..رفع اسم مجاهدي خلق من قائمة الارهاب صفعة لنظام ملالي طهران افقدته توازنه

[العمــــــده]

مما لاشك فيه ان قرار المحكمة البريطانية الاخير ( رفع اسم منظمة مجاهدي خلق الايرانية من قائمة الارهاب ) , وجه صفعة قوية جدا للنظام الارهابي في طهران افقدته توازنه وجعلته يترنح يمينا و يسارا ... حيث بدا هو ومن يدعمه داخل ايران وخارجها يتخبط وصار يعربد ويهذي ويصدر التصريحات هنا وهناك , وفتح كيس الشعب الايراني الصديق وبدا يصرف ويهب الهبات بدون حساب وخصوصا لبعض اجهزة الاعلام , في محاولة يائسة لتحسين صورته القبيحة , التي لاتنفع في تحسينها اقوى واحدث تقنيات البرمجة الالكترونية المتطورة ... لان الصورة احترقت بنيران الحقد العنصرية الدكتاتورية المقيتة ...

ان الحقيقة التي يعرفها جيدا هذا النظام الطالباني , ان هذا القرار التاريخي الذي يعد بحق انتصارا للعدالة وانصاف للشعوب المظلومة , انما لاهو المسمار الاخير في نعشه الذي سيدفن به قريبا في مزبلة التاريخ .

انا اشبه هذا القرار الكبير بلكمة يمينية مباشرة من لكمات اسطورة الملاكمة محمد علي كلاي
بوجه العشرات من تحدوه وكانت نهايتهم السقوط على ارض الحلبة في الدقائق الاولى من كل المباريات والكاميرات تنقل صورة الملاكم وهو ممدد على الارض ويدي حكم المباراة تعد العشرة لتطلق على الملاكم الساقط طلقة الرحمة باعلان فوز كلاي وخسارة من تحداه.

ها نحن اليوم سمعنا الحكم وقد انهى الرقم ( 10 ) وقد اعلن خسارة النظام المللي المتهاوي وفوز مجاهدي خلق ...

وانا اسال اليوم ماذا يعني صدور هذا القرار ؟ والجواب بسيط جدا ... هذا القرار يعني الاعتراف الكامل والمفتوح بشرعية مجاهدي خلق ويفتح امامها ابواب اسقاط نظام طهران المتخلف , والقرار ايضا يعني سحب الشرعية الزائفة من تحت قدمي نظام ولي الفقيه .... وماذا بعد ذلك ايضا ؟ نقول ببساطة شديدة القرار يعني ايضا الانتصار لعدالة مطالب الشعب العراقي البطل عندما طالبت كل رموزه الوطنية وقياداته العشائرية والاجتماعية بكل الوانها الشيعية والسنية والعربية و الكردية و التركمانية ... بانهاء تدخل نظام طهران المتخلف في العراق واخرها مطالبة عشائر جنوب العراق الامم المتحدة لارسال لجنة تحقيق لتقصي الحقائق حول الجرائم التي يرتكبها هذا النظام باسم الشيعة زورا وبهتانا .

ماذا يعني هذا القرار ايضا ؟ القرار يعني ان مجاهدي خلق ستشارك في استئصال واجتثاث الحرس الثوري وفيلق قدس المصنفان ارهابيان ... حيث المجتمع الدولي باجمعه مطالب الان بانهاء دور العصابات التي خطفت ايران و المنطقة ...

ماذا بعد ذلك كله ... بلاشك سياتي اليوم الذي سترفع به مجاهدي خلق العلم الايراني الحر ليتمتع الشعب الايراني بحريته وتعيش المنطقة باسرها بالامان الذي سينعكس خيرا علة كل الاقليم .

[العمــــــده]

رابط الموضوعhttp://www.iraq-na.com/index.php?sec=articles&act=view_article&id=801

[حزب الله]

يا إخي أتعجب من كلامك ...مع إحترامي
يعني ليش مجاهدي خلق خوش عالم ... تعرف شنو الجرائم اللي سووها بحق العراقيين ... و هذا مو كلامي هذا كلام الأستاذ سليم عبد الله من الحزب الإسلامي ... تعرف ورة ما حجة هذا الحجي وكال لازم نطلع مجاهدي خلق من العراق ... ورة يومين كتلوا أخوتة بديالى ... كونك ما تحب النظام الإيراني وتعتبرة مجرم مو معناها تبرر جرائم المجرمين و تحولهم إلى قوة و طنية و كأنهم المخلص وراح ينظفون العراق ... إذا أكو مشاكل بالعراق من ورة الإيرانيين فنصها بسبب مجاهدي خلق .... أما ليش المحكمة رفعتها من القائمة... معروفة أمريكا و إنكلترا من تريد ترهم سالفة ... و صدكوني راح تظل أمريكا تحول العراق ساحة لتصفية حساباتها وية إيران و مثل ما دخلوا صدام حرب 8 سنيين الله يستر من الحرب الجاية إذا ظلينا بهاي العقلية .....
تحياتي ...

