المساعد الشخصي الرقمي

مشاهدة النسخة كاملة : سولف اشسويت اليوم بالكليه ارجو التثبيت

&& Ali 3loky &&
03-15-2008, 05:15 PM
بسم الله الرحمن الرحيم

السلام عليكم شباب
السلام عليكم بنات
اليوم جبتلكم موضوع حلو ان شاء الله يعجبكم وهذا الموضوع مو خاص بكليه ادارة والاقتصاد وانما بكل الكليات
وهو
.
.
.
اليوم شسويت بالكليه من اول موصلت وباي ساعه لحد ما رجعت سولف وبدون خجل
وان شاء الله يعجبكم
واشوف تعاونكم على انجاح هذا الموضوع
تحياتي لكم
::57::::57::::57::::57::::57::::57::::57::::57:::: 57::::57::::57::::57::::57::::57::::57::::57::::57 ::
&& Ali 3loky &&
03-15-2008, 05:20 PM
اتمنه تعاونكم وياي في انجاح هذا الموضوع تحياتي الكم
بوسني هنا وهنا
03-15-2008, 06:16 PM
حبيبي الغالي بالنسبة لليوم اليوم سبت ماكو دوام عود باجر من اداوم اجي اسولفلك شسويت ما سويت والله كريم ومشكوووووور على الموضوع الجميل
بوسني هنا وهنا
03-16-2008, 05:37 PM
اليوم وصلت للكلية ساعة ثمانية الة عشرة ذبيت السيارة بالكراج ورحت وصلت يم باب الكلية والمفتاح مال السيارة ( السويج) بيدي وافر بي لواكة بين قوسين هع المهم وصلت من دون الكل الحارس اشتبه بية كلي وين هويتك طلعت المحفظة ضليت ادور علما لكيتها حوالي خمس دقايق ضل يدقق بيها عاد اقتنع كلي توكل طبيت للكلية مشيت مشيت وصلت لباب الكافتريا ودخلت رحت لأبو الجاي الكتلوني طبعا هذا يومية اتعارك ويا لان هو كتلوني واني مدريدي وكل يومية توصل اني ويا للتواثي ويفاككونا هع لا جذب شقة نتشاقة اني ويا ونضحك عادي فالمهم شربت جاي كالمعتاد ابو الربع عاد رحت طلعت من الكافتريا فتت بالممر شفت ولد صديقي سلمت عليه وبستة 3 بوسات وسولفت ويا لمدة دقيقتان وترخصت منة ورحت للقاعة ما لكيت بيها بس ولد وكعدت يمة اني ويا نسولف شوية عاد كتلة امشي خلي نفتر علما تبدي المحاضرة الاولى ولله تمشينا وسولفنا وضحكنا عاد صارت ثمانية ونص جتي لقاعتنا ام الاقتصاد الوغف عاد شفت اصدقائي واكفين بباب القاعة محدقين وجانت ام الاقتصاد جاية من بعيد فكتلهم يلة امشوا نفتر مال محاضرة هي وجمالة وغف الله يستر وهمة همين كيفوا ولله افترينا رحنا للمحاسبة ورحنا لادارة الاعمال ورحنا عادين لا اكلكم ولا تكلولي اخذتها كلها تفرفر عاد صارت المحاضرة الرابعة كالو اكو امتحان حقوق انسان ومحد قاري كالوا ناجلة والغريب بالامر امتحان حقوق انسان ومحد قاري ادري هي حقوق انسان شنو محد قاري وجمالة مسويلنا ملازم مال حقوق انسان وفوكاها .... عاد جتي ام الحقوق ولله واجلوا وضلت تحجي شوية وهي هاي المحاضرة الوحيدة الي دخلتها الباقي كلة دياحة افتريت بالاحصاء وبالاقتصاد ورحت للملعب طلعوا سادي تكولون المنطقة الخضراء مو ملعب دائما سادي المهم رحت لرئاسة القسم شفت مقررة القسم مالتنا شربنا جاي وياها اني و3 من جماعتي المهم صارت ساعة ب 12 وربع رحنا للكافتريا الي يم الاحصاء وكالعادة كعدنا نكدي كراسي المهم حصلنا ورة شلعان الكلب وكعدنا فتحنا بلوتوثاتنا وحدقنا على الجماعة منا اغنية منا صورة منا مدري شنو ولله نكضت صارت وحدة ونص طلعنا من الكافتريا افترينا حوالي ساعة بالاقسام طبعا على المسائي صارت 2 ونص كتلهم يلة شدوا الرحال وطلعنا من الكلية والكعادة بالطريق ازدحام طبيت للبيت بالخمسة الة ربع وهاي قصة حياتي كلها قصة حياتي شنو هاي شبية اقصد يومي بالكلية ها شلوني اخبل هع هع هع
&& Ali 3loky &&
03-17-2008, 03:46 PM
مشكور
تحياتي الكم
EnDLeSs LoVe
03-17-2008, 05:02 PM
اليوم مارحت للكليه هع هع
مشكوووووووووووور
ميسي
03-17-2008, 05:53 PM
ههههههههههههههههههههههههههه
اليوم غياب مشكور حبي على الموضوع
S.W.A.T
03-17-2008, 06:04 PM
اليوم ضليت نايم وما رحت للكلية
هع هع هع هع هع هع هع هع
&& Ali 3loky &&
03-17-2008, 07:25 PM
مشكورين على الردود
تحياتي
&& Ali 3loky &&
03-17-2008, 07:29 PM
