علمتنــــــــــــــــــي

[بـلآل الـجُميــــــلّي]

للشاعر : ابو فاطمة الرويمي

علمتني علمتني اصبر وبكليبي نار
وعلمتني الذله عار
وكتلي للذل لا تمد جفك هضيمه
الموت الك احسن خيار
وعلمتني شلون اجاهدورفع ابجفي الشعار
وعلمتني ابدمّي اعلن ثوره وصنع انتصار
وكتلي جف اللي يساوم كوم كطعه
وكتلي علبه الرابي عالصكعات اصكعه
وكتلي بالك من يمرك ضيم تنعه
جبل شامخ صير كتلي
ريح عاتي ماتقلعه

وعلمتني حجاية الحك لو كلتها
اتخلي بكلوب اليضد الفين وجعه
وكتلي السكته هضيمه

اتجيب الك عار اوشنار
وكتلي اصبر
كتلي بصدور النوايب صير مرمر
لا تهزك جلمة الكال او كلت بيك او تأثر
صير جمره ابوجه كل طاغوت مغتر
صير سيل على الظلم كوم او تحدر
صير بركان او تفجر
صير كلشي نقمه رحمه
وكتلي طبع النشمي لو جه الموت يستر
كتلي يبني الدين من عندك يريد اتضحي اكثر
كتلي كلشي وانا ماجني سمعتك
علمتني احجي الحقيقه
وكتلي احجي الحك ولو كصّوا ركبتك
كتلي ساعات التلاحم ياشهم اعكر ركبتك
وانا ماجني سمعتك
كتلي لو صابتك محنه
بالك اتصبها دمعتك
وانا ماجني سمعتك
ولون كل حجيك سمعته
ما اظن صار اللي صار

[بـلآل الـجُميــــــلّي]

اسف صار شوي اشكال وما ترتب الموضوع

[كلمات صامته]

عاشت ايدك
تحياتي

[البرنس الميلاني]

شكرا على الجهد المبذول

[بـلآل الـجُميــــــلّي]

العفوووووو نورتو الموضوع