[&البغدادية&]

في نعشه الذي سيدفن به قريبا في مزبلة التاريخ
والله يا اخ عماد هاي يحتجلها بخت

والله يخلصنا من الحتلال اليراني

وشكرا على نقل الموضوع::49::

[M A T R I X]

يا إخي أتعجب من كلامك ...مع إحترامي

يعني ليش مجاهدي خلق خوش عالم ... تعرف شنو الجرائم اللي سووها بحق العراقيين ... و هذا مو كلامي هذا كلام الأستاذ سليم عبد الله من الحزب الإسلامي ... تعرف ورة ما حجة هذا الحجي وكال لازم نطلع مجاهدي خلق من العراق ... ورة يومين كتلوا أخوتة بديالى ... كونك ما تحب النظام الإيراني وتعتبرة مجرم مو معناها تبرر جرائم المجرمين و تحولهم إلى قوة و طنية و كأنهم المخلص وراح ينظفون العراق ... إذا أكو مشاكل بالعراق من ورة الإيرانيين فنصها بسبب مجاهدي خلق .... أما ليش المحكمة رفعتها من القائمة... معروفة أمريكا و إنكلترا من تريد ترهم سالفة ... و صدكوني راح تظل أمريكا تحول العراق ساحة لتصفية حساباتها وية إيران و مثل ما دخلوا صدام حرب 8 سنيين الله يستر من الحرب الجاية إذا ظلينا بهاي العقلية .....

تحياتي ...


اخوية حزب الله اني واحد من الناس اعتبر هاي منظمة دخيله في العراق بس ذكرت احد اعضاء الحزب الاسلامي و ردت اكلك اذا اكو ناس قذرة همة الحزب الاسلامي و ماريد اذكرها لان اشتغلت بشركة تابعة لاحد عناصر هذا الحزب في الاردن . المحسوب على اهل السنة و ماريد احجي الي شفته و الاملاك الي عنده هذا الحقير طارق الهاشمي و اعضاء كثر بالحكومة بالاردن من عمارات و فلل و ماشابه ذلك حزب يعتبر من اكثر الاحزاب العفنة في العراق مقارنة بالاحزاب الدينية الاخرى .

تحياتي الحارة اخوية

[كلكامش]

يا إخي أتعجب من كلامك ...مع إحترامي

يعني ليش مجاهدي خلق خوش عالم ... تعرف شنو الجرائم اللي سووها بحق العراقيين ... و هذا مو كلامي هذا كلام الأستاذ سليم عبد الله من الحزب الإسلامي ... تعرف ورة ما حجة هذا الحجي وكال لازم نطلع مجاهدي خلق من العراق ... ورة يومين كتلوا أخوتة بديالى ... كونك ما تحب النظام الإيراني وتعتبرة مجرم مو معناها تبرر جرائم المجرمين و تحولهم إلى قوة و طنية و كأنهم المخلص وراح ينظفون العراق ... إذا أكو مشاكل بالعراق من ورة الإيرانيين فنصها بسبب مجاهدي خلق .... أما ليش المحكمة رفعتها من القائمة... معروفة أمريكا و إنكلترا من تريد ترهم سالفة ... و صدكوني راح تظل أمريكا تحول العراق ساحة لتصفية حساباتها وية إيران و مثل ما دخلوا صدام حرب 8 سنيين الله يستر من الحرب الجاية إذا ظلينا بهاي العقلية .....

تحياتي ...


::13::::13::::13::

[العمــــــده]

الف شكر اكم اخوان ولشاركاتكم بس اطي ملاحضه ان الامريكان لهم السلطه الاولى في جعل منظمه ارهابيه او لا وليس بمستبعد ان يجعل جيش المهدي جيش ارهابي (طبعا مو كلها)

[وتر الحب الحزين]

الف شكر اكم اخوان ولشاركاتكم بس اطي ملاحضه ان الامريكان لهم السلطه الاولى في جعل منظمه ارهابيه او لا وليس بمستبعد ان يجعل جيش المهدي جيش ارهابي (طبعا مو كلها)
بغض النضر عن الموضوع ككل بس حبيت اسال الاخ سؤال اذا جيش المهدي جيش ارهابي والاقتناعي والايماني المطلق بهذه التسمية فماذا يقول الاخ صاحب الموضوع عن الجيش الاسلامي وجيش الراشدين وجيش عمر وجيش محمد العاكول ماذا برئيك هؤلاء !!؟ .. ممكن الاجابة مع التحية

[العمــــــده]

تسميه الارهاب اخي العزيز لدينا ممتده من التعريف الامريكي عند تسألني عن جهات قاومت الامريكان ________فقط______ اقول لك ان التسميه السياسيه توجه لها اعلاميا ارهابيا بمعنى الكلمه اما المحــــسوبين على جيش المهدي والذين شوهو جهات معرووفه شعبيا من اهلنا بالجنوب فهؤلاء تعنيهم الكلمه ميه بلميه...

[M A T R I X]

بغض النضر عن الموضوع ككل بس حبيت اسال الاخ سؤال اذا جيش المهدي جيش ارهابي والاقتناعي والايماني المطلق بهذه التسمية فماذا يقول الاخ صاحب الموضوع عن الجيش الاسلامي وجيش الراشدين وجيش عمر وجيش محمد العاكول ماذا برئيك هؤلاء !!؟ .. ممكن الاجابة مع التحية


