ابوذيات ان شاء الله تعجبكم

[المعلم الابيض]

اقروهة ولا تدوخوني خخخخخخخخ

وحك صورة بره وياسين ويهود
وگلبي ما ينام الليل ويهود
صارت حاجتي عد كفر ويهود
لو الاسلام جا حنو عليه
******************************
وحك صورة بره وياسين واذر
يسيف جفاك بالدلال واذر
اموتا واحتي واحترك واتذر
جثير اهون من فراكك عليه
********************************
حبيبي حنا الودادك ما هملنه
ودمعنة لعد غيرك ما هملنة
والحجاية الألك ما هيمنه
الوشاية عل حجاية تخلي مية
*********************************
زلفك مسج يا مدلول يوهل
يمن وجهك هلال العيد يوهل
احبك من جنت بالمهد يوهل
دكولي شبدلك يسمر عليه
*****************************
أزيدك بالجمع وتصير ناقص
ويفيض عليك نهري وانته ناقص
مثلك بالبشر ما شفت ناقص
نذل بذات وأطباعك ردية
******************************
يمتة من الحزن نخلص ونخلة
ينخلني الزمن بيده ونخلة
خط اني وفسفورة ونخلة
عراقي وما مزور بالهوية
**********************************
انه تعلمت على الغدر روحي
وروحي وين ما تردين روحي
أذا طابلج هذا الجسد روحي
ما تلكين شي يرهم عليه
****************************
أريد اصعد جبل حمرين واروح
وذبج بنكس الحالات يا روح
حشا لله يخلي الحمل مطروح
سريعة لهفة الباري عليه
******************************
أريد اصعد جبل حمرين وحدي
وباري لمحمل الحلوات وحدي
يربي ترضة انام الليل وحدي
ونوم الليل عل واحد خطية
********************************
أريد اصعد جبل حمرين منزل
وانيلج بوسط العين منزل
يا بعد رويحتي التصعد وتنزل
دحني يا بعد عمري عليه
*********************************
عشگتك من زمن بابل وسومر
يبوية شربنة الگريفن وسومر
گلبي من العشك سود وسومر
تالي تخوني وتضحك عليه
**********************************
أضحي للوطن دمي بلا دين
قسم للحارب بسيفة البلا دين
بلادي وأبد ما تصبح بلا دين
الهور وية الجبل رضعوا سوية
**********************************
دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية

وتدللون

[الحزينه]

هههههههههههههههههههههه
حلووووووووووووووووووووه عاشت ايدك
اخوووووووووويه هيج تحب ومنعرف انت واكع وكعه ومحد مسمي عليه

عشگتك من زمن بابل وسومر
يبوية شربنة الگريفن وسومر
گلبي من العشك سود وسومر
تالي تخوني وتضحك عليه

[المعلم الابيض]

الحزينة شمدريج ؟؟؟؟ انتي وكعتي على الجرح خخخخخخخخخخخخ
اتمنى ميكون الحزن اللي انتي بيه بسبب نفس الموضوع
نزرع سمج بالكاع نحصد جكاير

خلف الله عل تمساح شكرا جزيلا

يل قلبك قلب خفاش لابس بجامه

مثل الجلب بالمي مالك علاقه

[الحزينه]

هههههههههههههه الحمد لله الاعتراف بالحق فضيله
اخوووووووووويه لاوالله الحزن الي عايشه بيه ابعد ما يكون عن هيج حجي
لان اذا اهتم بهاي السوالف اتعب هوايه....................
وتعرف حب هل الايام ميوصل منا الى الشاشه مالت الحاسبه
مع احترامي الك ولخصوصياتك

[صقر الجادرية]

لا تعليق حبيبي

[الفهد الاشقر]

شلون بيج اشلون بية شلون بينة احنة الاثنين
شلون صرتيلي البسمة شلون صرت انة الج عين
شلون جنتيلي الفرح شلون جنت انة الج زين
شلون جنة ايد وحدة وهسة صرنة اثنين ادين
شلون علمتيني حبج وتالي دكليلي رجعة هذا دين
شلون صرت انة المخادع ونتي صرتي الاحسنين
شلون دخلتيني كلبج وفجاة طلعتيني منة وهسة انة مدري وين
وشلون صورتيلي حبج عرس وحنة بية العروسين
شلون طابق طابق تصعدين بية وتالي رديتيني اسفل لاسفلين
شلون خليتيلي كلبي موجر بحسرة ونين
شلون جنت اني اواعد وانتي بالحظة تجين
شلون جنت اني اخابر رنة وحدة وتردين
وهسة صارت عكس بينة انة ادك وانتي منة اتغلسين


