العيون الجريئه
01-09-2008, 06:42 PM
الاخوة الافاضل
السلام عليكم ورحمة الله وبركاته
بمناسبة ولادة منقذ البشرية وفخر الكائنات
الرسول الاعظم محمد بن عبد الله
صلى الله عليه وآله وسلم
لكم مني هذه المشاركة البسيطة
************************************
شريد أحچـي و أسولف عن كريم الذات ... إذا حتى الكرامة تعلمت منه
ضي شمس الضحى منه خذه كل نور ... و أخلاق البشر متأسسه عنه
لجلك يا نبينه المصطفى المختار ... إنخلق معنى الثواب و ريحة الجنة
شسولف يا محمد و الكلام إيـضيع ... إذا نور الإله إتجسدت منه
*******************************
حرت بيك بصفاتك يا أبو إبراهيم ... لنّك چالحلم بالليل من نحلم
و حقيقة نهضتك ضوّت ظلام الليل ... و خيالك مو خيال بصدگ يتجسم
و نورك مو شمس لا كل شمس تندار ... لكل طَلّة وجه منك يراعي الهم
صح شمس النهار تزيح ظلم الليل ... بس نورك يطه بالظلام إيعم
*******************************
يخلينه الزمن بأحداث و إحنه بدفتره إنسجل
تمر أيام تـتله أيام بيهه الحزن مسّـنسل
ليالي السود طالت و الگـمر خطار .. شد رحله و بگـينه بروحنه إنسعـسل
شمس و إنكسفت من سنين .. و النجمة بسمانه إنطفت من تنزل
أساس و بالرمل مبني إعله ظل خيـّال .. طفح بيه الجواد و گـامت إتهرول
حلم كابوس صاير هالزمن بالناس .. و العالم سهيّـه و نومهه إيطوّل
غفت دنيانه عالبركان .. و ما ندري يثور علينه من يعول
چـا يمته الصحو يا هالخلگ يا ناس .. چـا يمته نفز و خيلنه تصهل
چـا يمته العزيمة بكل گـلب تنثار .. و بطگ الفشگ نسوانه إتهلهل
چـا يمته القيامة و طلب ثار حسين .. وي دم الطفل من سال چـنه الطل
چـا يمته نـثور بثورة العباس .. و چـفوف العزم ننطيهه من نجبل
يا ثار الإله و نور عالصوبين .. دظهر مو سكت كل صوت بالمحفل ...
************************************************** ***
يبو إبراهيم مرّت عالبشر لوعات .. و انت بيك الأمل يا طـه يمحمد
بدت بيك بوفاتك يا جبل نطـّاح .. و بيك إنكسف نور الشمس و إتفرهد
ملايك بالسماء و نادت بلا صوت .. لأنك صوتهه و حسهه و إلك تگـصد
يبو القاسم علينه ظلمت الأيام .. شمسك غيّـبت و الظلم ظل يمتد
ظلم، جور، و هضم و الفتنة من بعداك .. كوارث نوّخت بديارنه و ترگـد
دگ بينه الحزن كل يوم يا مولاي ..و نذكر شمس وجهك من نصد للند
عزم بينه و شهامة و نخوة بس يا حيف .. سيف البيدنه مگــيّـد
يا نخوة علينه و فزعة العباس .. يا هيبة الحمزة و شيمة المسجد
يا نحر الطفل ، يا گـطعة الجفين .. يا نار الخيم و أصوات من تنشد
يا صوت العقيلة و ثار أبو الثـفنات .. يا چـبد الحسين و راية المسند
أريدنكم معونة اليوم عالصعبات .. أريد أنشد شهامة حمد و محمد
أريد أنخه الحديثة اليوم بالميدان .. تلهب كل صدر هلهولة من ترعد
خل ذكر النبي المختار هذا اليوم .. ينطينه العزم و الهمة من إنود
و خل سيف المجد بيد الوصي الكرار .. يذكـّرنه بأصلنه و إلمن إحنه إنرد
و خل نخوة چـفيل العيله هالمقدام .. بالحگ ينـتخينه و كافي من الصد
و من طلعة بدر قايدنه نور العين ..
