لعبة الصرااااااااااحه....؟؟؟؟؟ [الأرشيف] - دجلة نت ::: ملتقى شباب العراق

ملكة الحب

10-18-2006, 01:27 PM

مساء الخير...
اني عضوه جديده من البصره طبعآ وحبيت ابدي معاكم بهاي المشاركه واتمنى تعجبكم....؟؟؟

واللعبه هي سؤال صريح يتم الاجابه عليه من قبل كل عضو يدخل للمشاركه... وره ميجاوب هذا العضو يسأل العضو اللي بعده وهكذا ..... فهمتوها مو؟؟؟؟ دخلوا وشوفوا حلوه......

اسمحولي اني راح ابدي بالسؤال الاول هو:

ماذا تفعل اذا احببت وكيف تثبت حبك؟؟؟ وماهو اسم حبيبك؟؟؟ بصراحه

اختكم ملكة الحب

بلم بصراوي

10-18-2006, 07:32 PM

موضوع جميل . لكن فيه احراجات.
ما اكدر اجاوب !!!!!!!!

ارجوانة البصره

10-19-2006, 08:09 PM

بمعوده لعد انتي اول سؤال تسألينه تسألين هيجي هههههههههههههههه
المهم رح اسأل الي بعدي
كم عمرك وما هو تحصيلك الدراسي ؟

ملكة الحب

10-21-2006, 03:02 PM

hesawi_hs

10-21-2006, 09:50 PM

ارجو المساعة انا جديد هنا ولاعرف تفاصيل المشاركة والكتابه ارجو المساعدة والشكر الجزيل لك المشترك الجديد hesawi_hs

ارجوانة البصره

10-21-2006, 10:56 PM

شكراااااااااا لكل من دخل المساهمه واسفه اذا ازعجتكم بسؤالي ...هههههههههه
اني راح اجاوب على سؤال الارجوانه:
عمري 21 واني مرحله رابعه علوم حاسبات/بصره

اما سؤالي لاخ: هل انت بخيل ام كريم؟؟

هاي شنو والله صدفه انا هذي السنه تخرجت من علوم الحاسبات::14::
يجوز اعرفج ؟؟؟؟
انشاء الله يوم الج وتتخرجين حبيبتي::51::

بلم بصراوي

10-22-2006, 10:12 AM

طلعتوا عرف ها.

انة هم خريج حاسبات بس قبل 4 سنين.

نورهان

10-22-2006, 10:58 AM

ليش محد جاوب البنية على سؤالها؟
اني اذا احب فاثبت حبي من خلال تصرفاتي .. من خلال تعاملي ويا حبيبي... ومحافظتي عليه وخوفي وحرصي على مصلحته... والحب احساس وهو رح يكدر يحس بحبي اكيد اذا جنت احبه من صدك...
شكرااااااااااااااااااااااااااااااااااااااااااااااا ااااااااا
نورهان من البصرة
هندسة مرحلة 4
بس مااكول يا قسم
ههههههههههههه

نورهان

10-22-2006, 11:02 AM

ارجو المساعة انا جديد هنا ولاعرف تفاصيل المشاركة والكتابه ارجو المساعدة والشكر الجزيل لك المشترك الجديد hesawi_hs

اخي العزيز حساوي كلنا جنا مثلك مانعرف شلون نرد ولا شلون نضيف مواضيع بس شويا شويا تتعلم... طبعا تضيف رد باختيارك ( اضافة رد ) او ( اقتباس ).
تضيف موضوع من تاليفك تختار ( اضافة موضوع ) تلكاها ليجوة باي صفحة فرعية.
اوك؟

ملكة الحب

10-23-2006, 11:45 AM

شنو هاي الصدف الحلوه طلعنا عرف...هههههههههههه
احب اشكركم كليتكم على مروركم واشكر اختي نورهان على الرد والله يجبر بخاطرك لان جاوبتي هههههه
واشكر اختي الارجوانه واخويه بلم بصراوي.....