بعد اذنك اخوية العزيز ( عماد الراوي ) راح اجاوب الاخ

اخي الجهة الوحيدة الي افتخر بيها هي مقاومة حقيقة ماعليها اي غبار تقاوم الاحتلال هي الجيش الاسلامي و الجيش الاسلامي تنظيم عراقي بحت و لا عربي واحد بيي جميع عملياته خارج المدن و تحشد المواطنين وحتى انتحاريين لا يوجد له و لا مفخخات بمناطق مكتضة بالسكان و ارجوا اذا يوجد العكس تعطينا دليل . واذا تريد تقارن العمليات الي قام بيها الجيش خلال فترة تاسيسه يعني منريد ابلاغ الاف العمليات و مصورة و تكدر تشوفها بمواقع الفديو ( اليتوب ) زين كلي هذا جيش المهدي شسوا ؟ . . اني اكلك شسواا حلل الحشيشة عليه و حرمها على غيره حرم الاعراس تدخل بأمور الناس الشخصية ناصر طائفة على طائفة اخرى اي حس وطني ماعنده وتاسس على اساس مذهبي زين منو افراد الجيش اطفال خريجي سجون مكبسليين والقائمة اطول . الجيش الاسلامي جاي يحارب القاعدة و اكو منتديات تكدر تشوف عمليات الغضب على عناصر القاعدة و منهجية الجيش ليست منهجية اسلامية بأقائمة دولة اسلامية مثل القاعدة او جيش المهدي . واجب الجيش قتال الامريكان و المتعاونين مع الاحتلال و حتى القنصل الايراني اطلقوا سراحه عندما لم تثبت عليه ادانه بعد اكو اكثر من هذا الشي . . اتحداك اتجيب اي خبر يكول هذا الجيش قتل عراقي بسبب لبسه او طائفته او حتى دينه . تنظيم من ابناء الشعب لينصر المظلومين الذين تناست الحكومة عنهم او تغاضت عنهم لسبب او اخر كونهم من طائفة اخرى .بينما اكو تنظيمات اخرى بيها جهات مشبوهة هذا محد ينكره .
واذا جيش المهدي قام باي عمليه ضد المحتل اني افتخر بي بس عملياته كلها على المدنيين العزل و الحمدو لله بانت طينتهم الحقيقية العفنة بما يفعلون بأبناء طائفتهم في البصرة العزيزة .. وايامهم اصبحت معدودة و راح يرجعون للجحور الي جانوا عايشين بيها.

ومثل مانت تفتخر بأي تنظيم حارب النظام السابق احنا النا الحق نتفاخر باي جهة معتدلة تحارب الاحتلال و من معه من المتعاونين حتى لو كانوا من ابناء الطائفة التي يتكون منها

تحياتي

[حزب الله]

اخوية حزب الله اني واحد من الناس اعتبر هاي منظمة دخيله في العراق بس ذكرت احد اعضاء الحزب الاسلامي و ردت اكلك اذا اكو ناس قذرة همة الحزب الاسلامي و ماريد اذكرها لان اشتغلت بشركة تابعة لاحد عناصر هذا الحزب في الاردن . المحسوب على اهل السنة و ماريد احجي الي شفته و الاملاك الي عنده هذا الحقير طارق الهاشمي و اعضاء كثر بالحكومة بالاردن من عمارات و فلل و ماشابه ذلك حزب يعتبر من اكثر الاحزاب العفنة في العراق مقارنة بالاحزاب الدينية الاخرى .



تحياتي الحارة اخوية


تحياتي أخوية ماتركس
مو كل أصابيعك سوة .... الشخص اللي ذكرتة برأيي شخص وطني و هو سليم عبد الله و آني متابع كلامة وهو شخص معتدل .... و ما أعتقد أكدر أقارنة بغيرة .....
مشكور وردة

[حزب الله]

بعد اذنك اخوية العزيز ( عماد الراوي ) راح اجاوب الاخ

اخي الجهة الوحيدة الي افتخر بيها هي مقاومة حقيقة ماعليها اي غبار تقاوم الاحتلال هي الجيش الاسلامي و الجيش الاسلامي تنظيم عراقي بحت و لا عربي واحد بيي جميع عملياته خارج المدن و تحشد المواطنين وحتى انتحاريين لا يوجد له و لا مفخخات بمناطق مكتضة بالسكان و ارجوا اذا يوجد العكس تعطينا دليل . واذا تريد تقارن العمليات الي قام بيها الجيش خلال فترة تاسيسه يعني منريد ابلاغ الاف العمليات و مصورة و تكدر تشوفها بمواقع الفديو ( اليتوب ) زين كلي هذا جيش المهدي شسوا ؟ . . اني اكلك شسواا حلل الحشيشة عليه و حرمها على غيره حرم الاعراس تدخل بأمور الناس الشخصية ناصر طائفة على طائفة اخرى اي حس وطني ماعنده وتاسس على اساس مذهبي زين منو افراد الجيش اطفال خريجي سجون مكبسليين والقائمة اطول . الجيش الاسلامي جاي يحارب القاعدة و اكو منتديات تكدر تشوف عمليات الغضب على عناصر القاعدة و منهجية الجيش ليست منهجية اسلامية بأقائمة دولة اسلامية مثل القاعدة او جيش المهدي . واجب الجيش قتال الامريكان و المتعاونين مع الاحتلال و حتى القنصل الايراني اطلقوا سراحه عندما لم تثبت عليه ادانه بعد اكو اكثر من هذا الشي . . اتحداك اتجيب اي خبر يكول هذا الجيش قتل عراقي بسبب لبسه او طائفته او حتى دينه . تنظيم من ابناء الشعب لينصر المظلومين الذين تناست الحكومة عنهم او تغاضت عنهم لسبب او اخر كونهم من طائفة اخرى .بينما اكو تنظيمات اخرى بيها جهات مشبوهة هذا محد ينكره .
واذا جيش المهدي قام باي عمليه ضد المحتل اني افتخر بي بس عملياته كلها على المدنيين العزل و الحمدو لله (هذا الحجي على القاعدة ) بانت طينتهم الحقيقية العفنة بما يفعلون بأبناء طائفتهم في البصرة العزيزة .. وايامهم اصبحت معدودة و راح يرجعون للجحور الي جانوا عايشين بيها.

