نقلا عن ايلاف :الطالباني وعلاوي يتباحثون اعاده تشكيل الحكومه

[زيزو الناصرية]

نقلا عن ايلاف



بحث الرئيس العراقي جلال طالباني مع زعيم القائمة العراقية رئيس الوزراء السابق اياد علاوي اعادة تشكيل الحكومة وعودة وزراء العراقية اليها. جاء ذلك خلال اجتماع عقده طالباني مع علاوي في بغداد الليلة حيث بحثا عملية المصالحة الوطنية وايجاد الحلول المعقولة للمشاكل السياسية واعادة تشكيل حكومة الوحدة الوطنية.

كما ناقشا "ضرورة توحيد القوى السياسية في اطار ما يشبه بجبهة وطنية عراقية عريضة وذلك للخروج من التقوقعات الطائفية والقومية" كما قال بيان صحفي لمكتب اعلام الاتحاد الوطني الكردستاني الذي يتزعمه طالباني . واكد ان "الآراء متقاربة جدا من بعضها البعض" حيث عبر طالباني عن ارتياحه لعودة علاوي الى أرض الوطن " لكي يلعب دوره البارز مثلما كان لعب دورا بارزا في زمن المعارضة العراقية ضد الدكتاتورية".

وتمنى طالباني على علاوي ان يلعب الآن دوره المنشود في الوضع السياسي الحالي في العراق ومن جانبه أعرب علاوي عن تثمينه الرفيع للجهود التي يبذلها الرئيس العراقي في توحيد صفوف القوى العراقية المختلفة وانجاح المصالحة الوطنية والعملية السياسية.

وكانت القائمة العراقية قد سحبت وزراءها الستة من الحكومة الصيف الماضي احتجاجا على ما قالت انها سياسات طائفية تمارسها الحكومة لكنها تجري اتصالات حاليا مع رئيس الوزراء نوري المالكي وعدد من مستشاريه حول امكانية عودتها الى الحكومة التي يستعد لاعادة تشكيلها وترشيد عدد وزاراتها من 32 الى 20 وزارة.

انشلله خطوة مباركه





برايكم ما هو تأثير هذه الخطوة على عمل الحكومه ؟؟؟؟

[أحمـــد الرســـام]

خطوة جيدة والوضع الحالي يحتاج إلى توحد الكلمة ورص الصفوف
مشكور أخي العزيز زيزو على الخبر
تحياتي لك

[زيزو الناصرية]

تسلم علمرور اخ احمد الرسام

[القسام]

خطوة مباركة ..! لكن بعد افلاس علاوي من كل شئ ؟؟؟ وبعد تخلى العديد من اعضاء قائمته منه ..! ان شاء الله هذه المرة تكون نوايا علاوي صادقة ويدخل من الباب ..!
تحياتي زيزو للخبر ..!

[العمــــــده]

اخويه ما بيده شي بقه على الماله كي مسوه لان انترك ابحده بالساحه وغصبن عليه يتعلك بعلاوي لان يعرف خلفيته وقوه سيطرته على قيادات الجيش .. مو هسه عيفها بيد جم مجرم كل بفضيحه.ومشكله

[القسام]

اخويه ما بيده شي بقه على الما لكي مسوه لان انترك ابحده بالساحه وغصبن عليه يتعلك بعلاوي لان يعرف خلفيته وقوه سيطرته على قيادات الجيش .. مو هسه عيفها بيد جم مجرم كل بفضيحه.ومشكله

عماد اخوية هذا اشلون تحليل ايخرب ضحك ..!ههههههههههههههههه شنو ضامينة لعلاوي لساعة العوز !!!هههههههههه

[اسد عراقي]

والله ما بيهم خير كلهم ... القيادات الكردية تريد كركوك وما يهمها غير هذا الشي .. وعلاوي يريد الكرسي وهم مايريد غير شي ...والشعب كلشي محتاج ومحد ينطيه..

انكول الله كريم..لان كلها بيد الله

[علي يوسف]

السلام عليكم

يمعود من السقوط الطلباني وعلاوي يجتمعون وراح انسوي هيجي وهيجي وكلشي ماكو
وعلاوي شوف هسه منا لاسبوع ويطفر
لان الجماعه هنا ايعلسوه
شكرا الك عريف شلتاغ.......::237::

[زيزو الناصرية]

برأيي ان اياد علاوي من "فلس "كما يكول قائل بده يتضامن حته يثبت مركزه


برايي اياد علاوي كان رجل مرحلته وانحرك وياها

ميفيد بعد .............