اما سؤالي هل انت بخيل او كريم؟؟؟ وكم وزنك وطولك؟؟؟

صيدلاني البصرة

10-23-2006, 11:57 AM

حلوة خوش مسابقه
الصراحه كريم
طولي 172
ووزني 80

وين اتداوم"؟ بالضبط

الحمداني

10-23-2006, 01:14 PM

انات كريم
طولي

الحمداني

10-23-2006, 01:15 PM

انات كريم
طولي 180
وزني 75
كلية الطب

ارجوانة البصره

10-23-2006, 02:38 PM

حلوة خوش مسابقه
الصراحه كريم
طولي 172
ووزني 80

وين اتداوم"؟ بالضبط

والله ما اداوم لان تخرجت من علوم الحاسبات وحالياً متعينه بالمطبخ مالتنا::16::

اللي بعدي
هو مين رح تروح بالعيد

القيسي/ ابن المنصور

10-23-2006, 02:46 PM

و الله اني رح اروح بل عيد لكوبن هاكن للمطعم و ارجع للبيت يعني واحد وين ايروح بل غربه ؟؟

اللي بعدي

تجي ويايه للمطعم؟؟

بلم بصراوي

10-23-2006, 06:30 PM

اي ........... ميخالف.

البعدي.

ششتريت للعيد ؟؟؟؟؟؟؟؟

ارجوانة البصره

10-25-2006, 01:32 PM

ملكة الحب وينج اشو ختفيتي,,,
يجوزانا اعرفج لان كتيلي اسمج لان كنت احد صديقاتج بالجامعه بس المشكله كلما ادزلج رساله خاصه ما تصير ما اعرف ليش اذا تحبين نتعرف ابعثيلي اميلج
بيباي

ملكة الحب

10-27-2006, 02:00 AM

شكرااااااااااااااااااااااا الكم كليتكم وشكرااااااااا حبيبتي الارجوانه راح ابعثلك الايميل برساله خاصه....
اني اداوم بجامعة البصره/علوم حاسبات اكيد تدرون لان اني كلت الكم.. فسؤالي؟؟

كم مره اتيت الى كلية العلوم؟؟؟؟؟

ملكة الحب

10-27-2006, 02:08 AM

حبيبتي حاولت ارسلك الايميل برساله مدا يرسل ...
راح اكتبه بالمنتدى بس هو بس الك اوكي...
whiteflower_1985_2006@yahoo

ملكة الحب

10-27-2006, 02:09 AM

اكرر الايميييييييييييييييييييييييييييييييييييييل الى ارجوانة البصره
ليششششششششششششششش ماكو رسائل خاصه؟؟؟؟
شو السبب؟؟؟؟؟؟؟؟؟؟
حبيبتي ارجوانه انتظرك

ارجوانة البصره

10-27-2006, 06:28 PM

هلو ملوكه هسه انا ضفتك يمي وانشاء الله نتكلم بالمسنجر واسفه على التأخير
وبالنسبه للرسائل الخاصه هاي بس الج متصير ما اعرف ليش لان بعثت رساله لصديقه ثانيه عادي صارت فما اعرف ليش؟ بس رح اسال وانشاء الله ارجعلج خبر

صيدلاني البصرة

10-28-2006, 01:35 AM

شنو اشو الموضوع صار خلي انسولف بين ارجوانه وملكه...............
وين الاسئله؟؟؟؟؟؟؟؟؟؟
يالله حسأل اني
منو اكثر واحد اتحبه بالبيت؟ بصراحه وواحد بس

ملكة الحب

10-29-2006, 10:16 AM

هله بأبن الديره الورد
اني بصراحه احب اخووووووووووويه مووووووت كلش ولان هو معايا بكلية الهندسه واني علوم فدائما اني يمه....ههههههههه

سؤالي:
كم مره حاب بحياتك؟؟؟؟

صيدلاني البصرة

10-29-2006, 11:23 PM

هلا بيج ومنوره المنتدى بمواضيعج....
ما اتصور الانسان يحب اكثر من مره
عالعموم اني لحد هسه ماكو..........
اخر مره ظارب(ه) محاظره يمته؟

ملكة الحب

11-01-2006, 12:31 AM

يارب تلكى البنت بأسرع وقت لان احنه بعصر السرعه..ههههههههههه
والله اني صارلس اسبوع ضاربه المحاظرات لان حاره وأحب اداوم بالحر..