ومثل مانت تفتخر بأي تنظيم حارب النظام السابق احنا النا الحق نتفاخر باي جهة معتدلة تحارب الاحتلال و من معه من المتعاونين حتى لو كانوا من ابناء الطائفة التي يتكون منها


تحياتي


أخوية ماتركس تحياتي ...
بس ما أريد أدخل مزايدات .... الجيش الإسلامي مشابه لحال جيش المهدي إذا مو أكثر إجراما ...
- مسألة الحشيشة المهدية أضحوكة و ما إلها أساس من الصحة ....و بينت للأخ آوس ... أما كون أكو يكبسلون فأكيد أكو أفراد ... و همة جزء من المجتمع ...
- جيش المهدي متورط بقتل السنة .. و الجيش الإسلامي متورط بقتل الشيعة ....
- جيش المهدي يضرب الأميركان بعنف في الزعفرانية و مدينة الصدر و الجنوب حتى تم التجميد للنشاط ... و الجيش الإسلامي توقف عن ضرب الجيش الأمريكي بعد أن دخل الصحوة و تحالف مع الأمريكان ...
- جيش المهدي مكون من أبناء العراق أيضا و إن كان فيهم ناس منحرفين .. و الجيش الإسلامي كذلك وكما قلت هو عراقي خالص و فيه من المنحرفين و أتباع النظام السابق و من الجيش السابق و أثاروا فتن منقطعة النظير ... و إن كنا قبلنا توبتهم فيجب أن نقبل من جيش المهدي تجميد نشاطة و نشد على يديه ناهيك أن في منطقة السيدية ساهم الجيش الإسلامي و جيش المهدي في تصفية القاعدة ....و لكن الجيش الإسلامي إنحرف عن المسار و ليس الجميع طبعا و قتلوا من العوائل الشيعية التي رجعت للسيدية ..
فإذا لماذا نبريء الجيش الإسلامي و نلقي بكل القذارة على جيش المهدي أليسوا وجهان لعملة واحدة ...

سلامي ياوردة ...::51::

[ameeral7ob]

ولو اني ما اعرف الموضوع وين والعراق وين؟؟
يعني امريكا وبريطانيا ارادت ان تسحب كلمة منظمة ارهابية من مجاهدي خلق لكي تساعده في يوم من الايام مثل ما المعارضة العراقية من اجوي وية الامريكان وخلوهم وسووهم نصبة للناس
واكو نقطة يمكن الكل ميعرفوه ترة مجاهدي خلق ببابهم اكو همر امريكية تحرسهم وقريب عليهم حتى طيارات
تصورون اهل العظيم يسكتون عنهم لو مو ؟؟
وبالنسبة للجيش الاسلامي اخ ماتركس اني شفت افلام ذبح ومدري شنو للجيش الاسلامي
وبالنسبة لجيش المهدي همين نفس الحالة
تعرفون ليش؟
هاي نتيجة الفوضى والرعاع من تصير بيدهم سلام وكلمن يشوف نفسه هوة الصحيح والباقي غليط
وارجع واكول شنو علاقة الموضوع بالعراق؟

[العمــــــده]

اشلون اخويه العراق مالله علاقه بجاهدي خلق اشلون وهو مخليي داخل اراضي من سنين والجماعه جانوا الورقه بيد صدام وكتها لتحريك الاوضاع الداخليه داخ ايران نفسها وهسه بعد الاحتلال نادى السياسيين المحسوبين على العراق والي همه نفسهم لازمين دفه العراق دعوا لمقاطعتها لكونها ارهابيه بينما هيه متكونه من ايرانيين معارضيين لحكم الاملالي الايراني....تحياتي الك اخويه لمرووورك على العمـــوم

[ودود الطبايع]

الجيش الاسلامي او جيش المهدي ثنينهم يعتبرون الارهاب سابقا والعمالة حاليا

::17::تحياتي للجميع::17::

[M A T R I X]

أخوية ماتركس تحياتي ...

بس ما أريد أدخل مزايدات .... الجيش الإسلامي مشابه لحال جيش المهدي إذا مو أكثر إجراما ...
- مسألة الحشيشة المهدية أضحوكة و ما إلها أساس من الصحة ....و بينت للأخ آوس ... أما كون أكو يكبسلون فأكيد أكو أفراد ... و همة جزء من المجتمع ...
- جيش المهدي متورط بقتل السنة .. و الجيش الإسلامي متورط بقتل الشيعة ....
- جيش المهدي يضرب الأميركان بعنف في الزعفرانية و مدينة الصدر و الجنوب حتى تم التجميد للنشاط ... و الجيش الإسلامي توقف عن ضرب الجيش الأمريكي بعد أن دخل الصحوة و تحالف مع الأمريكان ...
- جيش المهدي مكون من أبناء العراق أيضا و إن كان فيهم ناس منحرفين .. و الجيش الإسلامي كذلك وكما قلت هو عراقي خالص و فيه من المنحرفين و أتباع النظام السابق و من الجيش السابق و أثاروا فتن منقطعة النظير ... و إن كنا قبلنا توبتهم فيجب أن نقبل من جيش المهدي تجميد نشاطة و نشد على يديه ناهيك أن في منطقة السيدية ساهم الجيش الإسلامي و جيش المهدي في تصفية القاعدة ....و لكن الجيش الإسلامي إنحرف عن المسار و ليس الجميع طبعا و قتلوا من العوائل الشيعية التي رجعت للسيدية ..
فإذا لماذا نبريء الجيش الإسلامي و نلقي بكل القذارة على جيش المهدي أليسوا وجهان لعملة واحدة ...


