بنت الجيران الجلاق نمبر تو

[غيث الربيعي]

السلام عليكم
-----------------


الطليان اللي مقروا الجزء الاول خل يفوتون هنا ويقروا حتى يكدرون يكملون ويانة

(كبر)




http://dijlh.net/showthread.php?t=262725



بنت الجيران 2

وكما عرفنه بالجزء الاول انه صار لقاء صدفه مع بنت الجيران وهي تكنس الطارمه مال بيتهم ومن شفتها

كلبي صار مثل المكناسه مالتها يخرخش من ثاني نظره حبيتها ولانه جان اكو غبار مال تراب الطارمه مالتهم على اول نظره
الي تكنسها فجانت اول نظره مو واضحه ولكم بعد ان انقشع الغبار(حلوة هاي مال انقشع الغبار مثقف مو بيدي) شفتها بس ماعرفت هي بيضه لو حنطيه
لانه الغبار جان تارس وجها تكول عبالك جاي تكنس بمدفع رشاش مو مكناسه


وردت اسلم عليها وجاي اكول السلام وجان الصمت ينقطع بصوت عالي يكول (( عيني من صدقه لهاي الطارمه مالتكم
شنو الله بس الكم انطاكم طارمه وفرحانين بيها يوميه كانسيها مو المنطقه مالتنه الي تتسمى الواحه الحسناء صارت الصحراء
الغربيه من وره الغبار مال الكنس مالتكم شنو يوميه تكنسوها شويه كنسوا الطارمه
وشويه كنسوا شعركم من الكمل الي بيه ))

منو هاي التي الي تصيح انداريت جان اشوف لك هاي عمتي هله هله الاصت عبود على الشيعه وعمتي معروفه بالمنطقه
كريندايزر الكل تخاف منها اذا حمرت العين اربع عوائل من الشارع تهاجر الى الحبشه وتروح للملك مال الحبشه
يطلبون لجوء انساني ويكولون جئناك نعاني من عمة غيث والمشكله المنطقه مالتنه كلهم صار بيهم مرض التبصبصيه
والتلصلصيه اذا عمة غيث تتعارك محد يطلع بالشارع كلهم من وره السياج يتنصتون لانه عمتي تحب من تتعارك وي احد
من الجوارين تحب بس الشخص المعني بالعركه يصير اكبالها لانه اذا جان اكو احد ماله علاقه عمتي تسويه طسه
بالشارع من اول راشدي


المهم عمتي من صيحت على البنيه الشارع صار صنطه وتوقفت الحياة الكل صافن يخاف يتحرك حتى جان اكون
جلب رافع رجله اليمنه يريد يبول حصر نفسه حتى لا يبول وضل رافع رجله مانزلها لانه يخاف وحتى جانت
بزونه دتحفر حفره اصغير حتى تسويها(الععا مال هية) وخطيه جانت مخلصه وتريد تدفن الحفره بس صارت الهوسه مال العمة مال اني(اللي هية يعني عمتي)
ومادفنتها بقت امكابلتها للخيسه مالتها وكاعده تنتظر تخلص العركه حتى البزونه تدفن الخيسه مالتها وتروح


اما البنيه بنت الجيران خطيه صارت مثل الصنم هبل لا تاخذ ولا تنطي وكامت ترجف تهتز اني كلت راح تموت
بس طلعت هي ماترجف طلعت الطارمه الي جواها هي الي ترجف من عمتي حتى الكاشي مال الطارمه من الخوف
كام يتخلخل

وعمتي لا تزال اتصيح عاد اني رحت عليها كتلهاعمتي عمتي جان تكول ولك انت منو انت من المنطقه
اني بهاي اللحظه اتخبلت اجاني احساس انه اني مو ابنهم وهم شافوني يم الجامع واخذوني واجاني احساس انه عمتي مو عمتي
وعمتي الاصليه هي الاميره ديانا واني ابن اخو ديانا ولي العهد مال بريطانيا وحبوبتي الملكه اليزابيث العوبه بس
بعدين كتلها عمتي اني غيث جان تكول اها ماعرفتك وجهم كله غبار مال هذوله الجوارين الجلاب وجان
تشيل طابوكه من الكاع تريد تضرب شباك المطبخ مالتهم بس اني شنو شمرت نفسي بالهواء حتى الزم الطابوكه
مثل حارس المرمى مال افغانستان ماردونا وبهاي اللحظه جان المدرب عمر بابا مار بالسياره رايح للسوك يجيب
كرفس وشافني شلو طرت بالهواء الزم الطابوكه وجان يكول ابني تجي تصير جارس مرمى منتخب العراق كتله
ولك وكتها والحمد لله لزمة الطابوكه

