مـــــســـابـــقـــــة أجـــمـــل قــصــيـــدة شــعبــيــة في حب العراق !!!!!

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

السلام عليكم ,,,
شخباركم دجلاويين ودجلاويات الاحياء منكم والاموات ::19::
اليوم راح نبدي مسابقة جديدة بالقسم ,,
هي مسابقة الشعر الشعبي العراقي ,,,
وسيحصل الفائز باجمل قصيدة على لقب ,,,
( شاعر منتدى دردشة هاي عراق )
ويبقى اللقب الى مدة شهر كامل ,,,

قوانيين المسابقة ,,,

1- يجب ان تتغنى القصيدة في حب العراق ( وطنية ),,,,
2- تكون القصيدة من كتابات العضو الشخصية ,,,
3- اي قصيدة تكون منقولة من شاعر ثاني سوف تحذف ,,,
4- تستقبل القصائد المشاركة من ساعة تنزيل الموضوع ,,
وحتى يوم الاربعاء 16\1 الساعة 12 ليلآ ,,
وبعدها يقفل باب قبول المشاركات ,,,
5- بعد اكمال جميع المشاركات والقصائد سوف يفتح باب التصويت للقصائد ,,,
6- التصويت سيكون مرئي والى جميع اعضاء منتدى دجلة نت ,,,,,
7- اي عضو تقل مشاركاته عن 50 مشاركة لا يسمح له بالتصويت ,,
لضمان نزاهة التصويت وعدم التسجيل باسماء ثانية ,,,
مع تمنياتي للجميع بالتوفيق ونتمنى ان تكون مسابقة عجبتكم ,,,
تحيااااتي ,,,

[الكـون لهُ اسـْرار]

مسابقة رائعة من اجل عراقنا الحبيب

الموفقية للجميع وشكراً يا بروكن للفكرة الرائعة

تحياتي واحترامي





الكون ....!

[أشوفك حلم]

مشكور ليث مسابقه حلوة
وان شاء الله توصلك مشاركتي

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

مشكوررر حبي الكون على المرور ,,,,
وان شاءالله الموفقية للجميع ,,,

تحياااتي مكرم على المرور ,,,
وننتضر مشاركتك ,,,

[***الســــــاهر***]

هاي شنو روعه الموضوع

ما اعرف احاول اكتب شي

بس شرط يكون على وزن معين

لو اي شي شعبي بحب الوطن ؟

شكرا ورد

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

هاي شنو روعه الموضوع

ما اعرف احاول اكتب شي

بس شرط يكون على وزن معين

لو اي شي شعبي بحب الوطن ؟

شكرا ورد


لازم تكون القصيدة مرتبة ,,,
وموزونة من حيث الكلمات ,,,
منور حبي الساهر ,,,

[الشاعر سيف العيداني]

مشكور حبيبي على هاي المسابقه جميله جدا وأحب اساهم وياكم ماكو اغلى من العراق
قصيدتي بعنوان (نتجنس بالغَربْ هيهات جنسيه)
ان شاء الله تنال اعجابكم ابناء وطني



نتجنس بالغَربْ هيهات جنسيه
مرهمت علي اني بس العراقيه
الله اكبر ياعَلم نجماتك الاهيه
مَيتفَرق الوطنْ والعرب كرديه
شامخ يظل النخل كَاعه بغداديه
ممسته ايران ولا قنابل امريكيه
هذا هواخر وكت اخذلي تركيه
والله شنو دخلوحدودنا الدهوكيه
شريد احجي وكَول اطماع بعثيه
شبعنه جذب واسرائيل فلسطينيه
مازهكَتي يالبصره كليره كويتيه
كفايه مجالس وصحوات وطنيه
مقالب الجميع براسج يالطائفيه
من رئيس ووزراء الكلها هتليه
دنشوف الشهايد بالذهب مطليه
المهم بكم ورقه محلوله مكَضيه
وين وَصلنا الدهر الهل عفطيه
نتشرد بسوريا وقاره أستراليه
لشوكت نتهدد بأرضنا العراقيه
ديصفينه الدهر ويحملنه هالمنيه
بأمريكا الحَضاره الكُلهاإنسانيه
بس الهم ديانه ولبيوتنا الجزيه
صاريتوزع العراقو بكل الوهيه
ما دروا منو حامي الدين يا دنيه
على منوالذنوب قبلنه وهاي هيه
لاهمه اهله للوطن وعلينه الديه
نتكَلب دنتغرب نصبر ومكَضيه
هاي هيه همه اهله وندفعها للديه

