أســـتـــفـــتـــاء أخـــتـــيـــار أجــــمــــل قــصــيــدة شـــعــريـــة

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

السلام عليكم ,,,,,
تم انتهاء وقت اشتراك القصائد المشاركة في مسابقى اجمل قصيدة ,,,,
شعرية تتغنى في حب العراق ,,,,,
وتم اختيار القصائد المشاركة في المسابقة وسيتم طرحها هنا ,,,
ليطلع عليها الجميع مرة ثانية وسيت فتح باب التصويت الان ,,,
وسيستمر الاستفتاء لغاية يوم السبت 19\1 ,,, الساعة 6 عصرآ ,,
وبعدها يغلق الاستفتاء ,,,,,,
ملاحظة هامة ,,,,
اي عضو تكون مشاركاته اقل من (50 )مشاركة لا يستطيع التصويت ,,
لضمان عدم التسجيل باكثر من اسم وهمي ,,
وسيكون التصويت مرئي وباشراف المستشار الكون له اسرار,,

القصائد المشاركة ,,,

تومي الرسام ,,,


منين ابدي وياك ما عرفتك شيعي سني
ولا عرفت الله من كرم علي
ولا عرفت الله من كرم عمر

نعرف ااهل البيت من سبهم كفر
وهذا عراق الله وثم حسين وعمر
حاولت اكتب احبك يا عراق
نزلت دموعي على الورقه حبر
ونزلن دموعي مطر فوك الصطور
ومن ذكرتج يا عبير وانتي طفله
ماتت بلا ذنب مهتوكت ستر
شكتت بيدي الورق واقسمت يمين
شمايضل بيه نفس لحرك همر
منو عاش مثلي غربه بوطن
ومنو مثلي بيده شد الجفن
ومنو بيده حط الجرح
ها يا عراقي شعجب ميك زلال واسم
ها يا عراقي العرض ينتهك بسم الدين
وين الرجال التي جانت تجي بنضره عين
بس مامحو ديني وهويتي
وابقــــــي عراقي وافتخـــــــــر

********************

ضايج من الغربة ,,,

رسالة الى العراق
********
حـﮔـنه بيك اتخبلّـينه
احـنه غـيرك ماهـوينه
احـنه سـكرنـه ودادك
وهاي حفنه سنين ما ساعـه الصحـينه
احـنه طـفـنه الكـون كلـه
ولاية بولاية ومـدينـه
احـنه شفنـه الـﮔـاع كـلهه
ومـثل طـيبك ما لـﮔـينه
انت ابو اسوالف الترفـه
الدافيه الحلوه الحـنينه
انت اهـل البيـت كلهم
داسـو اترابك وطـينه
انت حيدر الكرار اسـجد
وعانـﮒ التربه بجبينه
انت صـدر حسـين عـله صـدرك
وصـدر عـباس وانصاره التعـينه
وانت الاكبر خله وجـناته عـله خـدك
و وجنة العـريس الضـحه بالزفـه وسـنينه
وانت طـيب اللي يـنكرك
الف مره انعـمت عـينه
ويازلال الماي عـندك
سلسبيل وبيه من كل عـلـّه شفـينه
انت امنه وانت ابونه وانت بيت البيه ربينه
انت لاموم الحبايب وانت حضن البيه دفينه
انت ابو ﮔـلب الـﭽـبير الضحه للوادم سنينه
انت نور الله بسمانه وخيمة الرحمه علينه
احـنه حـﮔـنه عـليك نبـﭽـي
وانت برعـم فـوﮒ اديـنه
انت نسمه التنعش الريه يغاتي وانت دﮔـة الدلال بينه
انت للأيتام بسمه وانت ﭽـف التمسح الدمعه الحزينه
احنه هيج اغياب عـنك ﭽـذب ﭽـنه محبسينه
احنه بس احنه الخـسرنه بكثر ما بعـنه وشرينه
احـنه بخلافـك وحـﮒ الله انسبيـنه
هذا انت وذولـه احـنه
وخل تلـوم الناس بيـنه
وخـل تلوم الناس بينه


********************

الكيمياوي ,,,


ردتك يا وطن اتضمني بالاحضان
ما اتصورت فد يوم تشهك وتنساني

لأن اني منك اني العراقي الزين
شلون اغفة يا شامخ بحضن عدواني!!