السلام عليكم ورحمة الله وبركاته
بمناسبة ولادة منقذ البشرية وفخر الكائنات
الرسول الاعظم محمد بن عبد الله
صلى الله عليه وآله وسلم
لكم مني هذه المشاركة البسيطة
************************************
شريد أحچـي و أسولف عن كريم الذات ... إذا حتى الكرامة تعلمت منه
ضي شمس الضحى منه خذه كل نور ... و أخلاق البشر متأسسه عنه
لجلك يا نبينه المصطفى المختار ... إنخلق معنى الثواب و ريحة الجنة
شسولف يا محمد و الكلام إيـضيع ... إذا نور الإله إتجسدت منه
*******************************
حرت بيك بصفاتك يا أبو إبراهيم ... لنّك چالحلم بالليل من نحلم
و حقيقة نهضتك ضوّت ظلام الليل ... و خيالك مو خيال بصدگ يتجسم
و نورك مو شمس لا كل شمس تندار ... لكل طَلّة وجه منك يراعي الهم
صح شمس النهار تزيح ظلم الليل ... بس نورك يطه بالظلام إيعم
*******************************
يخلينه الزمن بأحداث و إحنه بدفتره إنسجل
تمر أيام تـتله أيام بيهه الحزن مسّـنسل
ليالي السود طالت و الگـمر خطار .. شد رحله و بگـينه بروحنه إنسعـسل
شمس و إنكسفت من سنين .. و النجمة بسمانه إنطفت من تنزل
أساس و بالرمل مبني إعله ظل خيـّال .. طفح بيه الجواد و گـامت إتهرول
حلم كابوس صاير هالزمن بالناس .. و العالم سهيّـه و نومهه إيطوّل
غفت دنيانه عالبركان .. و ما ندري يثور علينه من يعول
چـا يمته الصحو يا هالخلگ يا ناس .. چـا يمته نفز و خيلنه تصهل
چـا يمته العزيمة بكل گـلب تنثار .. و بطگ الفشگ نسوانه إتهلهل
چـا يمته القيامة و طلب ثار حسين .. وي دم الطفل من سال چـنه الطل
چـا يمته نـثور بثورة العباس .. و چـفوف العزم ننطيهه من نجبل
يا ثار الإله و نور عالصوبين .. دظهر مو سكت كل صوت بالمحفل ...
************************************************** ***
يبو إبراهيم مرّت عالبشر لوعات .. و انت بيك الأمل يا طـه يمحمد
بدت بيك بوفاتك يا جبل نطـّاح .. و بيك إنكسف نور الشمس و إتفرهد
ملايك بالسماء و نادت بلا صوت .. لأنك صوتهه و حسهه و إلك تگـصد
يبو القاسم علينه ظلمت الأيام .. شمسك غيّـبت و الظلم ظل يمتد
ظلم، جور، و هضم و الفتنة من بعداك .. كوارث نوّخت بديارنه و ترگـد
دگ بينه الحزن كل يوم يا مولاي ..و نذكر شمس وجهك من نصد للند
عزم بينه و شهامة و نخوة بس يا حيف .. سيف البيدنه مگــيّـد
يا نخوة علينه و فزعة العباس .. يا هيبة الحمزة و شيمة المسجد
يا نحر الطفل ، يا گـطعة الجفين .. يا نار الخيم و أصوات من تنشد
يا صوت العقيلة و ثار أبو الثـفنات .. يا چـبد الحسين و راية المسند
أريدنكم معونة اليوم عالصعبات .. أريد أنشد شهامة حمد و محمد
أريد أنخه الحديثة اليوم بالميدان .. تلهب كل صدر هلهولة من ترعد
خل ذكر النبي المختار هذا اليوم .. ينطينه العزم و الهمة من إنود
و خل سيف المجد بيد الوصي الكرار .. يذكـّرنه بأصلنه و إلمن إحنه إنرد
و خل نخوة چـفيل العيله هالمقدام .. بالحگ ينـتخينه و كافي من الصد
و من طلعة بدر قايدنه نور العين ..