تعالو وخلي نلعب سوا [الأرشيف] - دجلة نت ::: ملتقى شباب العراق

CUITE_GIRL

10-11-2006, 07:41 PM

السلام عليكم

شلونكم صبايا ؟ شلونكم شباب ؟
أنا عضوه جديد بالمنتدى و حبيت أشارك وياكم بلعبة أتمنى تعجبكم
اللعبة تكول :
انا احزركم حزورة والشاطر منكم يعرفها
والي يعرف حلها يجي دوره وهوه الي يحزرنا بالاضافة لهذا راح ننطية جائزة و انا اريد مقترحاتكم حتى نقرر شنو جائزته

انا هسه راح اكولكم حزورة واذا عجبتكم اللعبة أنكمل خوش لو مو خوش؟؟؟
انا راح ابدي وياكم بحزورات سهلة كبداية

مولود بـدون اب وام بلا قوت يعيش ولا يمـــوت
له وجه وليس له لسان فيخبرنا ويلزمه السكوت

؟؟؟؟؟؟؟؟؟؟؟؟؟؟؟؟؟؟؟

شهريار

10-11-2006, 08:28 PM

الجواب : التلفزيون
واذا صيحيح انتي خلي سؤال
مشكوره عل المسابقه الحلوه
تحياتي

CUITE_GIRL

10-11-2006, 08:34 PM

اسفه شهريار الجواب خطأ
الجواب بسيط ... تكدر تفكر بعد
شكرا على مشاركتك ....

شهريار

10-11-2006, 11:03 PM

زين
القمــــــــــــــــــــــــر ::13::

تحياتي

CUITE_GIRL

10-11-2006, 11:39 PM

[quote=شهريار;317945]زين
القمــــــــــــــــــــــــر ::13::

تحياتي[/quo

لا مو القمر ... فكر بعد شوي خلي اسهلك اياها بعد ....
بمعنى هذا الشي يخبرك امور بلا ميحجي وهو ساكت؟؟؟؟؟؟؟

هاااااااااا شنو هوه؟

شهريار

10-12-2006, 01:06 AM

الانترنيت
التلفون
الضمير
بعد مااعرف
والله دوختيني هههههه

بلم بصراوي

10-12-2006, 06:05 PM

الكتاب؟؟؟؟؟؟؟!!!!!!!

CUITE_GIRL

10-12-2006, 09:35 PM

الكتاب؟؟؟؟؟؟؟!!!!!!!

عفية يا بصراوي .....::39::

اجابتك صح ....هسه انت لازم تحزرنه حزوره

او اذا تريد انا احزركم حزورة ....انتظر ردك

وشكرا على مشاركتك::37::

صيدلاني البصرة

10-13-2006, 11:25 AM

هلو اصدقائي
موضوع جميل ومسلي

عيني يالله انتي حزرينه؟؟؟؟؟؟؟؟؟

بلم بصراوي

10-13-2006, 12:55 PM

اوكي. بس انة مو قوي بالحزازير.

ما هو الذي يتنفس وليس له روح.

ننتظر الاجابات.

CUITE_GIRL

10-13-2006, 02:26 PM

اوكي. بس انة مو قوي بالحزازير.

ما هو الذي يتنفس وليس له روح.

ننتظر الاجابات.

انا ممتأكدة من الجواب .....

يمكن يمكن هيه الكلمه نفسها (يتنفس)

حتى لو غلط كولي صح ....::13::

بلم بصراوي

10-13-2006, 02:36 PM

مبرووووك مبرووووووووووك

بس

خطــــأ.
خطأ.

CUITE_GIRL

10-13-2006, 02:53 PM

زين اكول يمكن (النبات)
وعادي حتى لو تطلع غلط ...
احاول بعد ...

بلم بصراوي

10-13-2006, 05:28 PM

No No No No nO

CUITE_GIRL

10-13-2006, 05:54 PM

اعتقد (( الصبح))
قال الأمام علي (عليه السلام) ..( الذي تنفس وليس له روح فهو الصبح )
(( قال تعالى : والصبح إذا تنفس ...))

بلم بصراوي

10-13-2006, 06:46 PM

صححححححححححيييييييييييييييح.

قال تعالى ( والصبح اذا تنفس )

صدق الله العظيم.

يلة انتِ انطينة سؤال.

CUITE_GIRL

10-13-2006, 08:25 PM

الحزورة تكول ........

