال) شو هوايه ردوا عليه ليش ما اعرف ::26::

س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
والله تقريبا ماكو اكثر المواضيع الحواريه الي بالعام رجعت والحمد لله

س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..؟
والله يا اختي ملكه اور اني لازم ارد على كل مواضيع العام ..يعنيما يفرق العضو او موضوعه

وتقبلي تحياتي مميزة فيما كتبتي

[تحسين]

ممكن التعرف على ماكة اور اذا كان لديك ايميل ارجو ان تبعثيه لي انا من بغداد

[تحسين]

العفو ملكه اور

[تحسين]

ارجو الاجابة

[FluidMan]

[quote=ملكة اور]



س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
شهر الخامس الفين وسته بالعصر
http://www.7oob.net/smile/data/12/Q82_55.gif
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع
منتدى الجامعه التكنلوجيه كان عبارة عن منتدى واحد فقط
http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟
ماذا سندرس في الصف الثاني ::2::
http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
سرى وعاشقة أيطاليا ::39::
http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله
والله كلش هواي خاصه الاعضاء القدماء اول ماسجلت انتو متذكروهم يمكن ::38::
http://www.7oob.net/smile/data/12/Q82_55.gif
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
رفته من ولد بالشعبه وبعد مرجع من انجل ::14::
http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::39::
والله كلش هواي واني بالذات المواضيع الي ناقلهن قليله جدا
كله اكتب من افكاري
بس مرة كتبت موضوع تحشيشي مال رواية دجله نت اثار ضجة بالمنتدى ::2:: اتمنى انه يرجع ::38::
http://www.7oob.net/smile/data/12/Q82_55.gif

شكرا لك اختي ملكة اور
ربي يوفقك ::51::

[SoLeDaD]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..

شهر الواحد الفين وسته اعتقد الصبح كانت ما اذكر بالضبط الوقت

http://www.7oob.net/smile/data/12/Q82_55.gif
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع

والله منتديات جامعه بغداد وما اتذكر اول موضوع بس هو جان فاشل والحمد لله ::237::

http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟
اي دونت ريميبير سوري ملكه ::38::
http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
والله هوايه اعضاء بصراحه ملكه ما اكدر احدد لان هم كلش هوايه وخصوصا شله المنتدى العام واذاكر منهم عاشقه القيصر عاشقه الساهر بلو ايز تمارة لؤلؤة وامبراطور ونايت هوك رورو انجل شوشه المنكوشه عاشقه ايطاليا اكس مين كروزي الورد وعدد اخر كبيررررررررررر
http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله

والله بلو ايز وعاشقه الساهر بس رجعوا الحمد لله

http://www.7oob.net/smile/data/12/Q82_55.gif
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
اول مرة ولد بالجامعه التكنلوجيه غير موجود حاليا

ومن رجع حسين العراق مشرف المنتدى الثقافي

http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه
والله ملكه اذا هو فكرة شخصيه اكيد رح اكدر ارجعها واني الحمد لله رجعت معظم مواضيعي الي احبها للعام ولسوالف دجله

الف شكر ملكه والله تدرين الفكرة جان ابلي من البدايه انزلها بالعام
وعاشت ايدج وردة ملكه اور

تحياتي

[SoLeDaD]

بس لحظه ::2:: ::2::

لكفت شي اريد اعلق عليه ::237::


كولولي فلودي http://www.dijlh.net/forums/images/icons/9.gif عليكم الله http://us.i1.yimg.com/us.yimg.com/i/mesg/emoticons7/2.gif المايكولي هيج اسويله http://us.i1.yimg.com/us.yimg.com/i/mesg/emoticons7/66.gif


ولك ليش تقلد ::56:: ::56::

انت فلود ومرات تصير فلايد::237::

لو تخاف من رح اخذ درس فلود سنه الجايه يطلع صعب واعلسك::2::

اني اول واحد ما اصيحلك
::52:: ::52::

[ملكة اور]

سجلت بتاريخ 20/6/2006 ساعه 7 العصر
ما شاء الله على الذاكره اني يادوب اتذكر اليوم والشهر وهم يمكن الظهريه سجلت::2::


موضوع ديربالكم تشربون عصير راني حبيبات ما اذكر باي منتدى بالضبط
اي عفيه اني منتبهه على هذا الموضوع ... وحته كَلت المعلومه لكل اللي اعرفهم ولو اني من البدايه كنت اكره هذا العصير::13:: عاشت ايدج عليه


اول موضوع بمنتدى همسات الحب اسمه (في ذكرى الرحيل)
اممممممم...حرامات مقريته لان اني احب هيج مواضيع::41::


الكل ميقصرون
ان شاء الله الكل ميقصرون ...بس بالتاكيد اكو اشخاص حيل هوايه يتواصلون ويه كل المواضيع وبستحقون الذكر::13::

بارق الفيزياوي والله اله وحشه
صحيح اني هم منبهه على هذا العضو كان يشارك بالعام وبالالعاب والمسابقات ان شاء الله يرجع::39::

اول مره دخلت لجامعه بغداد ولقيت هذا المنتدى و امي كالتلي دخليله
ومن انقطع جنت يوميه افتحه اكول بلكي رجع والحمد لله رجع
الحمد لله لان انتي هسه بيناتنا...بس شنو ماما تدري بدجله قبلج وهي اللي دلتج عليه::26::



ما اذكر
حرامات والله انتي مواضيعج كلها حلوه::13::
.....

