سلام عليكم يا جماعة كلية المامون

[مـــــراد]

سلام عليكم

اشلونكم ياجماعة مامون

اني اخوكم مراد

واني طالب بكلية الحدباء الجامعة بموصل

تقنية هندسة حاسبات

مرحلة الاولى

واريد انقل نفسي سنة الجاية لكلية المامون اجي لبغداد

بس كالو تنطي قسطين للحدباء يالة ينقلونك

فمما ادري اذا عدكم تليفون جماعة التسجيل حتى اخابرة واعرف المستمسكات وشاسوي حتى اعرف شغلي

او

اذا تعرفون الشغلة اشلون تصير

ممكن تدلوني عليه

ولكم جزيلالشكر

اخوكم

مــــــــراد

[sandman]

هلا بيك أخويه مراد منورنه أن شاء الله

بس والله لحد الآن منعرف شنو المستمسكات والمطلوب ؟

أحاول أن أجيبلك معلومات قدر المستطاع .. وبالنسبه للقسط ..

تدفع هناك بكليتك نص وبالمأمون نص .... تحياتي ألك وكل الهلا بيك .

[مـــــراد]

هلا بيك أخويه مراد منورنه أن شاء الله

بس والله لحد الآن منعرف شنو المستمسكات والمطلوب ؟

أحاول أن أجيبلك معلومات قدر المستطاع .. وبالنسبه للقسط ..

تدفع هناك بكليتك نص وبالمأمون نص .... تحياتي ألك وكل الهلا بيك .


اشكرك اخوية الغالي ماقصرت

حبيبي انت لو تشوف الحدباء بعد تكره نفسك عبالك بسجن ابو غريب اكو موقع وبيها صور لكلية المأمون

اريد اشوفها وين منطقتة امينة لو هم بيها علس

[ساهرية حليوة]

والله اني مااعرف شي بس انشاءالله الشباب اهنا ميقصرون وياك

[مـــــراد]

اشككم ماتقصرون بس وين الجماعة

[ملكه النساء]

اهلا بيك اخويه شوف اني راح اشرحلك الشغله شنو
اذا تريد تجي السنه الجايه انشاء الله لازم تدفع قسطين هناك وهنا لازم اجيب الاوراق مالتك كله والفلوس وتوديه للمامون ويصير النقل

[احمدTotti]

يا اهلآ وسهلآ بيك
حبي بس علة ما اعتقد الاستضافات سدوهة وبعد ما اعرف
سلام

[yasser83]

كل الهلا بيك حبي بس تدفع قسط بكليتك وبالمأمون هلا وتعال وبيك خير واشبع اقساط

[مـــــراد]

اشكركم اخواني بس لحد هسة ماعرفت شراح اسوي لان كل واحد شكل

[ملكه النساء]

شوف استضافه ماكو بس نقل
والنقل لازم تدفع قسطين بكليتك وبالمامون
لان اني ردت انقل وهيج كالولي
تدفع قسط بكليتك يطوك الاوراق كله وتجي للمامون تدفع القسط والاوراق وهاهيه يكمل نقلك

[مـــــراد]

مثلا اني دفعت مليون ونص يعني بمرحلة ثانية هم ادفع القسط مال الحدباء مليون ونص واجي لمامون هم ادفع مليون ونص يالة يصير النقل

[ملكه النساء]

اي اله هيج يله يصير النقل لازم تدفع هنا وهناك

[مـــــراد]

هذا بوك مو كلية

هسة اني دانقل نفسي ليش ادفعلهم قسط

اختي ممكن تتاكدين من داومتي بطريقج من التسجيل اكون ممنون من عندج

[الضـــوء الاســود]

الله يعينك اخوية الغالي ..

ان شاء الله اني والاعضاء منقصر وياك نسأل وتدلل عمي ..::17::

وهلا بيك منور المامون ::57::

[جروحي الشرير]

هلا بيك يالغالي
والله يا حبي اني بالانبار وجامعة الانبار
واعذرني وان شاء الله الجماعة مراح يقصرون واله يوفقك حبي
ويسهلك كل امورك
تحياتي

[مـــــراد]

اشكركم اخواني ماتقصرون حبايبي واذا صارت نقلي باذن الله نتشاوف بلمامون

[ملكه النساء]

ان شاء الله الثلاثاء من اداوم اتاكدلك
ولو اني متاكده لان دانقل ومنقلت كعدت وسكتت ههههههه
بس اكو طريقه تدفع بس بكليتنا انو ترسب نفسك سنه
وتسحب اوراقك من هذيج الكليه
وجيبه للمامون هي والقسط بس هم اضيع عليك سنه كامله

[مـــــراد]

ملكة نساء اختي اني اليوم سالت كلت اكدر انقل نفسي كالو اي تكدر بس تدفع قسطين يعني اني هسة محلة اولى

كالو تدفع قسط مال ثاني والثالث وتروح تدفع قسط مال المامون مال مرحلة ثانية يعني ادفع ثلث مرات

ادي شنو سالفة يمكم هم هيج لو بس يمنا هسة رضينا ندفعلهم مال الثاني بس مال ثالث ليش

[ملكه النساء]

لا ماكو هيج حجي شنو 3 اقساط لاعيني ماكو هيج حجي والله
اني من ردت انقل لكليه المنصور كالو ادفعين قسط بالمامون وبالمنصور قسطين لازم
ومتاكده من هذا الحجي