[شاب_حباب]

فعلاً الحكومة الان في موقف محرج ومحتاجة لوجوه قوية تدعمها خاصة بعد ان فقدت دعم الكتلة الصدرية , وهي الاخرى فقدت بريقها السياسي بسبب فضائح الجناح العسكري لهذه الكتلة "جيش المهدي"
علاوي لحد الان ماشفنااه لا طائفي ولا عندة عصابات رجل سياسي والجميل بالموضوع لحد الان ماعرفة سني لو شيعي وهاي اعتبرها خصلة عجيبة لأن للاسف اهنا تشم ريحة الطائفية بأول حروف ينطقها السياسي تكدر تعرف سني لو شيعي .

اتمنى اشوف العراق مستقر ومتآخي

وشكرا

[زيزو الناصرية]

اولا الحكومه في اوج انتصاراتها ولمعانها


الانتصار العسكري وتحقق بلامن النسبي


الانتصار السياسي تحقق بلتحالفات بين التوافق" ذوي النضره البعيده الامد " والائتلاف وهذا ماكان يخيل

للبعض ببعد حصوله


ان الكتله الصدريه دعمت الحكومه وذلك بسحب وزرائها واعطاء الحريه للمالكي بان يأتي بوزراء تكنوقراط

وهذا ما املنا ان تحذو حذوه الكتل الاخرى

ثم ان دعم الكتله الصدريه ليس بلأمر الصعب او المستحييييل

فهي سياسه والسياسه لعبه لا تحتوي على جيم اوفر

يمكن ان يتم الدعم والاستفاده منهم مجرد خلاف سياسي بسيط ممكن معالجته


اما عن جيش المهدي ما هي جرائمه

اولم يجمد اي نشاط له خلال سته اشهر


اريد اعرف وينهه جرائمه؟؟؟؟

[شاب_حباب]

مرحبا مرة ثانية ,,,

اسمحلي ارد على كلامك صديقي زيزوو وطبعا رح اذكر مقتطفات من الاخبار الحكومية يعني مو كلامي كلامهم

وتعهد المالكي خلال اجتماع للمجلس السياسي للأمن الوطني العراقي بإنهاء الأزمة الحالية التي تواجهها حكومته بسبب الإنسحابات المتكررة للكتل السياسية منها، قائلا "إن التغيير سيكون في غضون الأسبوع المقبل."

وكانت جبهة التوافق (44مقعدا ) والقائمة العراقية (25 مقعدا) والكتلة الصدرية (30مقعدا) في البرلمان العراقي قد انسحبت من حكومة المالكي احتجاجا على ضعف مشاركتهم في صناعة القرار وعدم تلبية بعض المطالب. وكشف علي الدباغ المتحدث الرسمي باسم الحكومة العراقية عن وجود جهود ورغبة حقيقية لدى الحكومة لانهاء ازمة الوزارات الشاغرة.


هذا حال الحكومة هم بنفسهم المالكي ديكول ازمة اللي تصفها بأروع واوج لمعانها

بالنسبة ل :
الانتصار العسكري وتحقق بلامن النسبي

بالنسبة للأنتصارات ضد القاعدة في الانبار و المناطق الساخنة بالعراق فيعود الفضل الرئيسي لمجالس الصحوة العراقية والقوات العراقيية .

ااما بالنسبة للأمن فأبصراحة يعود الفضل للسيد مقتدى قائدنة نبراس ,,, اللي وقف عصاباتة وخلة الناس اتمنى الله يهدييه وبما ان الوضع اتحسن خل يضل متجمد .

ان الكتله الصدريه دعمت الحكومه وذلك بسحب وزرائها واعطاء الحريه للمالكي بان يأتي بوزراء تكنوقراط

وهذا ما املنا ان تحذو حذوه الكتل الاخرى


شتأمل اخوية ياخذها المالكي كبالة للحكومة لعد وين الديموقراطية اخوية ذولة" شايف واحد يحجي يحجي ومايفيد وبالاخير يكلة خلص شسوي سوي اني معلية " نفس الشي صار بالحكومة . بس اول وتالي تبقى الوزارات لازم يحددها الشعب بكل مكوناته مو يستأثر بيها حزب واحد .
يمكن ان يتم الدعم والاستفاده منهم مجرد خلاف سياسي بسيط ممكن معالجته
اخي اي هو الناس شتريد تريد معالجة للخلافات قابل ابيش طالبنة .

