جريمه بشعه يرتكبها حمايه السيد وزير العدل امام مدرسه اطفال في منطقه الصالحيه

[سامرائي الى الابد]

السلام وعليكم اخواني واخواتي

اليوم صارت مجزره امام عيني من قبل

حمايه وزيــر العدل الله يرجم ؟؟؟

حمايه السيد وزير العدل يدهسون خمس اطفال ويقتلون اثنان ويجرحون ثلاثه

ويشتبكون مع قوات الجيش العراقي ....وينزلون من السياره يكولون الي يجي ورانه نحركه

الحادث صار بمنطقه الصالحيه امام مدرسه اطفال ..... ياترى هذوله من راح يحاسبهم الحكومه ام السيد

وزير العدل ؟ ام منو وشنو ذنب الاطفال الي راحو وشنو ذنب عوائلهم وذنب ابائهم وامهاتم ....منو راح

ياخذ حق هولاء الاطفال العزل ......::28::هل سيحاسبون امام القضاء ام جرائمهم سوف تتنسى مثل مجزره

ساحه النسور وشنو فرقهم بين بلاك وتر وهمه ...... اريد جواب يشفيني .....رحمه الوالديكم .....

لحد يكولي رابط الخبر انقل بس ع قناه الديار .................الي يحب يشوف الخبر هناك ......

[العمــــــده]

صحيح الخبر صحيح ..واني داتاكد من التفاصيل....مشكور اخويه لنقلك الخبر ...عبالك عايشين بغابه...ياحكومه

[I R A Q I 4 E V E R]

حبي سامرائي مشتاقووووووووون


قاسم عطا اختصرهة وكال الي سوة الحادث هم مدنيون وليس من الحماية !!!!

[شاب_حباب]

ابصراحة مااكدر اصدك او اكذب الخبر اشوف الخبر

بس مو بعيد يصير لان اصلا من يمشوون ما يهمهم احد

:))) ويامة ويامة شبعنة فشااار من الحماية وهوة يوجه الرشاش بالوجه والله ليش نعبر الشارع
لو ليش الكية مالتنة متقربة من الموكب

الله ينتقم من كل ضالم

[سامرائي الى الابد]

حبي سامرائي مشتاقووووووووون


قاسم عطا اختصرهة وكال الي سوة الحادث هم مدنيون وليس من الحماية !!!!


هلوووو حسومي اني الاشوق والله اني والمنطقه مشتاقيلك

لا حبي مو مدنين وسياره البيظه الي صعدت الرصيف ::1:: ليش يجذب هذا عطا والجيش الي

اشتبكو وياه داكولك كدام عيني وابو الجيش طلع وحجى بتلفزيون واني هم حجيت ::1::ع قناه الديار الي

صورت الخبر ؟؟؟ والمخ مال طفل الي شمروو ع رصيف ::1::

[سامرائي الى الابد]

صحيح الخبر صحيح ..واني داتاكد من التفاصيل....مشكور اخويه لنقلك الخبر ...عبالك عايشين بغابه...ياحكومه


الغابه هم بيهه حيوانات واحد يخاف على الثاني اخويه عماد رحمه الاهلك

واسمع يكولك عطا يكول مدنين واني شفت بعيني محد كلي ::38::

[سامرائي الى الابد]

ابصراحة مااكدر اصدك او اكذب الخبر اشوف الخبر

بس مو بعيد يصير لان اصلا من يمشوون ما يهمهم احد

:))) ويامة ويامة شبعنة فشااار من الحماية وهوة يوجه الرشاش بالوجه والله ليش نعبر الشارع
لو ليش الكية مالتنة متقربة من الموكب

الله ينتقم من كل ضالم


اتاكد حبي ولو اني كلت وراح اكول شفت بعيني محد كلي

على العموم انته كلت الله ينتقم من كل ظالم امين يااااااااارب ::27::

[شموسة العراق]