سلامي ياوردة ...::51::


لا اخي اهنا صدك اختلف وياك اختلاف الشمس عن القمر ..

اخي انطيني دليل الجيش اسلامي قتل شيعة في اي منطقة من العراق الا اذا في حال هذا الشخص اذى ناس او تجسس لصالح الامريكان و طبعا الجيش في الانبار اعتقل قطاع الطرق في المدينة و حاسبهم على افعالهم و هذا حق مشروع اخي هذا تنظيم مقاوم و حق مشروع لاي بلد محتل حاله مثل حال فيلق بدر لمن كان يوجه الضربات للنظام السابق هاي فطرة انسانية لاي شخص يحس بظلم من اي جهة كانت اما بالنسبة لجيش المهدي اني مثل ماكتلك اني من سكنة الزعفرانية و خرجت من العراق صارلي سنتين وبالله الكريم ماذكر اي شي سواا جيش المهدي ضد الامريكان بس اذكر محلات الشرب حركوها و البانزين خانة سطروا عليها و مرات يضربون هاونات على الكلية العسكرية و حدة من الهاونات وكعت على اناس ابرياء يم السدة مال الكلية و استشهدوا يعني تنظيم غير منظم و اكثرية اطفال و مالهم اي خلفية عسكرية بس الطائفية عدهم فوق الممتاز بينما الجيش الاسلامي ضرباته موجعة للامريكان و تكدر تتطلع عليها بمواقع الفديو و عراقيين و حتى اذكر مرة كال حتى الشرطي مالنا شغل بي اذا كان يخدم المواطن بس المعتدي على المواطن هذا بحث اخر و
ومعلومة صغيرة الجيش الان في حالة ركود لان اكو مفاوضات بينه و بين الامريكان والامريكان طلبوا من الجيش التخلص من القاعدة لان القاعدة حتى هذا التنظيم كفرته و الامريكان تعهدوا الانسحاب الكامل من مدينة الانبار في حاله تنظيف المدينة من الارهاي القاعدي و هذا الي حصل و اتهم الجيش بالتعاون مع الامريكان والحجي يطول بهذا الموضوع واحجي عن معلومات مؤكدة والايام القادمة راح تثبت الك هذا

والك احلى تحية ابن محلتي
حزب الله الوردة

::57::::57::

[حزب الله]

لا اخي اهنا صدك اختلف وياك اختلاف الشمس عن القمر ..

اخي انطيني دليل الجيش اسلامي قتل شيعة في اي منطقة من العراق الا اذا في حال هذا الشخص اذى ناس او تجسس لصالح الامريكان و طبعا الجيش في الانبار اعتقل قطاع الطرق في المدينة و حاسبهم على افعالهم و هذا حق مشروع اخي هذا تنظيم مقاوم و حق مشروع لاي بلد محتل حاله مثل حال فيلق بدر لمن كان يوجه الضربات للنظام السابق هاي فطرة انسانية لاي شخص يحس بظلم من اي جهة كانت اما بالنسبة لجيش المهدي اني مثل ماكتلك اني من سكنة الزعفرانية و خرجت من العراق صارلي سنتين وبالله الكريم ماذكر اي شي سواا جيش المهدي ضد الامريكان بس اذكر محلات الشرب حركوها و البانزين خانة سطروا عليها و مرات يضربون هاونات على الكلية العسكرية و حدة من الهاونات وكعت على اناس ابرياء يم السدة مال الكلية و استشهدوا يعني تنظيم غير منظم و اكثرية اطفال و مالهم اي خلفية عسكرية بس الطائفية عدهم فوق الممتاز بينما الجيش الاسلامي ضرباته موجعة للامريكان و تكدر تتطلع عليها بمواقع الفديو و عراقيين و حتى اذكر مرة كال حتى الشرطي مالنا شغل بي اذا كان يخدم المواطن بس المعتدي على المواطن هذا بحث اخر و
ومعلومة صغيرة الجيش الان في حالة ركود لان اكو مفاوضات بينه و بين الامريكان والامريكان طلبوا من الجيش التخلص من القاعدة لان القاعدة حتى هذا التنظيم كفرته و الامريكان تعهدوا الانسحاب الكامل من مدينة الانبار في حاله تنظيف المدينة من الارهاي القاعدي و هذا الي حصل و اتهم الجيش بالتعاون مع الامريكان والحجي يطول بهذا الموضوع واحجي عن معلومات مؤكدة والايام القادمة راح تثبت الك هذا

والك احلى تحية ابن محلتي
حزب الله الوردة


::57::::57::