وظليت اتحسّر .. يوم ويجر ابيوم
ردت بس اوصل واشم ترابك الحاني

ولكيتك مدمي والضلع مكسور
وبركبتك سيف ويحده سجاني

اشوف السيف يلمع وانتة ما مقهور
لان تعرف باليذبحك مرضعة شيطاني

وردت اخلصك من هالسيوف البيك
زرعولي عبوة وطكت بنيشاني

رادوا من صلاتي تكون ذكرى لليقرون
ورادوا من قرآني احذف ايماني

ورادوا اتحّرر واللبس ينزاح
وكالوا شكد حلو من اتصير علماني

هاك دخّن هذا التبغ من الزين
هذا اصلي هذا مو سومر الماني

ما ندري الحشيشة تنزرع فد يوم
بتربة ما خضرت بس تمر ربّاني

وما ندري السلاح يصول ويجول
وما ندري النهب يوصل لجيراني

بس ندري العراق بيه كومة رجال
اذا صاحوا يا اخوية هبوا ياخواني

تعوف الارض هاي الكاع وتروح
عراقي على ظهري وتصطك اسناني

اذن ما اعوفك بعد يا موطن الاحرار
وابد لتعوفني يا من كنت شرياني

احبَك ومن حُبك ارضة بالموت
مو حقة اليكلك الحب كتلاني

بيك دجلة العذب ونهرالفرات ثنين
وبيك شط العرب ينساب عدناني

وبيك الائمة وبيك نعمان الشهم
وبيك الحسين الكال لا للطغياني

وبيك ابو الحسنين حمال الشيم
وبيك باز الله عبد القادر الكيلاني

وبيك امي الحبيبة وبيك من حبّيت
وبيك من تركت من ربعي وخواني


وحتى اصدقائي اللي اعرفهم بهالجات
صاروا الي مثل كلبي و وجداني


احبهم حيل واتمنى الوطن فد يوم
يجمعني بيهم بس مو بالعراق الثاني


الف رحمة على والد كلمن يكول
يارب احفظ وطننا وطفي نيراني


بعد ما بقت اي قطرة بطرف شريان
صفت بس عيون تبجي وتعاني


خايف لا يخلص حتى الدمع هالنوب
ياترى المن اتوجه وياهو يلفاني !!!!

***********************


وئولي الانتيكة ,,,

مثلك مالكينه ومااظن نلكه
عراق وبيك هذه الروح متعلكه
شبكني العشك بمحبتك وهنياله اليعيش ابروح متشبكه
عراق وياوطن مثلك حمل الام وتحده المنايه ومانكر عشكه
تحزم بالامل ماطاح من الضيم مدطوله اعل جرحه وجلب بعركه
الاصيل شما تعب حيله يرد اردود وشلون الكديش بلحكه ويسبكه
اذا انكلبت الدنيا وما بقت كيعان بس انته التظل ياعراقنه وتبقه
ويظل وجهك شمس تغزل ضواهه اشعار وبنص السما بكل حين متعلكه
ويظل صوتك ضمير لكل الشعب مظلوم مابكدر عليه الطاغي ويخنكه
احبك واليحب همه وعذابه ايزيد لوطالت عليه وزادت الفركه
جرحك بالقلب ما طاب من سنين والليالي البعد عن دجله اتغمكه
يابحر الموده قلبي بيك ايفوج اتوسل ابروجك بلكت ايغركه
هنياله اليموت بارضك وربحان لان ارضك حنينه بكل وفه اتشبكه