إنا لله وإنا إليه راجعو ن
اله ينتقم منهم واحد واحد ويقولون خوش حكومة ........قصدي خوش حرامية قتلة
مشكور أخوية والله يكون بعونك على المنظر الشفته

[عاشق الصحراء]

نا لله وانا اليه راجعون حكومة لو غابة ؟؟؟؟؟؟::28::

[سامرائي الى الابد]

إنا لله وإنا إليه راجعو ن
اله ينتقم منهم واحد واحد ويقولون خوش حكومة ........قصدي خوش حرامية قتلة
مشكور أخوية والله يكون بعونك على المنظر الشفته


امين ياربي الله ينتقم من عدهم ومن الي شغلهم ويااااا

وتعودنا على هيجي من مناضر من وره هل شرذمه حشا السامع

[سامرائي الى الابد]

نا لله وانا اليه راجعون حكومة لو غابة ؟؟؟؟؟؟::28::


يرحون فدوه للغابه اخويه .........::29::

[صقر كرواتيا]

لا جديد على عصابات الحكومة
الثاني متى حاسبت الحكومة قتلتهه علمود تجي اليوم تحاسب !!!
الله يرحم المساكين الابرياء
تحياتي اخوية

[جنـون]

تصرف فردي هذا ..وان شاء الله يتحاسبون ..
دماء الاطفال هاي لازم ينوخذ حقها ..

صدك اكو مستهترين ..

:
:
جنونه

[I R A Q I 4 E V E R]

هلوووو حسومي اني الاشوق والله اني والمنطقه مشتاقيلك

لا حبي مو مدنين وسياره البيظه الي صعدت الرصيف ::1:: ليش يجذب هذا عطا والجيش الي

اشتبكو وياه داكولك كدام عيني وابو الجيش طلع وحجى بتلفزيون واني هم حجيت ::1::ع قناه الديار الي

صورت الخبر ؟؟؟ والمخ مال طفل الي شمروو ع رصيف ::1::
حبيبي الغالي سامرائي بربك من تفوت من يم ابو حنيفة تذكرني
مشتاق للمنطقة والله ::29::::29::::29::


وهسة اشوفك عل ديااااااار

[سامرائي الى الابد]

لا جديد على عصابات الحكومة
الثاني متى حاسبت الحكومة قتلتهه علمود تجي اليوم تحاسب !!!
الله يرحم المساكين الابرياء
تحياتي اخوية


اي صحيح كلامك اخويه لاجديد على عصابات الحكومه والجريمه المنضمه ......

امين الله يرحمهم ويرحم شهداااااااااء العراق اجمعين ياااارب

[سامرائي الى الابد]

تصرف فردي هذا ..وان شاء الله يتحاسبون ..
دماء الاطفال هاي لازم ينوخذ حقها ..

صدك اكو مستهترين ..

:
:
جنونه


شلون تصرف فردي انسه جنون ؟ ممكن توضحيلي ::8::

[سامرائي الى الابد]

حبيبي الغالي سامرائي بربك من تفوت من يم ابو حنيفة تذكرني

مشتاق للمنطقة والله ::29::::29::::29::



وهسة اشوفك عل ديااااااار



اليوم جنت هناك بالاعظميه بس هسه اني بسيديه ::2::

من اشوفني موتفضحني ::41::

[—(•·÷[ Kokopelli ]÷·•)—]

ليش كلبوا الدنيا من الامريكان ضربوا طلقة تايهة جتي ببنية طفلة
الله يرحمها ويرحم كل طفل ضحية هيجي ناس متخاف من الله

[I R A Q I 4 E V E R]

اليوم جنت هناك بالاعظميه بس هسه اني بسيديه ::2::

من اشوفني موتفضحني ::41::
اتمنى اشتم ريحة الاعظمية ولك مشتاقلهة موت
ان شاء الله يجي يوم وترجع يمي للاعظمية ونرجع لسوالفنه الحلوة

[the love for ever 1987]