تدللين عيوني...ومشكوره على تواصلج وايدج العايشه ان شاء الله::51::

[ملكة اور]

ههههههه اسئلوا سوليداد لان مدااتذكر بالضبط
يلله هسه نسأل عمو سولي ابو سنبور::237:: شوكت سجلت بالمدرسه::2::
http://www.7oob.net/smile/data/12/Q82_55.gif

اوكي اتذكر ,,, اول شي كتبت موضوع عن طلاب المرحلة مالتي !!!! هذه جانت اول مشاركة
::14:: همزين اتذكرت والله عفيه عليك عندك ولاء لطلاب مرحلتك::39:: بس هنا ردت اول رد يعني رد على مشاركه
http://www.7oob.net/smile/data/12/Q82_55.gif
هوة موضوع طلاب المرحلة مالتي !!! حجيت بيه عنهم وشرحت عنهم بالتفصيل
هم عفيه عليك...وان شاء الله ربي يديمك الهم ويديمه::13::

http://www.7oob.net/smile/data/12/Q82_55.gif
والله الشباب كلهم ممقصرين وما احب اذكر اسماء واكون ناكر لجميل بعض الاعضااااء .... ::1:: ::1:: ::1:: ::1::
على كيفك يمعود::1:: مرايديك تصير ناكر للجميل
اني قصدي من الموضوع انه تبين اذا اكو شخص مميز مهتم بكل مواضيعك انه انت منتبه عليه::13::
http://www.7oob.net/smile/data/12/Q82_55.gif
والله اكثر شي مشتاق للاخت lovely_girl كلش والهل لان خطية حنة بس آني وياها بالمنتدى مال علوم الحيااة وكلش خوش بنية وحبابة وطبعا مشتاق لهواية اعضاء واولهم جوهرة الكيمياء وبعد وبعد وان شاء الله يرجعولنة باقرب وقت
ان شاء الله يرجعون وممنونين لحظرتك لان ذكرت لفلي كَيل لان صدك مفتقديها عساها بخير يارب

http://www.7oob.net/smile/data/12/Q82_55.gif
والله جواب السؤالين سوليداد
ممنونين لسوليداد لان عرفك بالمنتدى وخلانه نكسب اخ جديد
وربي يديم صداقتكم طول العمر::13::

http://www.7oob.net/smile/data/12/Q82_55.gif

جنت حاط موضوع بيه صورتين كلش حلواات وشوية غريبات وفيكة واتمنى يرجع ولو ما اعتقد هذا الشي
بس ان شاء الله بس الكاه ارجعه
لا تفائلو بالخير تجدوه ان شاء الله يرجعن حتى لو مو عن طريق منتدانا ان شاء الله اثناء تصفحك بالانترنت تلاكَيهن وترجعهن




شكرا ملوووووووكة على الموضوع
تتدلل اخويه واني اللي اشكر مرورك

وتاخرت بالردود لغاية بنفسي يعني تأخر متعمد شكرا الج وتسلمين
شنيه الغايه ممكن نعرف::2::


تسلم اخويه وتقبل مني كل التقدير والاحترام

[ملكة اور]

مشكورة ملكة اور على هذة الكلمات الجملية والعفو اخوية ابو جاسم من يكدر ينكر الجميل
تتدلل اخويه داركون على المرور مره ثانيه ..
تقبل كل التقدير والاحترام

[ملكة اور]

ارتئيت(شنو معناها)
هاي شغلات مال كبار عود لمن تكبر تفتهمها::2::
(اي والله تدرين المرة والجهال)
امممممم هسه عرفت ليش صاير حشاش::36:: من وراهم::27::
http://www.7oob.net/smile/data/12/Q82_55.gif
5\7\2006
ساعة 5 العصر
::31:: ايبااااااااااااااااااااااااااااه شنو هاي الذاكره

http://www.7oob.net/smile/data/12/Q82_55.gif

بارشيف المنتديات(سويت موضوع كلتلهم هاي اغنية ومن يطب الواحد ميكي اي شي)
ميكي لو ميني ...ميكي ماوس::2::
يعني اول رد ضفتوا(ما اتذكر)
طبعا التحشيش اينسي اكبر واحد::237::

http://www.7oob.net/smile/data/12/Q82_55.gif

كتلج اسمة اغنية جديدة لملحم زين وهية ماكو اغنية::50::
كلت ميكي وين كَلت ماكو ::1::

http://www.7oob.net/smile/data/12/Q82_55.gif

هواية بس خاصة سوليداد::55::
والله اني هم اكَله شكراً لان ديخصص من وقته للكل...
http://www.7oob.net/smile/data/12/Q82_55.gif

نايت هاوك(هو فعل عضويتة بس شو ماكو)
اي والله نايت هوك عضو مميز ان شاء الله يرجع ويجي يشرفنا هنانه::39::
(مفتهمتhttp://69.65.124.149/forums/images/icons/106.gif)
مو مشكلتي::36::
http://www.7oob.net/smile/data/12/Q82_55.gif
حسن نيت
نتوجهله بالشكر لان عرفنه على اخ حشاش جديد
(حشاش انتيكه)::237::

جنة اني وشوشة المنكوشة نسولف وحارقة كلتلنا
والله نشكر حروقه الورد بس هي اشو ماكو والله اشتاقيتلها::27::
http://www.7oob.net/smile/data/12/Q82_55.gif

كل مواضيع حزب الخباثة اللي تعبني كلش واني اسوي
ان شاء الله اعضاء الحزب يرجعوها بلكت احد حشاش محتفظ بيهن::14::
http://www.7oob.net/smile/data/12/Q82_55.gif

اي حلوة ملكة عاشت ايدج ومن تصير الحلقة الثالثة كوليلي
مشكور اخويه على تواصلك وان شاء الله لمن اكتب الحلقه الجديده
اللي الشرف ان اكَللكم::13::

[ملكة اور]