*************

دفين الجرح ,,


دك بيك الارهاب اعوام واعوام ..
ونخر جسمك بمبدأ طائفيه ..
وصاير كل مواطن عرضه للموت ..
اذا مو انفجار السبب جنسيه ..
ناس تكول شيعة التذبح الناس
وناس تكول هاي الشغله سنيه ..
اذا سني تموت بدون اي حساب
واذا تذبح سببها المله شيعيه ..
بعد ميفرق ابدا من يفجر صار ..
بين اعداء هو وناس عاديه ..
لذلك من يفجر انت دوم تشوف ..
طايح عالطفل جزدان حجيه
وجزع حتى الملك من كثرة الاموات
وصاح بصوت لحظة واصبروا عليه ..
هسة انا بطفل مذبوح بالتفخيخ ..
وكبل شوية شلت بنية عذريه ..
تحلم بالزواج وبيت واطفال
ومحبوب اليجييها بليله كمرية ..
ذبحوها الجماعة وكصوا الراس ..
كالوا شون تطلع هاي اباحيه ...
نفذ بينا الصبر وخلصت دموع العين
من كثر اليصير هناه يومية ..
بعد منريد جيش وشرطه وجنود ..
ولانحتاج شغله وخطة وامنية ..
بس نحتاج احنا نصفي الكلوب..
ومحتاجين صده ولفته الالهيه .



**************

مصطفـــى




وطن عدنه انظل انراهن اعليه
او مو كل عراقي صار بس هوه..
ترى حال الظيم صار حال تاليه
العين الك مو بس ارواحنه فدوه..
وتالي وي الحكومه الجاي تحميه
كل يوم اجتماع وكل يوم ندوه..
وتالي شصار اشو بس أساميه
هيل وعبق وردي بريحته الحلوه..
الدم بالشوراع صار صافيه
والقاعده النوب تحارب الصحوه..
الزرع احتركـ وراح ماي ساجيه
وصار الماي احمر وعكرت صفوه..
عمت عين الوكت يا دنيه سجليه
بالدفاتر والكتب تاريخنه بنخوه..
لا مجلس لا برلمان صار لاهيه
وجيش وحرس والنوبه الصحوه..
ترجينه وتالي شصار مرجيه
يا بويه عيني تروحلك فدوه..
ياعراق عيني .. تروحلك فدوه


***********

راقية الفلوجة ,,

عراقنا الغالي لو ظلمة يصير كل عراقي يصيرله شمعــه
ضوة شيعي ضوة سني والصبح بالغصب من ظلمة نطلعـه
عراقنا ما عدنا غيرك نبقى ننتظر؟ والوطن لازم نرجعــه؟
-حبيبي عراقي -
لو حسيت بشبر منك عطش تركضله انهارك تنگعـه
ولو عراقي گال اني محتاج شهگتله جبالك بفزعــة
ولو واحد گال اني جوعان بساتينك بتمره تشبعـه
و العراقية لو نامت ودمعتها عالخد بجفك تمسح الدمعـة
لايهزك الصار والديصير باجر ربك الشر.. يدفعـه
تبقى عراقنا واسمك بدمنا اعلى حيطان الكون نطبعـه
وولدك شما بعدو بعيد لازم يصلون بمسجدك جمعـه
وايد بايد سنة شيعة اكرادعدونا بوحدتنا نگمعـه
و نطرشه بهلاهل عراقيات وبصوت واحد موطني نسمعـه
يضوي الاسم لو تكتب فلان العراقي ..الاسم يصيرله لمعـه
-متكولولي -
بعد شنريد احلى من العـراق بصـف الاسـم سمعـه؟

يالسويت بالعالم رنة .. وطنـّة
واكبر راس لاجلك .. وطى النا
مو وطن احد انت .. وطنـّا
واليعتدي نمحيه من الوطية

************

بيكو الحب ,,

عراقي اني
واللي يسالك انت منين طلعلة جنسيتك
وشوفة الجبل والهور ......وشلالك وبيتك

عراقي اني
من بلد............... سومر واشور
وشط العرب موجود يشهد بهويتك

عراقي اني
وماذلني الزمن في يوم !................ويوم الضعت!
وكف كل نخل الجنوب يصيح بأعلى الصوت ها جيتك