مهزله كبيره دصير هسه والله يستر منها

[مملكتي دجلة]

ان لله وانا اليه راجعون
اللهم يرحم شهدائنا الاطفال ويسكنهم فسيح جناته ويدخل النار كل من فعل جريمته
تقبل مروري

[اسـ الغربة ـير]

اي والله اخويه هيه حكومة كلشي يطلع منها تقتل اطال تذبح مو شي غريب

[امير ابو الحب]

هلوووو حسومي اني الاشوق والله اني والمنطقه مشتاقيلك

لا حبي مو مدنين وسياره البيظه الي صعدت الرصيف ::1:: ليش يجذب هذا عطا والجيش الي

اشتبكو وياه داكولك كدام عيني وابو الجيش طلع وحجى بتلفزيون واني هم حجيت ::1::ع قناه الديار الي

صورت الخبر ؟؟؟ والمخ مال طفل الي شمروو ع رصيف ::1::

صدك جذب؟؟؟؟؟؟؟؟!!!!!!!!!!!
والله شكلك عمي منو يحاسبهم لازم الناس تشتكي على الاقل ..واذا صدك همه حماية الوزير ويطلع هذا يكوول مدنيين سووها فيعني ماادري شكلك... ان شاءالله القضاء ياخذ دوره بهاي المسالة لو حتى الحماية هم عدهم حصانة؟؟؟!!!!

[شـوكـة نـاعـمـة]

اعوذ بالله شنو من بشر ذوله ؟؟؟

زين ليش الخبر ينقل بس على قناة الديار ... باقي القنوات بشنو ملتهيه .... بالعلم !!!

[ameeral7ob]

اخواني العلة مو بالحماية العلة بينه احنه
لو احنه هسة صدك نريد نوكف هالنماذج الحقيرة عند حده كان كدرنه وبسهولة
بمجرد متطلع مظاهرات بالمنطقة وتطلب القصاص وتايده شكم منطقة وتصير مطلب شعبي صدكوني اكبر حكومة تبوك هوى وتريد بس تسد الموضوع
بس خلينه هيجي نباوع ونستنكر ونشجب ولا نؤيد ومدري شنو وخلينه ساكتين احسن
الي يفخخ ننخاف منه الي يبوك نخاف منه تروح تشوف الغاز والنفط كدامك الف واحد ميسوة نعال يضرب السرة ومنحجي نخاف منه اذن نستاهل الي يصير بيتنه لانه احنه نخاف والشعب الي يخاف خلي يقبل بكلشي ويتحمل
بزمن صدام نخاف بزمن الامريكان تخاف بزمن الحكومة الي نصها متعرف شنو ما شنو تخاف من شنو نخاف ما اعرف
الله يرحمهم والله خطية شنو ذنبهم بلة من ورة مجموعة من السفلة الحقراء طفل اهله كبروا وينتضرونه علمود يكبر وامه تسع شهور ابنطه شايتله يجيك واحد هتلي يمكن جان بابو غريب صاير بحمايد السيد الوزير
ارجع واكول الذنب ذنبنا اولا واخيرا نتيجه التخاذل والخوف الي مسيطرة على قولبنا

[سامرائي الى الابد]

اعوذ بالله شنو من بشر ذوله ؟؟؟



زين ليش الخبر ينقل بس على قناة الديار ... باقي القنوات بشنو ملتهيه .... بالعلم !!!



والله ياااختي هذوله مو بشر هذوله حشر حشا خلقه الله هذوله شرذمه البشر

بس ويامن نحجي والمن نكول ماعدنا غير كلمه حسبي الله ونعم الوكيل عليهم

وبالنسبه للخبر ليش منقلووو مادري بس اعتقد لأن قريبه الديار ع الحادث انفردت بيه هيه ::32::

[—(•·÷[ Kokopelli ]÷·•)—]

شفتوا الخبر اشكد مؤلم!!!!