من كتاباتي الشاعر سيف العيداني اتمنى تعجبكم اهداء لجميع
ابناء وطني وللصابئه المندائيون لأنني منهم

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

منور المنتدى اخوية الشاعر سيف العيداني ,,,
ويا رب بالموفقية في المسابقة ,,,
والكل اخوة ان شاءالله ,,
تحياااتي ,,,

[*حمودي الطائي*]

شكرا على الموضوع الحلو والموفقية للجميع وان شاء الله نكتب قصايدنة

[الشاعر سيف العيداني]

منور المنتدى اخوية الشاعر سيف العيداني ,,,

ويا رب بالموفقية في المسابقة ,,,
والكل اخوة ان شاءالله ,,

تحياااتي ,,,



التوفيق للجميع مشكور حبي على ترحيبك بيه

[°.ஐ•i_ اًنُتـــِـــًـي مًـــُـلاكــًــِي_i•ஐ.°]

فزت او لم افز كفاية انه سوف تخرج من فمي احلى الاحرف
محبة في عراق قد طوت صفحته الايام

جنت واعي على عراق حر كنت مرتاح على غفلة نمت وحسيت صحيت على كابوس كلت الحمد لله خلصت الحرب بس ما ادري انه اني وعيت على ناس
::9::::9::::9::
كلو حتى السعف والتمر والجمار..
وبقة بس الجذع مشتعلة بيه النار
وهنانة كعدو سيطرو عالابار
وطبو للمتاحف وباكو الاثار
خلو بالطريق اسلاك يابو اسلاك وبغداد الحبيبة لبسوهة سوار
احتلو كربلة اويلي على كربلة والكوفة وعلى حس القنابل نامت العشار
احتلو بغداد ولك منطقتي العامريــــة عليها حدو المنشار
شبيكم ؟؟ وسفة الزمن بينة اندار
اسمي نور و شاهد انا عالجرى وشاهد انا عالصار اكدر اني لا مااگر اطفي شعب مشتعلة بيه النار
اللي دا يستغيث مايصيح غير الثار
وفرحوا من انشال علينة الحصار
وعلساس خلصت الحرب من الصار
لكن هسة بدت حرب جنها اعصار
الى متى انضل عايشين بأنذار
مو جان عدنا همة واصرار ؟
وطلعنه الاجنبي بالمگوار
اشو هسة ما ادري شتغير شصار ؟
مو متت گلبي صاير نــار
وصارت ثورة الاحرار
كولي يا ضماير على اللي صار
ارض الانبياء ترضى بالنار ؟
حتى اليكره واللي يحب خلوه محتار
وماتت بينا كلمات الاشعار
خلو بكل مكان مشعوله نــار
شتريد اكلك على الجرى ودار ؟
غير كلمة طير مالگة عشة وطار
هاي قصيدة ؟؟ هاي احساس دمار
اتخيل مشيت على سجة بلا قطار
اذا وصلت مو راح تسميه انتحار ؟
الى متى راح يطول الانتظار
خلصت المسرحية ارفعوا الستِار
وقدموا لممثليها جائزة من الرئيس للمختار
لان اذا گلنة مدا يعمرون البلد هذا اناكر
هاي قصديتي اخي وبيها ضكت المرٌ
وما حسيت بأي وكت عدى او مرُ
لان عراقي هو عراقك وبيه اضل استمر
لك احبك والله احبك عراق يابو الايمة الطهر
راح انتظر بلكت ينزاح ليل الفقر
واوكف على حيلي من يرجعلك فجر
وبصف العلم اوصيهم يسوولي گبر
اللي بعيد هسة عنك يريدك بس نظر
حبيبي شوف شلون راح ينمو الزرع الصبر
جاييك والله فارجها ابمطر
مطر ندى بعد كل هذا الهم القهر
لك عراق بجى حتى عليك الحجر
اني ابنك ياعراق صح اصغير
بس هم اكلك انتظر .. انتظر
شنو ؟ لا تضوج عراق ما خلصت قصيدتي بيك
عراق ما يوصل بيه حد للصفر
بس خلصت اللي عليه اكدر
لا تنساني ياعراق يالمسامتك دار
حبيبك نور كول انشاء الله صار
شاعر في منتدى الاخيـــار
::9::::9::::9::
::57::