شلونك أخوية ماتركس
إنت إنسان موضوعي ... شلون تحجي هالحجي ... ليش هوة شنو الإعتماد على السيديات اللي يروجوها
تدري بالضبط نفس الحجي اللي حجيتة ...أنصار جيش المهدي يحجو ... هم يكولون ((جيش المهدي ما يقتل إلأ اللي عندة شي ... أكيد هذا مسوي شي فكتلوا ))... أما عن ضرب الأمريكان أخوية ... إنت معلوماتك كلش قديمة ... أكثر جماعة أوجعت الأمريكان خلال السنتين الفاتت همة جيش المهدي ... و لو مو قرار التجميد جان صارت معارك دامية بالزعفرانية ... العبوات الخارقة للدروع أذت الأمريكان بالزعفرانية لدرجة كل يوم ليلا الأمريكان يستخدمون طائرات الأباتشي و يمشطون المزارع و المناطق الفارغة بأطلاقات من العيار الثقيل ... لدرجة الناس ترجف ببيوتها ... ثاني يوم من تم تجميد النشاط بعد ما سمعنا طلقة وحدة ...
الجيش الإسلامي من صار صحوة بالسيدية و ديالى هم قتل ... و الأدهى و الأمر أنه كان حليف القاعدة و مشاركها بجرائمها و لو مو الخلاف اللي صار ... جان ضلوا دهن و دبس ... و إحنة هم نشد على إيدهم و نكول همزين الله هداهم و رجعوا للصواب شما يكون همة من أهل العراق و إن صلحوا غلطهم فهلا بيهم ... مثل ما نكول لجيش المهدي إن صلحتوا خطأكم و وقفتوا إثارة المشاكل هلا بيكم .... و هذا اللي صار ... أخي آني مهجر من السيدية و أعرف شنو نوع المشكلة الجانت القاعدة و الجيش الإسلامي جانوا موجودين .. بس الشهادة لله ما أكدر أكول همة و صلوا لأجرام القاعدة يعني شوية أحسن ....
تحياتي وردة::51::

[M A T R I X]

شلونك أخوية ماتركس

إنت إنسان موضوعي ... شلون تحجي هالحجي ... ليش هوة شنو الإعتماد على السيديات اللي يروجوها
تدري بالضبط نفس الحجي اللي حجيتة ...أنصار جيش المهدي يحجو ... هم يكولون ((جيش المهدي ما يقتل إلأ اللي عندة شي ... أكيد هذا مسوي شي فكتلوا ))... أما عن ضرب الأمريكان أخوية ... إنت معلوماتك كلش قديمة ... أكثر جماعة أوجعت الأمريكان خلال السنتين الفاتت همة جيش المهدي ... و لو مو قرار التجميد جان صارت معارك دامية بالزعفرانية ... العبوات الخارقة للدروع أذت الأمريكان بالزعفرانية لدرجة كل يوم ليلا الأمريكان يستخدمون طائرات الأباتشي و يمشطون المزارع و المناطق الفارغة بأطلاقات من العيار الثقيل ... لدرجة الناس ترجف ببيوتها ... ثاني يوم من تم تجميد النشاط بعد ما سمعنا طلقة وحدة ...
الجيش الإسلامي من صار صحوة بالسيدية و ديالى هم قتل ... و الأدهى و الأمر أنه كان حليف القاعدة و مشاركها بجرائمها و لو مو الخلاف اللي صار ... جان ضلوا دهن و دبس ... و إحنة هم نشد على إيدهم و نكول همزين الله هداهم و رجعوا للصواب شما يكون همة من أهل العراق و إن صلحوا غلطهم فهلا بيهم ... مثل ما نكول لجيش المهدي إن صلحتوا خطأكم و وقفتوا إثارة المشاكل هلا بيكم .... و هذا اللي صار ... أخي آني مهجر من السيدية و أعرف شنو نوع المشكلة الجانت القاعدة و الجيش الإسلامي جانوا موجودين .. بس الشهادة لله ما أكدر أكول همة و صلوا لأجرام القاعدة يعني شوية أحسن ....

تحياتي وردة::51::

والله يااخي هو و كلمن و معلوماته ورايه اني بالنسبة الي احترم هذا التنظيم لان ماشفت منه الا الخير وانت اذا لا يبقى رايك وهذا موضوع حساس و بي نقاش طويل و عريض .. اذا الله خلانا طيبين ونتشاوف
نتناقش بي وجه بوجه في بغداد الحبيبة
::ok::
. . . . . . . .
بس السيديات شي مرئي و عدهم موقع تكدر تتدخل و تشوف بي التصريحات و البيانات مالتهم

تحياتي اخوية العزيز

[AMEER ALROOM]

منافقي خلق مرتزقه ارهابيه قتلت ابناء الجنوب في الانتفاضه الشعبانيه واليوم هم في حماية الخنزير الامريكي وعند خروجه سيركل هؤلاء بالجزم من قبل الجيش العراقي البطل والشرطه

[العمــــــده]

منافقي خلق مرتزقه ارهابيه قتلت ابناء الجنوب في الانتفاضه الشعبانيه واليوم هم في حماية الخنزير الامريكي وعند خروجه سيركل هؤلاء بالجزم من قبل الجيش العراقي البطل والشرطه

زين ممكن سؤال شنو موقف حكومه مالكي حاليا بعد ماطلعوا مجاهدي خلق شرفاء ابعين الامريكان وبعدوا التهم منهم ..ليش ميداعي بحق الشعب العراقي الي يمكن على احجايتك ايام الانتفاضه تأذوا على ايديهم فقط اخويه اريد جواب صريح منك

[AMEER ALROOM]

زين ممكن سؤال شنو موقف حكومه مالكي حاليا بعد ماطلعوا مجاهدي خلق شرفاء ابعين الامريكان وبعدوا التهم منهم ..ليش ميداعي بحق الشعب العراقي الي يمكن على احجايتك ايام الانتفاضه تأذوا على ايديهم فقط اخويه اريد جواب صريح منك

هناك امور اهم من هذه الحثاله واعتقد السيد ابن بني مالك العربي الاصيل مشغول باامور اكثر اهميه ونحن لانقدس اشخاص غدا يذهب المالكي وياتي غيره والشعب هوه من يركلهم بالجزم
تحياتي::57::

[العمــــــده]

هناك امور اهم من هذه الحثاله واعتقد السيد ابن بني مالك العربي الاصيل مشغول باامور اكثر اهميه ونحن لانقدس اشخاص غدا يذهب المالكي؟؟ وياتي غيره والشعب هوه من يركلهم بالـــجزم
تحياتي::57::
اانا معك بهذه.....