كم مره زائر كلية العلوم؟؟؟؟

صيدلاني البصرة

11-01-2006, 02:46 PM

هالسنه ولا مره.........بس العام مرتين وقبلها همينه (يعني جاي هوايه)

السؤال:
شوكت اخر مره جاي لو جايه للصيدله؟

ملكة الحب

11-01-2006, 10:03 PM

شكرااااااااااااااااا جزيلا للرد يا صيدلاني البصره بس ليش هالسنه ولامره جاااااااااااي عموما لو كنه نعرفك بالسنين الفاتت كان ضيفناك بس منعرفك حسافه..هههههههههههههه

والله ولامره جايه للصيدله وامنيت حياتي اجي وكنت اسمع عنها هوايه بس مصارت فرصه حتى اجي

سؤالي:
ما هي السعاده برأيك؟؟؟؟

صيدلاني البصرة

11-02-2006, 02:43 PM

هالسنة انشاءالله نجيكم بالايام الجايه......لان ماشاءالله هوايه هوايه جاي اداوم (خخخخخخخخخخ)
بس انريد خوش ضيافه.....
والف هلا بيج....اتنور الصيدله بجيتج ....تعالي شوفي نادينه الجديد كلللللللللش حلو

-السعاده فد شي حلو بس ما اتصور اكو سعادة اتدوم...........
والسعاده بنظري .........اهم شي افرح صديق الي واي شخص مقرب الي...
ورضا الناس عليه اهم شي عندي......

السؤال/ شنو مطربك المفضل؟؟؟ واكلتك المفضله؟؟؟ ووين اخر مكان رايحتله غير الكليه؟

ملكة الحب

11-06-2006, 03:12 AM

شكراااااااااااااا عيني صيدلاني البصره على الضيافه والدعوه ..اوكي راح اجي للكليه خلال الاسبوع الجاي...

مطربي المفضل:ماجد المهندس
اكلتي المفضله: الجلي
اخ مكان رحتله امس: بيت جدو

اما سؤالي:
هل تسامح احد اذا اخطا بحقك؟؟؟ ام تزعل وتروح؟؟؟

basim77

11-06-2006, 08:52 AM

مرات اسامحه ومرات لا حسب الخطأ ..

يمته أخر مرة صرت(ي) عصبي(ه) كلش كلش ؟؟ وشنو السبب ؟؟

ملكة الحب

11-06-2006, 09:26 AM

بما انها لعبة الصراحه...الصراحه اني هسه كلش عصبيه كللللللللللللللللللللللللللللللش لان دا اتصل على(؟؟؟؟؟؟) ومدا القي رد واني اموووت من اتصل على احد وميجاوب....

سؤالي:
متى اخر مره قبلت فيها والدتك؟؟؟؟

basim77

11-06-2006, 03:14 PM

بشهر الثامن

منو أحلى وحدة (او واحد) شايفه (شايفتي ) بحياتك (ج)؟؟

صيدلاني البصرة

11-06-2006, 09:04 PM

امي اتضل احلى انسانه بعيني

شنو اسم المركز الساحب (ه) من عنده؟ والخط شلونه زين؟

basim77

11-07-2006, 07:11 AM

4Net ، والخط جان كلش زين هسه مو هالكد

شكد تصرف باليوم الواحد ؟

صيدلاني البصرة

11-07-2006, 12:47 PM

يعني مو سوه.......بس هالايام بالكليه تقريبا 5000
وغير الكرتات مال الموبايل و...............................الخ

كم محاظره دخلت اليوم؟ وكم محاظره مدخلت؟ واذا متخرج وين جنت الصبح؟

basim77

11-07-2006, 12:58 PM

الصبح جنت بالسوك أدور على كيبل Utp قوي

أخر مرة رحت للحلاق (ة) يمته ؟

ملكة الحب

11-07-2006, 04:54 PM

والله اني بنت ما عندي حلاق..هههههههههه عندي حلاقه بس ما اكوول شوكت رحت عيب..هههههههههههه

سؤالي:
كم كارت تصرف باليوم؟؟؟بصراحه؟؟؟

عندي سؤال الى صيدلاني البصره؟؟؟؟ بلازحمه؟؟؟
يخلون احد يدخل للكليه لان بصراحه الخميس راح اجي وسمعت ميدخلون احد ..ممكن ترد

ملكة الحب

11-07-2006, 04:55 PM

والله اني بنت ما عندي حلاق..هههههههههه عندي حلاقه بس ما اكوول شوكت رحت عيب..هههههههههههه

سؤالي:
كم كارت تصرف باليوم؟؟؟بصراحه؟؟؟

عندي سؤال الى صيدلاني البصره؟؟؟؟ بلازحمه؟؟؟
يخلون احد يدخل للكليه مالتك لان بصراحه الخميس راح اجي وسمعت ميدخلون احد ..ممكن ترد

