أي ليش أتسافروون؟ [الأرشيف] - دجلة نت ::: ملتقى شباب العراق

aliT.N.T

10-19-2006, 02:05 PM

اخواني الاحباء اكو فد سالفة شاغلة بال الشباب هسة و هي السفر خارج العراق و الكل اتريد تتطفر
يمعودين وين اتروحون اذا الطبقة المثقفة بالبلد اتروح لعد من يبقة غير المجرمين و القتلة
لازم انكون ايد ابايد على مود انغير الواقع الي احنة بيه
لو انتو شنو رائيكم

حارس الارض

10-19-2006, 04:18 PM

والله هي المشلة انهه بعد محد يعرف الصح من الغلط

سنفوره معماريه

10-20-2006, 03:20 PM

أي ليش أتسافروون؟
انا اشجع على السفر....لعد شنو تريدهم ينكتلون ..
كلمن عنده امكانيه على السفر خلي يسافر والله يوفقه صح هيه غربه وضوجه بس ....
وما اعتقد اكو احد بيده شي يكدر يسوي ...

الناصر79

10-21-2006, 11:41 PM

لان الهمجيه هيه الي تحكم الشارع العراقي .....
فالعقل يظطر ان يحافظ على نفسه .... فيهرب....ويظطر ان يعيش فيشتغل .....فيخدم الاخر

مستقيل

10-24-2006, 07:05 PM

والله شكلك علاوي سافرنه لان الظرف مو زين وطبعا انت باقي لان انت قوي وعندك t.n.t ههههههههههههه مو علاوي وانشاء الله نرجع ونبني بلدنه يا رب

aliT.N.T

10-29-2006, 01:36 AM

المسافر انشالله يرجعلنا بالسلامة ياربي و هذا البلد لازم الناس الطيبة تتكاتف و تبنية سنة و شيعة و اكراد ومسيح و تركمان و صبة و كل اطياف العراق الاصيلة و العريقة
و ياجماعة لاتخافون ترة والله ماعندي متفجرات

The Lord

10-29-2006, 03:18 AM

والله اني اايدك بانه لازم ما انسافر.
بس اللي مهدد واللي مكانة خطر واللي ملاكي شغل اهنا ما تكلي شيسوون.
بس احنا انكول الله كريم ويفرجها على العراق والعراقيين.