المساعد الشخصي الرقمي

مشاهدة النسخة كاملة : كيفية عمل عاكسة جيدة وبسعر مناسب


DELTA logo

تتبع العربات والاشخاص عبر نظام GPS

خصم 20% احمي سيارتك وتابع لحظة بلحظة

www.dijlh.com


المهندس شاهق
01-19-2008, 09:25 AM
بسم الله الرحمن الرحيم
الاخوة الكرام .... السلام عليكم
للحاجة الكبيرة التي يجب توفرها لدى صاحب منظومة البث هي استمرارية تغذية المنظومة بالتيار الكهربائي
ولما يمر به قطرنا الغالي من أزمة الكهرباء فقد جئتكم بطريقة أحسبها انها نافعة جدا رغم انها ليست جديدة

كيفية عمل عاكسة جيدة وبسعر مناسب

لعمل العاكسة نحتاج الى يو بي اس نوع LG 800VA
تم اختيار هذا النوع للأسباب الاتية:-
1- رخص ثمنه
2- امكانية الاستمرار بتجهيز الكهرباء حتى اذا كانت الكهرباء الداخلة اليه من 160-240 فولت
3- احتوائه على محولة كبيرة قادرة على شحن البطارية بسرعة بدون الحاجة الى استخدام شاحنة خارجية في حالة حصول اليو بي اس على تيار كهربائي وطني او مولد لمدة 8 ساعات متواصلة وتحتاج الى شاحنة خارجية للبطارية عند كثرة الانقطاعات
4- الحفاظ على البطارية من تلف الشحن لانه مصمم على فصل تيار الشحن عن البطارية عند اكتمال شحنه
5- لا يستهلك قدرة كبيرة لتجهيز نفسه أثناء عملية عكس التيار

طريقة العمل:-
1- افتح غطاء البدن
2- اعمل فتحتين مناسبتين للسلكين الخارجين الى البطارية الكبيرة
3- اعمل ربط للسلكين بحيث يكون الموجب على الموجب والسالب على السالب بدون ان تفصل البطارية الاصلية الموجودة بالداخل
4- اربط بطارية كبيرة مثل 120 فولت/امبير بفولتية 12 فولت وكلما كبر حجم البطارية كانت مدة استمرار القدرة المجهزة اكبر
http://img508.imageshack.us/img508/1296/image000ty6.jpg
http://img508.imageshack.us/img508/1296/image000ty6.jpg
وهذه صورة للعاكسة التي استخدمها حيث يدوم العكس فيها اكثر من 6 ساعات علما اني لا استخدم سيرفر فقط راوتر ومنظومة واكسسبوينت وامبلي فاير
وتقبلو تحياتي

احــــــمـــــــد الـــــنـــــجـــــــار
01-19-2008, 01:00 PM
روعة استااذ شاهق

تحياتي

mantather
01-19-2008, 02:32 PM
الف شكرررر استااذي العزيز

ah1980
01-19-2008, 03:18 PM
استاذ شاهق ربي يزيدك علم اكثر واكثر

abas
01-19-2008, 06:40 PM
thank you uuuuuuuuuuuuuuuuuuuuuuuuu

عادل جوده
01-19-2008, 06:42 PM
::43::شكر جزيل استاذنا فكرة كلش حلوة

محمدصادق
01-19-2008, 10:21 PM
السلام عليكم
اخي الفاضل استاذ شاهق هل اليو بي اس الان هو الذي يزود الباتري الكبير بالشحن

هليلي محمود
01-20-2008, 09:58 PM
السلام عليكم
اخي الفاضل استاذ شاهق هل اليو بي اس الان هو الذي يزود الباتري الكبير بالشحن
مشكور استاذي العزيز هل الباتري الكبير لايحتاج الى شاحنه خارجيه ام شاحنة اليو بي اس تكفي مشكور مقدما

هليلي محمود
01-20-2008, 11:14 PM
السلام عليكم
اخي الفاضل استاذ شاهق هل اليو بي اس الان هو الذي يزود الباتري الكبير بالشحن
مشكور استاذ شاهق

اسدالعراقي
01-21-2008, 11:48 AM
مشكور مع تحياتي

microsoft333
01-21-2008, 12:40 PM
شكرا على الموضوع الرائع والضروري فنحن بامس الحاجة لها

malkobaisy
01-21-2008, 12:40 PM
هذا اليو بي اس مراح يلحك يشحن البطارية

رعد العبودي
01-21-2008, 04:06 PM
مشكور على هذا الابداع

KH@LID
01-21-2008, 06:59 PM
شكرا عالطريقة
بس ينراد شاحنة خارجية

ضياء الانباري
01-21-2008, 07:03 PM
اعتقد اذا يضل الشحن على اليو بي اس ما راح يغذي الباتري بشكل صحيح لان اقوى يو بي اس مصمم يغذي باتري 12 امبير بس وهذا الباتري 120 امبير فما فوق اعتقد الا شاحنة خارجية