تحيات الشاعر

حيدر الربيعي

[nono]

حلو الموضوع عاشت ايدك اني اموت علة الشعر الشعبي وخاصة الابوذيات والدارميات
وهاي كم ابوذية يارب تعجبك

شلون انساك يمعود...وجهلك
والله من الكمر خالق... وجهلك
افكر بيك بكماطك ...وجهلك
واحبك وانت تلعب دوم بيه



العمر ضاع بهواك ونگص ما زاد
ووعدك بس حجي وعناد ما زاد
انا البيه زماني صاح مزاد
وولد ولايتي اتعامل عليه



ابدمع عيني اكتبتلك خاطر انه
او الك ما يوم كاسر خاطر انه
غير انته تجيني خاطر انه
اجيلك معتني ازحوف على ديه

العمر ماي او تبده صعب لمه
او علي نكبات دهري غدت لمه
كتله اشوكت تفرح كال لمه
اشوف اجنازتك تمرك عليه

كظه يومي ابحزن وانتظر غادي
او عليك الكلب مثل النار غادي
باجر من يصير احساب غادي
اشتكل لالله على السويته بيه

العنب من كال عالي ما طليته
والزمن ما خفت منه ما طليته
وجهي نفسة وجهي ما طليته
ولبست الجينكو لليمر بيه

[صقر الجادرية]

حلوة نونو خوش ابو ذيات
وهذي الابو ذيات ارجو ان تعجبكم

ذبل هرش الجبدلجلك وخاوة
وطمع ماردت من عندك وخاوة
الفخر موللذي عاشر وخاوة
الفخر والطيب لليذكر خوية

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بي

الشعر والاخوه والنت دعانه
انجمعنه وحب الشات دعانه
يارب الخلق اقبل دعانه
وتظل هاي الاخوه دائميه

كلبي انتة ملكتة وانتة حر بية
عليل وطبة عندك وانتة حر بية
كاس السم اجرعة وانتحر بية
ولا غيرك يمس اطراف ادية

حبيبي شعطلك عني و مايت
الوسيعة ضاكت بعيني و مايت
طريح و ناحل بهجرك و مايت
من اشوفنك ترد الوح بية

شلون تخون وانتا حلفت بايات
مزليكة طلعت مو درج بايات
تريد تروح مو بس باي بايات
واليرجع بعد نعلة علة ابية

وتقبلو تحياتي

[المعلم الابيض]

شكرا نونو وشكرا صقر الجادرية
بس بصراحة اني هواية تالمت لحجي الحزينة ويمكن اني افتهمت الحزن مالتج من شنو

[صقر الجادرية]

العفو اخوية الشكر لله

[المعلم الابيض]

صقر الوردة انت دائما مفتهمني واني بصراحة بديت احبك وما اكدر اخبي مشاعري هاي كدام الكروب كلهة اكولهة واتمنى نبقى اصدقاء

[عاشق الغيرة العراقية]

شسويلك أكص من كبدي وشويلك
شسويلك أروح للكعبة وأصليلك
شسويلك أروح للحضرة القادرية وأدعيلك
شسويلك أصير مثل الام وألوليلك .......
عــــــــــــــــــــــاشت أيدك ياوردة هلى هاي الابوذيات الرائعة.....