(( ثلاثة عبروا الجسر ,احدهم رأى الجسر ومشى عليه والثاني رأى الجسر ولم يمشى عليه والثالث لم يرى الجسر ولم يمشي عليه ...))

كيف يحصل ذلك؟؟؟
انتظر اجوبتكم ...
مشكورين على مشاركاتكم ...

صيدلاني البصرة

10-13-2006, 08:38 PM

الاول: عبر مشي
الثاني : سباحه
الثالث: طيران
ههههههههههههه
صح لو لا؟

CUITE_GIRL

10-13-2006, 10:49 PM

صيدلاني فكر بعد شوي ....

الاجابة موووووو صح ....يعني خطأ
حاول مره ثانية اكيد حتجاوب صح

تحياتي ...

صيدلاني البصرة

10-13-2006, 10:59 PM

يمكن عرفت الجواب
اني اتوقع هم عبروا الجسر بعد
يعني ميهم بعد الحجي البعده مو هيجي؟
كم محاوله عندي؟

CUITE_GIRL

10-13-2006, 11:26 PM

لا مو صح .... يعني خطأ
حاول مرة ثالثة .... اكيد حتجاوب صح
شكرا للمشاركتك

CUITE_GIRL

10-13-2006, 11:30 PM

لا مو صح ... يعني خطأ
فكر بعد شوي ... حاول مرة ثالثة اكيد حتجاوب
شكرا لمشاركتك صيدلاني

صيدلاني البصرة

10-13-2006, 11:37 PM

خلي افكر بيها وبعدين انطي الجواب

شهريار

10-13-2006, 11:44 PM

الاول شايل الاثنين احدهم يرى الجسر ولم يمشي عليه لأنه محمول والأخر لم يرى الجسر لأنه اعمى ولم يمشي عليه لأنه محمول

بلم بصراوي

10-14-2006, 08:22 AM

ما اعرف
...........

CUITE_GIRL

10-14-2006, 10:23 AM

الاول شايل الاثنين احدهم يرى الجسر ولم يمشي عليه لأنه محمول والأخر لم يرى الجسر لأنه اعمى ولم يمشي عليه لأنه محمول

مبرووووك شهريار جوابك هو الاقرب للحل الصحيح ...

الجواب هو : المرأة الحامل وتحمل ولدها الاخر بيدها
يعني .... المرأة رات الجسر ومشت علية
الطفل الذي بيدها هو الذي رأى الجسر ولم يمشي عليه
والطفل الذي تحمل بيه المرأة هو الذي لم يرى الجسر ولم يمشي عليه

شهريار هسه انت خلي الحزورة ok ؟؟؟؟

شهريار

10-14-2006, 05:27 PM

الله ايبارك بيج واخيراااااا حليت شغله هههههههه
تفاحه ......
واحد شافها ؟
وخمسه شلوها؟
واثنين وثلاثين اكلوها؟
اشلون؟؟؟

بلم بصراوي

10-14-2006, 06:09 PM

والله ما ادري.

CUITE_GIRL

10-14-2006, 09:24 PM

الله ايبارك بيج واخيراااااا حليت شغله هههههههه
تفاحه ......
واحد شافها ؟
وخمسه شلوها؟
واثنين وثلاثين اكلوها؟
اشلون؟؟؟

هلوووو شهريار ....

اعتقد الجواب كالاتي ::-

واحد شافها : يعني الشخص الي اكلها
وخمسة شالوها : يعني خمسة اصابعه
واثنين وثلاثين اكلوها : عدد سنونه ...........مو لو ...؟؟؟

تحياتي ....

شهريار

10-14-2006, 11:11 PM

هلووو كيوتي
::13:: صحيح جوابج::13::
::39:: مبرووووووووووووك::39::
يله حزرينه اوكي
::52:: بس سؤال سهل::52::
تحياتي

CUITE_GIRL

10-15-2006, 01:44 PM

تكووووووول الحزورة ::

ثلاث احرف بدايتها ونهايتها نفس الحرف .... ماهي هذه الاحرف ؟؟؟

انتظر اجوبتكم ...
تحياتي ...

بلم بصراوي

10-15-2006, 05:25 PM

تكووووووول الحزورة ::

ثلاث احرف بدايتها ونهايتها نفس الحرف .... ماهي هذه الاحرف ؟؟؟

انتظر اجوبتكم ...
تحياتي ...

الواو ، النون ، الميم.

صح.