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

انــ*عاشـق*ــا حتى البكاء اخي العزيز ,,,,
شروط المسابقة ان تكون القصائد ,,
من كتابات العضو الشخصية وليست نقلا او تغير ,,
القصيدة المذكورة للشاعر خضير هادي ,,,

[°.ஐ•i_ اًنُتـــِـــًـي مًـــُـلاكــًــِي_i•ஐ.°]

اخي العزيز وحبيبي بروكن انظر الى النص جيدا كانت تلك مقدمة تابع النص جيدا كانت اول اربع اسطر مثل ما قلت ولكن ليست كلها
اقول لك احذف الاربعه اسطر الاولى او اقول لك انا لم اسمع بهذه للشاعر خظير هادي ولكني كنت محتفظاً بها وقد طبق عليها اساليب الشعر لا اكثر ولا اقل وارجوا ان ترى ذلك بنفسك واحذف كل حرف يخص الشاعر وابقي احرفي تابع النص حرفاً حرفاً
::57::

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

اخي العزيز ,,,
انت احذف من القصيدة الي مو الك ,,,
ونزل الباقي الخاص بيك مرة ثانية ,,

[.•:*:•. Rami.ALrassam.•:*:•.]

اول شي سلام عليكم شلبونكم شخباركم

عاشت ايدك حبيبي ليث خوش مبارده حلوه والله
وهاي قصيدتي للعراق الحبيب

منين ابدي وياك ما عرفتك شيعي سني
ولا عرفت الله من كرم علي
ولا عرفت الله من كرم عمر

نعرف ااهل البيت من سبهم كفر
وهذا عراق الله وثم حسين وعمر
حاولت اكتب احبك يا عراق
نزلت دموعي على الورقه حبر
ونزلن دموعي مطر فوك الصطور
ومن ذكرتج يا عبير وانتي طفله
ماتت بلا ذنب مهتوكت ستر
شكتت بيدي الورق واقسمت يمين
شمايضل بيه نفس لحرك همر
منو عاش مثلي غربه بوطن
ومنو مثلي بيده شد الجفن
ومنو بيده حط الجرح
ها يا عراقي شعجب ميك زلال واسم
ها يا عراقي العرض ينتهك بسم الدين
وين الرجال التي جانت تجي بنضره عين
بس مامحو ديني وهويتي
وابقــــــي عراقي وافتخـــــــــر

تحياتي الكـــــــــــــــــــم

[ضايج من الغربة]

السلام عليكم
يسرني ان اشترك معكم في مسابقتكم هذه

وهذه مشاركتي واتمنى ان تنال اعجابكم

رسالة الى العراق
********
حـﮔـنه بيك اتخبلّـينه
احـنه غـيرك ماهـوينه
احـنه سـكرنـه ودادك
وهاي حفنه سنين ما ساعـه الصحـينه
احـنه طـفـنه الكـون كلـه
ولاية بولاية ومـدينـه
احـنه شفنـه الـﮔـاع كـلهه
ومـثل طـيبك ما لـﮔـينه
انت ابو اسوالف الترفـه
الدافيه الحلوه الحـنينه
انت اهـل البيـت كلهم
داسـو اترابك وطـينه
انت حيدر الكرار اسـجد
وعانـﮒ التربه بجبينه
انت صـدر حسـين عـله صـدرك
وصـدر عـباس وانصاره التعـينه
وانت الاكبر خله وجـناته عـله خـدك
و وجنة العـريس الضـحه بالزفـه وسـنينه
وانت طـيب اللي يـنكرك
الف مره انعـمت عـينه
ويازلال الماي عـندك
سلسبيل وبيه من كل عـلـّه شفـينه
انت امنه وانت ابونه وانت بيت البيه ربينه
انت لاموم الحبايب وانت حضن البيه دفينه
انت ابو ﮔـلب الـﭽـبير الضحه للوادم سنينه
انت نور الله بسمانه وخيمة الرحمه علينه
احـنه حـﮔـنه عـليك نبـﭽـي
وانت برعـم فـوﮒ اديـنه
انت نسمه التنعش الريه يغاتي وانت دﮔـة الدلال بينه
انت للأيتام بسمه وانت ﭽـف التمسح الدمعه الحزينه
احنه هيج اغياب عـنك ﭽـذب ﭽـنه محبسينه
احنه بس احنه الخـسرنه بكثر ما بعـنه وشرينه
احـنه بخلافـك وحـﮒ الله انسبيـنه
هذا انت وذولـه احـنه
وخل تلـوم الناس بيـنه
وخـل تلوم الناس بينه
****************
تحياتي
السماوي