[صقر الجادرية]

اخوي ان شاء الله نبقى اصدقاء وممنون

[المعلم الابيض]

صقر الجادرية انت ذهب واخلاقك ذهب وردك ذهب
بس اريد فد كيلو ذهب بلا زحمة
خخخخخخخخخخخخخخخخخخخخ

[المعلم الابيض]

عاشق الغيرة العراقية تدلل يا وردة وان شاء الله تعجبك المشاركات

[SCORPIO]

عيوني من الهجر ملت وسالت
وعلية احباب ما نشدت وسالت
الف دمعة الجرت مني وسالت
ولا دمعة الجت منك علية
مشكوور وتقبل مروري

[المعلم الابيض]

تسلم سكوربيو
طلعت اتذب الزبل لمعت تراجيه..لوما ابوها النذل ماجنت احاجيه

[صقر الجادرية]

شكرا اخويه الذهب وتستاهل وزنك ذهب
ممنون

[المعلم الابيض]

وداعتك صقر بس كيلو واحد كلش كافي واذا تريد دزة اتاجمنت على ايميلي اللي موجود بالتوقيع خخخخخخخخخخخخخخخخخخخخخخخخخخخخخخخخخخخخ

[صقر الجادرية]

ههههههههههههههه مو تدلل

[المعلم الابيض]

انتظر كيلو الذهب يا صقر الذهب وهاي لخاطر الذهب

كالو حبيبك راح كلت وين ذهب
كالو يحب غيرك كلت ميحب الا الذهب
كالو انت نايم كلت لا حبيبي ذهب
كل هذا وطلع عيار ثمنطعش

خخخخخخخخخخخ
بالمناسبة هاي من تاليفي

[الحزينه]

المعلم الابيض والله اني اسفه اليوم يالله شفت ردك وانجلطت
اني متاكده ما كنت اقصد احد بكلامي سالتني وجاوبتك والله يشهد على كل كلمه اكوله
وشنو الحزن الي اني بيه اذا مو مصدك؟؟؟؟؟؟؟؟؟؟؟

[خالد معلوماتية]

مشكور اخوية على كلماتك الحلوة وهذا يعتبر الفن العراقي الاصيل
تقبل مروري

[المعلم الابيض]

تدلل خالد المعلوماتية

[المعلم الابيض]

المعلم الابيض والله اني اسفه اليوم يالله شفت ردك وانجلطت
اني متاكده ما كنت اقصد احد بكلامي سالتني وجاوبتك والله يشهد على كل كلمه اكوله
وشنو الحزن الي اني بيه اذا مو مصدك؟؟؟؟؟؟؟؟؟؟؟

اخت حزينة اني اسف اذا افتهمتي اي شي غلط من كلامي بالعكس اني كلش متالم لحزنج وان شاء الله تتحسن الاوضاع وتصيرين سعيدة مو حزينة بس اني ردي كان لتلطيف الجو لا اكثر ولا اقل واسف مرة ثانية ولتسويهة جديات يمعودة متسوة

[الحزينه]

اخت حزينة اني اسف اذا افتهمتي اي شي غلط من كلامي بالعكس اني كلش متالم لحزنج وان شاء الله تتحسن الاوضاع وتصيرين سعيدة مو حزينة بس اني ردي كان لتلطيف الجو لا اكثر ولا اقل واسف مرة ثانية ولتسويهة جديات يمعودة متسوة
اقسم بالله العظيم مو زعلانه اني بلعكس
اني قصدي انت تروح تزعل مو اني
وماكو شي يزعلني بلعكس انتو اخوتي وما طلع منكم العيب وعالراس
وهذا الشعر مني الكم
هم قصف هم قناص هم مدفعيه..............هم شوفة الاحباب حسره عليه

[المعلم الابيض]

عاشت ايدج حزينة وان شاء الله ماكو اي زعل

[صقر الجادرية]

هلوووو اخواني الاعزاء اهديكم هذي الابو ذيه
اتمنى ان تعجبكم
نذرنهْ إلعشكْ دجلتنهْ شعرنهْ
وتعطّرْ من عطر دجلةْ شعرنه
يدجلهْ إبفركتج إحنهْ شعرنه
بحزنْ وهْمومْ وأشواقْ وأذيّهْ

تقبلو تحياتي

[المعلم الابيض]

راح ابجي صقر كافي ترة اني بالكوة متحمل الغربة بيت شعر لاخ وارجع وخطيتي بركبتك

[Abu Alawi]

مشكور
حبيبي
سلامي

[محمد المدني]

مشكوووووووووور حبي

[queen of petrol]

يمتة من الحزن نخلص ونخلة
ينخلني الزمن بيده ونخلة
خط اني وفسفورة ونخلة
عراقي وما مزور بالهوية

مشكـــــــــــــــــــــــور على الموضوع الحلو