CUITE_GIRL

10-15-2006, 06:23 PM

الواو ، النون ، الميم.

صح.

مبرووووووووووك (بلم بصراوي) ::37:: ....اكيد صح
يلا هسه دورك انت حزرنة ...
بس على كيفك ويانة ...
شكرا لمشاركتك ...
تحياتي ...

شهريار

10-15-2006, 11:08 PM

يله بلم بصراوي اسألنه

بلم بصراوي

10-16-2006, 09:42 AM

ما هو الشيء اذا اكل كبر. واذا شرب مات. ؟؟؟؟؟؟؟؟؟؟؟؟؟

CUITE_GIRL

10-16-2006, 10:42 AM

النار ... مو ؟؟؟

CUITE_GIRL

10-16-2006, 10:44 AM

النار .... مو ؟؟؟

بلم بصراوي

10-16-2006, 02:49 PM

صحييييييييييييييييييييييح.

CUITE_GIRL

10-16-2006, 09:34 PM

هلوووو ...شلونكم ؟؟؟
حزورتي تكووووول ::

وخرساء لم ينطق بحرف لسانها *** سوى صوت عرق نابض بحشاها
جرت حركات الدهر في ضرباتها *** وبانت مواقيت الورى بعماها
على وجهها خطت علائم تهتدي *** بها الناس في اوقاتها لمناها

انتظر اجوبتكم ...
تحياتي ...

CUITE_GIRL

10-16-2006, 09:35 PM

هلوووو ...شلونكم ؟؟؟
حزورتي تكووووول ::

وخرساء لم ينطق بحرف لسانها *** سوى صوت عرق نابض بحشاها
جرت حركات الدهر فيضرباتها *** وبانت مواقيت الورى بعماها
على وجهها خطت علائم تهتدي *** بها الناسفي اوقاتها لمناها

انتظر اجوبتكم ...
تحياتي ...

شهريار

10-16-2006, 10:13 PM

هلوووووو
نجوم يمكن
تحياتي

CUITE_GIRL

10-16-2006, 10:45 PM

لا مو صح ....يعني خطأ
حاول شهريار مرة ثانية ...

شهريار

10-17-2006, 01:40 AM

زين الساعه .......

CUITE_GIRL

10-17-2006, 09:03 AM

صحيحححححححححححححححح
عفيه شهريار .... يلا ننتظر حزورتك ...

شهريار

10-17-2006, 10:47 PM

::39:: شنو اني::39::
::10:: ؟؟؟
::41:: كيوتي ماعندي حزوره انتي حزرينه::41::
تحياتي

CUITE_GIRL

10-17-2006, 11:47 PM

ok ...
الحزورة تكول ::
(((ما هو البيت الذي لا أبواب ونوافذ له ))) ؟؟؟؟؟؟؟؟
انتظر اجوبتكم ...
تحياتي ...

صيدلاني البصرة

10-17-2006, 11:57 PM

بيت الشعرر؟؟؟؟؟؟؟؟؟؟؟؟؟؟؟
تره مو قوي بالحزورات خخخخخخخ

CUITE_GIRL

10-18-2006, 07:36 AM

صحيح صيدلاني .....
هسه عليك انت تحزرنه ...
بس على كيفك ويانه ...

صيدلاني البصرة

10-18-2006, 12:57 PM

سوري مو قوي بالحزورات
كيوت انتي حزرينا................

CUITE_GIRL

10-18-2006, 07:34 PM

ثلاث احرف فقط ثلاثه بــــلا نقــــط
أن حذفــــت أولا صار اسما من القــطط
وان حذفــت اخرا كان الجواب:اسكت فقط

ماهي الكلمة ؟؟؟
انتظر اجوبتكم ...
تحياتي

بلم بصراوي

10-19-2006, 12:44 PM

صهر.......

CUITE_GIRL

10-20-2006, 01:33 PM

جوابك صح بلم .....
دورك .... ننتظر حزورتك ؟؟

بلم بصراوي

10-20-2006, 07:27 PM

اوكي.

ماهو الشيء الذي اذا ادرت راسه بكى. ؟؟؟؟؟؟؟

الامبراطور نواف

10-20-2006, 08:28 PM

السلام عليكم
عذروني على المقاطعه بس حبيت المسابقه مالتكم واحب اجاوب
على الحزوره اذا امكن...والجواب على ما اعتقد الحنفيه واذا صحيح
خلي احد يتبرع ويخلي حزروه لان الان ما عندي هههه
وانشاء الله استمر معاكم واخلي اني حزورات

بلم بصراوي

10-21-2006, 08:30 AM

جواب صحيح....