[الكيمياوي]

موضوع كبير ويستحق الاشادة وهو يتغنى اولا واخيرا بوطننا الجريح وها نحن نحاول بكلامنا واشعارنا ان نضمد شيئا من تلك الجراحات


كتبت لكم قصيدة تعبر عن ما يجول في خاطري تجاه عراقنا العظيم واحيي كل من كتب قبلي من الشعراء المميزين على ابداعاتهم الكبيرة ... وتحية لصاحب الموضوع




ردتك يا وطن اتضمني بالاحضان
ما اتصورت فد يوم تشهك وتنساني


لأن اني منك اني العراقي الزين
شلون اغفة يا شامخ بحضن عدواني!!


وظليت اتحسّر .. يوم ويجر ابيوم
ردت بس اوصل واشم ترابك الحاني


ولكيتك مدمي والضلع مكسور
وبركبتك سيف ويحده سجاني


اشوف السيف يلمع وانتة ما مقهور
لان تعرف باليذبحك مرضعة شيطاني


وردت اخلصك من هالسيوف البيك
زرعولي عبوة وطكت بنيشاني



رادوا من صلاتي تكون ذكرى لليقرون
ورادوا من قرآني احذف ايماني


ورادوا اتحّرر واللبس ينزاح
وكالوا شكد حلو من اتصير علماني


هاك دخّن هذا التبغ من الزين
هذا اصلي هذا مو سومر الماني


ما ندري الحشيشة تنزرع فد يوم
بتربة ما خضرت بس تمر ربّاني


وما ندري السلاح يصول ويجول
وما ندري النهب يوصل لجيراني


بس ندري العراق بيه كومة رجال
اذا صاحوا يا اخوية هبوا ياخواني


تعوف الارض هاي الكاع وتروح
عراقي على ظهري وتصطك اسناني


اذن ما اعوفك بعد يا موطن الاحرار
وابد لتعوفني يا من كنت شرياني


احبَك ومن حُبك ارضة بالموت
مو حقة اليكلك الحب كتلاني


بيك دجلة العذب ونهرالفرات ثنين
وبيك شط العرب ينساب عدناني


وبيك الائمة وبيك نعمان الشهم
وبيك الحسين الكال لا للطغياني


وبيك ابو الحسنين حمال الشيم
وبيك باز الله عبد القادر الكيلاني


وبيك امي الحبيبة وبيك من حبّيت
وبيك من تركت من ربعي وخواني


وحتى اصدقائي اللي اعرفهم بهالجات
صاروا الي مثل كلبي و وجداني


احبهم حيل واتمنى الوطن فد يوم
يجمعني بيهم بس مو بالعراق الثاني


الف رحمة على والد كلمن يكول
يارب احفظ وطننا وطفي نيراني


بعد ما بقت اي قطرة بطرف شريان
صفت بس عيون تبجي وتعاني


خايف لا يخلص حتى الدمع هالنوب
ياترى المن اتوجه وياهو يلفاني !!!!

::51::وشكــــرا للجميع ::51::

مع تحيات الكيمياوي

[وئولي الانتيكه]

السلام عليكم

مشكور يا ليث على ابداعاتك المتواصله

وهذه مشاركه اتمنى تعجبكم


عنوان قصديدتي (احـــبك يا عراق)