4 ايار الخامس 2006
ان شاء الله يبقى هذا اليوم مميز بتواصلج ويانه كل سنه نلاكَيج موجوده بي بيناتنه


http://www.7oob.net/smile/data/12/Q82_55.gif

اول مشاركه بالمنتدى العام جانت..اول من رد حارقه القلوب
ووراهه الثانيه جانت بسنتر التكنولوجيه واول من رد عليهه جانت حجر الدم حجورة الوردة
والله اصيله وتتذكرين الكل ... وبصراحه مشتاقين لتواصل حارقه وتشجيعها عساها تكون بخير::27::

http://www.7oob.net/smile/data/12/Q82_55.gif

موضوع عن النبى داوود عليه السلام..وجان اول اول حجايه انطقهه بالمنتدى
عفيه عليج البدايه الحلوه...بس مع الاسف مشفت الموضوع::13::


http://www.7oob.net/smile/data/12/Q82_55.gif

ابو الزوز زياد..وعاشقه الساهر..ويونتى...وهوايه والله ميقصرون كلش هوايه
ممنونه لحظرتج لانج حددتي اسماء وان شاء الله الكل همه يستحقون الشكر بس هي الغايه من السؤال تعريف اللي نذكرهم بانه احنه دنحس بتواصلهم واهتمامهم..

http://www.7oob.net/smile/data/12/Q82_55.gif


والله ليحد الان ملحكت اجيك منو موجود ومنو لا
لان مدا الحك اشوف الناس كلهم يجوز اذكر ناس ويطلعون موجودين
لان انى هستونى جيت
ومية هلا برجعتج وان شاء الله كل اللي تعزيهم داير مدايرج يتواجدون


http://www.7oob.net/smile/data/12/Q82_55.gif

يووونتييييييييييي ابوف اووول
ممنونين ليونتي الغاليه الورده اللي عرفتنه بورده مثلج واخ غاليه::51::



http://www.7oob.net/smile/data/12/Q82_55.gif

شوكت تروح تصارح...فوت اذا نجر
ههههههههههه...والله اني اتمنى ترجعي لهذا الموضوع لان من عنوانه لطيف امبين::2::
وواحد اللاخ على بغداد..جان خلاصه افكارى والله
بس عوضى على الله
اي والله هيج مواضيع الواحد ينقهر عليها...بلكت احد يرجعيالج..واني هم حواطري كلها راحت::27::

http://www.7oob.net/smile/data/12/Q82_55.gif
تسلمين على اطراءج للموضوع يالغاليه
واكيد الموضوع ازداد جمال بمرورج ومرور الكل

[ملكة اور]

س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
شهر الخامس الفين وسته بالعصر
ما ااعرف اكيد انت اعرف بهذا الشي بس اشو اتصور كنت حظرتك مسجل بالالفين وخمسه
::33::
http://www.7oob.net/smile/data/12/Q82_55.gif

منتدى الجامعه التكنلوجيه كان عبارة عن منتدى واحد فقط
اي جامعة بغداد هم كان هيج ويمكن لو قسمين بي لو لا لمن سجلت اني::55::
http://www.7oob.net/smile/data/12/Q82_55.gif

ماذا سندرس في الصف الثاني ::2::
هههههههه...الله على المثابره والاجتهاد::13::
http://www.7oob.net/smile/data/12/Q82_55.gif

سرى وعاشقة أيطاليا ::39::
وردات والله وبالفعل يسنحقن الشكر::39:: والملح هم ههههه::51::
http://www.7oob.net/smile/data/12/Q82_55.gif

والله كلش هواي خاصه الاعضاء القدماء اول ماسجلت انتو متذكروهم يمكن ::38::
لا نتذكرهم بس انته دكَول اسماء::38::
http://www.7oob.net/smile/data/12/Q82_55.gif
عرفته من ولد بالشعبه وبعد مرجع من انجل ::14::
اهم شي هسه حظرتك بيناتنا ومشكور كل شخص عرفك بالمنتدى
http://www.7oob.net/smile/data/12/Q82_55.gif

والله كلش هواي واني بالذات المواضيع الي ناقلهن قليله جدا
كله اكتب من افكاري
بس مرة كتبت موضوع تحشيشي مال رواية دجله نت اثار ضجة بالمنتدى ::2:: اتمنى انه يرجع ::38::
ان شاء الله ترجع كل مواضيعك بس لتبجي::27:: ::2::
http://www.7oob.net/smile/data/12/Q82_55.gif

شكرا لك اختي ملكة اور
ربي يوفقك ::51::

اني اللي اشكر حظرتك على التواصل المميز والحلووالتوفيق للجميع ان شاء الله اخويه فلودي

[ملكة اور]

شهر الواحد الفين وسته اعتقد الصبح كانت ما اذكر بالضبط الوقت
زين لعد اني بعدك بشهر تقريباً سجلت...
بس حظرتك ما شاء الله عليك مُشَهوَر::237:: ::39::

http://www.7oob.net/smile/data/12/Q82_55.gif


والله منتديات جامعه بغداد وما اتذكر اول موضوع بس هو جان فاشل والحمد لله ::237::
ههههههههههه...الاعتراف بالخطأ فضيله::16::
بس ليش تنزل موضوع فاشل يمنه والتوب بالعام::56::

http://www.7oob.net/smile/data/12/Q82_55.gif
اي دونت ريميبير سوري ملكه ::38::
لا اي دونت ريممبر عراقي اتصور مو سوري ...هههه ::237::
عادي اخويه ان شاء الله تتذكر
http://www.7oob.net/smile/data/12/Q82_55.gif

والله هوايه اعضاء بصراحه ملكه ما اكدر احدد لان هم كلش هوايه وخصوصا شله المنتدى العام واذاكر منهم عاشقه القيصر عاشقه الساهر بلو ايز تمارة لؤلؤة وامبراطور ونايت هوك رورو انجل شوشه المنكوشه عاشقه ايطاليا اكس مين كروزي الورد وعدد اخر كبيررررررررررر
اشكر حظرتك لانك ذكرت هذي الاسماء وربي يديمهم الك ويديمك الهم
http://www.7oob.net/smile/data/12/Q82_55.gif