حـ لا ينتهي ـب

11-07-2006, 05:29 PM

السلام عليكم ورحمة الله وبركاتة

شكرا على اللعبة الرائعة و الجميلـــة......و الممتعــة و التي تجعلنا نتصل ببعضنا ببعض الكلمات

راح ااجاوب على السؤال الاخـت ملكة الحب

قال كم كارت قال ... عيني قولي كم سنت تصرف مو كارت

الكارت يبقة عندي 2 الى 2 ونص اسبوع

لانة ماعندي شي اخلص علية الكارت

سؤال للي وراية ــ س\اليـــوم شفتـــــها لو لا ......أذا كنت ولد شفتها ـــــــــــــ واذا كنتي بنت شفتية اليوم ..؟

يا الله خلي انشوف الرد

و اذا بية ارحراج اعذرني و مو لازم اتجاوبة

نوننا المغتربة

11-07-2006, 05:57 PM

مشكورة يا اختنا لعبتج هاي كلش حلوة
يا حب لا ينتهي ما عندي جواب لانو ماكو احد
والسؤال يكول ................ شوكت اخر مرة اشتريت هدية لابوك (ج)؟؟؟؟؟

basim77

11-07-2006, 07:37 PM

اووووووووو صار كلش هواي
يمكن فد 10 سنين او أكثر

أحلى أغنيه عندك (ج) ؟؟؟

صيدلاني البصرة

11-07-2006, 07:49 PM

كانت قبل فتره ( كثير بنعشق) ل شيرين

هسه (كنت امفكر) لفضل شاكر لان البومه الجديد رهيب

يمته اخر مره بدلت موبايلك وشنو نوعيته هسه؟

basim77

11-08-2006, 07:25 AM

السنه الفاتت بشهر التاسع هسه هو نوكيا 6681

أخر مرة فرمتت الحاسبه ، وليش ؟

ملكة الحب

11-11-2006, 05:47 PM

والله ما فرمتت الحاسبه بعدني..هههههههههه

كم رساله خاصه عندك او عندج؟؟؟ وكم رساله ارسلتها؟؟؟؟

صيدلاني البصرة

11-11-2006, 06:02 PM

حاليا عندي 43 رساله.........الوارد 19
والصادره 24............
بيش الساعه نمت البارحه وكعدت اليوم؟

ملكة الحب

11-12-2006, 06:10 PM

نمت البارحه الساعه 10 وكعدت الساعه 6 صباحا تحت تأثير حلم مزعج...

كم مره غشيت في الامتحااااااااااااااان؟؟؟؟؟؟؟ او استخدمت براشيم

basim77

11-12-2006, 07:05 PM

بالاعداديه والمتوسطه خير من الله بس بالكليه بس غششت ما غشيت

يا رياضه تحب تمارسها ؟؟(أو تمارسيها ؟)

صيدلاني البصرة

11-12-2006, 08:16 PM

كرة القدم طبعااااااااااااااااااااااااااااا
وين كنت بالابتدائيه والمتوسطه والاعداديه والكليه؟ (اسماء الاماكن)؟

الــــ *وردة *بصره

11-14-2006, 09:52 PM

هذا موضوع رائع
انة اجاوب على سؤال صيدلاني
بالابتدائية جنت ب عمار بن ياسر بعدين بالثالث انتقلت للبكر
بالمتوسطة بالثورة العربية
و الاعدادية بالعشار
و الكلية بالهندسة
هسة انة اسأل اللي وراي
جاي للهندسة لو لا؟؟واذا جاي يمتة اخر مرة اجيت؟؟و ليش؟

ملكة الحب

11-15-2006, 10:00 AM

اني جايه للهندسه هووووووووايه واجيت يوم الاحد والاثنين والسبب اخويه بالهندسه ميكانيك مرحله 2

اما سؤالي؟؟؟؟
منو احلى كليه هسه بنظرك وليش؟؟؟؟؟ وشكم مره رايح لاحلى كليه بنظرك؟؟؟؟

صيدلاني البصرة

11-15-2006, 12:33 PM

هسه هسه كليتنا خخخخخخخخخخخخخ
لانها جديده وناديها جديد..........اني مقيم بيها........

اليوم الصبح وين جنت؟ وكم محاظره ضربت؟ واخر مكان رحتله غير الكليه

ملكة الحب

11-15-2006, 03:01 PM

والله الصراحه صيدلاني اني اليوم وباجر ماراح اداوم تعبانه اريد ارتاح هههههههههه
اروح الاحد عندي محاظره وحده وراها اجيلكم...

