طلب صلاة مستعجلة كلش

[عاشقة دجلة / المسسبي]

هلو حبايبي .. شونكم ؟

طبعا رح اقهركم بهاذة الخبر بس شكد ميكون محزن فاحنة كلنة واحد بجسد المسيح يسوع و لازم نتعاضد بل ضروف الشديدة


اكو صديق سعودي متحول للمسيحية بل جديد مع انو هوة يكول اسمه الاول و لقبه بل منتديات .. بس آني مرح اكولة

قصة تحولة للمسيحية تتضمن انو هوة كال لعائلتة ورة مصار مسيحي و عائلتة ضربو و ودو عل محكمة و طالبو باقامة حد الردة علة ابنهم

فلمن سئلو بل محكمة انت تحولت مسيحي .. كال خل ابقي علة حياتي عل اقل .. و كال لا آني مسلم ..

و ظل مسيحي بل سر .. بس اهلة يعرفون السالفة نوعا ما ..

و لبارحة لزمو الشرطة .. و ماكو اخبار عنة لي هسة ..

و الله يعلم شرح يسوون

اطلب منكم الصلاة وياية بكلب واحد انو مينكر الرب يسوع هاي المرة .. اذا يسوع سامحة هذيج المرة لئن جان كلش جديد و خايف .. بس الله ميظل يغفرلنة خطايانا شكد مكررناهة خاصة هوة ممتعمذ و ميكدر لا يتناول و لا يعترف .. و نكران الاله مو خطيئة زغيرة ( من انكرني امام الناس انكره امام ابي الذي في السماوات )


ربي يسوع .. احمي .. كون ويا .. حوطه بحنيتك يسوعي .. واسي من الجروح

و خللي يتذكر انو ( طوبى للذين يهانون و يجلدون من اجل اسمي )

يا قديسة مهرائيل .. يا شهيدة .. يا عروسة يسوع .. صليلة .. انو يقوة ايمانه مثل ايمانج و يشهد ليسوع باعلة صوتة حتلو علة حساب حياته البشرية

رح ينتقل مثلج من الموت للحياة المباركة الأبدية الغير موصوفة

يا مريم .. مريم امي يا قديسة ارجوج ديري بالج عليه بل وضع اللي هسة هوة بي .. هوني عليه .. صبريه يتحمل

ربي حن عليه .. جديد وياك .. هوّن عليه التجربة

و خللي تصير مشئيتك

آني متأكدة مرح تعوفه .. انت اخذته من ايده و جبته لطريقك .. جبته للحياة .. اكيد مرح تعوفه يستسلم للخوف مرة لخ

ربي نطلب منك تقوي و تنطي شجاعة الايمان بيك و الاعتراف بيك فوك كل شي

آمين ..

يا اصدقائي و اخوتي بجسد يسوع .. اطلب منكم تصلون .. تكتبولنة صلواتكم بل منتدى و تذكرون الولد بصلاتكم اليومية

ارجوكم .. كلنة بكلب واحد

ايها الحمل الحامل خطايا العالم ارحمنا
ايها الحمل الحامل خطايا العالم ارحمنا
ايها الحمل الحامل خطايا العالم امنحنا السلام امنحنا السلام امنحنا السلام



سلام اخوتي

[reoo]

عاشقة شنو هل خبر ...؟؟؟؟؟؟؟؟؟؟؟
اني أولا ماعبالي انه سعودي صاير مسيحي ..بالحقيقة ماكنت أعرف , عبالي هو أساسا مسيحي,, بس ألي أعرفه أنه هو يمكن ابغداد..وأنقطع فترة وأكيد تتذكرين أنه نحن المجموعة الأولى ألي كنا موجودين بالمنتدى المسيحي..
أني اكيد ماعرف سبب تحوله للمسيحية بس أني أسأل أنه من المفروض عليه أنه مهما صار لا ينكر أنه مسيحي ..(( من نكري أنكره عند أبي ..)).يعني شنو الفرق بينه وبين ألي يختطفون المسيحيين ويغصبوهم أن يصيروا مسلمين..فلازم أحنى بهيجي مواقف أبد ماننكر أنه نحن مسيحيين .. يسوع هو يكوللنا أنه لأجل أسمه راح نقتل ونتعذب ..هذا صليبا في كل الأحوال ..
بس أكيد راح نصليله أنه الله ينجي من المأزق ألي هو بيه..
أصلي وأطلب من أول شهيد في المسيحية القديس أسطيفانوس أن يتشفعله ..
أصلي واطلب من أمنا مريم أن تحتضنه مثل ما حضنته من ولد ومن كان يمشي في درب أللامه..
أصلي واطلب من القديس مطهمزكرد ألي كان يقتل المسيحين بسبب مسيحيتهم ولكنه أمن وأصبح مسيحي أن يتشفع أله..
ياأبونا السماوي ..خفف من ألام أبنك سعودي ..أذا هو نكرك فأنت لا تنكره..
أمين..

[~¤§ بيننياااا §¤~]

الله يكون بعونة واكيد رح نصليلة قصة حزينة

[عاشقة دجلة / المسسبي]

ريو هوة غير واحد ماعتقد التحجي عنة .. الداحجي عنة واحد سعودي عايش طول حياتة هناكة و مداخل لمنتدانة بيوم


ربي يسمع صلاتك

آمين آمين

[برونا دكرملش]

الله يكون بعونة وأكيد رح نصليله

[فريق الصلاة]

أحبائي قلوبنا معاكم وصلواتنا دائما لكم ,, لكن لابد من حمل الصليب , ولقد اخترتم الطريق الصحيح ولقد أزعجتم ابليس حتماً , واطمئنوا الفرج قريب ,, لأن الله لايرد ذل محبيه و وعده صادق ,,, ربنا يقويكم ويثبتكم ويبارككم بنعمه ,,, إضطهاد المسيحيين من قبل مستمر منذ ألفي عام ,, لن تكون أول أو آخر واحد لاسيما ان الاخ السعودي من خلفية اسلامية وبنظرهم انك مرتد ويتوجب تطبيق قانون الارتداد المتعارف عليه لديهم ..هناك لذة في الاضطهاد من أجل المسيح , من يمسكم يمس حدقة عينه ,,, لاتخافوا لأن الله معكم وهو الذي اختاركم ,, يا أبطال الايمان ,,, إن من يريدون قتلكم فقد حفروا قبورهم بأيدهم وسلمناهم لله ليضعهم في ميزان عدله ورحمته ودمتم برعاية الرب يسوع له كل المجد اميــــــــن.
بخت سهدا .

[عاشقة دجلة / المسسبي]

آمين .......