والله بلو ايز وعاشقه الساهر بس رجعوا الحمد لله
الحمد لله ::14:: ومية هلا بيهم::39::

http://www.7oob.net/smile/data/12/Q82_55.gif

اول مرة ولد بالجامعه التكنلوجيه غير موجود حاليا


ومن رجع حسين العراق مشرف المنتدى الثقافي
مشكورين ثنيناتهم وممنونين الهم::13::
وان شاء الله يرجع الولد اللي عرفنه بيك من جديد::27::
ومحد يترك دجله


http://www.7oob.net/smile/data/12/Q82_55.gif

والله ملكه اذا هو فكرة شخصيه اكيد رح اكدر ارجعها واني الحمد لله رجعت معظم مواضيعي الي احبها للعام ولسوالف دجله
والله اني سألت هذا السؤال لان مواضيعي راحت ومدا اعرف ارجعها لاني ما احفظ اللي اكتبه::38::

الف شكر ملكه والله تدرين الفكرة جان ابلي من البدايه انزلها بالعام
اني هم كنت مفكره انزلها بالعام
بس نزلتها هنا حتى اجذب زوار اكثر لمنتدانا الغالي::13::
وعاشت ايدج وردة ملكه اور
ايدك العايشه اخويه تسلم::39::

تحياتي
وتقبل مني كل التقدير والاحترام::13:: وممنونه لحظرتك على التواصل

[ملكة اور]

بس لحظه ::2:: ::2::
اي لحظات اخذ اخويه سوليداد::2::







ولك ليش تقلد ::56:: ::56::
خطيه ليش هيج تعيب لفلودي

انت فلود ومرات تصير فلايد::237::
مو حاليا مقهور وتعبان وحالته النفسيه مو هلكَد::27::

لو تخاف من رح اخذ درس فلود سنه الجايه يطلع صعب واعلسك::2::
ليش تحجون بامور منعرفها::1:: هههههه::16::
(هسه اني شدخلني::237:: )

اني اول واحد ما اصيحلك
::52:: ::52::

بس اتذكر هو كَال عليكم الله وحلف بعد

[SoLeDaD]

شهر الواحد الفين وسته اعتقد الصبح كانت ما اذكر بالضبط الوقت
زين لعد اني بعدك بشهر تقريباً سجلت...
بس حظرتك ما شاء الله عليك مُشَهوَر::101:: ::43::

ثانك يو ذا اتس كايند فروم يو .. بليس تراي اكين ليتر ههههه

اشكرج اختي ملكه والله تدرين اني شهر الواحد سجلت وشهر الرابع يله كمت اشارك ::14:: ::14::



http://www.7oob.net/smile/data/12/Q82_55.gif



والله منتديات جامعه بغداد وما اتذكر اول موضوع بس هو جان فاشل والحمد لله ::101::
ههههههههههه...الاعتراف بالخطأ فضيله::16::
بس ليش تنزل موضوع فاشل يمنه والتوب بالعام::56::
لا والله مو ملكه اني جنت بالبدايات وما اعرف شنو منتدى ::27::

بس هسه تعلمت ::26:: ::26::



اي دونت ريميبير سوري ملكه ::38::
لا اي دونت ريممبر عراقي اتصور مو سوري ...هههه ::101::
عادي اخويه ان شاء الله تتذكر
لا سوري اصلا هو صيني بس كاتبين عليه سوري ::52::


http://www.7oob.net/smile/data/12/Q82_55.gif

والله هوايه اعضاء بصراحه ملكه ما اكدر احدد لان هم كلش هوايه وخصوصا شله المنتدى العام واذاكر منهم عاشقه القيصر عاشقه الساهر بلو ايز تمارة لؤلؤة وامبراطور ونايت هوك رورو انجل شوشه المنكوشه عاشقه ايطاليا اكس مين كروزي الورد وعدد اخر كبيررررررررررر
اشكر حظرتك لانك ذكرت هذي الاسماء وربي يديمهم الك ويديمك الهم
الله يخليج ويديمج النا اختي
::37:: ::37::


http://www.7oob.net/smile/data/12/Q82_55.gif



والله بلو ايز وعاشقه الساهر بس رجعوا الحمد لله
الحمد لله ::14:: ومية هلا بيهم::43::
وميه هله بيج همين لان انتي ردتي تعوفينا بس الحمد لله رجعتي وبعد لا تعوفينا ::1::

http://www.7oob.net/smile/data/12/Q82_55.gif

اول مرة ولد بالجامعه التكنلوجيه غير موجود حاليا


ومن رجع حسين العراق مشرف المنتدى الثقافي
مشكورين ثنيناتهم وممنونين الهم::13::
وان شاء الله يرجع الولد اللي عرفنه بيك من جديد::27::
ومحد يترك دجله
لا والله هو هذا الولد جانت عنده شغله بدجله كملها وراح هههههههه



http://www.7oob.net/smile/data/12/Q82_55.gif

والله ملكه اذا هو فكرة شخصيه اكيد رح اكدر ارجعها واني الحمد لله رجعت معظم مواضيعي الي احبها للعام ولسوالف دجله
والله اني سألت هذا السؤال لان مواضيعي راحت ومدا اعرف ارجعها لاني ما احفظ اللي اكتبه::38::
لا حرامات ::27:: ::27::

يله ان شالله ترجعلنا افكارج الحلوة اختي
الف شكر ملكه والله تدرين الفكرة جان ابلي من البدايه انزلها بالعام
اني هم كنت مفكره انزلها بالعام
بس نزلتها هنا حتى اجذب زوار اكثر لمنتدانا الغالي::13::

ان شالله يتطور بعد وبعد منتدى جامعه بغداد بعد جامعتنا هي

وعاشت ايدج وردة ملكه اور
ايدك العايشه اخويه تسلم::43::
تدللين ملكه اخت عزيزة ::39::

تحياتي
وتقبل مني كل التقدير والاحترام::13:: وممنونه لحظرتك على التواصل
تدللين وميه هله ::37::

[FluidMan]

والله كلش هواي خاصه الاعضاء القدماء اول ماسجلت انتو متذكروهم يمكن ::38::
لا نتذكرهم بس انته دكَول اسماء::38::

