الحلوة العراقية
09-07-2006, 07:29 PM
السلام عليكم
هذه أول مشاركة الية بهذا المنتدى واتمنى تعجبكم..
هذه قصيدة كتبتها فتاة وهي بالجامعة مع صديقتها
يلي تردون البنات محنكات ومن جسمهن طالعة بس الايدين
ربطة جبة وبالعباية مجفنات ومع هذا من الحجي ما خالصين
امشن بصف السياج مدنكات ولا ترفعن عينجن كدام عين
ولا تكولن عدنه راي وعدنه ذات هاي شغلات التخص بس البنين
اليغلط بحقج تعديله بسكات وعيب لو كلتيله ليش وتعتبين
ولو سألتي تسألين الطالبات حته اذا ما جاوبوج وترسبين
هيجي وحدة عدهه كل هاي الصفات ترتفع قيمتهه بين الخاطبين
تخيلي اشكد راح نصبح تافهات لا رأي يناقش ولا صوت اليدين
تلغي كلمة شراكة من الحياة وكل وظيفتنه نخلفلهم بنين
يكلج انتن للشهادة مأطرات تالي ما تالي تمدلنه الأيدين
حالجن حال الي ما متعلمات غير احنه ندور لكشختنه وين
والمصيبة حته ولد الجامعات انجرفوا وية الروج غركوا للجبين
لو تحاجيهم يصيرولج دعاة مدنكين البصر عنج غاضين
وخل تمر من يمهم احدى السافرات عيونهم تاكلهه أكل مشوهين
ولو نختهم وحدة من هالطالبات يكول فضلتني على كل البنين
ويبدي يغزل بالقصص والاشاعات ومثل هذا هواي والله المعين
يا شباب البرة والبلجامعات اتقوا الله ببنات العالمين
الله يؤمر بالعدل والمساواة ومثل ما الكم عليكم سمعوا زين
وكبل ما تبدون قذف المحصنات شوفوا وين الدين عنكم وانتوا وين
احنه ام وزوجة واحنه الاخوات ولو تقدرونه تره احنه مقدرين
لا حياة الكم بعدنه ولا ممات واحنه نعمة وانتوا الهه جاحدين
هذه أول مشاركة الية بهذا المنتدى واتمنى تعجبكم..
هذه قصيدة كتبتها فتاة وهي بالجامعة مع صديقتها
يلي تردون البنات محنكات ومن جسمهن طالعة بس الايدين
ربطة جبة وبالعباية مجفنات ومع هذا من الحجي ما خالصين
امشن بصف السياج مدنكات ولا ترفعن عينجن كدام عين
ولا تكولن عدنه راي وعدنه ذات هاي شغلات التخص بس البنين
اليغلط بحقج تعديله بسكات وعيب لو كلتيله ليش وتعتبين
ولو سألتي تسألين الطالبات حته اذا ما جاوبوج وترسبين
هيجي وحدة عدهه كل هاي الصفات ترتفع قيمتهه بين الخاطبين
تخيلي اشكد راح نصبح تافهات لا رأي يناقش ولا صوت اليدين
تلغي كلمة شراكة من الحياة وكل وظيفتنه نخلفلهم بنين
يكلج انتن للشهادة مأطرات تالي ما تالي تمدلنه الأيدين
حالجن حال الي ما متعلمات غير احنه ندور لكشختنه وين
والمصيبة حته ولد الجامعات انجرفوا وية الروج غركوا للجبين
لو تحاجيهم يصيرولج دعاة مدنكين البصر عنج غاضين
وخل تمر من يمهم احدى السافرات عيونهم تاكلهه أكل مشوهين
ولو نختهم وحدة من هالطالبات يكول فضلتني على كل البنين
ويبدي يغزل بالقصص والاشاعات ومثل هذا هواي والله المعين
يا شباب البرة والبلجامعات اتقوا الله ببنات العالمين
الله يؤمر بالعدل والمساواة ومثل ما الكم عليكم سمعوا زين
وكبل ما تبدون قذف المحصنات شوفوا وين الدين عنكم وانتوا وين
احنه ام وزوجة واحنه الاخوات ولو تقدرونه تره احنه مقدرين
لا حياة الكم بعدنه ولا ممات واحنه نعمة وانتوا الهه جاحدين