ابيشان
01-23-2008, 12:01 PM
http://i106.photobucket.com/albums/m258/hany_3h/shokr/3h029.gif

lail80mm
01-24-2008, 05:55 PM
مشكور حبي استاذ شاهق

عاشق الرمال
01-30-2008, 12:27 AM
مشكور مع تحياتي

G77
01-30-2008, 02:43 PM
مشكور
حبي
بس محولات اليو بي اس مصممه لشحن البطاريات الصغيره
يعني يكون افضل اذا تلغي الشحن وتجيب شاحنه خارجيه محولته كبيره حتى تشحن الباتري بسرعه
ولو هيه مكلفه
ثانيا السيرفر ياخذ اكثر من الراوتر يعني تفيد العنده راوتر
واعتقد في الوقت الحالي النظومة تطفه للصبح لانه الكهرباء الله يسلمهه ما تجي ابد
عاشت ايدك مهندسنه الله لا يحرمنه من نصائحك

The Duke
01-30-2008, 03:09 PM
بارك الله فيك ...

Ali AdMiReR
01-31-2008, 01:10 AM
شكرا لك الاستاذ المهندس شاهق .
اني سويت هاي الطريقة قبل سنتين وبيوبي اس ميركوري 800 والبطارية 60 امبير بس , والي صار اليوبي مكام يشهن البطارية وصار بي مشاكل واحترك الريكيريتور . فبطلت هاي السالفة . مع العلم اني كنت استخدمها للحاسبة مالتي الخاصة . نصيحتي يوبي اس سمارت ابو 120 مدري 200 دولار والي يجي ويا فيشة تطرب بيها باتري خارجي , وباتري خارجي 120 امير او اكثر من باتري وشاحن خارجي ( واكيد هاي الشغلة مكلفة *_^ ) .
نقبلوا مروري

اموت من البنات
02-08-2008, 08:20 AM
السلام عليكم شلونك استاذ شاهق ان شالله بخير بس هذي الطريقة راح تاد يالى سحب تيار اكثر ويحترك الكوريل مال المحوله لان عدد لفات ما تتحمل اللود الي دي يجيه من الباتري ..... اي لان الباتري يعتبر لود

الفولتج ريكوليشن =(التيار الداخل *مركبة القدرة الداخلية)/ الفولتيه الداخلة

المهندس شاهق
02-08-2008, 09:39 AM
السلام عليكم شلونك استاذ شاهق ان شالله بخير بس هذي الطريقة راح تاد يالى سحب تيار اكثر ويحترك الكوريل مال المحوله لان عدد لفات ما تتحمل اللود الي دي يجيه من الباتري ..... اي لان الباتري يعتبر لود

الفولتج ريكوليشن =(التيار الداخل *مركبة القدرة الداخلية)/ الفولتيه الداخلة

اهلا بك ياوردة
حبيبي الغالي اني من ثمانية اشهر مسوي هاي السالفة ولا ريوكيشن ولا فولتويشن

والسلام عليكم

KH@LID
02-08-2008, 01:41 PM
السلام عليكم شلونك استاذ شاهق ان شالله بخير بس هذي الطريقة راح تاد يالى سحب تيار اكثر ويحترك الكوريل مال المحوله لان عدد لفات ما تتحمل اللود الي دي يجيه من الباتري ..... اي لان الباتري يعتبر لود

الفولتج ريكوليشن =(التيار الداخل *مركبة القدرة الداخلية)/ الفولتيه الداخلة


لك هلاوووووووووووو
شلونك ابو البنات
هاي انتة وين و شنو هالغيبة

haitham@power
02-08-2008, 10:37 PM
السلام عليكم كيفك الحال استاذ شاهق ومشكور على الفكره ولكن يبقى سوال مهم دائره الشحن لليوبي اس مصممه لشحن باتري مواصفاته 12فولت 8امبير.ساعه وانت حسب ماتكول تربط الباتري الاصلي لليوبي اس توازي مع الباتري الكبير يعني يصبح المواصفات الجديده 8+150=158امبير وهذا القيمه تتعب المحوله بمرور الزمن يعني تحترككككك ...... فنرجو تفسير علمي

تحياتي البورجي ::ok::

الارجنتيني وبس
02-10-2008, 09:46 AM
الف الف الف شكر

adnanmm
02-19-2008, 03:53 PM
شكرا على الفكره لكن استاذ اليو ي اس اللي عندي 1200 وبداخله موجود باتريين مربوطين توازي كيف يكون رط الباتري الخارجي بهاي الحاله علما انه اني اشتريت باتريين 60امبير وشاحنه خارجيه وشكرا لك

اموت من البنات
09-28-2008, 04:29 AM
السلام عليكم ممنون استاذ موضوع حلو

bahaa_baghdad
09-28-2008, 11:17 AM
شكرا لك اخي بس اريد اسئل سؤال ممكن تشرحلي السلكين اربطهم مع السلكين في البطارية الاصلية والقطبين الاخرى في البطارية الكبيرة تقبل مروري

ali_spaceman
09-28-2008, 08:56 PM
طريقة ناجحة صارلي من2003 اشتغل عليهة وحورت اكثر من يوبي اس لاصدقائي وقرايبي وشغالة لحمد لله نوبات اكو نوعيات تحمة اخليلهة بنكة 12 فولت عل يوبي اس من لجانب بس احسن يبقة مفتوح بس اكثرهن يحتاجن شاحنة اذا تصفرة للاخير لان ميكدر يشحنة ليوبي اس وشحنة بطيء اضبط نوعية جربتهة ل apc 1000 لامريكي مفديوم عطل شادلة باتريين 200 ابير يطول عندي 24 ساعة اذا منظومة و لبرج ولسيرفر واي شي تحتاجو لني موجود لان مجرب كومة انواع تدللون

