علاقة الطالب بل الطالبة

[dr.karori]

السلام عليكم شباب بنات ورحمة الله وبركاته
بالبداية احب اعرفكم بنفسي : كرار عادل شبع طالب في كلية الطب مرحلة اولى جامعة بغداد ( بعدني يا الله ) يعني بعدني بل البداية بس احب اسمع واعرف ارائكم حول موضوع علاقة الطالب بالطالبة الي احنة نعرفة انه علاقة الزمالة بين الطالب والطالبة هذا شي عادي جدا وماكو اي مشكلة لكن مابعد هذه العلاقة وخلي اكون اكثر صراحة علاقة الحب الشريف بين الاثنين يعني منو منكم يؤيد هذا الشي ومنو يرفض اما عني فأني واعوذ بالله من كلمة اني من المؤيدين لهذا الشي بس يكون حقيقي اكرر يكون حقيقي وهسة احب اعرف شنو ارائكم ونتائج تجاربكم اذا عدكم تجارب وتنصحون بمثل هذا النوع من الحب لو لا وان شاء الله الموضوع يحوز على اعجابكم ورضاكم واني ممنون الكم .
تحياتي .......

[ღدلع_‗ـ−¯ Candy G!rl]

السلام عليكم شباب بنات ورحمة الله وبركاته
بالبداية احب اعرفكم بنفسي : كرار عادل شبع طالب في كلية الطب مرحلة اولى جامعة بغداد ( بعدني يا الله ) يعني بعدني بل البداية بس احب اسمع واعرف ارائكم حول موضوع علاقة الطالب بالطالبة الي احنة نعرفة انه علاقة الزمالة بين الطالب والطالبة هذا شي عادي جدا وماكو اي مشكلة لكن مابعد هذه العلاقة وخلي اكون اكثر صراحة علاقة الحب الشريف بين الاثنين يعني منو منكم يؤيد هذا الشي ومنو يرفض اما عني فأني واعوذ بالله من كلمة اني من المؤيدين لهذا الشي بس يكون حقيقي اكرر يكون حقيقي وهسة احب اعرف شنو ارائكم ونتائج تجاربكم اذا عدكم تجارب وتنصحون بمثل هذا النوع من الحب لو لا وان شاء الله الموضوع يحوز على اعجابكم ورضاكم واني ممنون الكم .
تحياتي .......
__________________

بالاول مرحبا بيك ويانا كرار

وانا اعلق على الموضوع اللي كتبته

صراحة انا ضد فكرة

انه طالب وطالب يكونون علاقة حب بالكلية

يعني را حيمشي ويا البنت
ويدور بيها بسنتر الكلية والنادي
وماعرف شنو

وهذا اكيد راح يأثر على سمعتها
يعني اذا يحبها

دايركت يخبطها من بيت اهلها

حتى تكون رسمية وبعدها
براحته يتعرف عليها
ويسولف وياها

واللخ,,

هذا رأيي الشخصي


مشكور على طرح الموضوع

دلع

[ღدلع_‗ـ−¯ Candy G!rl]

السلام عليكم شباب بنات ورحمة الله وبركاته
بالبداية احب اعرفكم بنفسي : كرار عادل شبع طالب في كلية الطب مرحلة اولى جامعة بغداد ( بعدني يا الله ) يعني بعدني بل البداية بس احب اسمع واعرف ارائكم حول موضوع علاقة الطالب بالطالبة الي احنة نعرفة انه علاقة الزمالة بين الطالب والطالبة هذا شي عادي جدا وماكو اي مشكلة لكن مابعد هذه العلاقة وخلي اكون اكثر صراحة علاقة الحب الشريف بين الاثنين يعني منو منكم يؤيد هذا الشي ومنو يرفض اما عني فأني واعوذ بالله من كلمة اني من المؤيدين لهذا الشي بس يكون حقيقي اكرر يكون حقيقي وهسة احب اعرف شنو ارائكم ونتائج تجاربكم اذا عدكم تجارب وتنصحون بمثل هذا النوع من الحب لو لا وان شاء الله الموضوع يحوز على اعجابكم ورضاكم واني ممنون الكم .
تحياتي .......
__________________

بالاول مرحبا بيك ويانا كرار

وانا اعلق على الموضوع اللي كتبته

صراحة انا ضد فكرة

انه طالب وطالب يكونون علاقة حب بالكلية

يعني را ح يمشي ويا البنت
ويدور بيها بسنتر الكلية والنادي
وماعرف شنو

وهذا اكيد راح يأثر على سمعتها
يعني اذا يحبها

دايركت يخبطها من بيت اهلها

حتى تكون رسمية وبعدها
براحته يتعرف عليها
ويسولف وياها

واللخ,,

هذا رأيي الشخصي


مشكور على طرح الموضوع

دلع

[شـوكـة نـاعـمـة]

صراحة علاقة الحب الشريف بين الاثنين يعني منو منكم يؤيد هذا الشي ومنو يرفض اما عني فأني واعوذ بالله من كلمة اني من المؤيدين لهذا الشي بس يكون حقيقي .....