[سامرائي الى الابد]

اخواني العلة مو بالحماية العلة بينه احنه
لو احنه هسة صدك نريد نوكف هالنماذج الحقيرة عند حده كان كدرنه وبسهولة
بمجرد متطلع مظاهرات بالمنطقة وتطلب القصاص وتايده شكم منطقة وتصير مطلب شعبي صدكوني اكبر حكومة تبوك هوى وتريد بس تسد الموضوع
بس خلينه هيجي نباوع ونستنكر ونشجب ولا نؤيد ومدري شنو وخلينه ساكتين احسن
الي يفخخ ننخاف منه الي يبوك نخاف منه تروح تشوف الغاز والنفط كدامك الف واحد ميسوة نعال يضرب السرة ومنحجي نخاف منه اذن نستاهل الي يصير بيتنه لانه احنه نخاف والشعب الي يخاف خلي يقبل بكلشي ويتحمل
بزمن صدام نخاف بزمن الامريكان تخاف بزمن الحكومة الي نصها متعرف شنو ما شنو تخاف من شنو نخاف ما اعرف
الله يرحمهم والله خطية شنو ذنبهم بلة من ورة مجموعة من السفلة الحقراء طفل اهله كبروا وينتضرونه علمود يكبر وامه تسع شهور ابنطه شايتله يجيك واحد هتلي يمكن جان بابو غريب صاير بحمايد السيد الوزير
ارجع واكول الذنب ذنبنا اولا واخيرا نتيجه التخاذل والخوف الي مسيطرة على قولبنا


::13::عجبتني بردك بس بزمن صدام مجان اكو حمايه يجرئ يضرب اويقتل مواطن بدون سبب؟ مثل مااموجود

حاليا ........

[البرق المظلم]

حبيبي والله هذولي لاحساب ولا عتاب
منو يحاسبهم
مو كلهم نفس الشيء

[سامرائي الى الابد]

::32::وهذوله الاطفال شنو ذنبهم اذا الحكومه برت المجرمين وتكول هذا الحادث ارتكب من قبل مدنين

واني شفت الحادث وابو الجيش العراقي شاف الحادث وصرح كال هذوله حمايه الوزير الفلاني ؟ زين ابن عطا ليش يجذب

اااااااااااااااااااااااااااااااااااااااااااااااوف يادنيا النه الله

[فهـــد البصراوي]

الشغله موجيدة على احمد راضي
حبي سامرائي شلونك اخبارك
عادك انت تتذكرني لو والله
والله قبل فترة تذكرتك بالمنتدى


تحياتي الك

[فاروق الرافدين]

حياك الله يا الغالي .. كل الهلا بيك منور حبيبي ..

هذوول هم عدهم حصانة مثل الامريكان .. الله ينتقم منهم ومن اللي ولاهم علينه .. اذا حاميها حراميها

[سامرائي الى الابد]

هلا والله اخويه فهد شلون مااذكرك اخويه جنت رايح زياره للبــــــوكــأ والله فرج علينه

وبالنسبه للشغله هيه موجديده على احمد راضي يضرب كله احنى نكول الله يرحم هل اطفال المساكين ويصبر اهلهم فقط

لاغير

حيالله من كاله اخويه فاروق بالمهلي يااحبيبي مشتاقلكم والله

هذا جوابك شويه خفف عندي الحزن مال همه عدهم حصانه كولشي يصير بهل وكت .......