اني اليوم وصلت من وكت شويه وماعندي امتحان وضليت افتر مع العلم اول مطبيت بالنادي الي يم الاحصاء شربت جاي وبعدين رحت للملعب وكالو ممنوع اطبون لان اكو لعبه مال كرة سله مال بنات وبعدين ظليت افتر اني وصديقي مع العلم اليوم ضوجه لان عدنه بنات اثنين مجايات وهنه بنات حيل حبابات وهنه اول حرف من اسمهن هو ص و ر وبعدين طبيت محاضرتين مال رياضيات وطلعنه ضليت افتر لحد الساعه 3.5 وطلعت من الكليه ورجعت للبيت
تحياتي
Golden_Boy
03-18-2008, 05:04 PM
اني اليوم ما رحت للكلية من الصبح.. جان عندي شغلة.. او بالاحرى زيارة لغير كلية .. الجامعة المستنصريه كلية طب الاسنان .. رحت وي اصدقائي ثنين... بس شنو لعبت نفسي منها .. عبالك قوطيه مو كلية... يعني كليتهم كلهه هي و الاقسام و النادي و الساحة و الكراج .. كلهه بكد الملعب و الحسابات مال كليتنه... و انتو قيسوا... بقيت و طلعت من يمهم ساعه دعش ونص .. و جيت لكليتنه ووصلت ساعه 12 وخمسه... طبعا كلهم كلولي شكو جيت هو الدوام و خلص هههههه... اول ما دخلت شفت الملعب مقبط و دك هوسات و تشجيع و الدنيا مكلوبة.. اثاري جانت اكو لعبه بين ابن الهيثم و طب الكندي... كعدت اتفرج عله اللعبه وي صديقي و صورت كم مقطع منها.. خلصنه اللعبه و رحت سلمت عله باقي الولد و البنات الي بالشعبه.. و كعدنه شويه بالنادي ... سوالف و ضحك هههههه .. شو صارت بالوحدة ونص.. عاد اجه الخط علينه و رجعت للبيت...
...
بس اقتنعت هسه انه كليتنه كلش كلش حلوة قياسا الى قسم من الكليات.. مثلا طب الاسنان مستنصرية او الصيدلة و العلوم و باقي الكليات ... طبعا عدا جامعة بغداد مال الجادرية و النهرين و الجامعة التكنلوجيه.. هاي احله كليات العراق بدون جدال
&& Ali 3loky &&
03-18-2008, 09:30 PM
مشكور حبيبي على الرد منور الموضوع
تحياتي
&& Ali 3loky &&
03-18-2008, 09:46 PM
اليوم جانت عالكه بالملعب مال الكليه واني طبيت شويه شجعت وما اعرف المن شجعت وبعدين رحت للنادي شربت جاي ورحت للقسم وكعدت بالحديقه الي جوة قسمنه اني وصديقي واكو بنات اثنين جانن قبل يومين مجايات وجانت الشعبه ماله طعم ابلايهم واليوم اجني ورحنه سوة قرينه وضحكنه وامتحنه ونقلنه سوة وبعدين عزمتني وحده من البنات الغاليه عليه على قوطيه ببسي والبنيه الثانيه على جبس وبعدين كعدنه على المصاطب الي اكبال النادي وبعدين افترينه وصارت الساعه 3.15 واجه الخط ورجعنه للبيت وعاشو عيشه سعيده
تحياتي
&& Ali 3loky &&
03-18-2008, 09:54 PM
اليوم جانت عالكه بالملعب مال الكليه واني طبيت شويه شجعت وما اعرف المن شجعت وبعدين رحت للنادي شربت جاي ورحت للقسم وكعدت بالحديقه الي جوة قسمنه اني وصديقي واكو بنات اثنين جانن قبل يومين مجايات وجانت الشعبه ماله طعم ابلايهم واليوم اجني ورحنه سوة قرينه وضحكنه وامتحنه ونقلنه سوة وبعدين عزمتني وحده من البنات الغاليه عليه على قوطيه ببسي والبنيه الثانيه على جبس وبعدين كعدنه على المصاطب الي اكبال النادي وبعدين افترينه وصارت الساعه 3.15 واجه الخط ورجعنه للبيت وعاشو عيشه سعيده
تحياتي
Golden_Boy
03-20-2008, 08:27 AM
اليوم عطله ههههههههه
بوسني هنا وهنا
03-20-2008, 12:17 PM
اني اليوم ما رحت للكلية من الصبح.. جان عندي شغلة.. او بالاحرى زيارة لغير كلية .. الجامعة المستنصريه كلية طب الاسنان .. رحت وي اصدقائي ثنين... بس شنو لعبت نفسي منها .. عبالك قوطيه مو كلية... يعني كليتهم كلهه هي و الاقسام و النادي و الساحة و الكراج .. كلهه بكد الملعب و الحسابات مال كليتنه... و انتو قيسوا... بقيت و طلعت من يمهم ساعه دعش ونص .. و جيت لكليتنه ووصلت ساعه 12 وخمسه... طبعا كلهم كلولي شكو جيت هو الدوام و خلص هههههه... اول ما دخلت شفت الملعب مقبط و دك هوسات و تشجيع و الدنيا مكلوبة.. اثاري جانت اكو لعبه بين ابن الهيثم و طب الكندي... كعدت اتفرج عله اللعبه وي صديقي و صورت كم مقطع منها.. خلصنه اللعبه و رحت سلمت عله باقي الولد و البنات الي بالشعبه.. و كعدنه شويه بالنادي ... سوالف و ضحك هههههه .. شو صارت بالوحدة ونص.. عاد اجه الخط علينه و رجعت للبيت...