انجرحت ...................! لا مو جرح والله !
ويوم التنجرح هذا وسام النصر على صدريتك

واذا اتنادو من لهذا القوس يبريها ؟
نادى العراقي -انا- واعط القوس باريها

*********************

حمودي الطائي ,,,,

ياعـــــراق بكلبــي تظل طول العمـر
وبسمك اناشد بين كل الناس وافتخر
وبحبي الك بنيتك بكلبي اعلى قصـر
مانساك شماطال الوكت وفربية الدهر
اسمك جرة بشرياني و بدمي انغمر
شامخ تظل عالي واحلى من الكمر
روحي تفداك ياعراق وهاية علية نذر
ولجـــل عيــناك الــزم الليل كلة خـفر
مايهـــزني الموت ويألـمني الســـهر
ملتنـــة الايــام وهجـــرنة وراح الصــبر
احنة اهل الغـــــيرة ماينفــع اليوم عذر
مايكظـــنة ارهـــــاب وكل طامع قـــذر
ونرجعـــــلك ايامك الزاهــــية بالنــــصر
ونزيح عــــنك كل هم وغم وعــــــسر
ياعراق افديك شمــــابقالي من عمـــر
شعــــبك انا الواعــــي الصامد الاغــــر
ياارض البـــطولة منك اخــــذ افكار وعبر
وتـــبقى انت العــــراق شما رماك القدر
وانشد باسمي وصيح عــــراقي وافتخر

*****************
مع تمنياتنا للجميع بالموفقية ,,
تحيااااتي

[мυѕтαfα αℓ3αиι]

تم التصويت

ومشكور ليث على المسابقه ::51::
وبالموفقيه للجميع ::50::

[قموره]

اني صوتت::43::
مشكور لويث على المسابقه الرائعه وجميع القصائد جميله واتمنى الموفقيه للجميع::57::

[نامت عيوني]

تم التصويت
وان شالله التوفيق للجميع

[wOnDeRfUl MaN]

التصويت تم بالتوفيق للجميع


تحياتي....

[سكن روحي]

صوتت لاحلى شعر ومشكوووووووووووووووووووووووور على هالموضوع الرائع




دلوووووووووووووووووووووووووووووعة

[شيرين عسوله]

تم التصويت,,

مشكوور خيو ليث,,,

تحيــأتي,,

[***الســــــاهر***]

تم التصيوت رغم كلها جميله

شكرا للابداع

[شمس بغداد متغيب]

تم التصويت
وبالتوفيق للجميع
وشكرا عالموضوع

[شوشو البنوتة]

تم التصويت ... وبالموفقية ان شاء الله

[فرووحة]

شكرا ليث على المسابقه الجميله .. التي اتاحت لنا الفرصة بالاستمتاع بالتغني بحب العراق العظيم ... وبصراحه احتاريت بين هواية قصائد بس لازم اختار واحد ... صوتت للكيمياوي واتمنى ان يكون التصويت عادل .... شكرا للجميع

[عراقيه وذبني الوكت]

عاشت ايدك خيو ليث على هالموضوع والفكره الجميله::49::
وعاشت ايادي مشاركين الي فعلا ذوق مميز وكلمات روعه::24::
ويارب اللقب يروح للشخص المناسب::13::

[@%@دودو@%@]

الكيمياوي ,,,


ردتك يا وطن اتضمني بالاحضان
ما اتصورت فد يوم تشهك وتنساني

لأن اني منك اني العراقي الزين
شلون اغفة يا شامخ بحضن عدواني!!