CUITE_GIRL

10-21-2006, 08:13 PM

نورت نواف ....
وانا راح اسال اليوم :::
اسم من قد هويته ظاهر في حروفـه
فاذا زال ربعـه زال باقي حروفه؟؟؟؟
انتظر اجوبتكم ...
تحياتي

بلم بصراوي

10-22-2006, 08:44 AM

الغزال !!!!!!!!!!!!.

CUITE_GIRL

10-24-2006, 09:04 PM

جوابك صيحيح ....مبرووووك بلم بصراوي
ننتظر حزورتك ؟؟؟

نورهان

10-25-2006, 08:59 AM

ماافتهمت شلون غزال؟ فدوة شرحولي.
موضوعج يخبل.
خل اصفنلكم بحزورة؟؟؟؟
ماعندي.. ههههههههههه
ميخالف نكتة؟
قزم عطس طك راسه بلكاع
نياااااااااااااااااهاهاها

بلم بصراوي

10-25-2006, 10:20 AM

خوش راح احزركم حزورة بس شوية طويلة.

كان يا ما كان في قديم الزمان اميرة مريضة تقدم ثلاث اخوان لمساعدتها فقال ابوها الملك من شيفي بنتي ازوجه اياها، مع العلم ان البنت بقى لها يوم واحد وتموت ، فانطلق الثلاثة الى اقاصي الارض ليبحثوا على دواء او علاج للاميرة وتواعدوا ان يلتقوا في المكان الذي تفرقوا منه ،فاحضر الكبير مراة يرى فيها العالم كله، واحضر الاوسط بساط سحري سريع ينتقل به الى كل الاماكن بسرعة البرق ، واحضر الصغير شراب يداوى به كل المرضى . فوصل الثلاثة الى مكان الملتقى , فاتفقوا ان يروا الاميرة في المراة هل هي على قيد الحياة فرأةها تنازع في لحظاتها الاخيرة قبل الموت . فاتفقوا يذهبوا بسرعة بواسطة البساط ليلحقوا بها قبل ان تموت ، ووصلوا بالفعل لكن قبل نفسها الاخير شربت الدواء العجيب وعاشت الى الابد .

السؤال : من سيزوج الملك ابنته ، ولماذا.؟

واهم شي لماذا ؟

وشكراً.

CUITE_GIRL

10-27-2006, 06:38 PM

اعتقد الاوسط ::
لان حتى لو الاخو الكبير حصل على المرأه فمراح يكدر يساعد الاميره حتى لو شافها بعدها عايشه,لا بجلب الدواء ولا الوصل بلسرعة المطلوبه حتى ينقذ الاميرة ,والاخ الصغير حتى لو حصل الدواء مراح يكدر يساعد الاميره لان ميكدر يوصللها بسرعه , وبس الاخ الاوسط راح يكدر بالبساط يحصل على الدواء بسرعه ويرجع وينقذ الاميرة .......اعتقد اعتقد

CUITE_GIRL

10-27-2006, 06:40 PM

اعتقد الاخ الوسط :::
لان الاخ الاكبر مراح يكدر يساعد الاميره حتى وان شافها بالمراه بعدها عايشه , والاخ الصغير معنده السرعه الي تمكنه من الوصول للاميره بالوقت المناسب ,بس الاخ الوسط يكدر الحصول على الدواء والوصول للاميره بسرعه .... يعني حاولت !!!!!!!!!!!!!

ميلو البصراوي

11-17-2006, 05:21 PM

والله بالنسبة الي ما ادري بس احسن شي يقسموها ويسونها باجة ويخلص الموضوع نياااااااااا

SoLeDaD

12-19-2006, 03:27 AM

مشكورة اختي على اللعبه الحلوة

تم التثبيت

تحياتي

wathi8

12-19-2006, 06:03 PM

الاميرة تتزوج الاخير ( اللي جاب الدواء)
لان ابو المراية شافوا بيه الاميرة بس المرآة رجعت اله
والثاني ابو البساط همين رجعلا البساط بعد ما وصلهم
اما الثالث فهو خسر الدواء اللي شربتا الاميرة ( يعني ما رجعلا شي)
واعتقد هو الأحق بالزواج بالاميرة
أتمنى جاوبت صح !