...
بس اقتنعت هسه انه كليتنه كلش كلش حلوة قياسا الى قسم من الكليات.. مثلا طب الاسنان مستنصرية او الصيدلة و العلوم و باقي الكليات ... طبعا عدا جامعة بغداد مال الجادرية و النهرين و الجامعة التكنلوجيه.. هاي احله كليات العراق بدون جدال
لازم انت نفسك الي ذاك اليوم جان يمشي وياك حسين الي يداوم بطب اسنان المستنصرية مو لو مومو ؟؟؟ لان هناك كلهم جماعتي همين لان دائما اروح هناك
&& Ali 3loky &&
03-24-2008, 11:12 PM
اني اليوم جنت افتر بالكليه من نادي الادارة لحد نادي الاحصاء وشربنه ببسي واكلنه لفات وازبري وعلكت كله نكات وتحشيش
تحياتي
&& Ali 3loky &&
03-27-2008, 02:42 AM
مشكورين تحياتي
&& Ali 3loky &&
03-31-2008, 11:25 PM
اليوم عطله ومنسولف بس باجر دوام ولازم انسولف
مصطفى القيسي-روميو بغداد
04-01-2008, 09:16 PM
مساء الخير
انـي اليوم مادخلت اول محاضرة فرحت كعدت بقاعة وحدي بأدارة الاعمال اول طابق داشرب ببسي واقرة بملزمة لكيتها بالقاعة الكعدت بيها فادتني واني جنت ضايج اسمها اعداد الرسالات الجامعية ..
ورجعت على محاضرة الادارة اخذت موعد الامتحان وطلعت
ـــــ
تسلم على الموضوع
تبقل مروري
ولك مني طيب المنى
مصطفى القيسي
&& Ali 3loky &&
05-09-2008, 09:40 PM
مشكووووووووور مصطفى منور الموضوع


اليوم ماكو دوام لان جمعه وان شاء الله الاحد انسولف وكل يوم هم نسولف
رسل البغداديه
05-10-2008, 12:36 PM
مشكور علي على الموضوع الحلوه
واكيد من انداوم الاحد ان شا ء الله راح نسولف عن اليوم
بس صدك علي احجينه على يوم الاربعاء امتحان الرياضيات شصار والله جان موقف ايضحك
والقااااعه كله اخذت صفر
&& Ali 3loky &&
05-10-2008, 01:05 PM
اي صح ليش انتي بشعبه الالف اني جانت الاسئله مالتي Aوسهله وجاوبتهن كلهن ورحت وراها واستلمت الورقه مالتي بس ويمكن اخذ 18 من 20 ان شاء الله وانتي وين اداومين ::13::
رسل البغداديه
05-10-2008, 01:09 PM
لا علي الاستاذه كالت القاعه كله صفر وطلعت صارت عصبيه علينه
&& Ali 3loky &&
05-10-2008, 02:13 PM
رسل ليش انتي وين اداومين باي قسم ويانا بالادارة الصناعيه لو لالالا
&& Ali 3loky &&
05-11-2008, 05:46 PM
اليوم وصلنه متاخرين والمحاظرة الاولى عربي وزعنه الدرجات والمحاظرة الثانيه امتحان حقوق وطلعت البراشيم ونقلت وبعدين رحت شفت اسمي بالقائمه مال الامتحانات النهائيه مال الرسم الهندسي وشفت اسم رسل هم
لولو كرميلا
07-05-2008, 08:49 AM
والله اني مع الاسف هسه عطله
شاركت متاخر ان شاء الله بيوم الي اروح بيه للنتائج اجي واسولف اشصاربس اندعيلي ان شاء الله اكون ناجحه::50::
وعاشت ايدك على هيج موضوع
&& Ali 3loky &&
07-06-2008, 12:42 AM
ان شاء الله النجاح بس انتي اي قسم واي مرحله