واليوم كليته اني بالبيت كله شغل مع مام...

سؤالي؟؟؟؟
ماذا تفعل اذا اتاك زائر الى مكانك وانت لم تره طول عمرك بس مجرد حصل تعارف معه عبر واسطه معينه؟؟؟ كيف ستقوم بضيافته؟؟؟وشنو تصرفك تجاهه؟؟؟

صيدلاني البصرة

11-15-2006, 07:19 PM

a;والله الصراحه صيدلاني اني اليوم وباجر ماراح اداوم تعبانه اريد ارتاح هههههههههه
اروح الاحد عندي محاظره وحده وراها اجيلكم...هلا بيج ....اتنور الكليه بجيتكم

واليوم كليته اني بالبيت كله شغل مع مام...

سؤالي؟؟؟؟
ماذا تفعل اذا اتاك زائر الى مكانك وانت لم تره طول عمرك بس مجرد حصل تعارف معه عبر واسطه معينه؟؟؟ كيف ستقوم بضيافته؟؟؟وشنو تصرفك تجاهه؟؟؟
اكيد راح اعرفه لان ممعقولي محيكلي شنو حيلبس وممعقوله مينطيني اي نقطه داله..........
واخذه للكفتيريا واكله شتريد اخذ ههههههههههه...... وافره على الكليه....كلهــــا

سؤالي/ برنامجك شنو ليوم الجمعه (غير الكابه) لان فد شي روتيني بيوم الجمعه ؟؟؟؟؟اخر اغنيه سمعتها وحسيت بيها (عجبتك)؟؟
شدسوي هسه؟

basim77

11-16-2006, 01:10 PM

a;
اكيد راح اعرفه لان ممعقولي محيكلي شنو حيلبس وممعقوله مينطيني اي نقطه داله..........
واخذه للكفتيريا واكله شتريد اخذ ههههههههههه...... وافره على الكليه....كلهــــا

سؤالي/ برنامجك شنو ليوم الجمعه (غير الكابه) لان فد شي روتيني بيوم الجمعه ؟؟؟؟؟اخر اغنيه سمعتها وحسيت بيها (عجبتك)؟؟
شدسوي هسه؟

الجمعه احتمال اروح للحلاق ..
اخر اغنيه لفضل شاكر - الله وأعلم
هسه كاعد أجاوب على الاسئله مالتك

س// شنو النغمه الي حاطها بموبايلك للرنين ؟؟

نوننا المغتربة

11-16-2006, 02:54 PM

اغنية solidad ل westlife
احى اسم(اسم بنية و ولد) عندك(ج)؟؟؟؟

basim77

11-16-2006, 06:33 PM

اسم بنات ، تعجبني الاسماء الغريبه ، الي ماكو منها قليل

يالون تحب(ين) تلبس (ين) ؟؟؟

صيدلاني البصرة

11-16-2006, 06:56 PM

غالبا غالبا .........الاصفر لو الاخضر.....
وبنطرونات غالبا غالبا جينز.....ويكون ثلجي

اخر خبر سمعته وحيــــــــــــــل فرحت؟

basim77

11-16-2006, 07:00 PM

هذا السؤال مو الي ، ما أسمع بس الاخبار السيئه

أخر صورة أخذتها يمته ؟؟ وشلون طلعت حلوه لو لا ؟؟

صيدلاني البصرة

11-16-2006, 07:09 PM

اخر صوره اخذتها.......بالنادي مال الكليه...واكيد تطلع حلوه لان بيها اصدقائي الي داشوفهم اكثر من اخواني(صارلي اكثر من 6 اشهر مشايفهم)............

احلى برنامج شفته وعجبك؟

ملكة الحب

11-18-2006, 03:42 AM

برنامج جورج قرداحي
سؤالي؟؟؟
منو اهم النت لو الاكل؟؟؟

basim77

11-18-2006, 04:32 PM

طبعا النت ، لأن الواحد يكدر ياكل وهو عالنت

شنو أسم الريحه الي تحبها كلش ؟؟

ميلو البصراوي

11-18-2006, 08:51 PM

والله هذا سؤال صعب هو اثنيهن مهمات بس الاكل اهم يعني بهاي الحالة يصير عدنا مهم واهم ولازم انقدم الاهم على المهم.....