نورتوني ياااغاااااالين

[red.dragon]

استغفر الله التعازي لاهالي الاطفال

[عراقيه وافتخررر]

لا حوا ولا قوة الا بالله ...الله ينتقم من كل ظالم

[إبن المنصور البغْدادي]

لاحول ولا قوة الا بالله العلي العظيم
أصبح الدم العراقي بلا قيمة
حتى من يخدم الجزارين السياسيين له حصانة
لا أدري بأي وجه ستقابلون رب العزة والجلال
"واذا الموؤدة سئلت بأي ذنب قتلت "
إن شاء الله يكونون طيور الجنة
الجنة التي ستحرّم على مجلس النواب
فكم قال رسولنا الكريم (لا يجتمع شخص وقاتله في النار)
حينها لنّ ينفع مجلس النواب حجّهم بقوت الشعب
وسيكون حينها خصمهم 27مليون عراقي
الفاتحة على أرواحهم الطاهرة وأرواح شهداء العراق وموتى المسلمين قبلها الصلاة على محمد وآل محمد
بِسْمِ اللّهِ الرَّحْمـَنِ الرَّحِيمِ http://www.aqaed.com/shialib/books/09/quran/r.gif1http://www.aqaed.com/shialib/books/09/quran/l.gifالْحَمْدُ للّهِ رَبِّ الْعَالَمِينَ http://www.aqaed.com/shialib/books/09/quran/r.gif2http://www.aqaed.com/shialib/books/09/quran/l.gif الرَّحْمـنِ الرَّحِيمِ http://www.aqaed.com/shialib/books/09/quran/r.gif3http://www.aqaed.com/shialib/books/09/quran/l.gif مَـلِكِ يَوْمِ الدِّينِ http://www.aqaed.com/shialib/books/09/quran/r.gif4http://www.aqaed.com/shialib/books/09/quran/l.gif إِيَّاكَ نَعْبُدُ وإِيَّاكَ نَسْتَعِينُ http://www.aqaed.com/shialib/books/09/quran/r.gif5http://www.aqaed.com/shialib/books/09/quran/l.gif اهدِنَــــا الصِّرَاطَ المُستَقِيمَ http://www.aqaed.com/shialib/books/09/quran/r.gif6http://www.aqaed.com/shialib/books/09/quran/l.gif صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ http://www.aqaed.com/shialib/books/09/quran/r.gif7http://www.aqaed.com/shialib/books/09/quran/l.gif

[مصطفى العبيـدي]

الجماعه نقلوا الخبر بس على الديار .. وبقية القنوات ملتهين ابوش لانو حضرته بجوله بالخليج .. استفاد ..

حسبي الله ونعم الوكيل ..

تسلم اخوي للخبر

[lara croft]

لا حول ولا قوة الا بالله
هيج صار دم العراقي رخيص!!!!
زين هذوله أطفال شنو ذنبهم؟؟؟

[شنكوتي العراقي]

أخي العزيز ...
مع فائق احترامي للجميع، ان هذه الحكومة و التشكيلة الوزارية هم من انتخبهم الشعب العراقي، فالواحد يتحمل نتيجة غلطه و اعتقد لا يختلف اثنان على هذا الشيء.

تقبل تحياتي

[M A T R I X]

الله يكون بعون اهلهم
شنو ذنبهم هذولي منو راح ياخذ حقهم
هذا ماجناه الشعب العراقي من الحكومة المنتخبة

حمايات وزراء الحكومة مرتزقة

وزراء الحكومة فاسدون

سياسيون العراق منافقون

والقائمة تطول و تطول

. . . .

والشعب هم كبش الفداء بكل مايجري و يجري

الله يكون بعون الجميع

ولاحول ولاقوة الا بالله العظيم

[الذئب الرمادي]

لا حول ولا قوة الا باله العلي العظيم
الله ينتقم من كل ظالم

[سامرائي الى الابد]

شكرااا للمروركم اخواااااااااااااااان

بس الحكومه كاعد اجذب الخبر

يعني هذوله الاطفال الي انقتلوووو

الهم الله همه واهلهم

[الانباري الفلوجي]

شنو هاي اول مره يابه مو تعودنا سب وقتل وذبح
اذا انت شفت هذا الحادث فآني مرتين شبعوني بوكسات
وجلاليق هذوله الحمايات الشخصيه....
الله ينتقم منهم وترى الله سبحانه وتعالى الهم بالمرصاد
ما دام الحكومه ما الها دخل بالشعب فأكو الله
ورحمه الله واسعه
وبشر القاتل بالقتل ولو بعد حين