وظليت اتحسّر .. يوم ويجر ابيوم
ردت بس اوصل واشم ترابك الحاني

ولكيتك مدمي والضلع مكسور
وبركبتك سيف ويحده سجاني

اشوف السيف يلمع وانتة ما مقهور
لان تعرف باليذبحك مرضعة شيطاني

وردت اخلصك من هالسيوف البيك
زرعولي عبوة وطكت بنيشاني

رادوا من صلاتي تكون ذكرى لليقرون
ورادوا من قرآني احذف ايماني

ورادوا اتحّرر واللبس ينزاح
وكالوا شكد حلو من اتصير علماني

هاك دخّن هذا التبغ من الزين
هذا اصلي هذا مو سومر الماني

ما ندري الحشيشة تنزرع فد يوم
بتربة ما خضرت بس تمر ربّاني

وما ندري السلاح يصول ويجول
وما ندري النهب يوصل لجيراني

بس ندري العراق بيه كومة رجال
اذا صاحوا يا اخوية هبوا ياخواني

تعوف الارض هاي الكاع وتروح
عراقي على ظهري وتصطك اسناني

اذن ما اعوفك بعد يا موطن الاحرار
وابد لتعوفني يا من كنت شرياني

احبَك ومن حُبك ارضة بالموت
مو حقة اليكلك الحب كتلاني

بيك دجلة العذب ونهرالفرات ثنين
وبيك شط العرب ينساب عدناني

وبيك الائمة وبيك نعمان الشهم
وبيك الحسين الكال لا للطغياني

وبيك ابو الحسنين حمال الشيم
وبيك باز الله عبد القادر الكيلاني

وبيك امي الحبيبة وبيك من حبّيت
وبيك من تركت من ربعي وخواني


وحتى اصدقائي اللي اعرفهم بهالجات
صاروا الي مثل كلبي و وجداني


احبهم حيل واتمنى الوطن فد يوم
يجمعني بيهم بس مو بالعراق الثاني


الف رحمة على والد كلمن يكول
يارب احفظ وطننا وطفي نيراني


بعد ما بقت اي قطرة بطرف شريان
صفت بس عيون تبجي وتعاني


خايف لا يخلص حتى الدمع هالنوب
ياترى المن اتوجه وياهو يلفاني !!!!




ابكيتني عزيزي الكيمياوي
فلا شي ادفىء من احضان العراق
ضاعت مني الكلمات ووانا احاول وصف روعه احساسك
وكلماتك
فشكرا لما قدمت لنا
لك مني كل الاحترام


((يارب احفظ وطنا وطفي نيراني))

وشكرا لجهودك عزيزي ليث

[rose_of_kirkuk]

تم التصويت

[LORD*OF*DARKNESS]

مسابقة حلوة والاشعار احلى واني صوتت لاجمل قصيدة من اخوية مطصفى العبيدي

[*كاردينيا بغداد*]

تم التصويت وبالتوفيق
للجميع
شكرا ليث على المسابقه
الرائعه

[العمــــــده]

تم التصويت..لللاجمل الكلمات........
الاخ مصطفى
::17::
تستاهل احسن تقييم

[السامرائية*البغدادية]

كلها حلوة والله

وصوتت ::17::

يسلمـــــو ::57::

[المهندسه85]

**************

الكيمياوي ,,,


ردتك يا وطن اتضمني بالاحضان
ما اتصورت فد يوم تشهك وتنساني

لأن اني منك اني العراقي الزين
شلون اغفة يا شامخ بحضن عدواني!!