السؤال للي بعدي:_كم سنة فاتتك بالمدرسة وليش ؟؟

TOTI_wael_TOTI

11-19-2006, 01:41 PM

سنه وحده بلثالث متوسط

و السبب تافه

على مود اختبار بنادي الميناء

ونقبلت بس بعدين انا بطلت

الي بعدي

اسمك الحقيقي شنو

حـ لا ينتهي ـب

11-19-2006, 09:33 PM

أسمــي الحقيقــي :- سنــــــــــــــــــــــــــــان رعــــــــــــــــــد ,أخو الشهيد أرسلااااااان {راح احجي قصة حياتي خخخخخخخخخخ }{صوجك ليــش سألت}

سؤال للي بعدي ..؟ يا هي احلى ايام الطلبة الاعدادية لو الكلــية ............................؟

ملكة الحب

11-20-2006, 12:30 AM

والله الاعداديه بصراحه......
سؤالي:ماهي نظرتك للبنت التي تكلمك طبعا صار التعارف صدفه !!! ثم جائز تعجب بك وتحبك؟؟؟بصراحه تحترمها وهل تحبها وتزوجها؟؟؟

حـ لا ينتهي ـب

11-20-2006, 11:32 AM

شكرا ملكة على الرد على السؤال ..؟ و طبعا الاعدادية احلــى مع انــة مناوين ايضوكونة طعم الكلية هل سنة ..!!

سؤالي:جوابـي

ماهي نظرتك للبنت التي تكلمك طبعا صار التعارف صدفه !!! نظرة احترام و نظرة اخوة فلا أعرفها و هي ايضا لا تعرفني ... و طبعا هذا الاحترام يزداد في مرور الايام

ثم جائز تعجب بك وتحبك؟؟؟جائز أن تعجب بي و أعجب بها و نحب بعضنا البنض و نتزوج . و نلتم سوية بالبيت خخخخخخخخخ

بصراحه تحترمها وهل تحبها وتزوجها؟؟؟ لا نعلم ما تخبئ لنا مشاعرنا فهي ليست ملكنا... طبعا أن كانت على خلق الرفيع و الاصفات التي احبها في البنت فلما لا تكون هي شريكة حياتي و زوجتي التي احبها و احترمها ..

المحب البصري

11-20-2006, 07:00 PM

انا بخيل في الكذب وكريم في الصدق
وطولي هو 1.72 سم
وزني هـــــو 72 كغم

وسؤالي للي بعدي هو كم عدد شعر راسك ...

حـ لا ينتهي ـب

11-21-2006, 05:23 PM

عــــــــــــاشت اخلاقك يا ابن البصرة ............أنتظر احســب شعر راسي .. فد خمس سنوات اذا امكن ..وأسف على المرة الفاتت لانة ماكتبت سؤال للي بعدي ............ و سؤال هو .. مرتاح بالعراق لو لا ...؟

basim77

11-22-2006, 09:07 AM

مو كلش مرتاح ، بس ما اعوفه

كم بوري مضروب ؟ وكم بوري ضارب ؟؟

صيدلاني البصرة

11-22-2006, 09:34 PM

الحمدلله لا ضارب ولا مضروب............
اخر شي ندمت عليه؟

basim77

11-23-2006, 09:59 AM

والله قبل يومين صارتلي هواي شغلات ندمت عليها - بس ماأكدر اكولها -

أحلى يوم بحياتك ؟؟؟؟؟

حـ لا ينتهي ـب

11-23-2006, 01:25 PM

هل تعلم أي يوم هو الاجمل في حياتي ...؟ أكيد تعلم و كل عراقي يعرف ما هو اليوم الجميل لي و هو يوم التحرير و الأمان و اليوم الي منشووووووووووف بية تفرقــة بين المذاهب !! !!