مثلك مالكينه ومااظن نلكه
عراق وبيك هذه الروح متعلكه
شبكني العشك بمحبتك وهنياله اليعيش ابروح متشبكه
عراق وياوطن مثلك حمل الام وتحده المنايه ومانكر عشكه
تحزم بالامل ماطاح من الضيم مدطوله اعل جرحه وجلب بعركه
الاصيل شما تعب حيله يرد اردود وشلون الكديش بلحكه ويسبكه
اذا انكلبت الدنيا وما بقت كيعان بس انته التظل ياعراقنه وتبقه
ويظل وجهك شمس تغزل ضواهه اشعار وبنص السما بكل حين متعلكه
ويظل صوتك ضمير لكل الشعب مظلوم مابكدر عليه الطاغي ويخنكه
احبك واليحب همه وعذابه ايزيد لوطالت عليه وزادت الفركه
جرحك بالقلب ما طاب من سنين والليالي البعد عن دجله اتغمكه
يابحر الموده قلبي بيك ايفوج اتوسل ابروجك بلكت ايغركه
هنياله اليموت بارضك وربحان لان ارضك حنينه بكل وفه اتشبكه


::26::تحياتي لكم يا اعز كروب بدجله نت::26::

[*حمودي الطائي*]

ليوثي ايصير اكتب قصيدتيت يعني ::13::

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

ليوثي ايصير اكتب قصيدتيت يعني ::13::



حبي حمودي ,,,,
هي المسابقة عبارة عن الاشتراك بقيدة عن العراق ,,,
من كتابات العضو الشخصية ,,,

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

انــ*عاشـق*ــا حتى البكاء

بس الي ارجو منك ان تعدل القصيدة الي انت مشارك بيها ,,
حتى ادرجها ضمن القصائد المشاركة ,,
تحياااتي ,,,

[أشوفك حلم]

سلام عليكم ليث
انا حبيت اشارك بهاي القصيده
يارب تعجبكم

دك بيك الارهاب اعوام واعوام ..
ونخر جسمك بمبدأ طائفيه ..
وصاير كل مواطن عرضه للموت ..
اذا مو انفجار السبب جنسيه ..
ناس تكول شيعة التذبح الناس
وناس تكول هاي الشغله سنيه ..
اذا سني تموت بدون اي حساب
واذا تذبح سببها المله شيعيه ..
بعد ميفرق ابدا من يفجر صار ..
بين اعداء هو وناس عاديه ..
لذلك من يفجر انت دوم تشوف ..
طايح عالطفل جزدان حجيه
وجزع حتى الملك من كثرة الاموات
وصاح بصوت لحظة واصبروا عليه ..
هسة انا بطفل مذبوح بالتفخيخ ..
وكبل شوية شلت بنية عذريه ..
تحلم بالزواج وبيت واطفال
ومحبوب اليجييها بليله كمرية ..
ذبحوها الجماعة وكصوا الراس ..
كالوا شون تطلع هاي اباحيه ...
نفذ بينا الصبر وخلصت دموع العين
من كثر اليصير هناه يومية ..
بعد منريد جيش وشرطه وجنود ..
ولانحتاج شغله وخطة وامنية ..
بس نحتاج احنا نصفي الكلوب..
ومحتاجين صده ولفته الالهيه .

[مصطفى العبيـدي]

السلام عليكم عمي ليث ..

انه مشارك وياكم بهاي القصيده ..

انشاء الله تعجبكم اخوي ..

..............
......
..

وطن عدنه انظل انراهن اعليه
او مو كل عراقي صار بس هوه..
ترى حال الظيم صار حال تاليه
العين الك مو بس ارواحنه فدوه..
وتالي وي الحكومه الجاي تحميه
كل يوم اجتماع وكل يوم ندوه..
وتالي شصار اشو بس أساميه
هيل وعبق وردي بريحته الحلوه..
الدم بالشوراع صار صافيه
والقاعده النوب تحارب الصحوه..
الزرع احتركـ وراح ماي ساجيه
وصار الماي احمر وعكرت صفوه..
عمت عين الوكت يا دنيه سجليه
بالدفاتر والكتب تاريخنه بنخوه..
لا مجلس لا برلمان صار لاهيه
وجيش وحرس والنوبه الصحوه..
ترجينه وتالي شصار مرجيه
يا بويه عيني تروحلك فدوه..
ياعراق عيني .. تروحلك فدوه

...
.
مصطفى العبيدي

..