وظليت اتحسّر .. يوم ويجر ابيوم
ردت بس اوصل واشم ترابك الحاني

ولكيتك مدمي والضلع مكسور
وبركبتك سيف ويحده سجاني

اشوف السيف يلمع وانتة ما مقهور
لان تعرف باليذبحك مرضعة شيطاني

وردت اخلصك من هالسيوف البيك
زرعولي عبوة وطكت بنيشاني

رادوا من صلاتي تكون ذكرى لليقرون
ورادوا من قرآني احذف ايماني

ورادوا اتحّرر واللبس ينزاح
وكالوا شكد حلو من اتصير علماني

هاك دخّن هذا التبغ من الزين
هذا اصلي هذا مو سومر الماني

ما ندري الحشيشة تنزرع فد يوم
بتربة ما خضرت بس تمر ربّاني

وما ندري السلاح يصول ويجول
وما ندري النهب يوصل لجيراني

بس ندري العراق بيه كومة رجال
اذا صاحوا يا اخوية هبوا ياخواني

تعوف الارض هاي الكاع وتروح
عراقي على ظهري وتصطك اسناني

اذن ما اعوفك بعد يا موطن الاحرار
وابد لتعوفني يا من كنت شرياني

احبَك ومن حُبك ارضة بالموت
مو حقة اليكلك الحب كتلاني

بيك دجلة العذب ونهرالفرات ثنين
وبيك شط العرب ينساب عدناني

وبيك الائمة وبيك نعمان الشهم
وبيك الحسين الكال لا للطغياني

وبيك ابو الحسنين حمال الشيم
وبيك باز الله عبد القادر الكيلاني

وبيك امي الحبيبة وبيك من حبّيت
وبيك من تركت من ربعي وخواني


وحتى اصدقائي اللي اعرفهم بهالجات
صاروا الي مثل كلبي و وجداني


احبهم حيل واتمنى الوطن فد يوم
يجمعني بيهم بس مو بالعراق الثاني


الف رحمة على والد كلمن يكول
يارب احفظ وطننا وطفي نيراني


بعد ما بقت اي قطرة بطرف شريان
صفت بس عيون تبجي وتعاني


خايف لا يخلص حتى الدمع هالنوب
ياترى المن اتوجه وياهو يلفاني !!!!

***********************





جميل ماكتبت اناملك وقد جرحت صميم فؤادي بكلماتك المؤثره
ابدعت برسم واقع عراقنا الجريح ولمعت كلماتك برونق التالق
اتمنى لك الابداع المستر
تم التصويت للقصيده الاجمل والاروع بالتاثير
تحياتي لكيمياوي

[اسيرة الصمت]

تم التصويت

[**اميرة الحب**]

تم التصويت للأفضل

[miss sea]

كل القصائد حلوة وتم التصويت للافضل.... تحياتي

[عيون المها]

صوتت ورغم للي صوته
بس الجميع مشاركاتهم روعه
عاشت الايادي

[غــســــق]

تم التصويت وبلتوفيق للجميع..

[إبن المنصور البغْدادي]

بارك الله بكمـ جميعا
قصائد روعة
أُحييكم على هذا الحسّ الوطني الرائع
التصويت يستحقّه كلّ فرد منكم
لكنه للأسف يجب أن يكون لشخص واحد
بارك الله بكم جميعا
تم التصويت::57::

[حرة بحدود]

تم التصويت بصعوبة
لان الاشعار كلها تستاهل
وان شاء الله دائما نجتمع بحب الوطن

[ورد جوري]

الف شكر للفكرة والموضوع الرائع

لقد اتحتم لنا الاستمتاع بما خطت يد الاعضاء الاعزاء

من كلمات غاية في الروعة ونبض احساس معبر عن حب العراق

رغم صعوبة الاختيار

تم التصويت

والموفقية للجميع

تحياتي

[***الســــــاهر***]

موفقين شباب

الكل فائز

[بـلآل الـجُميــــــلّي]

تم التصويت وبالموفقية ان شاء الله

[دموع@دندوشة@الشوق]

تم التصويت

بلتوووووووفيق

تحياااااتي

[وسيم المدني]

تم التصويت على الرغم
ان جميع القصائد رائعة
وجميع الاعضاء مبدعين
واني بالنسبة الي كلهم فائزين على هاذا الكلام
الرائع في حب الوطن

[white wizard]

تم التصويت

[ليث القيسي]

تم التصويت وشكرا ليث عل المسابقه الحلوه

[––––•(-•THE.KILLER•-)•––––]