و السؤال .. هل تدخــن .. و ما هــو الســبب .. و هـل تستطيــع أن تترك ..؟أو /ــي

بمبش المدنفش

11-26-2006, 05:59 AM

والله اني محبيت بعدني .......!!
بس احب مركة الباميا والشبزي هههههههه....$
واني هم طالب علوم حاسبات مرحلة ثالثه والخوارزميات موتتني هههه

ملكة الحب

12-01-2006, 07:27 AM

شنو هاي الحاسبات كله هنايه والله تسلموووووووووووون للحاسبات...
سؤالي:
تاكلون وجباتكم اليوميه بانتظام؟؟؟؟؟؟؟؟؟؟لو اكو تعبير سطر.......هههههههههه

SeMchaYa

12-03-2006, 10:58 PM

طبعا حسب مافهمت السوال
يعني قصدج اكل الغده و العشه كول يوم نفس الساعه مو؟!
اذا هجي سوال ف لازم اكول لا
اي وكت اجوع اكل
مرات امشي و اكل و مرات
بيدي سندويجتي و انام::2::

اللي جاي وراي ...
يا مكان بالبصره يبيع اطيب ايس كريم؟!!::2::

basim77

12-04-2006, 02:08 PM

حسب رأيي الهدايا هو اطيب واحد يسوي اي كريم

شنو تحب تشرب: ببسي ، ميرندا ، سفن اب ، ........

ملكة الحب

12-06-2006, 08:33 AM

احب فانتا فراوله....
سؤالي: شوكت اخر مره رحت او رحتي الى جيكور؟؟؟؟؟؟؟؟

basim77

12-06-2006, 08:51 AM

اليوم مو اربعاء ، انا رحت يوم الاثنين

يا مطعم تحب اكله كلش ؟؟

لحن الحياة

12-06-2006, 05:41 PM

طبعا الموضوع كولش حلو
تسلمون كووووووووولكم
مطعم احلى طلى على جبل قاسيون
اكلة يجنن
اخر اغنية سمعتها او سمعتيها ؟؟

بغداد وحشتيني

12-06-2006, 07:03 PM

اخر اغنية سمعتها افكر بيك لحسام الرسام يومية اسمعها مخزونة عندي بالجهازز

سؤالي للي بعدي يكول : اذا كنت شاب : اذا عرفت اختك تحب شخص ولها علاقة شريفة وعفيفة معه وهو هم يحبها ومتفقين على ارتباط شتسوووي ؟؟

اذا كنتي بنوتة : شنو اهم صفة عندج تكون بحبيج بس كلت شي واحد مو اثنين !!!

شكرا عالموضوع الجميل

بمبش المدنفش

12-07-2006, 05:37 AM

اي عيني بغداد وحشتيني اني عندي اخت متزوجه واخت بلرابع الابتدائي............وبعد ما ادري جيل التسعينات شمسوي ما مسوي بس اعتقد اذا كانت العلاقه للخطوبه عادي كلش بس مو يلعب عليها حتى ابط عيونا بط هههههههههههه
والله الحبيبه موجوده واهم شي الاخلاق طبعاا والشي المهم عندي عيونها سووووووووود وكبار
تحياتي

وسؤالي للي بعدي::اذا شفت بنيه اذا كنت ولد واذا شفتي ولد اذا كنتي بنيه تتخرطبون بلشاع وعيونكم تضل تتلامض منا ومنا شبيكم؟.
جاوبوني تحياتي الحاره

تاجر الأحزان

01-11-2007, 07:01 AM

ملكت الحب هل من ماضي بالحب اذا ما بيه احرج

تاجر الأحزان

01-11-2007, 07:05 AM

احببت فتات منذو زمن ولكن شاء القدر ال يفرق بيننا واذكر انه طلبت مني ان افعل له شي لثبت حبي له
وقالت ... حبيبي..الكحل والتيزاب والسم ملاء البيك وتكلي اشرب لو ازعل اعليك ؟ جوابي كان ..الكحل والتيزاب ومن عندي ازيده واقبل تموت الروح ..بس بيدك شربني
هو بكل الحوال انا ميت ان شربت متت وان ماشرابت يزعل عليه واموت من القهر لئن ما تحمل زعله
اخوكم صاحب هذه التجرب وهيه منذو زمن,,,,, تاجر الاحزان

تاجر الأحزان

01-11-2007, 07:07 AM

قالو جننت بمن تهوى
فقلت مالذة العيش
ألآللمجانين

Sparks Weman

01-11-2007, 07:09 AM

وسؤالي للي بعدي::اذا شفت بنيه اذا كنت ولد واذا شفتي ولد اذا كنتي بنيه تتخرطبون بلشاع وعيونكم تضل تتلامض منا ومنا شبيكم؟.
جاوبوني تحياتي الحاره[/quote]
وليش يعني نتخربط
عادي شنو كائن غريب لو جاي من كوكب اكس
اصلا الي يتخربط عنده خلل فني
وسؤالي
شنو اكثر اسم بنية يعجبك
واسم ولد هماتين
تحياتي