[White ♥ Heart]

عراقنا الغالي لو ظلمة يصير كل عراقي يصيرله شمعــه
ضوة شيعي ضوة سني والصبح بالغصب من ظلمة نطلعـه
عراقنا ما عدنا غيرك نبقى ننتظر؟ والوطن لازم نرجعــه؟
-حبيبي عراقي -
لو حسيت بشبر منك عطش تركضله انهارك تنگعـه
ولو عراقي گال اني محتاج شهگتله جبالك بفزعــة
ولو واحد گال اني جوعان بساتينك بتمره تشبعـه
و العراقية لو نامت ودمعتها عالخد بجفك تمسح الدمعـة
لايهزك الصار والديصير باجر ربك الشر.. يدفعـه
تبقى عراقنا واسمك بدمنا اعلى حيطان الكون نطبعـه
وولدك شما بعدو بعيد لازم يصلون بمسجدك جمعـه
وايد بايد سنة شيعة اكرادعدونا بوحدتنا نگمعـه
و نطرشه بهلاهل عراقيات وبصوت واحد موطني نسمعـه
يضوي الاسم لو تكتب فلان العراقي ..الاسم يصيرله لمعـه
-متكولولي -
بعد شنريد احلى من العـراق بصـف الاسـم سمعـه؟

يالسويت بالعالم رنة .. وطنـّة
واكبر راس لاجلك .. وطى النا
مو وطن احد انت .. وطنـّا
واليعتدي نمحيه من الوطية
***********
راقـيـة الـفـلـوجـة ..Dove Of Peace

[White ♥ Heart]

هذي القصيدة كتبتها قبل شهرين او ثلاثة ..
وقبل كم يوم سمعت الشاعر ضياء الميالي ديكول تقريبا نفس المعنى مالت اخر بيتين
كلت شلون ياخذ قصيدتي .يعني اكيد يغار مني ضياء الميالي هع::101::
بس اكيد اكو هواية افكار تتشابه بين القصائد صح؟يعني اخاف احد يكول مو مالتي ...
ووزن القصيدة ممكن يختل ببعض الابيات .. بس بطريقة الالقاء يتعدل ..
اشكرك مرة ثانية خيو ليث
وبالتقدم لك
وللمنتدى
والنا .. طبعا ::50::

[سنفور وكيح]

عراقي اني
واللي يسالك انت منين طلعلة جنسيتك
وشوفة الجبل والهور ......وشلالك وبيتك

عراقي اني
من بلد............... سومر واشور
وشط العرب موجود يشهد بهويتك

عراقي اني
وماذلني الزمن في يوم !................ويوم الضعت!
وكف كل نخل الجنوب يصيح بأعلى الصوت ها جيتك

انجرحت ...................! لا مو جرح والله !
ويوم التنجرح هذا وسام النصر على صدريتك

واذا اتنادو من لهذا القوس يبريها ؟
نادى العراقي -انا- واعط القوس باريها

هذا العراقي والسلام ..... تحياتي لكاتب الموضوع

[*حمودي الطائي*]

ياعـــــراق بكلبــي تظل طول العمـر
وبسمك اناشد بين كل الناس وافتخر
وبحبي الك بنيتك بكلبي اعلى قصـر
مانساك شماطال الوكت وفربية الدهر
اسمك جرة بشرياني و بدمي انغمر
شامخ تظل عالي واحلى من الكمر
روحي تفداك ياعراق وهاية علية نذر
ولجـــل عيــناك الــزم الليل كلة خـفر
مايهـــزني الموت ويألـمني الســـهر
ملتنـــة الايــام وهجـــرنة وراح الصــبر
احنة اهل الغـــــيرة ماينفــع اليوم عذر
مايكظـــنة ارهـــــاب وكل طامع قـــذر
ونرجعـــــلك ايامك الزاهــــية بالنــــصر
ونزيح عــــنك كل هم وغم وعــــــسر
ياعراق افديك شمــــابقالي من عمـــر
شعــــبك انا الواعــــي الصامد الاغــــر
ياارض البـــطولة منك اخــــذ افكار وعبر
وتـــبقى انت العــــراق شما رماك القدر
وانشد باسمي وصيح عــــراقي وافتخر



تحيتي لكم واتمنى ان تنال اعجابكم

[بــــــرًٍِوًٍكٌــــــنٍ هًٍِـــيــ؛ٌٍـًــيرًٍت]

السلام عليكم ,,,,
انتهى وقت قبول القصائد المرشحة ,,,,,
لمسابقة افضل قصيدة شعرية تتغنى في حب العراق ,,,,
وسيفتح باب التصويت بعد قليل في موضوع ثاني ,,,,
تنمياتنا للجميع بالموفقية ,,,
تحيااااتي