انا والخائنة

[شلش البغدادي]

السلام عليكم

في الفترة الاخيرة كثيراً ما نسمع مصطلح الكهرباء الوطنية اجتي الكهرباء الوطنية راحت الكهرباء الوطنية
وهذا الأمر جعلني أتسائل يعني صدك الكهرباء وطنية ؟؟؟
والله ما أظن بالعكس انتِ يا كهرباء انت اكبر خائنة وعميلة أنتِ من عفتينا وخنتينا مستحيل تكونين وطنية
انت تركتي الشعب العراقي سنوات يعاني بدون حتى ان تقدمي له مساعدة وتدعي انكِ وطنية
انت يا خائنة وياعميلة ويامحبة المادة والسلطة اذا أنتِ صدك وطنية وتخافين الله ليش متنكطعين على
معسكرات الامريكان ليش ربهم وحد ؟؟؟ ليش متنكطعين على المنطقة الخضراء لو هم خضر وإحنا يابسين وقصور الجادرية يم الجسر ابو طابقين ليش متعوفيهم وتجين لمناطقنا لو هوا نهر دجلة عماج
ومخلاج تشوفينا .... انت وطنية ؟؟؟ انت ِ وطنية يا خائنة تعوفينا بهذا الصيف نموت حر وبظلام ليل الشتاء
تعوفينا ليش ......... شنو فرحانة تجين ساعة باليوم والله مسوين زحمة عليج وخطية بقية المناطق
كل يومين ساعة لو ماكو ....
مع الاسف تنطينا خمس امبيرات منج كلشي منكدر نشغل وفوك القهر تتفقين ويا ابو المولدة حتى يغلي الامبير ويصير 18 الف ..
طبعاً أنت ألازم يحاكموج انتِ لزم يعاقبوج لان انت طاغية من هذا اليوم بعد ما اكول الكهرباء الوطنية
الكهرباء الخائنة ............... اجتي الكهرباء الخائنة..... حول على الكهرباء الخائنة


شلش البغدادي علوم الحاسبات

[عمر تايوان]

ماذا دهاك يا اخي هل انت مجنون تكلم كهرباء واعذرني بهذه اللفظة ولكني تعجبت على اسلوبك في الكلام الجاد مع الكهرباء وتتهمها بالخيانة وهية لا حول ولا قوة ولماذا لا تتكلم على الذي يضرب الكهرباء ويهدم الماء ويخرب العراق ولماذا لا تتكلم عن مسوءلينا الذين منشغلين فقط (بالبوك ) اخي فلنكن واقعيين في زمن الطاغية صدام كانت الكهرباء تنقطع ساعة او ساعتين في اليوم وكان هناك يوم اوف وكان سعر البرميل النفط عالميا 24 دولار للبرميل وكان البنزين سعره 20 دينار والنفط والغاز السائل متوفر وكان هو واولاده يسرقون ببواخر النفط ؟
والان انت اريد منك ان تخبرني ماذا يجري
علما انني قد عانيت كثيرا من زمن الطاغية صدام

[ೋ ياقوتـــة دجــلة ೋ]

بسم الله الرحمن الرحيم

الاخ شلش البغدادي
الاخ انجيل دريم
تحية طيبة

بدايةً احب ارحب بيكم بقسمنا المتواضع قسم المواد ومنورينا والله زارتنا البركة



اخي شلش البغدادي........
احب اقتبس العبارة التالية من كتابتك الرائعة.......
اذا أنتِ صدك وطنية وتخافين الله ليش متنكطعين على
معسكرات الامريكان ليش ربهم وحد ؟؟؟ ليش متنكطعين على المنطقة الخضراء لو هم خضر وإحنا يابسين وقصور الجادرية يم الجسر ابو طابقين ليش متعوفيهم وتجين لمناطقنا لو هوا نهر دجلة عماج
ومخلاج....... تشوفينا .... انت وطنية ؟؟؟
اخي احنا كلنا نعرف كلش زين ليش متطفى بهالمناطق الكهرباء لو بيت وزير لو رئيس لو مااعرف منو..........

صدك والله هاي الكهرباء ممفروض نسميها وطني

لانها مع كل الاسف مو وطنية امريكية على مزاجهم يجيبوها ويطفوها
كلنا نتذكر اكو ايام معينه بيها مناسبات خاصة الكهرباء متطفى نهائيا زين ليش وشلون اذا هيه عاطلة؟؟؟؟؟؟

واذا تكوللهم ليش طفيتوها يكولولك مو تحمى يمعود احنا همزين الهواء مو بيدهم جان هم يكطعوه

اخي انجيل دريم

والان انت اريد منك ان تخبرني ماذا يجري من زمن
علما انني قد عانيت كثيرا الطاغية صدام