والله اذا اكتب اسماء ماتخلص
بس احب اذكر منهم:
مرحب
قطر الندى بس الحمد لله رجعتنه
مايكروسوفت
نورهان
البتول
ناريمان
البصرة الحبيبه
لأجلك حبيبتي
بنت البصرة دجله
شمس البصرة
منى البصراوية
سنان جيتي
ارشد سيفيا
حشاش السيدية الله يرحمة ::27::
رضوان الامير
سيزر
فلة
صفين
HCL
احمدرووي
Kellmeee
لوف مي
عسولة العراق
بيو
سرى الصراف
ببووون
بتية جاب
سونسون
رمل البحر
شموسة
ايس فنتورا
ضرغام السعداوي
عراقي مغترب
غريب الدار
برنولي
سمارت بوي
غريب الدار من بعدك يا عراق (الي تصير عمتي ::2:: )
بنوتة العراق


اشو طارو من بالي والله مدا اذكرهم ::38:: ::38::

[SoLeDaD]

بس لحظه ::50:: ::50::
اي لحظات اخذ اخويه سوليداد::50::
اشكرج http://69.65.124.149/forums/images/icons/brsh1.gif








ولك ليش تقلد ::56:: ::56::
خطيه ليش هيج تعيب لفلودي
هاي انتي سمعتي كلامه فلودي شنو ::1:: ::1::

انت فلود ومرات تصير فلايد::101::
مو حاليا مقهور وتعبان وحالته النفسيه مو هلكَد::27::
هو دائما هيج ::237::

لو تخاف من رح اخذ درس فلود سنه الجايه يطلع صعب واعلسك::50::
ليش تحجون بامور منعرفها::1:: هههههه::16::
(هسه اني شدخلني::101:: )
لا اذا تريدون اكولكم

الفلود هو ...

مو هسه سنه الجايه اكولكم ::2::


اني اول واحد ما اصيحلك
::52:: ::52::


بس اتذكر هو كَال عليكم الله وحلف بعد

ميخالف بس هسه احنا قابل نسمع كلامه ::52::

[FluidMan]

ولك ليش تقلد ::56:: ::56::
خطيه ليش هيج تعيب لفلودي
هاي انتي سمعتي كلامه فلودي شنو ::1:: ::1::


هوه جم فلود عدكم بالمنتدى ليش ماصيحولي فلودي ::27:: ::27:: ::27::

[SniperMan.4ever]

على كيفك يمعود::1:: مرايديك تصير ناكر للجميل
اني قصدي من الموضوع انه تبين اذا اكو شخص مميز مهتم بكل مواضيعك انه انت منتبه عليه::13::

والله تواصلكم وياية كلش حلو
وقصدي يا اختي هوة انو ما احب اذكر اسماء لان اللي متواصلين وياية هوااية وطبعا اكو ميفوتولي موضوع واكو نص ونص واكو اصلا ميرد على مواضيعي بالسنة مرة على الرغممن حبي الة وتواصلي وياه والله يهدي النفوس

وتاخرت بالردود لغاية بنفسي يعني تأخر متعمد شكرا الج وتسلمين
شنيه الغايه ممكن نعرف::50::


حبيت اعرف راي شكم عضو بيه
او .............
يالله .... المهم اللي ردت اعرفة عرفتة والحمد لله
شكرا اختي العزيزة


سنااااااااااااااااايبر

[ملكة اور]

ثانك يو ذا اتس كايند فروم يو .. بليس تراي اكين ليتر ههههه
ههههههههههه...

اشكرج اختي ملكه والله تدرين اني شهر الواحد سجلت وشهر الرابع يله كمت اشارك ::14:: ::14::
ما شاء الله عليك..مميز رغم قصر المده



http://www.7oob.net/smile/data/12/Q82_55.gif




لا والله مو ملكه اني جنت بالبدايات وما اعرف شنو منتدى ::27::

بس هسه تعلمت ::26:: ::26::
اني هم مكنت اعرف شي عن المنتديات وهسه تعلمت شويه::14::




لا سوري اصلا هو صيني بس كاتبين عليه سوري ::52::
ههههههههه::13:: اي طبعا لان العراقيين كلهم ريممبر::39::


http://www.7oob.net/smile/data/12/Q82_55.gif


الله يخليج ويديمج النا اختي
::37:: ::37::
ويديكم اللي يارب
::39::


http://www.7oob.net/smile/data/12/Q82_55.gif


وميه هله بيج همين لان انتي ردتي تعوفينا بس الحمد لله رجعتي وبعد لا تعوفينا ::1::
والله هو قرارنا ردنا نسافر..بس اتأجل الموضوع مو انلغه::27::


http://www.7oob.net/smile/data/12/Q82_55.gif


لا والله هو هذا الولد جانت عنده شغله بدجله كملها وراح هههههههه
هههههههه...هم ان شاء الله يرجعون الكل



http://www.7oob.net/smile/data/12/Q82_55.gif


لا حرامات ::27:: ::27::

يله ان شالله ترجعلنا افكارج الحلوة اختي
والله اذا على افكار المواضيع بصوره عامه عادي يمكن اتذكر
بس الخواطر مدا اتذكرها والله::27::

ان شالله يتطور بعد وبعد منتدى جامعه بغداد بعد جامعتنا هي
ان شاء الله تتطور بتواصلكم ::37::


تدللين ملكه اخت عزيزة ::39::
مشكور اخويه...