Night Shadow
09-30-2008, 12:25 PM
شباب اخذوا عاكسة Maxima 2 in 1 هية عاكسة وهية يو بي اس وتشتغل على باتري كبير واحد فد شي خرافي ويطول اكثر من 6 ساعات ..

محمود هاني
04-07-2009, 12:49 PM
نعم ان طريقة اليو بي اس ناجحة ولكن تيار اليو بي اس قليل لا يفي بالغرض

muhammed_snake2000
04-11-2009, 03:10 AM
مشكور استاذ

فكره رائعه جدا

وهل اقدر فعله على mercury 600 او 1200

المهندس شاهق
04-11-2009, 10:31 AM
مشكور استاذ

فكره رائعه جدا

وهل اقدر فعله على mercury 600 او 1200
اهلا بك اخي الكريم
نعم تستطيع ولكن هذا النوع يحتاج الى فولتية مستقرة جدا لكي يعمل بصورة جيدة ...
واهلا بيك

future77
04-20-2009, 02:43 PM
استاذ شاهق يكولون هاي الطريقة ما ترهم الا اذا نسوي تحوير لليو بي اس لان ميتحمل على الباتري ذي الامبرية العالية هل هذا صحيح أم خطأ ارجو الرد رجاءً

اموت من البنات
04-20-2009, 06:24 PM
استاذ شاهق يكولون هاي الطريقة ما ترهم الا اذا نسوي تحوير لليو بي اس لان ميتحمل على الباتري ذي الامبرية العالية هل هذا صحيح أم خطأ ارجو الرد رجاءً
اي صحيح وتره شغل ةتحوير اليو بي اس عاوية

المهندس شاهق
04-20-2009, 10:39 PM
السلام عليكم
اني اشتغل على هاي العاكسة بدون لا تحوير ولا بطيخ واني اشتغل عليهة وعلى نفس البطارية منذ سنتين وفقط قمت باضافة شاحنة لزيادة تغدية البطارية بسبب كثرة انقطاع التيار الكهربائي وسووهة وبركبتي
لا تحوير ولا شي
مجرد طلع وايرين من الحار والبارد واربط بطارية سيارة وبس
اليو بي اس استخدمة lg800
وحياكم الله

sky_angle
04-21-2009, 09:59 AM
زين حبي يتحمل ups
150 امبير مال البطارية لان البطارية مال السيارات تختلف الامبيرية على مال ups

اموت من البنات
04-22-2009, 03:46 AM
استاذ شهاهق بارك الله بيك انته انسان رائع

future77
04-22-2009, 12:18 PM
شكرا سويتها بس كام اليوم بي اس يجكجك وما اشتغل ما اعرف شنو السبب المهم اني اخذت عاكسة الديار محترررررررررررررررررررررررررمة وخرافية والحمد لله مابيها مشاكل

المهندس شاهق
04-22-2009, 04:16 PM
شكرا سويتها بس كام اليوم بي اس يجكجك وما اشتغل ما اعرف شنو السبب المهم اني اخذت عاكسة الديار محترررررررررررررررررررررررررمة وخرافية والحمد لله مابيها مشاكل




اهلا بك اخي الكريم
يجوز طريقتي خطأ ... ألله أعلم
مبارك عليك العاكسة ... وفعلا عاكسة الديار ممتازة
حياك الله

ahmed3as
04-25-2009, 06:52 PM
السلام عليكم استاذ شاهق
عندي ups نوع apc 1000 المنشأ فلبيني
كيف استطيع ان احوره واربط عليه باتري سيارة
مع شكري وتقريري لك وللمشرفين على هذا المنتدى الرائع

ايوب البصر
04-25-2009, 07:47 PM
لدي عطل بالعاكس الديار اني من اهل البصرة وماكو احد يصلحها بيه مشكلة وهي من تطفى الكهرباء ما يحول على الباتري بدلت الكونتكتر ونفس الشيء

احمدالعراق
05-13-2009, 02:48 AM
انت مشكور مهندس شاهق طريقتك حلوة جدا

سفيان القلعاوي
04-10-2010, 11:51 PM
السلام عليكم شكرا لك استاذ شاهق لجهودك في رفد كل ماهو جيد ولمنتدانا الرائع
اني مسوي يوبي اس نوع اوركس وبطارية 100امبير وشاحنة عمل وخاللها تايمر وكلش شغلها مريح تشتغل تقريبا 4 ساعة

ziadsabah
04-11-2010, 01:45 AM
مشكور اخويه عل معلومه