وبالنسبة لكلامك بالاخير فماكو داعي ارد حتى لا يتغير مسار الموضوع

وشكرا جزيلا

[زيزو الناصرية]

شاب حوارنا ودي ليش مترد مجرد سؤال ؟؟؟؟؟؟


اي صح حجيك بس احنه شفنا التوافق شنون اجتمعوا وي المالكي كبل جم يوم


م: ازمه معناها مشكله عابره مو مأزق ولا مطب



طبعا الصحوات ..................بتعاون الشعب والدوله سيتحقق الامن

اما مال سيد مقتدى مراح ارد عليهه




اعذرني على بطء فهمي مفتهمت هاي

شتأمل اخوية ياخذها المالكي كبالة للحكومة لعد وين الديموقراطية اخوية ذولة" شايف واحد يحجي يحجي ومايفيد وبالاخير يكلة خلص شسوي سوي اني معلية " نفس الشي صار بالحكومة . بس اول وتالي تبقى الوزارات لازم يحددها الشعب بكل مكوناته مو يستأثر بيها حزب واحد .

[&البغدادية&]

شكرا زيزو على نقل الخبر

وتمنى طالباني على علاوي ان يلعب الآن دوره المنشود في الوضع السياسي الحالي في العراق ومن جانبه أعرب

والله ونعم من الي دمر الفلوجة بس السوئل اذا رجع

هل مرة شرح يدمرنة الموصل يمكن


تحياتي

[زيزو الناصرية]

ميرجع ................احترك بمرحلته

[شاب_حباب]

::57:: شلونك اخوية زيزوو


اعذرني على بطء فهمي مفتهمت هاي


اقتباس:
شتأمل اخوية ياخذها المالكي كبالة للحكومة لعد وين الديموقراطية اخوية ذولة" شايف واحد يحجي يحجي ومايفيد وبالاخير يكلة خلص شسوي سوي اني معلية " نفس الشي صار بالحكومة . بس اول وتالي تبقى الوزارات لازم يحددها الشعب بكل مكوناته مو يستأثر بيها حزب واحد .


اخوية العزيز اوضحلك :: انتة ذكرت بكلامك من الكتلة الصدرية سلمت تحديد الوزارات للمالكي هوة يختار الوزارات
ان الكتله الصدريه دعمت الحكومه وذلك بسحب وزرائها واعطاء الحريه للمالكي بان يأتي بوزراء تكنوقراط

وهذا ما املنا ان تحذو حذوه الكتل الاخرى

فأني ردي اقصد بيه انو قرار التيار الصدري والتوافق و قائمة علاوي مثل اللي يأسو من هالحكومة وكالولها شتسوين سوي بهالوزارات احنة مالنة دخل ,,

فهذا مو حل الحل ان الكل تصنع القرار وكلا لسياسة التهميش

شاب حوارنا ودي ليش مترد مجرد سؤال ؟؟؟؟؟؟

اذا تقصد على الجرائم زيزو صديقي فأكو موضوع للكاتب وتر الحب الحزين ذكر فيه الجرائم وايضا كثير من الاعضاء ذكروو واني منهم ,, تكدر تطلع عليه

وشكرا ::57::

[زيزو الناصرية]

اي صح


بس من كان مجمد محصلت اي جريمه "هذا لا ينفي انهم خارج القانون"

[زيزو الناصرية]

التوافق انسحبت وكذلك العراقيه

اما الصدريين "م : مقدما انا شيوعي يعني ما بيهه لا منا ولا منا مدافع عن اي واحد"

فأنهم اعطو الوزارات برضاتهم ولان "خل نكون واقعيين كفائاتهم مو كافيه للوزارات"

[أمُبـَبٍرٌأطـَوٌٍٍِِِر كٌلًيـهٌ الـقـأنٌـوَنـًٍٍَُِ]

اياد علاوي بعد ان فقد كل شي
حاله حال اقرانه اصبحو لان يتشبثون باي شي من اجل اي يستعيدو مافقدوة

فبعد ان كان الشعب العراقي بحاجه ماسه لعمل كل وزير من وزراء الحكومه اخذو يسحبون الوزير تلوا الاخر ضن منهم بان هذه الانسحابات سوف تؤدي الى سقوط الحكومه ومن ثم تشكيل حكومه انقاذ وطني
فكل الذي يفكر فيه علاوي مصلحته الشخصيه لاغير وبعد ان فشل من منال ما سعى اليه وهو تشكيل حكومه انقاذ وطني اخذا يتسمك بهذا وذاك من اجل العوده الى الحكومه لكن مع ذالك نقول نحن مع كل خطوة تصب في صالح الشعب والحكومه
---------------------
اما بالنسبه للاخ عماد
هههههههههه
اخويه هو علاوي على اعضاء كتلته ممسيطر شمسيطر على الجيش يمعود
شنو وين جنت عايش انت متشوف ماله اي سيطرة حتى على اقرب المقربين اله ::2::
تحياتي الك