تدللين وميه هله ::37::
ومية هلا بالكل::37::

[ملكة اور]

والله اذا اكتب اسماء ماتخلص
بس احب اذكر منهم:
مرحب
قطر الندى بس الحمد لله رجعتنه
مايكروسوفت
نورهان
البتول
ناريمان
البصرة الحبيبه
لأجلك حبيبتي
بنت البصرة دجله
شمس البصرة
منى البصراوية
سنان جيتي
ارشد سيفيا
حشاش السيدية الله يرحمة ::27::
رضوان الامير
سيزر
فلة
صفين
HCL
احمدرووي
Kellmeee
لوف مي
عسولة العراق
بيو
سرى الصراف
ببووون
بتية جاب
سونسون
رمل البحر
شموسة
ايس فنتورا
ضرغام السعداوي
عراقي مغترب
غريب الدار
برنولي
سمارت بوي
غريب الدار من بعدك يا عراق (الي تصير عمتي ::2:: )
بنوتة العراق


اشو طارو من بالي والله مدا اذكرهم ::38:: ::38::

والله كلهم على الراس نتمنى يرجعون واني اعرف هوايه منهم واضيف للقائمه
حزن العراق
سجاد البصراوي
ارسلان العراقي
شيخ العاشقين
والتركي .......اللي رجع البارحه والحمد لله::39::
وحروقه الغاليه مدا اشوفها..
والاخ المحترم رغم عدوم تواصلي ويا عبد الكريم قاسم
وتوحه الدلوعه
وهوبي اقصاد زراعي
وهوبا
وورد

وهوايه الصراحه ماكو..........
مشكوره لحظرتك اخويه لتذكرك هاي القائمه من الاسماء::13:: وياربي يكونون الكل بخير::27::

[ملكة اور]

اشكرج http://69.65.124.149/forums/images/icons/brsh1.gif
تتدلل بس لتنغر::16::








هاي انتي سمعتي كلامه ..فلودي شنو ::1:: ::1::
يلله فلود اني ابقه على الحياد لان ما اعرف شغلاتكم::27::



هو دائما هيج ::237::
همزين كتلي ولو هو ممبين عليه هيج::237::


لا اذا تريدون اكولكم
اي والله بلكت تشرحلنا..

الفلود هو ...
ايبااااااااااااه غير ماعده صعبه::13::


ميخالف بس هسه احنا قابل نسمع كلامه ::52::
اي صدكَ منسمع كلامه::52::

[ملكة اور]

هوه جم فلود عدكم بالمنتدى ليش ماصيحولي فلودي ::27:: ::27:: ::27::

لا احنه متفقنا هيج::41:: ....شنو كم فلود عدنه::1::

[ملكة اور]

والله تواصلكم وياية كلش حلو
وقصدي يا اختي هوة انو ما احب اذكر اسماء لان اللي متواصلين وياية هوااية وطبعا اكو ميفوتولي موضوع واكو نص ونص واكو اصلا ميرد على مواضيعي بالسنة مرة على الرغممن حبي الة وتواصلي وياه والله يهدي النفوس

بلي عرفت قصدك وكنت اوضح الغايه من طرح السؤال ...وانت صاحب واجب وتنسه مساندة اي شخص
مثل ما انت مميز وتستحق تنذكر بهيج سؤال لان تتواصل ويه الكل::13::
واسفه كل الاسف لحظرتك لان اني اول المقصرين بالتواصل ويه حظرتك ....بس ان شاء الله اكَدر اتاصل ويه الكل
وبالاخص ويه حظرتك لانك تتواصل ويه الكل ومواضيعك مفيده::39::

حبيت اعرف راي شكم عضو بيه
او .............
ان شاء الله خير ....وريحك اللي عرفته::13::
يالله .... المهم اللي ردت اعرفة عرفتة والحمد لله
الحمد لله...بكل الاحوال عرفت ناسك::39::
شكرا اختي العزيزة
وتتدلل اخويه سنايبر وممنونه لتواصلك ومتابعتك للموضوع كلش هوايه

[اسير عينيها]

:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
http://www.7oob.net/smile/data/12/Q82_55.gif
16/5/2006
س2:باي منتدى شاركتو لاول مره...؟ يعني اول رد ضفتوا

بقسم البناء والانشاءات

أكيد اول مشاركه الها طعمها الخاص حاولو تتذكرون هو هاي الغايه من الموضوع
http://www.7oob.net/smile/data/12/Q82_55.gif
س3:شنو اول اول موضوع نزلتو بالمنتدى...؟

ليش القاعات وصخه

http://www.7oob.net/smile/data/12/Q82_55.gif
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟


ماكول اسمه وهو يعرف نفسه كلش زين

http://www.7oob.net/smile/data/12/Q82_55.gif
س5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله

مستبده البناء والانشاءات

http://www.7oob.net/smile/data/12/Q82_55.gif
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟

اعرف صديقي يدخل اله (حنفوش ) وقريت اعلان بالتكنلوجيه (منتدى الجامعه التكنلوجيه )فراسا رحت وسجلت

اني دورت عليه وشلع قلبي يله لكيته

http://www.7oob.net/smile/data/12/Q82_55.gif
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::43::
قلب فتاه هل ستكسره


تحياتي الك ملكه

[ملكة اور]

اكثر من الف وميتين وخمسين..بس للاسف انى نسيت وكلت اكثر من الف وميه وانعلست شكم مشاركه

هههههههه...اي خطيه هوايه اكو هم راحت منهم مشاركات خو بنو من اربع تالاف وكسور الى الف وخمسميه يعني كومه راحن::27::



بالصور
نتمنى ...تتواصلين ويانه هم ونتشرف بيج::51::


يالسنتر والسيطرة..بالتكنو يعنى
الله يديمج الهم ...::13:: وما شاء الله على سنتر التكنو يخبل بداعه والله::37::




موضوع انو كل ولد ينزل صورته..وبعدين قفله فلود مان الله يسامحه مع انو كلش طك الموضوع وكتهه
ههههههههه ...صدكَ امبين حلو حرامات قفله فلود::1::



هوايه مواضيه بصراحه مو كلش اتذكر واحد هسه ميحضرنى يعنى
والله هي كل المواضيع حلوه ...والواحد اعرف يحير شيكتب هنا::51::


الموضوع وصاحب الموضوع..قابل من شويه الواحد يبنى سمعه لنفسه
والله كلامج ذهب ...صحيح هي السمعه تجي من خلال الردود والمواضيع::13::
اكو ناس مواضيعهم مميزة دائما اكيد حتى لو العنوان مو شى هم افوت
يعني تفوتين اول شي على اسم العضو::2::
ومرات العنوان هوة اللى يجذبنى
مرات مو دائماً::16:: ::13::