[البصراوية نت]

حادث بشع شاهدته على قناة الديار الفضائيه
الى اي حد وصل استهتار الحمايات ورجال الامن
وصل الى درجه العب بارواح الابرياء الاطفال
مجموعه مستهتره من حماية وزير يقمون بالتسابق بنهم بالسيارات
يدفع ثمن هذا السباق 7 اطفال
ماذنبهم ومن يحاسب هولاء
تحياتي

[The Promise]

شر البلية مايضحك
اين العدل ياوزير العدل ............!!!!؟؟؟
شكرا للخبر الفاجعة::29::

[سامرائي الى الابد]

ماكول غير كلمه وحده


الـــــــك الله ياعــــــــراق الفـــــواجع .....

شكراا للمروركم جميعا اخواني واخواتي

[طالب الدليمي]

ماكو حسيب ولا رقيب يسون كلشي موهو الي مخليهم حمايه أله كلب ابن كلب والله لو بيدي سلطه عليهم لااحركهم هم وزيرهم وعلكهم ::9::بشوارع بغداد وخليهم عبره :لكن اذا كان رب البت على الدف ناقرُ فما شيمتُ اهل لبيت االمالكي عاجبه هذا الوضع اخر كلامي [حسبنا الله ونعما الوكيل ] ::9::

[Civilian]

الله يرحم هذولة الاطفال المساكين
طبعا اعلنت الحكومة قبل يومين القاء القبض على هذه الزمرة المجرمة
وما ادري الى متى تظل المواكب الرسمية تمشي بالشارع مذعورة وخايفة وتتصرف برعونية .. مو همه الي ديكولون تحسنت الاوضاع لعد منين خايفين ..!

[سامرائي الى الابد]

الله يرحم هذولة الاطفال المساكينطبعا اعلنت الحكومة قبل يومين القاء القبض على هذه الزمرة المجرمة
وما ادري الى متى تظل المواكب الرسمية تمشي بالشارع مذعورة وخايفة وتتصرف برعونية .. مو همه الي ديكولون تحسنت الاوضاع لعد منين خايفين ..!


يـخافون من انفسهم اخويه سيفي

شكراا للمرورك اخويه

والله يبصبر عوائل الاطفال

[سعد نجم]

مو خوش خبر والله
اله ينتقم من كل ظالم
انشاءالله
بس هذا منو راح يحاسبه ؟
اكو الله خير الحاكمين
مشكو ر اخى العزيز على نقل الخبر تحيااااااااتى

[سامرائي الى الابد]

شكرراا للمرورك اخويه سعد

والله يصبر عوائل الاطفأأأل

[—(•·÷[ Kokopelli ]÷·•)—]

لا هسة بلوها بالسايق بس لا يبقون الوزير تي هي

[سامرائي الى الابد]

شنو بلوهه بسايق مو طلعت المتحدثه بأسم وزاره العدل الله يجرم وتكول هذا مو موكب الوزير

اشو هسه بسايق اين المصداقيه ياااااااااااوزاره العدل ؟؟

[العمــــــده]

حسبنا الله ونعم الوكيل
..
الحادث لم يحقق به لحد الان..اين العد يا حكومه الدم قراطيه

[العمــــــده]

حسبنا الله ونعم الوكيل
..
الحادث لم يحقق به لحد الان..اين العدل يا حكومه الدم قراطيه

[الانصار]

والله عمي صارلي من زمان اكول هاي حكومة تعبانه محد ميصدك وهذا بلد تايه
ومحد يسألن نفسه حوالي سته ملايين عراقي غادروا العراق ليش غير اكو فد سبب قابل هذوله كلهم خايفين لازم اكو بيهم ميأسين من الوضع ويعرفون الوضع تعبان
فأحنه شنكول الله كريم

[ابوالزمان]

والله كلشي يسوون هذوله الطاحين الصبغ