وبهاي اللحطه والصياح وخطيه البزونه بعدها مكابله الخيسه مالتها ونفسها تلعب والجلب بعده رافع رجله وحاصر روحه
يخاف لا تطلع البوله مالته وخطيه صاير احمر من شكد مايعصر وبهاي الهوسه جان تطلع ام بنت الجيران خطيه عبالها
هاي الهوسه هي زفه مال عروس بشارعنه وطلعت اتهلهل خطيه وهي ام بنت الجيران حلكها اعوج زاحف شويه الي اليمين
فهلهولتها طالعه عبالك عفطه مال شايب وهي ام بنت الجبران طالعه لابسه اخر عيطه بالموده العفو اخر صيحه بالموده
وتهلهل


وصارت عمتو اكبال ام بنت الجيران ولحظه هدوء اخرى التقى الجبلان عمتي وام بنت الجيران توقفت الحياة مره اخرى
البزونه مكابله خيستها وبعد شويه اتزوع المسكينه والجلب ياعيني بعده رافع رجله وخانك البوله مالته وراح ينفجر
الا شويه ولحظة ذهول وسكون المنطقه صارت صنطه اذا اذب ابره بالكاع راح تسمع صوتها وبقت عمتي صافنه
بوجه بنت الجيران حوالي ساعه كامله اتخيل ساعه كامله والبزونه مكابله خيستها بعد شويه راح يغمى عليها والجلب
بعده رافع رجله وخانك بولته وراح يصير بيه شلل بالرجل


وجان عمتي تكطع حبل الصمت وقالت الى ام بنت الجيران انتي مو سعديه ابن سيد حامد جان ام بنت الجيران كالت
انتي مو الملكه عاليه معقوله

شنو طلع طلعت ام بنت الجيران وعمتي سويه بصف الاول ابتدائي ايام المدرسه وعمتي تعاركت وياها لانه ام بنت الجيران
اخذت المقطاطه مالتها وكاسرتها من جانت اتقط القلم مالتها مما ادى الى انه عمتي تركع ام بنت الجيران من جانوا طالبات
بصف الاول ابتدائي راشدي مما ادى الى انه حلك ام بنت الجيران ينعوج من جانت بصف الاول ابتدائي ولحد الان معوج
ولهذا الهلهوله مالتها طالعه جنها عفظة شايب


ماذا حدث انتظرونا بالحلقه الثالثه من مسلسل بنت الجيران

وماطول ماكو زيتية حنزل موضوع قديم اني كاتبة جنت بمنتدى الترفيه سابقا بس شو الغى ردوا

[Crazy g!rl]

يسلموووووووووووووووو يالربيعي

[Avril Al translator]

thnxxxxxxxxxxx keath

[the dragon]

عاااااااااااااااااااشت ألأيادي ,::43::, موضوع جميل , أبدعت ,::ok::, تحياتي لكم وتقبلوا مروري . ::51::

[omerking]

مشكورررررررررررررررررررررررر

[yAssEr . eMaD]

صدقه الله على هل موضوع الضايج والمقززز
..........................................

[alialkarade2006]

اخويه غيوثي شنو انته والله متت من الضحك خاصه سالفه البزونه والجلب هسهسهسهسهس عااااااااا
مساكين هايه عمتك مستبده ماخذه على الفرع
هيه فرع لو دربونه
دربونه لو كتلونه
كتلونه لو ريال مدريد
مدريد لو تريد
تريد مال باميه
باميه لو فاصوليه
فاصوليه لو جدريه
جدريه لو حمديه
::48::شني هاي::48::
::6::هههههههههههههه::6::
::43::تحياتي::43::

[زورو دجله]

مشكوووووووووووووووووووور