::51:: تسلم حبي ليث على لموضوع تم تصويت تحياتي الك حبي تقبل مروري ::34::

http://www.v33v.com/download/19234790e9704713c.jpg
::57::كل يوم عن حبنى ناس يسألوني كل يوم يذكرون أسمج ويبجوني حرام أني اتعذب وأنتي بعيدة ميفيد عمري بدونج لا ماريدة كفاية دموع بعد ما تكدر عيوني مليت اصبر روحي وما نتلاكة معقولة بحضني انتي ما مشتاكة ناس تسأل عنج وأنة بحيرة محروك بلهفة كليبي ونار لغيرة أريد نعود وبكربج يشوفوني مشتاك لنور عيونج حبيبة كلبي أغلى انسانة مشتاك جرحت كلبي هم زعلانة حرام أنة اتعذب وأنتي بعيدة ميفيد عمري بدونج لا ماريدة حرام أنـــة تعذب::57::

[عاشق التكنلوجية]

تم التصويت وان شاء الله التوفيق للجميع
مشكووووووورين على القصائد الجميلة بحق الوطن
تحياتي

[.ιlιlι.- GoLd£N GuN -.ιlιlι.]

تم التصويت

واتمنى الموفقية لليستاهل

[محمد العبيدي 1]

تم التصويت

عاشت ايدك ليث على الموضوع
تحياتي

[ஐ° ◦° عســولــة ° ◦°ஐ]

تم التصويت والموفقية للجمييييييع

[شمس نهار]

تم التصويت
وان شاء الله يفوز الي يستحق الفوق

[حلوه ودلوعه]

شكرا على الكلمات الرائعه بحق العراق
بس مهما كلنه مراح نوفي
عاشت الايادي

[علي العبيدي]

شكرا على الموضوع القيم
عاشت الايادي وتم التصويت

[***همسة***]

ثانكس ع الفكره الحلوه
وتم التصويت

[المبرمجه]

من دون البشر بسكوت
ليش نموت
غربه بلا جفن لا دمعه لا تابوت
لا أم ال تصيح بصوت
لاأخت ال تبجي بيوت
لا بيرغ عراضه يجول ..لا خير علينه يفوت
ليش نموت
ولحد من يظل هذا الشعب مشحوت
يوم الذيب ياكل بي
يوم يصير بحلك الحوت
ليش نموت؟
ويموت الفرح بينه ونتيه سنين
مشكورين على الموضوع

[زيـــ كلش زين ـــن]

تم التصويت مشكور ليووث وردة

::57::::57::::57::::57::::57::::57::

[أوطان الغربة]

تم التصويت
رأيت خلال قراءتي للقصائد بأن الاكثرية انتهجت طريقة الشعر الشعبي ورأيت ايضا صورا شعرية جميلة واتمنى المزيد من التألق وإلإبداع
شكراا ليووث

مع الود
أمين الشماع
::57::

[سر العيون]

تم التصويت
بالموفقيه للجميع

[زنوبيا]

تم التصويت بالتوفيق للجميع
تحياتي لكل المتسابقين...........

[الشاعر]

تـــــم التصويت على هذه القصائد الرائعة الراقية..!
بالتوفيق أن شاء الله....!

[شمس بلاد الرافدين]

التوفيق عاشت الايادي وتم التصويت

[كلام العيون]

تم التصويت وبلموفقيه انشاء الله

[امير الساهر]

http://smileys.smileycentral.com/cat/4/4_1_72.gifhttp://smileys.smileycentral.com/cat/4/4_1_72.gifhttp://smileys.smileycentral.com/cat/4/4_1_72.gifhttp://smileys.smileycentral.com/cat/4/4_1_72.gifhttp://smileys.smileycentral.com/cat/4/4_1_72.gif
اخ الله كرشي
بس لو اعرف منين ديجون ارتاحhttp://www.dijlh.net/images/icons/011.gif
شنو ديستوردون اصوات من الخارج
http://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gif
http://www.up-00.com/uploads/flk54679.gifhttp://www.up-00.com/uploads/flk54679.gif

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

انتهى وقت الاستفتاء ,,,,
والنتيجة واضحة للاخ مصطفى ,,
وسيطرح موضوع بهذا الخصوص ,,

[red rose]

تم التصويت بالتوفيق للجميع