وتتدللين عيوني ملوكه ...وشكراً جزيلا لتواصلج الحلو::51::

[ملكة اور]

قبل حادثة الارتطام الكوكبي كانت مشاركاتي بحدود 4600 مشاركة..
هههههههههه...بسسسسسسسسس والله قليله ::2::


اعتقد قسم العلوم والتكنولوجيا
نتمنى على الارتطام الجاي لا سامح الله::27:: تكون اخر مشاركه يمنا

قسم العلوم والتكنولوجيا وقهوة عزاوي
اممممممم...ياريت يكون النا نصيب بطلاتك المميزه وتشرفنه بزيارتك اخويه::13::


لعبة المعلومات للاذكياء
والله الموضوع توب عاشت ايدك عليه ..كلش مفيد::13::

شنو رايك بالاعضاء
منو نزله لهذا الموضوع ...اني اتذكر هيج عنوان بس مدا اتذكره بالضبط::27::


الموضوع نفسه بكل تاكيد ولكي اكون صريحا احب اقرا مواضيع برومس على طول...بالرغم انها قليلة وصارت مؤخرا بس تحشيش
والله عاشت ايدك على الصراحه ومواضيع الاخ برومس صدكَ مفيده احنه نشكره هوايه عليهن وهو يستاهل هاي الثقه اللي تخلي الواحد يروح ايدور على مواضيعه ..وما شاء الله ::39::
ممنونه لتواصلك اخويه ...واتمنى متحرمنا من طلاتك المميزه::13::
تقبل مني كل التقدير والاحترام

[ملكة اور]

الف شكر اختي وممنون الج وهم همات تقربيا اتضاعفن ::14::
اني اللي ممنونه لحظرتك اخويه ::13:: وتتدلل ومبروك عليك مضاعفة عدد المشاركات::39::

[ملكة اور]

تذكرت الموضوع اللى اريد صاحبته ترجعه
التهنئه مالت عيد ميلادى اللى كتبتهه يونتى
والله جانت يمكن احلى مفتاجأ بعدي ميلادى..والمطر مالت التهانى اللى اجه من ورة الموضوع صدك مينسى
عفيه ياريت صدك يكدرون يرجعون المواضيع مالتنه
لان احنه نعتبر نفسه النه حياه خاصه هنا...غير برة وغير اللى ويه الناس
ياريت يرجع ماضينه...حلو هذا المصطلح مو؟؟؟
خنفشارى فد مرة ...ماضينه

هجم بيت الفصاحه

ههههههههههههههه...استفادي يونتي ...اني متأكده ياملوكه رح ترجعيالج بس لمن يجي عيد ميلادج::2::
ههههههههه::13:: حلو المصطلح عاشت ايدج ::39::
شلون بيكم سوالفج مثل سوالف يونتي الخنفشاريه::237::
ممنونه الج على التواصل حبي::51::

[ملكة اور]

والله تقريباً 4200
امممممممم...بس اني فقيره وجنت مكيفه بنفسي عبرت الالفين::38::


والله اعتقد اخر موضوع جان لوحه التميز جنت اشتغل بيها وجان تطفه الكهرباء ::2::
ههههههههه...اوي اكَول شنو اللي عم علينا
لمن سويت لوحة التميز ضربتنا عين::16:: (ميحسد المل اله اصحابه)

بالعام جنت ولا زلت لاطش بيه ::55::
نتمنه هسه شويه تحل لزكَة جونسن وتجي يمنه شويه::55::

والله موضوعي ( شنو رنه هاتفك النقال) شو هوايه ردوا عليه ليش ما اعرف ::26::
هههههههه..اني اعرف بس ما اكَول اخاف يزعلونhttp://www.7oob.net/smile/data/5/Q82_175.gif


والله تقريبا ماكو اكثر المواضيع الحواريه الي بالعام رجعت والحمد لله
الحمد لله لعد بس اني راحت الخواطر مالتيhttp://www.7oob.net/smile/data/5/Q82_188.gif


والله يا اختي ملكه اور اني لازم ارد على كل مواضيع العام ..يعنيما يفرق العضو او موضوعه
ان شاء الله ماكو تفرقه ..بس هم اكو مرات واحد يحس باندفاع نحو شخص قبل الثانيhttp://www.7oob.net/smile/data/5/Q82_107.gifهههه

وتقبلي تحياتي مميزة فيما كتبتي
وتقبل كل التقدير والاحترام لشخصكـ
وحظرتك مميز بطلتك::13::

[حــــــورية أيطاليـا]