يعني متعرف شديصير دياخذون حقنا من عدنا عيني عينك وعلى عينك يا تاجر اني اشتغل بشركة اجنبية توصل وتحمل نفط وزيت وكاز بينها وبين العراق وما شاء الله الربح والفوائد العائدة للعراق تكفي الشعب كلة نفط وبنزين زين
هو وينه البنزين لحد قبل فترة من سفري شفت سرة البنزين عيني دمعت عالشباب والرياجيل الواكفين
لشوكت رح يبقى الوضع هيجي محد يدري

[شلش البغدادي]

اخي انجيل دريم اخي العزيز يمكن لكونك ملاك انت متفهمنا احنا البشر العادين ليش احجي ويا الكهرباء وما احجي على المسؤول (اصعب الصعاب تفسير الواضحات )
يمكن انت مسامع بالبسامير وصياغة الاسلوب بطريقة غير مباشرة ولكني عاذرك لكونك ملاك واحنا مجرد بشر

[ೋ ياقوتـــة دجــلة ೋ]

كلامك صحيح اخي احلى البسامير الي تصاغ بصورة غير مباشرة.......

[SniperMan.4ever]

شباب بس علكيفكم
اخوية شلش لا تزعل من دريم
ان شاء الله ماوو غير الخير
وكل الهلة بيك بين اخوانك واخوتك بمنتدى دجلة
ويايرت تكون مواضيعم تبتعد عن الالفاظ الا شرعية مثل ((ربهم وحد )) اخوية لا تضوج مني والله احبك في الله بس مو حرام هذاا الحجي
وراح اشكرك على مجهودك
تقبل مني حبي واحترامي
وصدك مو تزعل خووش

Sniper Man

[شلش البغدادي]

هو مجرد تعبير يدل على امر مستحيل ويقصد به ان كل البشر قد خلقهم الله وكلهم سواسية
وهو امر للتذكير وليس للكفر وابداء فكرة ان كل الخلق متساون وتعرف ان للعرب طرق كثيرة في المحاورة وابداء الامر المستحيل منها كما حاجج الله الكفار لو كان هناك اكثر من اله لذهب كل الله بما خلق . فهي وسيلة يا اخي ووسيلة مشروعة وارجو ان يكون المثال اللذي ذكرتة كافي

[1980]

اعتقد انه الاخوان اخذوا الموضوع بواقعية اكثر مما يتحمل لانه الاخ برايي استعمل خياله الواسع و قدرته على صياغة هذا الخيال الى تعبير عن الواقع للحديث عن انقطاع الكهرباء و برايي انه الاخ شلش بهذه القدرات عنده مستقبل ادبي كبير لان مثل ما كال هوه يحجي شي ويقصد شي و الاخ انجل برايي ايضا ميقصدشي و انما راد ان يحجي بواقعيه و بوصف مباشر بدل التسميات الغير المباشرة فانتو متفقين بالجوهر صدكوني و كلنا ان شالله متفقين.
اخ شلش البفدادي بصراحة مناجاتك للكهرباء واتهامك الها جميل جدا و موجود في ادبيات العرب انهم ناجوا الليل و الصحراء و الجمادات كثيرا فهو اسلوب معروف و شكرا للموضوع.

[SniperMan.4ever]

هو مجرد تعبير
اخوية تعبير مو بمكانة يعني حراام ميصير هذا قصدي
وحبيت ااكد انو انتة مو مجنون مثل ما وصفك انجل دريم
لا بل عاقل وان شاء الله متكرر مثل هيج الفاظ على الاعضاء
اخوية تقبل مني كلامي يا عيني وكتلك لا تزعل وآني كتلك حراام لان متاكد منها وماكو احد يعلم كلشي انتة حجيتها بغير نية .. وان شاء الله هسة عرفت .. وعرفت قصدي حبيي
تقبل مني احترامي وحبي والله عليك لا تضوج مني
انتة اخ غالي واذا ميشلك المنتدى احطك بعيوني

اخوك محمد
Sniper

[INVISIBLE]

اني أيد كلام الاخ 1980 وميراد ينأخذ لموضوع بهيج حساسة

ومنور بالمنتدى

[ೋ ياقوتـــة دجــلة ೋ]

عيني الموضوع مجرد نقاش وكلامك الاخ شلش يعبر عن كلام الواقع وبالنسبة الي مبيه شيه فعلا مستقبلك الادبي حيكون مميز

[شلش البغدادي]

والله اني من اطلع ابيع نفط العصر كاتب خواطر على عربانة النفط ياهو يشوفها يكول نات عندك مستقبل ادبي ميدرون اني علمي

[شلش البغدادي]

بس انت وحدك ليا تأمرني بالحنية

[ೋ ياقوتـــة دجــلة ೋ]

شلش والله انت حيرتني.؟؟؟؟؟؟؟؟

مدااعرفك\

[شلش البغدادي]

يعني شنون متعرفيني اني شلش