اللي يقرة موضوعي راح يكرهني اكيد

[جنابية]

هلااااااااااااو شلونكم عيني انشالة زينين
بالحقيقة اني اكتبت هذا الموضوع لان اكو شي بداخلي اريد احجي واذا مااحجي انفجر فاحسن شي احجيلكميا طبعا اني كلتلكم انو اني العام جنت بالمستنصرية وهالسنة انقلت وبارادتي انقلت بس النقل مالتي جان اكبر غلطة بحياتي واكثر شي متندمة علي واتمنة لو يرجع الزمن وماانقل بس شسوي حضي ونصيبي واريد اكلكم شي الجامعة المستنصرية هي احلة جامعة بالدنية ومشتاقتلهة موت والله احلة لحظات واحلة ايام عشتهة هناك بكل دقيقة وكل ثانية وكل لحظة وشكد مدااحاول احب جامعتكم مدااكدر بالعكس كل يوم اكرهة اكثر واكثر واعذروني لان هيجي داحجي بس الصراحة حلوة واول وتالي هي صارت بعد جامعتي.
دوختكم بلغوتي اكيد بس ميخالف قبلوهة مني

[lily of valley]

الله كريم ولازم تتقبلين الوضع وراح تتعودين شوية شوية

واحنا بالنسبة النا التكنلوجيه احلى جامعة لان عشنا بيها احلى سنين

واعتقد انه الشخص الي يدخل اول جامعة حيعتبرها الاحلى

واني هم نفس الحاله صارت بيا

وبعدين تعودت عالوضع وصار عندي اصدقاء وصديقات وتونسنا وتخرجنا وكضينا احلى ايام

وهسه صارت سوالف

ايبااااااااه ذكرتيني بيهم

تحياتي الج حبيبتي

[مصطفى ليث قاسم]

السلام عليكم ورحمة الله وبركاته
شلونكم حبايبي الأعضاء
وشلونج أختي العزيزة يا أيتها الجنابية وزميلتنا بالجامعة
هو أكو شغلة بغض النظر عن موضوعج وإلي لح أكتبه هو صلب موضوعج بالمعنى العام
حتى تكدرين تتخذيه مثل القانون أو المبدأ بحياتج
إن كنتي ما توكعين في ندمٍ ما
أوكي
شوفي خلي في نفسيتج إنه تعتبرين في كل سنة تمر بيج وتخلصيها
تحبيها أو بمعنى تجرعيها أو تتأذين منها او تفرحين منها أو تبجين أو تضحكين

الحزن والفرح وجهان لمعنى واحد
وهو روح الإنسان ومعنى حياة الإنسان هية التعب و الراحة
الحزن والفرح
البكاء والضحك
ليش الإنسان من يشوف فد شيئ يفرحه يبجي
وليش الإنسان من يشوف شيئ محزن محزن يبجي
هنا يكمن المعنى
ـــــــــــــــــــــــــ
شوفي أكلج شيئ كل سنة تمر من حياتنا أو نعيشها باللحظة أومرت منا
فلازم نقنع نفسنا إنه نرضى بهذه السنة إن كانت حلوة أو حزينة أو متعبة أو بيها تعب نفسي وعدم راحة
فكل ماشي وحسب ما يقسمه رب العالمين
إنتي لازم بأول شيئ أصلا من الكلام أن تعتقدين الإعتقاد الكامل بإنه الحياة مقدرة من الله
وحسب ما هو الله سبحانه وتعالى قاسملنا نشوف لح نشوف بقراراتنا
ترة ماكو كلشيئ بالحياة نتمنى أو نريده أو نقرره أو نفكر بيه لح يكون هو المثالي أو هو القرار الأصح

لأنه مجالات الحياة بتفاصيلها أصلا أكبر من عدنا
فشوي شغلتج إلي متعبتج هية شنو بالضبط
وإن كدرتي تحليها فخيرا
وإن ما كدرتي تحليها ترضين بالواقع وإن ما كدرتي تغيرين شيئ يعني
تقنعين بالواقع وتكولين الحمد لله والشكر لله
ـــــــــــــــــــــــــ
وأكو شيئ أخر إن كدرتي تشوفين أصدقاء وما صارت
فخلي في أحد قوانين الصداقة هو
الصحبة الصالحة
يمكن لح تشوفين فرق فكري وأبحثي عن معنى الصحبة الصالحة
وإن شاء الله تكدرين تمشين حياتج بما تريدين وحسب قوانينج
ــــــــــــــــــــــــ
أني كتبت هواية وياربي تكون الإطالة بيها فائدة إلج
ومشكورة على شعورج إلي أفصحتي عنه في المنتدى
@@@@@@@@@@@
@@@@@@@@@@
@@@@@@@@@
@@@@@@@@
@@@@@@@
@@@@@@
@@@@@
@@@@
@@@
@@
@
ـــــــــــــــــــــــ

[المعمارية87]

هلو يا جنابية شلونج بالنسبة للشي الكلتي ا نتي اكيد جنت مظطرة من انقلتي للتكنلوجية يعني الظروف هية الي قررت مو انتي حسب مفتهمت لان الي فتهمتة انو انتي تحبين جامعتج فلهذا هذا شي مو بيدج فانتي لازم تحاولين تتاقلمين ويا الظروف وتفكرين انو انتي اهم شي شنو لح تحصلي من الجامعة اكيد الشهادة لان احنة من دنداوم الهدف الوحيد الي نريدة الشهادة فمتفرق هواية اذا كانت من التكنلوجية او المستنصرية واتمنى الج التوفيق وانشالله ترتاحين بلجامعة تقبلي مروري

[جنابية]

اشكركم كلكم والله كلامكم حييييييييييييييييييل اثر بية وغير بية حاجات هواية واشكر مساندتكم الي ويارب الله يوفقكم

[بنوتة علوم الحاسبات]

مساء الخير اختي جنابية ....باعي عمري اي واحد يروح مكان جديد يحس نفسه غريب بيه ويحس هذا مو مكانه ... بس هسة بمرور الوقت رح تحبين الجامعة ..واكولج فد شغلة .. احنة جامعتنة احلة جامعة .. وهذا الحجي الي دااكوله مو لأن اني طالبة بيهة ... والله اني سامعة هذا الشي من طلاب بجامعة بغداد وبكلية المأمون وغير وغير وانشالله يزول منج هذا الشعور وترتاحين ويانة واني متأكدة انه انتي رح تتعودين ... واي شي تحتاجين اني موجودة

[Nightwish]

لا وردة بالعكس ليش نكرهج
هذا شي طبيعي و هو نفس شعوري حاليا
مع انه اني صارلي سنتين من انقلت من التكنو
بس مع ذلك بعدني متأقلمت لانه هنانة شوية المجتمع
منغلق و شوية عنصريين
المهم انتي بالتكنو ان شاء الله اكيد تتأقلمين لانه التكنولوجيين
كولهم ورود و حبابين

[sonia]

يلا جنابية انشاء الله تتعودين مع مرور الوقت على جامعتنا