سلام عليكم
وعليكم السلام والرحمة
شلونكم وشلون الصحه (لتكَولون نشله وكَحه)
لاع تعب وصوم وميتين جوع وعطش::27::
بالنسبه اللي احب منتدى دجله كلش هوايه وتعلقت بي حيل لانه اول منتدى واخر منتدى دخلتله
ورح ابقى مخلصه اله ولأعضاءه
أني همين ::26:: ::26::
ومن الاشياء اللي اعرفها ان الانسان لمن يتعلق بشي يدقق بادق التفاصيل
مثل ما اني سويت هسة يعني الموضوع نزلتله حلقة ثانية بس اني دققت ورحت للحلقة الاولى
دا اتابع مسلسلات رمضان ::2:: ::2::
ولانه اني اعرف الكل يحب دجله لذلك اكيد كنتو منتبهين على الاشياء اللي رح نتذكرها سوه قبل ميصير اللي صار....
مو أني مجنت اتخيل الي راح ايصير فبعد شمدريني اذا حذكر لو لاع ::16::
واليوم الحلقه الاولى من ذكرياتنا الدجلاويه
وتخص جانب من المشاركات وهاي السوالف
يا سوالف http://www.dijlh.net/forums/images/icons/116.gif
اسئلة الحلقه الاولى
واتمنى ان يعجبكم الموضوع اللي رح نثبت بي ذكرياتنا
أن شاء الله وأكيد حيكون حلو مثل حظرتك ::51::
س1:شكَد عدد مشاركاتكم قبل الحدث اللي صار حتى لو تقريبي...؟
هنااا تكمن المشكلة اني مشاركاتي مجنت انتبه عليهن بس هنة اخر شي نتبهت عليه 3450 بس شو ورة فترة طلعلي واحد وكلي جانت مشاركاتي بـ4000 واني مادري تخيلي وانعلسن الباقيات::27::
س2:وين جانت اخر مشاركه الكم (المنتدى او الموضوع بعد احسن)
والله اخر شي بالضبط نزلت موضوع وصف اعضاء دجلة بالمنتدى العام بس شلته بنفس الوقت لان جان الضرف المأساوي للاخ انجل فأحتراماً له شلت موضوعي شونشال دجلة وراه ::2::
س3:مواضيع اكثر شي وردودك وين جانت متركزه..؟
والله اني ردودي جانت على مواضيع العام تقريباً كلهة لان جنت مأجرة شقة بالعام بالاضافة لمنتدى الرافدين لان جنت مشرفة هناك بالاضافة لقسم الاسرة والطفل لان جنت مراقبة هناك يعني بكيفج انتي اختاري ::16:: ::16::
س4:موضوع نزلتو واستقطب اكبر عدد من الاعضاء بالرغم من كونه غير حواري (يعني مو موضوع نقاش)؟
والله الصراحة شكلج ما اذكر بالضبط بس جان عندي موضوعين خليتهم بالتحشيش (قصة مأساوية لذبانة محششة+شوفوا اذا ولد ضوج بنية شيصير بيه)خليتهم من باب التحشيش شو الردود جانت عليهن موطبيعية وصارت نقاشات حلوة همين::2::
س5:موضوع حيل عجبك لغيرك وتمنيت لو هسه بعده موجود (بلكت صاحب الموضوع يرجع ينزله)..؟
مواضيع ساطع عن الاعضاء http://smilies.sofrayt.com/%5E/_950/cleverman.gif جانت كلش تعجبني وحتة مفكرة ارسل رساله الساطع اكله يعيدهن من جديد لان كلش حلوات ::27:: ::27::
س6: مواضيع العضو ام الموضوع نفسه اللي جان ولا زال يستقطبكم اول شي وبكل صراحه..
والله الصراحة اني كلش دا انشغل بموضوع وصف اعضاء دجلة دياخذ اكثر وقتي وما اكدر ارد على المواضيع الي تعجبني مثل قبل بس الصراحة ماكو موضوع ينزله سوليداد اذا ما ارد عليه لوعلى الاقل اقراه http://smilies.sofrayt.com/%5E/j0/leseratte.gif
هاي اسئلة الحلقه الاولى ان شاء الله تعجبكم الفكره ونكَدر نتواصل
ان شاء الله والفكرة كلش حلوة وان شاء الله ارد على الحلقة الثانية
ولو ردي اجة هنا متأخر بس شسوي بعد التنقيب والحفر اكتشفت هذا الموضوع
http://smilies.sofrayt.com/%5E/m/diffident.gif http://smilies.sofrayt.com/%5E/m/diffident.gif http://smilies.sofrayt.com/%5E/m/diffident.gif
تحياتي ياملكة دجلة
...

[القديس بغدادي]

عاشت ايدج ملكة اور اميرة منتدى كلية الزراعة مواضيعج كلها حلوة
س1:باي تاريخ سجلتو بدجله....؟ اذا تذكرون الوقت باليوم والساعه حتى لو تقريبي..
تقريبا بشهر الثالث أو الرابع من السنة الحالية
س2:باي منتدى شاركتو لاول مره...؟ يعني اول رد ضفتوا
أكيد اول مشاركه الها طعمها الخاص حاولو تتذكرون هو هاي الغايه من الموضوع
شاركت حينها بمنتدى كلية الزراعة بموضوع للاخ العزيز هوبي اقتصاد زراعي
س3:شنو اول اول موضوع نزلتو بالمنتدى...؟
ما اتذكر بس جانت يمكن قصيدة منقولة
س4:منو العضو اللي تكَلوله شكراً على تواصلك الدائم ويه كل مواضيعي اللي طرحتها..؟
اگول لـ ملكة اور اميرة منتدى كلية الزراعة شكرا على تواصلك الدائم معي
5:عضو كان موجود سابقا وحاليا ماكو مرجع فعل عضويته وانتو مشتاقيله..؟
منوه بلكت ديدخل زائر ويقره الموضوع ويرد يرجع بتذكركم اله
هوبي اقتصاد زراعي اللي يسميني قديسو و توحة الدلوعة اللي اللي تسميني قدوسي
س6:منين عرفتو بدجله لاول مره.....وحاليا بعد اللي صار منو اللي خبركم بعودته...؟
من مجلة زهرة الصباح اللي يصدرها اخوية العضو حسن 180
س7:موضوع انتو نشرتو من افكاركم الشخصيه وراح وتتمنون لو يرجع..؟كتبو بلكت احد معجب بي ومحتفظ بي يمه ويرجعيالكم::43::
اكو مواضيع عدة بس راحت بوقتها و آني اگدر ارجعهة بس لانو هي تكتب في حينها و كثيرين شاركوا بالموضوع لكن اكو موضوع و لحد الان محتفظ به هو مسابقة منتدى كلية الزراعة موضوع حلو بس مراح ارجعه لانو ينرادله تواصل مع المنتدى و هذا الشي غير متوفر.
و اكو موضوع ثاني مال اخوية الحاضر الغائب هوبي اقتصاد زراعي اللي يتكلم عن قصة حدثت بشرق اسيا عن شخص ضحى بعينيه لشخص عزيز عليه و ما افتهموا إلا من راحت تعاتبه فشاهدته و هو فاقد عينيه عندها عرفت انو هو ضحى بنفسه لاجل ان تحيى هي فعلا كانت قصة رائعة.