تحية الى الاخ الغريب جهاد العراقي

[صباح الهلالي]

منارة راح ابني الك وبرج لاك
وخيوط الروح اشدنها برجلاك
الكمر ما برج لاحد برج لاك
ملاك من الله دزك بس اليه


كلبي الجان الك مسكن والك دار
وبجفاك الحزن شل حالي والك در
الوكت مل مني والك دار
وانت والوكت صرتوا عليه



منخل الف غربيل لاحبابي هزيت
كلهم صفوا بالكاع بس انت ضليت




عيوني من الهجر مالت وسالت
وعليه احباب مانشدت وسالت
الف دمعة الجرت مني وسالت
ولا دمعة الجرت منكم علية

[زهــراء]

كلماتك تحلق بالمعاني لآفاق الجمال
لتلامس هام السحب فيتقاطر نداها على جبين حروفكِ

لا عدمتك تواجدك

[emad_a1974]

والله وعشت

[ابن حي الجامعة الحرة]

عاشت ايديك
حبي الفالي
تقبل مروري

[اوري العراقي]

عيوني من الهجر مالت وسالت
وعليه احباب مانشدت وسالت
الف دمعة الجرت مني وسالت
ولا دمعة الجرت منكم علية
اجمل تحيه اليك استاذ صباح مبدع والله واشعارك هم روووووووعه مثلك تحياتي لك

[مسك]

كلش رائعه ... عاشت الايادي.