شلش البغدادي
09-08-2006, 11:02 PM
سوبرمان وصل الى العراق
السلام عليكم اكيد كلكم تعرفون هذا الفلم الناجح او سلسلة افلام سوبرمان وقد قررت الشركة المنتجة
للفلم ان تصور مشاهد الفلم في البلدان المختلفة وكان العراق من ضمن البلدان المراد التصوير بعض مشاهد الفلم فيه وعند وصول الشركة وكادر الانتاج والتمثيل الى العراق استقبلهم اهالي العراق بالفرحة والنساء بالاغاريد والهلاهل والرجال قالو الله اكبر والناس بدت تطلق الهوسات (سوبرمان اسمك عز وهيبه)
و كتبت الجرايد عن سوبرمان وعن تمثيلة بالعراق حتى وزير النقط مدح سوبرمان وطلب من الشعب العراقي الاقتداء بهذا البطل يعني لو كل شخص بالشعب العراقي اتعلم يطير مثل سوبرمان جان انحلت ازمة البانزين
ولكن مع بداية التصوير حصلت مشكلة
وهي اتجاهات سوبرمان العقائدية والى أي طائفة ينتمي وصارت ازمة كلشش جبيرة
وصارت المناظرات والمشاحنات هول احقية كل جها بتمثيل سوبرمان
حيث وصلت قوات من البيش مركة الى موقع التصوير واعلنت ان سوبرمان كردي وهو بالحقيقة
مام سوبرمان وطلبو ان يقوم سوبرمان برحلة الى الشمال والقيام بالاعمال البطولية هناك وحتى
طالبو بتغير اسم المصيف من كلي علي بيك الى كلي سوبرمان بيك
وبعد لحظات وصلت جماعة ملثمين الى موقع التصوير ورمو نار بالجو وكالو لكون سوبرمان يشتغل وحدة اذا هو من الملشيات واحنا الاحق بسوبرمان وحتى طلبو من سوبرمان يلبس يراسة لثام ورشاشة كلاشنكوف ويغير اسمة الى ميليش مان
وما هي لحظات حتى وصلت جماعة ثانية الى موقع التصوير واعلنو ان سوبرمان ينتمي الى الحرس الوطني
حتى هو مستلم راتب مال شهر وكامش خفارة واحد منهم يحلف انو شايفة واكف بالسيطرة على جسر بغداد الجديدة
وما هي دقايق حتى وصلو جماعة اللخ وبدون أي مقدمات انطو ملابس سوده لسوبر مان واعلنو
ان سوبرمان ينتمي لجيش المهدي وحتى بيتهم بمدينة الصدر
وبعد فترة غير طويلة وصلت جماعة ثانية وحلفو ان سوبرمان يرجع الهم وهو من جماعة الجهاد
حتى هو مفجر همر وكاتل اربع جنود
وصارت مواجهات بين الفرق واطلاق نار ورمي عشوائي بالجو واثناء الرمي أجت طلقة تايه لبطل الفلم
اللي يمثل دور سوبرمان ومات فالغي تمثيل الفلم حتى اشعار اخر ولحد الان تستمر الخلافات حول احقية سوبرمان والى أي جه ينتمي
السلام عليكم اكيد كلكم تعرفون هذا الفلم الناجح او سلسلة افلام سوبرمان وقد قررت الشركة المنتجة
للفلم ان تصور مشاهد الفلم في البلدان المختلفة وكان العراق من ضمن البلدان المراد التصوير بعض مشاهد الفلم فيه وعند وصول الشركة وكادر الانتاج والتمثيل الى العراق استقبلهم اهالي العراق بالفرحة والنساء بالاغاريد والهلاهل والرجال قالو الله اكبر والناس بدت تطلق الهوسات (سوبرمان اسمك عز وهيبه)
و كتبت الجرايد عن سوبرمان وعن تمثيلة بالعراق حتى وزير النقط مدح سوبرمان وطلب من الشعب العراقي الاقتداء بهذا البطل يعني لو كل شخص بالشعب العراقي اتعلم يطير مثل سوبرمان جان انحلت ازمة البانزين
ولكن مع بداية التصوير حصلت مشكلة
وهي اتجاهات سوبرمان العقائدية والى أي طائفة ينتمي وصارت ازمة كلشش جبيرة
وصارت المناظرات والمشاحنات هول احقية كل جها بتمثيل سوبرمان
حيث وصلت قوات من البيش مركة الى موقع التصوير واعلنت ان سوبرمان كردي وهو بالحقيقة
مام سوبرمان وطلبو ان يقوم سوبرمان برحلة الى الشمال والقيام بالاعمال البطولية هناك وحتى
طالبو بتغير اسم المصيف من كلي علي بيك الى كلي سوبرمان بيك
وبعد لحظات وصلت جماعة ملثمين الى موقع التصوير ورمو نار بالجو وكالو لكون سوبرمان يشتغل وحدة اذا هو من الملشيات واحنا الاحق بسوبرمان وحتى طلبو من سوبرمان يلبس يراسة لثام ورشاشة كلاشنكوف ويغير اسمة الى ميليش مان
وما هي لحظات حتى وصلت جماعة ثانية الى موقع التصوير واعلنو ان سوبرمان ينتمي الى الحرس الوطني
حتى هو مستلم راتب مال شهر وكامش خفارة واحد منهم يحلف انو شايفة واكف بالسيطرة على جسر بغداد الجديدة
وما هي دقايق حتى وصلو جماعة اللخ وبدون أي مقدمات انطو ملابس سوده لسوبر مان واعلنو
ان سوبرمان ينتمي لجيش المهدي وحتى بيتهم بمدينة الصدر
وبعد فترة غير طويلة وصلت جماعة ثانية وحلفو ان سوبرمان يرجع الهم وهو من جماعة الجهاد
حتى هو مفجر همر وكاتل اربع جنود
وصارت مواجهات بين الفرق واطلاق نار ورمي عشوائي بالجو واثناء الرمي أجت طلقة تايه لبطل الفلم
اللي يمثل دور سوبرمان ومات فالغي تمثيل الفلم حتى اشعار اخر ولحد الان تستمر الخلافات حول احقية سوبرمان والى أي جه ينتمي