و الله يا اخي حسب المجتمع

اذا مجتمع منفتح و مو معقد او متخلف او مجب بعقلية البدو ... ما بيها شي
لكن اذا المجتمع من المجتمعات الي تعاني من الازداوجية ... فاتوقع اتسوي مشاكل خاصة للبنية

و مثل ما تعرف اغلب البنات يستسلمن لقوانين المجتمع العرفية
الي غالبا اتكون جاية من نظرة متخلفة

اذا تلكى بنية قوية و واثقة من نفسها
و ما اتفكر بالناس ... ممكن اتكون تجربتك ناجحة

تحياتي

[سكن روحي]

اهلا بيك بمنتدى دجلة نت

تشرفنا بمعرفتك

واني رأيي من رأيي دلوعة الطبية ولو بعدني مداخلة كلية بس رايحتلهة واعرف اجوائها

وطبعا اكيد هذا فد شي رح ايأثر على سمعت البنية
فأني ما اييد هيجي شي ابدا


تقبل مروري



دلوووووووووووووووووووووعة

[AL-DOCTORH R]

مشكور دكتور كرار على طرحك الموضوع

وماكو شي احلى من الزمالة والصداقة الي تتكون بالكلية وتبقى تتذكره طول العمر

والتعارف بيناتهم راح يكون جدا عالي والواحد يعرف تقريبا الي يحب الثاني والي يزعجه
الشخص الاول مثلا والي هو الولد شاف ان هاي الاشياء الي تتمتلكه البنيه من شخصية والاشياء الي تحبهه والي تكرههه وشاف نفسه يتوالم وياها يعرض عليهه الخطبه واذا بيه نصيب
هذيج الساعة تتمشون بالكلية وتطبون وتكعدون ولا احد يفتح حلكه عليكم والاهل يعرفون بهذا الشي
لكن المشي والطبات والطلعات وبدون اي شي رسمي
قد يجلب الحجي عليهه وهو اذا يحبهه صدك المفروض يخاف عليهه وما يخلي اي احد يحجي عليهه لا كدامه ولا وراه
ومن يجي وكت الرسمي تصير ظروف قد تمنع الولد او البنيه من الارتباط هذيج الساعه الحجي يجي عليه وعليهه
وبصراحة ماكو احلى من علاقة الصداقة بالكلية


دكتوررررررررررررة المنتدى

[سيد الخواتم]

اخووووووية العزيز ... الدنيا بعدها كدااامك ... و التجارب هية اللي اتعلمك ... بعدلك خمس سنوااااااااااااااااااااااااااااات .. ضوئية ,... و ليس ما يعلمك كلمة او كلمتنين مني ..

تحياتي ... لك ... يا ورد ..

[dr.dento]

السلام عليكم ا
اخي العزيز

اذا كان سؤالك لاجل موضوع في داخلك لتوجهك لبت في كليتك فرأي ان الوقت امامك واخذ تفكيرك وخلي البنيه تاخذ تفكيرها واحدكما يدرس شخصيه الاخر لان الزواج هو ليس بكلمه او غيرها حيث ممكن ان يبدل الانسان زوجه متى شاء نعم اخي العزيز اني لا اريد ان ابعد زواج ممكن ان يكون اصلا في بالك لالالالالا بس الي اريد اوصله اكلك انو ممكن ان تكون اعجاب للبنت او ماشابه لان احترامي الك كل صف الاول اول ما يجي من الثانويه ويشوف الكليه ايريد ان يفوز بهذه او تلك يعني متفاجيء بالكليه مختصر لذلك اخذ وقت بالتفكير وفكر بعقلك قبل قلبك ثم توكل على الله والله يقدم مابه الخير


اما اذاكان سؤالك مجرد موضوع اني ممن يشجع ان يفكر ومن ثم يفكر ثم يخطب وبعدها افتر وياها اكعد شنو اتريدلان اول وتالي ترى الانسان يفكر ان يمكن ان تكون البنت اختك او بنت خالتك او او ....
يعني مااتوقع ممكن ان تقبل عليها انوا احد يفتر وياها وبعدين مع السلامه يعني اتوكل واخطب وبعدين اكعد واحجي وسولف اني مااكلك لا تحجي وياها بالبدايه لعد شلون تعرف شنو هي لا بس مو طوخهها
ممكن للولد اذا تمشي البنيه لو تحجي لو تكعد يعرفها شنو هي منو هي واذا كانت تفيدك او لا

والله يقدم مابه الخير
وتقبل مروري دنتو ........سسسسسلامي

[dr.karori]

شكرا على ردودكم الحلوة وشكرا لمروتكم وياية الحقيقة اني حبيت اعرف ارائكم الي جاية من خبرة بعضكم او من خلال مشاهدات سابقة اما بل النسبة الي اني بعدني يا الله واني اعتقد الطالب بل الكلية يكون عندة شعور ما تجاة زميلاتة وبعض الاخوان يتسروعون ويخطون خطوة قد تخرب العلاقة الصداقة الي بين الطلاب واني ايد مثل ما كلت الحب الحقيقي الي منكدر نوصلة من اول ولا رابع او خامس سنة واشكركم من جديد على نصائحكم القيمة وردودكم الثمينة
سلامي

[DR.FREE]

اول شي احب ارحب بيك بالمنتدى واني بالنسبة الي انه قيود المجتمع والعادات الشرقية والعربية تفرض علينه اشياء يعني شغلة انه تفتر بالكليه وية بنيه ك كبل والكل يشوفكم ويوميه محلوة بصراحة وثانيا راح تتقيد ومراح تخليك تسوي شي وتجيب دوخة الراس الك اني برايي ان الكروبات حلوة واذا انعجبت ببنيه ممكن انه تنطيها ايميلك وتسولف وياها عالنت يعني برايي خوش وسيلة للتعارف او بين فتره وفتره تكدر تخابرها يعني كصديقة وبهذا الشي انته راح تتعرف عليها اكثر وبدون ان تاذي البنيه
يعني هسه وسائل الاتصال احسن بهوايه من وكتنه
وتقبل خالص تحياتي


فررررررررررررررررررري