[AlTaJeR]

اخوبه صاحب الموضوع ماكو اثنين يختلفون كون مجاهدي خلق منضمه لها سياسات مشبوه
ومحد يكدر ينكر هيه شسوت بالعراقيين واذا هيه اللي راح تسقط النضام بايران فهذا شي ماله اي منطق يعقل
اولا لا من حيث العدد او العده بس اذا امريكا العدوه اليوم صارت صديقتك باجر او من مبدا عدو عدوي صديقي ممكن ان تستفاد امريكا وبس امريكا من محاربه ايران على الاراضي العراقيه
وهذا الشي اللي اريدك تفكر شنو عواقب حرب بين امريكا وايران على الاراضي العراقيه

[мυѕтαfα αℓ3αиι]

بغض النضر عن الموضوع ككل بس حبيت اسال الاخ سؤال اذا جيش المهدي جيش ارهابي

اني اجاوبك بهذه الفديو

http://www.youtube.com/watch?v=p_PWEkeAII0

[العمــــــده]

تحياتي الك اخويه مصطفى العاني ولمرووورك ولمشاركتك القيمه وهو واضح وضوح الشمـــس

[حزب الله]

اني اجاوبك بهذه الفديو

http://www.youtube.com/watch?v=p_PWEkeAII0 (http://www.youtube.com/watch?v=p_PWEkeAII0)



مشكور أخوية و الله الفديو إجة بوكتة ...
أشو لا شفت جيش المهدي إعتدى على عزل و لا قتل أبرياء ... ديحارب جنبا إلى جنب مع القوات العراقية ... من أجل تطهير منطقة الفضل من العناصر الإرهابية التي كانت ترد بأطلاق نار كثيف ... أيام لم تكن فيها الصحوة موجودة ... و هذا دليل قاطع على إن جيش المهدي يعمل عمل الصحوات ...

تحياتي ...::ok::

[حزب الله]

والله يااخي هو و كلمن و معلوماته ورايه اني بالنسبة الي احترم هذا التنظيم لان ماشفت منه الا الخير وانت اذا لا يبقى رايك وهذا موضوع حساس و بي نقاش طويل و عريض .. اذا الله خلانا طيبين ونتشاوف

نتناقش بي وجه بوجه في بغداد الحبيبة
::ok::
. . . . . . . .
بس السيديات شي مرئي و عدهم موقع تكدر تتدخل و تشوف بي التصريحات و البيانات مالتهم


تحياتي اخوية العزيز


تحياتي أخوية و إن شاء الله نلتقي في بغداد ... و يعم الأمن والسلام ...
وتبقى المسألة مثل ما كلت معلومات ... و الله كريم ... الله راح ينتقم من كل مجرم ...هو وحدة أدرى بمن أجرم ... ولا يضيع حق أحد
مشكور أخوية العزيز::57::

[عراقي لكطع النفس]

سؤال للبعض عندما كان الحكيم وغيرة في ايران وهاجموا وفجروا في العراق قبل 2003 ..وهذا كلام صح وباعترف منهم ...ماالعيب والضير والاجرام والارهاب ان تاتي منطمة مجاهدي خلق وتعادي وتهاجم وتعمل في العراق مثلما عمل البعض في ايران ولازال طبعا ....لماذا الحكيم وغيرة حلل لة العمل ومعاداة ومهاجمة ومعارضة العراق من ايران ولايريد هذا لغيرة ...
تحياتي الك سيد عماد وشكرا على الخبر ...

[AlTaJeR]

اخويه والله الفيديو شي مشرف ودنشوف الجيش العراقي الباسل ديتلقى المساعده من الاهالي لردع الارهابين بالعكس هاي نقطه تنحسب الجيش المهدي

[العمــــــده]

اي مشاركه اخويه التاجر انته دشوف الموضوع ابتك عين اذا سمحتلي هذوله عصابات منظويه ويه الجيش وبلبس مدني....

[RAMII]

مااعرف تناقض الحكومة الصارخ في هذا القرار
كيف لا يعتبرون مجاهدي خلق منظمة ارهابية !! هل تناسو ما فعلوه للشعب ابان حقبة النظام البعثي !!!
واين مصالح الدولة العراقية مع الدولة الكبرى " ايران " !!! هناك تناقض !!
يبدو ان العراق سيلقب لعبة اقليم كردستان مع تركيا وهو مجاهدي خلق مع ايران !!!
من ناحية المصالح والاستراتيجية هنا اقول انا مع هذه الخطوة ومع القانون الدولي والقضائي اقول هذا خطأ واضح

[العمــــــده]

مااعرف تناقض الحكومة الصارخ في هذا القرار
كيف لا يعتبرون مجاهدي خلق منظمة ارهابية !! هل تناسو ما فعلوه للشعب ابان حقبة النظام البعثي !!!
واين مصالح الدولة العراقية مع الدولة الكبرى " ايران " !!! هناك تناقض !!
يبدو ان العراق سيلقب لعبة اقليم كردستان مع تركيا وهو مجاهدي خلق مع ايران !!!
من ناحية المصالح والاستراتيجية هنا اقول انا مع هذه الخطوة ومع القانون الدولي والقضائي اقول هذا خطأ واضح
تعرف لمذا لانهم اصلا يعملون وفق الخطة الامريكيه فأين غيرتهم على ضحايا الانتفاضه الشعبانيه حسب ماايقال انهم كانو من اسباب فشل الانتفاضه ...

[حزب الله]

اي مشاركه اخويه التاجر انته دشوف الموضوع ابتك عين اذا سمحتلي هذوله عصابات منظويه ويه الجيش وبلبس مدني....

أخوية الصحوات الآن منضوية وية الجيش و تلبس مدني ... و دمروا القاعدة و التكفيريين ... و رجعوا الإمان للمناطق الساخنة .... مشفت شي بالفديو دليل على الإجرام ... أو نعت عصابة بالقصد اللي أنت تريدة ...
تحياتي....::9::

[العمــــــده]

موأخوية الصحوات الآن منضوية وية الجيش و تلبس مدني ... و دمروا القاعدة و التكفيريين ... و رجعوا الإمان للمناطق الساخنة .... مشفت شي بالفديو دليل على الإجرام ... أو نعت عصابة بالقصد اللي أنت تريدة ...
تحياتي....::9::

اخويه العزيز الي موجود بالفديو من صور وتصوير هو مسجل من ايام الي تلت تفجير الامامين العسكرين وكتها لاصحوه ولا غفله موجوده والي جان بيه عصابات جيش المهدي هم ابطال الشوارع

[veto]

لعنه الله على حكام فارس وايران دنيا واخره كل المشاكل من وراهم

[العمــــــده]

لعنه الله على حكام فارس وايران دنيا واخره كل المشاكل من وراهم
الف شكر اخت فيتو ولمرووورك الكريــــم

[alduraasd]

jتريد نعجة اخذ بطة تريد بطة اخذ هايشة ضلو بهذي العقلية ضلو

[العمــــــده]

jتريد نعجة اخذ بطة تريد بطة اخذ هايشة ضلو بهذي العقلية ضلو

اوه هاي صعبه المعادله الجبريه........

[امير ابو الحب]

ثنينهم الحكومة الايرانية ومعارضتها دورها غير مشرف نهائيااااا بالنسبة للعراق...شنو الفائدة بالنسبة للعراقيين يرفعون اسمها من قائمة الارهاب وهيه عدها موقف نذل مسجل في اذية العراقيين في وقت الطاغية صدام وكل العراقيين يعرفوه والي ميعرف خلي يسال اخوانه العراقيين.. لو شنو هسه تابووو ورفعوهم من قائمة الارهاب!!!

[العمــــــده]

الف شكر اخ امير ولمرووورك,,,,,,,,,,

[ساهوك77]

وانا اسال اليوم ماذا يعني صدور هذا القرار ؟ والجواب بسيط جدا ... هذا القرار يعني الاعتراف الكامل والمفتوح بشرعية مجاهدي خلق ويفتح امامها ابواب اسقاط نظام طهران المتخلف , والقرار ايضا يعني سحب الشرعية الزائفة من تحت قدمي نظام ولي الفقيه .... وماذا بعد ذلك ايضا ؟ نقول ببساطة شديدة القرار يعني ايضا الانتصار لعدالة مطالب الشعب العراقي البطل عندما طالبت كل رموزه الوطنية وقياداته العشائرية والاجتماعية بكل الوانها الشيعية والسنية والعربية و الكردية و التركمانية ... بانهاء تدخل نظام طهران المتخلف في العراق واخرها مطالبة عشائر جنوب العراق الامم المتحدة لارسال لجنة تحقيق لتقصي الحقائق حول الجرائم التي يرتكبها هذا النظام باسم الشيعة زورا وبهتانا ..
كلامك صحيح ..... عاشت ايدك يا ابن عمي ...... هههههههه

[ساهوك77]

ليش مجاهدي خلق خوش عالم ... تعرف شنو الجرائم اللي سووها بحق العراقيين ... و هذا مو كلامي هذا كلام الأستاذ سليم عبد الله من الحزب الإسلامي ...

مع احترامي الك والى استاذ سليم عبدالله ..... صحيح هم مو خوش اوادم .... بس المثل العراقي يگول اللي يشوف الموت يرضى بالصخونة .....
ومن يبقون هذولي مجاهدي خلق موجودين راح يسببون مصدر قلق لدجالي ايران وقوة ازعاج .... وقنبلة موقوتة في اي لحظة تنفجر .... أما ان تبقى الساحة خالية من معارضي الدولة الفارسية فهذا غير مقبول يعني راح ايران تلعب وتسرح بكيفها ....
وهناك سؤال الك اخي يعني شنو حلال يصير معارضة للمجرم صدام وحرام يصير معارضة للمجرمين في ايران

[ساهوك77]

لاصحوه ولا غفله
كلام لا اوافقك فيه .
الصحوة قضت على تنظيم القاعدة الذي كان سلاح بيد ايران لضرب المناطق المناوءة لمصالح ايران ولكي تبقى ساحة الحكم في العراق محصورة على الفئات الموالية لها .

[veto]

كلام لا اوافقك فيه .
الصحوة قضت على تنظيم القاعدة الذي كان سلاح بيد ايران لضرب المناطق المناوءة لمصالح ايران ولكي تبقى ساحة الحكم في العراق محصورة على الفئات الموالية لها .
كلامك منطقي احي الغزيز ......... الصحوه سلاح ذو حدين ايضأ

[veto]

العفو اكو مشكله عدي بالنقاط.........